Get Adobe Flash player

ບົດ​ຄວາມ​ໃໝ່​ສຸດ

ບຸກຄົນອອນໄລນ໌

ເຮົາມີ 108 ບຸກຄົນທົ່ວໄປ ອອນໄລນ

ເຊື່ອມຕໍ່ພວກເຮົາທີ່:

ຈຳນວນຜູ້ເຂົ້າເບິ່ງເວັບ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້3056
mod_vvisit_counterມື້ວານ3550
mod_vvisit_counterອາທິດນີ້6606
mod_vvisit_counterອາທິດຜ່ານມາ9376
mod_vvisit_counterເດືອນນີ້24708
mod_vvisit_counterເດືອນຜ່ານມາ44241
mod_vvisit_counterທັງໝົດ3338811

ເຮົາມີ: 98 ບຸກຄົນທົ່ວໄປ ອອນໄລນ
Your IP: 54.90.159.192
 , 
ມື້ນີ້: ວັນ​ທີ 12 ທ. ວ., 2017

ແຜນ​ທີ່​ຜູ່​ເຂົ້າ​ເບິ່ງ​ເວັບ

Locations of visitors to this page

 

ຄວນ​ເອົາ​ໃຈ​ໃສ່​ໃນ​ການ​ປະ​ຕິ​ບັດ

User Rating: / 1
ບໍ່ດີເລີຍດີທີສູດ 
Share
Font size:

ຄວນ​ເອົາ​ໃຈ​ໃສ່​ໃນ​ການ​ປະ​ຕິ​ບັດ

iconດາວໂຫຼດ/Download


ຂໍ້​ທີ 1.

ຕ້ອງ​ໃຫ້​ເອົາ​ໃຈ​ໃສ່​ໃນ​ການ​ປະ​ຕິ​ບັດ ສຳ​ລັບ​ຜູ່​ເຂົ້າ​ມາ​ປະ​ຕິ​ບັດ ແລະ​ໃຫ້​ເບິ່ງ​ໂຕ​ເອງ​ ເອົາ​ໃຈ​ໃສ່​ນຳ​ໂຕ​ເອງ​ ໃຫ້​ໄດ້​ຫຼາຍ​ຂຶ້ນ​ທີ່​ສຸດ ພ້ອມ​ດ້ວຍ​ຟ້າວ​ໄຄວ່ຄວ້າ ​ຟັກ​ໄຝ່ ເອົາ​ໃຈ​ໃສ່​ໃນ​ມັຄ​ໃນ​ຜົນ ບໍ່​ໃຫ້​ເຮັດ​ຄື​ເກົ່າ ບໍ່​ໃຫ້​ເອົາ​ແຕ່​ເວລາ​ຮອດ​ແລ້ວ​ເລີກ ຕ້ອງ​ໃຫ້​ເອົາ​ໃຈ​ໃສ່​ແບບ​ພິ​ເສດ ເປັນ​ພິ​ເສດ ໃຫ້​ເຮັດ​ແທ້​ທຳ​ຈິງ ໃຫ້​ຊ່ວຍ​ຕົນ​ເອງ​ໃຫ້​ໄດ້​ເຖິງ​ທີ່​ສຸດ ເພາະ​ວ່າ​ເຮົາ​ມີ​ໂອ​ກາດ​ໜ້ອຍ ເວລາ​ເຮົາ​ຍັງ​ເຫຼືອ​ໜ້ອຍ ເວລາ​ເຮົາ​ຍັງ​ເຫຼືອ​ບໍ່​ຫຼາຍ ຂໍ​ໃຫ້​ທຸກ​ຕົນ​ທຸກ​ຄົນ ຂໍ​ໃຫ້​ທຸກ​ຕົນ​ທຸກ​ຄົນຈົ່ງ​ຮີບ​ຈົ່ງ​ຟ້າວ​ນຳ​ກັນ ຈົ່ງ​ເຜື່ອ​ແຜ່​ກັນ ເພື່ອ​ໃຫ້​ໄດ້​ສິ່ງ​ດີໆ ​ເຂົ້າ​ມາ​ຮອງ​ຮັບ​ໃນ​ຊີ​ວິດ ເພື່ອ​ໃຫ້​ໄດ້​ບຸນໃຫ້​ໄດ້​ກຸ​ສົນ ໃຫ້​ໄດ້​ມັຄໃຫ້​ໄດ້​ຜົນ ໃຫ້​ໄດ້​ຍານ​ຮູ້​ແຈ້ງ ໃຫ້​ແຈ້ງ​ຂຶ້ນ ​ແຈ້ງ​ຂຶ້ນ​

 

ຂໍ້​ທີ 2.

ຂໍ​ໃຫ້​ທຸກ​ຕົນ​ທຸກ​ຄົນ​ຈົ່ງ​ຄິດ​ວ່າ ເຮົາ​ມາ​ເຖິງ​ແລ້ວເຖິງ​ທີ່​ແລ້ວ ຊ່ວຍ​ກັນ​ສ໋າ​! ພະ​ຍາ​ຍາມ​ຊ່ວຍ​ກັນ​ໃຫ້​ຫຼາຍ ຊ່ວຍ​ຕົນ​ເອງ​ໄປ​ພ້ອມ ຊ່ວຍ​ພ້ອມໆ​ກັນ ​ໄປ​ທັງ​ສອງ​ຝ່າຍ​ນັ້ນ​ແລ້ວ ຂໍ​ໃຫ້​ພິ​ນິດ​ພິ​ຈາ​ລະ​ນາ​ນຳ​ກັນ ພິ​ຈາ​ລະ​ນາ​ນຳ​ກັນ​ເບິ່ງ​ໃຫ້​ຖີ່​ຖ້ວນ ເບິ່ງ​ໃຫ້​ຮູ້​ວ່າ​ອັນ​ໃດ​ເປັນ​ອັນ​ໃດ​ ສ່ວນ​ໃດ​ເປັນ​ສ່ວນ​ເຮົາ​ ສ່ວນ​ໃດ​ເປັນ​ສ່ວນ​ເຂົາ​ ສ່ວນ​ໃດ​ເຮົາ​ຢືມ​ເຂົາ​ມາ​ ສ່ວນ​ໃດ​ເຮົາ​ຂໍ​ເຂົາ​ ສ່ວນ​ໃດ​ເຮົາ​ມີ​ຢູ່​ ສ່ວນ​ໃດ​ເຮົາ​ເພີ້ມ​ຂຶ້ນ​ເພີ້ມ​ຂຶ້ນ​

 

ຂໍ້​ທີ 3.

ເຮົາ​ທຸກ​ຄົນ ຈົ່ງ​ພາ​ກັນ​ເຮັດຈົ່ງ​ພາ​ກັນ​ທຳ​ສ໋າ​! ເພື່ອ​ໃຫ້​ທາງ​ໃນ​ຂອງ​ເຮົາ​ຮູ້​ຂຶ້ນ ​ແຈ້ງ​ຂຶ້ນ ສະ​ຫວ່າງ​ຂຶ້ນ ເພື່ອ​ໃຫ້​ເໝິດ​ທຸກ​ຊິ້ນ​ທຸກ​ສ່ວນ​ ທຸກ​ພາກ​ສ່ວນ​ ຮູ້​ແຈ້ງນຳ​ກັນ ຮູ້​ເຂົ້າ​ໃຈ​ນຳ​ກັນ ສ່ວນ​ຂອງ​ເຮົາ​ກໍ​ຄື​ຝ່າຍ​ທາດ ກໍ​ຄື​ຝ່າຍ​ຂັນ​ທ໌ ຂັນ​ທ໌​ທັງ​ຫ້າ​ເຮົາ​ນີ້​ແລ້ວ ຂັນ​ທ໌​ທັງ​ຫ້າ​ເຮົາ​ນີ້​ ມີ​ພຽງ​ແຕ່​ເກີດ​ມາ​ ແລ້ວ​ກໍ​ດັບ ສັບ​ປ່ຽນ​ ວຽນ​ວົນ​ ກັນ​ຢູ່​ແບບ​ນີ້​!

 

ຂໍ້​ທີ 4.

ຂໍ​ໃຫ້​ພວກ​ເຮົາ​ທັງ​ຫຼາຍ ຈົ່ງ​ພາ​ກັນ​ພາກ​ພຽນ​ພະ​ຍາ​ຍາມ ພະ​ຍາ​ຍາມ​ເຮັດພະ​ຍາ​ຍາມ​ສ້າງ ສ້າງ​ເອົາ​ຄຸນ​ງາມ​ຄວາມ​ດີ ສ້າງ​ເອົາ​ຄວາມ​ຖືກ​ຕ້ອງ ສ້າງ​ເອົາ​ຄວາມ​ເໝາະ​ສົມ ສ້າງ​ໃຫ້​ເຮົາ​ເປັນ​ຜູ່​ກົມ​ກືນ​ກົມ​ກຽວ ບໍ່​ເກີ້​ເຂີນ ບໍ່​ໜ້າ​ຈືດ​ໜ້າ​ຈອຍ​ ໃນ​ຕອນ​ປະ​ເຊີນ​ກັບ​ສິ່ງໃດໆ​ ທັງ​ເໝິດ​ທັງ​ສິ້ນ​.

 

ຂໍ້​ທີ 5.

ຂໍ​ໃຫ້​ເຮົາ​ຈົ່ງ​ຄິດ​ວ່າ ບຸນ​ເຮົາ​ມີ​ແລ້ວ ເຮົາ​ຈິ່ງ​ມາ​ຮອດ​ມາ​ເຖິງ ແຕ່​ວ່າ​ໃຜໆ​ກໍ​ບໍ່​ແນມ​ເຫັນ​ບຸນ ບໍ່​ມີ​ໃຜ​ແນມ​ເຫັນ​ບຸນ ເພາະ​ວ່າ​ບຸນ​ເປັນ​ສິ່ງ​ທີ່​ຕາ​ແນມ​ເຫັນ​ບໍ່​ໄດ້ ບາບ​ກໍ​ຄື​ກັນ ມີ​ພຽງ​ແຕ່​ສະ​ທ້ອນ​ໃຫ້​ເຫັນ​ເທົ່າ​ນັ້ນ ເຫັນ​ດ້ວຍ​ປັນ​ຍາ ບຸນ​ກໍ​ຄື​ຄວາມ​ດີຄວາມ​ເຢັນ ເຢັນ​ສະ​ຫງົບ​ນິ້ງ​ຢູ່​ແຫ່ງ​ພາຍ​ໃນ ເຢັນ​ແບບ​ພໍ​ໃຈ​ກັບ​ທຸກ​ສິ່ງ​ທຸກ​ຢ່າງ ທັງ​ທາງ​ຝ່າຍ​ລົບ ທັງ​ທາງ​ຝ່າຍ​ບວກ ຍິນ​ດີ​ພໍ​ໃຈ​ໄດ້​ເໝິດ ເພາະ​ວ່າ​ຜູ່​ມີ​ບຸນ​ ຕ້ອງ​ພິ​ຈາ​ລະ​ນາ​ໄດ້ ມີ​ແກ້ວ​ແວ່ນ​ແຍງ​ເຫັນ ເຫັນ​ວ່າ​ອັນ​ໃດ​ເປັນ​ອັນ​ໃດ​ ເຫັນ​ວ່າ​ຄວນຫຼື​ບໍ່​ຄວນ​ ເຮົາ​ທັງ​ຫຼາຍ​ຕ້ອງ​ພະ​ຍາ​ຍາມ​ຝຶກ​ໃຫ້​ໄດ້ ໄດ້​ບຸນ​ໄດ້​ກຸ​ສົນ​ມາ​ຮອງ​ຮັບ ໄດ້​ແກ້ວ​ມະ​ນີ ມະ​ນີ​ໂຊດ ໂຊກ​ດີ​ຖ້າ​ໄດ້ ໂຊກ​ດີ​ຖ້າ​ໄດ້​ພົບ​ໄດ້​ພໍ້ ຂໍ​ໃຫ້​ເຮົາ​ທັງ​ຫຼາຍ​ ພໍ​ໃຈ​ນຳ​ກັນ​ເຖີດ​! ພໍ​ໃຈ​ນຳ​ກັນ​ທັງ​ເໝິດ​ທຸກ​ຄົນ​ດ້ວຍ​ກັນ​ເຖີດ​! ບຸນ ​ຄື​ເຢັນ ຄື​ສະ​ຫງົບ ຄື​ປົກ​ກະ​ຕິ ຄື​ດີ ຄື​ຊອບ ຄື​ປະ​ກອບ​ຊອບ​ທັມ ຄື​ທັມ​ມະ ຄື​ຢາ​ວິ​ເສດ ຄື​ເປັນ​ສິ່ງ​ດັບ​ເຫດ ເຫດ​ທີ່​ພາ​ໃຫ້​ທຸກ​ຂ໌​ທັງ​ຫຼາຍ​ທັງ​ປວງ, ຊ່ວຍ​ກັນ​ເຖີດ​! ຊ່ວຍ​ພາ​ກັນ​ຝຶກ​ປະ​ຕິ​ບັດ ຊ່ວຍ​ນຳ​ພາ​ນຳ​ກັນ ຊ່ວຍ​ແຍກ​ແຍະ ຊ່ວຍ​ຊີ້​ແຈງ​ອະ​ທິ​ບາຍ ຫຼາຍ​ຄົນ​ຈິ່ງ​ຊິ​ຮູ້ຈິ່ງ​ຊິ​ເຂົ້າ​ໃຈ​ນຳ​ກັນ ທັມ​ມະ​ເປັນ​ຢາ​ໂອ​ສົດ​ໄດ້ ທັມ​ມະ​ເປັນ​ຢາ​ຮັກ​ສາ​ ກາຍ​ ວາ​ຈາ​ ໃຈ ທັມ​ມະ​ສາ​ມາດ​ເຮັດ​ໃຫ້​ໃຈ​ດີ​ ໃຈ​ເຢັນ ເປັນ​ສຸ​ຂ​ໄດ້ ທຸກ​ຂ໌​ຫາຍ ສຸ​ຂ​ຈະ​ເກີດ ຄວາມ​ເປັນ​ຜູ່​ປະ​ເສີດ​ເລີດ​ຍິ່ງ​ກໍ​ຈະ​ເກີດ​ຂຶ້ນ​ມາ ເກີດ​ຂຶ້ນ​ມາ​ຄຸ້ມ​ຄອງ​ຊີ​ວິດ ຊີ​ວິດ​ກໍ​ຈະ​ມີ​ແຕ່​ຄວາມ​ສົດ​ໃສ ຊີ​ວິດ​ກໍ​ຈະ​ມີ​ແຕ່​ຄວາມ​ສົດ​ຊື້ນ ຊີ​ວິດ​ກໍ​ຈະ​ບໍ່​ຂ້ອງ​ບໍ່​ຄາ ບໍ່​ຄາ​ນັ້ນ ​ບໍ່​ຄາ​ນີ້​ມາ​ຜູກ​ມາ​ມັດ​ເອົາ ເພາະ​ວ່າ​ແຈ້ງ​ເໝິດ​ແລ້ວ ສະ​ຫວ່າງ​ເໝິດ​ແລ້ວ ເພາະ​ວ່າ​ໄດ້​ຮູ້​ໄດ້​ເຂົ້າ​ໃຈ ຊີ​ວິດ​ກໍ​ຈະ​ກາຍ​ເປັນ​ຜູ່​ມີ​ອິດ​ສະ​ລະ ມີ​ອິດ​ສະ​ລະ ຍ້ອນ​ວ່າ​ບຸນ​ກຸ​ສົນ​ຊ່ວຍ

 

ວັນທີ 10/04/2016, ເວລາ 06:20-06-49 ໂມງ, ໃຊ້ເວລາຈົດຂຽນໄວ້ 29 ນາທີ

ຜູ່​ຮັບ​ຈົດ​ຂຽນ ແລະຕີພິມໄວ້ຈາກ​ແມ່​ພ​ຣະ ດ​ຣ. ມະ​ນີ​ສົດ ແກ້ວ​ດາ​ລາ

​ໂທລະ​ສັບ​: (+856-20) 2222 8489, E-mail: manisothk@gmail.com;

 

Share
comments

ສະແດງຄວາມຄິດເຫັນໃນຂ່າວນີ້


Security code
Refresh