Get Adobe Flash player

ບົດ​ຄວາມ​ໃໝ່​ສຸດ

ບຸກຄົນອອນໄລນ໌

ເຮົາມີ 38 ບຸກຄົນທົ່ວໄປ ອອນໄລນ

ເຊື່ອມຕໍ່ພວກເຮົາທີ່:

ຈຳນວນຜູ້ເຂົ້າເບິ່ງເວັບ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້341
mod_vvisit_counterມື້ວານ2306
mod_vvisit_counterອາທິດນີ້7518
mod_vvisit_counterອາທິດຜ່ານມາ6763
mod_vvisit_counterເດືອນນີ້35941
mod_vvisit_counterເດືອນຜ່ານມາ42398
mod_vvisit_counterທັງໝົດ3250493

ເຮົາມີ: 29 ບຸກຄົນທົ່ວໄປ ອອນໄລນ
Your IP: 54.196.33.246
 , 
ມື້ນີ້: ວັນ​ທີ 21 ຕ. ລ., 2017

ແຜນ​ທີ່​ຜູ່​ເຂົ້າ​ເບິ່ງ​ເວັບ

Locations of visitors to this page

 

ສົ່ງທ້າຍປີເກົ່າ ອວຍພອນປີໃໝ່

User Rating: / 0
ບໍ່ດີເລີຍດີທີສູດ 
Share
Font size:

ສົ່ງທ້າຍປີເກົ່າ ອວຍພອນປີໃໝ່

iconດາວໂຫຼດ/Download


ຂໍໃຫ້ທຸກຕົນທຸກຄົນໄດ້ຊີວິດໃໝ່ ໄດ້ຊີວິດປະເສີດເລີດຍິ່ງ, ຊີວິດປະເສີດ ຂໍໃຫ້ມີຂຶ້ນ ເກີດຂຶ້ນ ໃນວັນປີໃໝ່, 31 ເຄິ່ງໜຶ່ງ ທີ 1 ເຄິ່ງໜຶ່ງ, ສ່ວນບໍ່ດີ ຂໍໃຫ້ຕົກອອກໄປ ໃນວັນເກົ່າ ປີເກົ່າ, ສ່ວນດີ ຂໍຈົ່ງເກີດຂຶ້ນ ເກີດຂຶ້ນກັບທຸກຕົນທຸກຄົນ ຢູ່ໃນໂລກໜ່ວຍນີ້ ທັງເໝິດນຳກັນ, ບຸນອັນໃດທີ່ພໍ່ພຣະແມ່ພຣະມີ  ຂໍຈົ່ງນຳຊ່ວຍ ນຳໄປຊ່ວຍໃຫ້ຮອດໃຫ້ເຖິງ ໃຫ້ເໝິດທຸກຕົນທຸກຄົນ ໃນໂລກໜ່ວຍນີ້, ຜູ່ຍັງມີຊີວິດຢູ່ ທັງຜູ່ຍັງເຫຼືອແຕ່ວິນຍານ ຂໍໃຫ້ຫຼຸດໃຫ້ພົ້ນນຳກັນ ພົ້ນດ້ວຍຜົນບຸນເກົ່າຊ່ວຍ ພົ້ນດ້ວຍຜົນບຸນໃໝ່ຊ່ວຍ, ວັນນີ້ ຍັງເປັນວັນປີເກົ່າ ຍັງຢູ່ໃນເດືອນເກົ່າ ແຕ່ຈະຜ່ານໄປແລ້ວ ຍັງອີກບໍ່ພໍທໍ່ໃດຊົ່ວໂມງ ກໍຈະເຖິງປີໃໝ່ ວັນໃໝ່ ຂໍໃຫ້ທາຍາດທັງຫຼາຍ ສົ່ງທ້າຍປີເກົ່າ ສົ່ງຄວາມເສັຍອົກເສັຍໃຈອອກ! ສົ່ງຄວາມເຈັບຊໍ້າອອກ! ຄວາມທຸກຂ໌ກໍ້າກືນທັງຫຼາຍທັງປວງ ຂໍຈົ່ງສົ່ງອອກໃຫ້ໝົດ! ຢ່າໃຫ້ເຫຼືອໃຫ້ຄ້າງ! ຢ່າປະໄວ້! ຊີວິດເກົ່າເຄີຍເຜົາໄໝ້ ເຄີຍເສັຍອົກເສັຍໃຈ ເຄີຍຫຼັ່ງນໍ້າຕາ ເຄີຍຮັກຈົນທຸກຂ໌ ເຄີຍຊັງຈົນທຸກຂ໌ ເຄີຍຢາກໄດ້ຈົນລຳບາກ ເຄີຍຄິດກັງວົນ ເຄີຍຢ້ານ ເຄີຍໜັກອົກໜັກໃຈ ເຄີຍຄິດໄປຕ່າງໆ ນາໆ ເຄີຍປາກເຄີຍເວົ້າ ເຄີຍເວົ້າ ເຈົ້າເວົ້າຂ້ອຍ ເວົ້ານັ້ນເວົ້ານີ້ ເວົ້າໃນສິ່ງທີ່ບໍ່ດີ ບໍ່ເໝາະບໍ່ຄວນ ຈົ່ງສະຫຼະອອກ, ປີໃໝ່ ໃກ້ຈະມາເຖິງແລ້ວ ຂໍໃຫ້ທຸກຕົນທຸກຄົນ ຈົ່ງຕັ້ງໃຈຮັບເອົາສິ່ງດີໆ ເຂົ້າມາໃນຊີວິດ, ທັງຄວາມຄິດກໍຂໍໃຫ້ດີ, ຄວາມເວົ້າກໍຂໍໃຫ້ດີ ການກະທຳກໍຂໍໃຫ້ດີ ແລ້ວກໍຂໍໃຫ້ ຮັກກັນແພງກັນ ເມດຕາສົງສານກັນ, ຂອງບໍ່ດີ ຈົ່ງສົ່ງຄືນໃຫ້ທັມມະຊາດ ທັມມະຊາດໂລກໜ່ວຍນີ້, ໃຫ້ຮັບເອົາແຕ່ຂອງດີເຂົ້າມາ! ບໍ່ດີ ສະຫຼະອອກ! ດີ ຮັກສາໄວ້! ປີໃໝ່ຈຶ່ງຈະໂຊກດີ ໂຊກດີຕະຫຼອດໄປ! ຊີວິດໃໝ່ເຂົ້າມາປະຄອງໃຈ ປະຄອງກາຍ ກາຍໃຈ ກໍຈະມີ ແຕ່ຄວາມສຸຂ ທຸກຕົນທຸກຄົນຢູ່ໃນໂລກໜ່ວຍນີ້ ກໍຈະພອຍໄດ້ຮັບຜົນສຸຂ ພອຍໄປດ້ວຍ, ສຸຂອັນໃດ ບໍ່ເທົ່າເຮົາຮັກກັນ ດ້ວຍຄວາມ ເມດຕາສົງສານ, ສຸຂບໍ່ຢ້ານກັນລື່ນເຫຼືອ, ສຸຂເພື່ອແຜ່ ສຸຂຮູ້ຄ່າຮູ້ຄຸນກັນ, ສຸຂມັກສ້າງສາ ສຸຂຍ້ອນມັກພັດທະນາ, ສຸຂຖືກກອບ ຖືກກົດ ສຸຂອົດສຸຂທົນ ຈົນໃຫ້ເຈົ້າຂອງເຢັນ, ສຸຂເປັນບຸນ ສຸຂເປັນກຸສົນ ເປັນມະຫາກຸສົນ, ຂໍໃຫ້ທຸກຄົນໄດ້ຮັບ ຮັບນຳກັນ, ສຸຂສິ່ງນີ້ ມີຢູ່ໃນພຣະພຸທທະສາສນາ, ສຸຂຈາຄະໄດ້, ສຸຂເສັຍສະຫຼະໄດ້ ສຸຂເອື້ອເຟື້ອເພື່ອແຜ່, ຜົນທັງຫຼາຍນີ້ ຈະຕອບສະໜອງຄືນ.

 

ຂໍໃຫ້ທຸກຄົນ ທຸກໆ ຄົນ ຈົ່ງມີການສ້າງ ຈົ່ງມີການພັດທະນາເອົາ, ພັດທະນາເອົາເອງ, ຮັກ ຫ່ວງ ຫຶງ ຫວງ ໃຫ້ມີ ແຕ່ຂໍໃຫ້ມີໜ້ອຍ! ຮັກແທ້ ຮັກຈິງ ຂໍໃຫ້ມີເຕັມຫົວໃຈ, ຮັກໂອບເອື້ອອາລີ ຂໍໃຫ້ມີເຕັມໂລກໜ່ວຍນີ້, ຄວາມເມດຕາຂອງແມ່ພຣະ ຮູ້ຈາຄະສະຫຼະໄດ້ ຢາກໃຫ້ມີຢູ່ກັບທຸກຄົນ ໃນໂລກໜ່ວຍນີ້, ຢາກໃຫ້ມີຢ່າງເຕັມໆ, ມີແລ້ວ ຈະມີແຕ່ສຸຂ, ເຖິງຈະມີທຸກຂ໌ ມາກມາຍຫຼາຍພຽງໃດ ຄວາມທຸກຂ໌ ກໍບໍ່ສາມາດທັບເຕັງເອົາໄດ້, ທຸກຂ໌ທັງຫຼາຍທັງປວງ ເຮົາຕ້ອງສູ້ ສູ້ໃຫ້ຜ່ານ, ໃນເມື່ອຜ່ານໄດ້ແລ້ວ ເຮົາຈິ່ງຈະຮູ້ເອງ, ຮູ້ໄດ້ວ່າ ມັຄຜົນມີຈິງ, ສິ່ງທີ່ເຮົາເຮັດເຮົາທຳ ສິ່ງທີ່ເຮົາເວົ້າເຮົາຄິດ ສິ່ງທີ່ເຮົາຕໍ່ເຕີມເສີມສ້າງ ສິ່ງທີ່ເຮົາລ້າງເຮົາຜັດ ເຮົາຈັດສັນ ເຮົາພັດທະນາ ເຮົາສາມາດໄດ້ຮັບຜົນທັງເໝິດ, ເຮົາເອງເປັນຜູ່ທຳໃຫ້ເຮົາເອງພົ້ນ ເຮົາເອງເປັນຜູ່ຊ່ວຍເຮົາເອງ ເຮົາສາມາດ ຊ່ວຍເຮົາໄດ້ ເຮົາທຸກຄົນຢູ່ໃນໂລກໜ່ວຍນີ້ ຢູ່ໃນໂລກໜ່ວຍດຽວກັນນີ້ ເຕັມໄປດ້ວຍຄວາມໂອບເອື້ອອາທອນ ຂອງທັມມະຊາດ, ທັມມະຊາດໂລກໜ່ວຍນີ້ ທຸກຄົນມີສິດໄດ້ ໄດ້ຂອງຂວັນຈາກທັມມະຊາດ ທັມມະຊາດຄອຍມອບໃຫ້.

 

ຂໍໃຫ້ທຸກຄົນ ຈົ່ງຍິນດີເສີມສ້າງ! ສ້າງສາພັດທະນາ! ສ້າງກາຍ, ສ້າງວາຈາ, ສ້າງໃຈ ສ້າງໃນວັນທີ 1 ເລີ້ມຕົ້ນໄປ ຈົນໄປຮອດ ຊົ່ວກາລະນານ.  ສ້າງເຖີດ ສ້າງນຳກັນເຖີດ! ຊາວລາວຊວນສ້າງ ຄົນລາວຊວນສ້າງ, ແມ່ພຣະຊວນສ້າງ ສ້າງນຳກັນເຖີດ! ສ້າງ ຄຸນງາມ ສ້າງຄວາມດີ, ສ້າງສິ່ງດີໆ ໃສ່ຊີວິດ, ສ້າງຄວາມຮູ້ສຶກ ສ້າງຄວາມນຶກຄິດໃໝ່, ສ້າງດ້ວຍຄວາມລະນຶກ ສ້າງດ້ວຍ ຄວາມຮູ້ສຶກຕົວ, ສ້າງດ້ວຍການພິນິດ ສ້າງດ້ວຍການພິຈາລະນາ, ສ້າງສະຕິສຳປະຊັນຍະ, ສ້າງວັນນີ້ ຈະໄດ້ອາສັຍໃນວັນໜ້າ ແລະ ວັນຕໍ່ໄປ, ສ້າງພຣະຜູ່ປະຄອງໃຈ.  

 

ຂໍໃຫ້ທຸກຕົນທຸກຄົນ ຈົ່ງຍິນດີສ້າງພຣະຢູ່ທີ່ກາຍເຈົ້າຂອງ, ສ້າງເຈົ້າຂອງໃຫ້ເປັນພຣະ ສ້າງພຣະຢູ່ໃນກາຍເຈົ້າຂອງ, ສ້າງເຖີດ! ຟ້າວສ້າງນຳກັນເຖີດ! ແມ່ພຣະຈະພາສ້າງ.

 

ວັນທີ 31 ທັນວາ 2015, ເວລາ 14:28-15:07 ໂມງ.  ໃຊ້ເວລາສົ່ງອອກ ແລະ ຈົດຂຽນໄວ້ 39 ນາທີ

ຜູ່​ຮັບ​ຈົດ​ຂຽນໄວ້ ແລະ ຕີພິມ ທ່ານ ຄຳສອນ ຫຼັກໄມຕຣີ,

​ໂທລະ​ສັບ: (856-20) 222 111 40,

E-mail:klakmaitry@gmail.com;

 

Share
comments

ສະແດງຄວາມຄິດເຫັນໃນຂ່າວນີ້


Security code
Refresh