Get Adobe Flash player

ບົດ​ຄວາມ​ໃໝ່​ສຸດ

ບຸກຄົນອອນໄລນ໌

ເຮົາມີ 48 ບຸກຄົນທົ່ວໄປ ອອນໄລນ

ເຊື່ອມຕໍ່ພວກເຮົາທີ່:

ຈຳນວນຜູ້ເຂົ້າເບິ່ງເວັບ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້289
mod_vvisit_counterມື້ວານ561
mod_vvisit_counterອາທິດນີ້8027
mod_vvisit_counterອາທິດຜ່ານມາ6763
mod_vvisit_counterເດືອນນີ້36450
mod_vvisit_counterເດືອນຜ່ານມາ42398
mod_vvisit_counterທັງໝົດ3251002

ເຮົາມີ: 49 ບຸກຄົນທົ່ວໄປ ອອນໄລນ
Your IP: 54.158.212.93
 , 
ມື້ນີ້: ວັນ​ທີ 22 ຕ. ລ., 2017

ແຜນ​ທີ່​ຜູ່​ເຂົ້າ​ເບິ່ງ​ເວັບ

Locations of visitors to this page

 

​ຂໍ​ໃຫ້​ທຸກ​ຕົນ​ທຸກ​ຄົນ​ຕັ້ງ​ໃຈ​ຮັບ​ພອນພອນ​ຂອງ​ພຣະ​ສົ່ງ​ໃຫ້​ໃນ​ວັນ​ປີ​ໃໝ່

User Rating: / 2
ບໍ່ດີເລີຍດີທີສູດ 
Share
Font size:

ຂໍ​ໃຫ້​ທຸກ​ຕົນ​ທຸກ​ຄົນ​ຕັ້ງ​ໃຈ​ຮັບ​ພອນພອນ​ຂອງ​ພຣະ​ສົ່ງ​ໃຫ້​ໃນ​ວັນ​ປີ​ໃໝ່

 

 

ຂໍ​ໃຫ້​ໄດ້​ບຸນ​ໄດ້​ກຸ​ສົນ ໄດ້​ມັຄ​ໄດ້​ຜົນ ທັງ​ເໝິດ​ທຸກ​ຕົນ​ທຸກ​ຄົນ​ນຳ​ກັນ​! ວັນ​ນີ້​ເປັນ​ວັນ​ສົ່ງ​ທ້າຍ​ປີ​ເກົ່າ ຕ້ອນ​ຮັບ​ປີໃຫມ່ ຂໍ​ໃຫ້​ທຸກ​ຕົນ​ທຸກ​ຄົນ ຈົ່ງ​ໄດ້​ໂຊກ​ໄດ້​ໄຊ ໂຊກ​ກໍ​ຂໍ​ໃຫ້​ໄດ້ ໄຊ​ກໍ​ຂໍ​ໃຫ້​ໄດ້ ໃຫ້​ໄດ້ ​ໃຫ້​ມີໃຫ້​ລວຍນຳ​ກັນ​! ມີ​ເຖີດ​! ມີ​ນຳ​ກັນ​ທັງ​ເໝິດ​ເຖີດ​! ສະ​ໝັກ​ໃຈ​ຮັກ​ພຣະ ພຣະ​ຈິ່ງ​ມາ​ໂປຣດ ວັນ​ນີ້​ໃຫ້​ມີ​ແຕ່​ຜູ່​ມີ​ໂຊກ ໂຊກ​ເຂົ້າ​ມາ​ຊ່ວຍ​ເຖີດ​! ຊ່ວຍ​ນຳ​ກັນ​ທັງ​ເໝິດ​ທຸກ​ຕົນ​ທຸກ​ຄົນ​ດ້ວຍ​ເຖີດ ທີ່​ໄດ້​ມາ​ໃນ​ວັນ​ນີ້ ຄົນ​ໃດ​ໄດ້​ມາ​ ຂໍ​ໃຫ້​ມີ​ໂຊກ ຄົນ​ໃດ​ຍັງ​ບໍ່​ທັນ​ໄດ້​ມາ ກໍ​ໃຫ້​ມາ​ໃໝ່ ມາ​ໄວ​ກໍ​ໄດ້ ມາ​ຊ້າ​ກໍ​ໄດ້ ຂໍ​ແຕ່​ໃຫ້​ມາ ມາ​ພີ້​! ມາ​ແດນ​ແຫ່ງ​ທັມ​ພີ້​! ຂໍ​ໃຫ້ມາ​ເຖີດ​! ມາ​ຊ້າ​ ກໍ​ຍັງ​ດີກ​ວ່າ​ບໍ່​ໄດ້​ມາ ມາ​ວັນ​ນີ້​ກໍ​ດີ ມາ​ວັນ​ໜ້າ​ກໍ​ດີ ມາ​ສ໋າ​! ມາ​ເຖີດ​! ມາ​ຈົນ​ໝົດ​ທຸກ​ຕົນ​ທຸກ​ຄົນ ນຳ​ກັນ​ເຖີດ​! ຂໍ​ໃຫ້​ທຸກ​ຕົນ​ທຸກ​ຄົນ ຈົ່ງ​ໂຊກ​ດີ​ນຳ​ກັນ​ເຖີດ​! ຜູ່​ໄດ້​ມາ​ແລ້ວ​ກໍ​ດີ ຜູ່​ຍັງ​ບໍ່​ທັນ​ໄດ້​ມາ​ກໍ​ດີ ຂໍ​ໃຫ້​ດີ​ຕໍ່​ໄປ ດີ​ນຳ​ກັນ​ຕະ​ຫຼອດ​ໄປ ໄປ​ໃສ​ກໍ​ຂໍ​ໃຫ້​ໄດ້​ໄປ​ນຳ​ກັນ ຂຶ້ນ​ກໍ​ຂໍ​ໃຫ້​ໄດ້​ຂຶ້ນ​ນຳ​ກັນ ຢ່າ​ມີ​ໃຜ​ລົງ ຢ່າ​ລົງ​ທາງ​ຕ່ຳ ທາງຕ່ຳ​ຂໍ​ໃຫ້​ປິດ ປິດ​ທາງ​ຕ່ຳ​ໄດ້​ທັງ​ເໝິດ ເປີດ​ທາງ​ສູງ​ນຳ​ກັນ ມື້​ນີ້​ມາ​ເປີດ​ຄື້ນ​ສູງ ສະ​ຫຼອງ​ວັນ​ປີ​ໃໝ່ ມື້​ນີ້​ໃຫ້​ຈິດ​ໃສ ໃຫ້​ໃຈວ້​າງ ໃຫ້​ໄດ້​ຄວາມ​ສະ​ອາດ ໃຫ້​ໄດ້​ຄວາມ​ສະ​ຫວ່າງ ໃຫ້​ໄດ້​ຄວາມ​ສະ​ຫງົບ ໃຫ້​ໄດ້​ນຳ​ກັນ ນຳ​ກັນ​ທັງເໝິດ​ທຸກ​ຕົນ​ທຸກ​ຄົນ ຜົນ​ຈິງ​ ຂໍ​ໃຫ້​ເກີດ​ຂຶ້ນໃນ​ທຸກ​ຊີ​ວິດ​ຈິດ​ໃຈ ​ພາ​ວະ​ຮ່າງ​ກາຍ​ ທາດ​ຂັນ​ທ໌ ຜົນ​ອັນ​ໃດ ທີ່​ພາ​ໃຫ້ໄດ້​ໄປ​ເຖິງ​ເຊິ່ງ​ພຣະ​ນິ​ພ​ພານ ຈົ່ງ​ພາ​ກັນ​ໄດ້​ນຳ​ກັນ​! ສຸ​ຂ ​ກໍ​ຂໍ​ໃຫ້​ສຸ​ຂ ເຢັນ​ກໍ​ຂໍ​ໃຫ້​ເຢັນ ເຢັນ​ເປັນ​ດີ ສຸ​ຂ​ເປັນ​ຜົນ ຂໍ​ໃຫ້​ທຸກ​ຕົນ​ທຸກ​ຄົນ​ຈົ່ງ​ໄດ້ ໄດ້​ແລ້ວ​ ຈົ່ງ​ເຂົ້າ​ເຖິງ​ເຊິ່ງ​ພຣະ​ທັມ ພຣະ​ທັມ​ຢູ່​ໃນ​ກາຍ ກາຍ​ທຸກ​ຕົນ​ທຸກ​ຄົນ ຂໍ​ໃຫ້​ທຸກຕົນ​ທຸກ​ຄົນ​ ຈົ່ງ​ເຂົ້າ​ເຖິງ ເຂົ້າ​ເຖິງ​ໄດ້​ນຳ​ກັນ​ທັງ​ເໝິດ​ດ້ວຍ​ເຖີດ​! ຂໍ​ໃຫ້​ຮັກ​ກັນຂໍ​ໃຫ້​ແພງ​ກັນ ໃຫ້​ຫັນໃຫ້​ອວ່າຍ ໃຫ້​ຊ່ວຍ​ກັນ ຊ່ວຍ​ກັນ​ສ໋າ​! ຊ່ວຍ​ກັນ​ເຖີດ​! ພໍ​ແລ້ວ ຫາ​ມາ​ໄດ້​ຫຼາຍ​ແລ້ວ ທຸກ​ສິ່ງ​ທຸກ​ຢ່າງ​ທີ່​ເຮົາ​ມີ ເອົາ​ໄປ​ນຳບໍ່​ໄດ້​ດອກ ເຂົາ​ບອກ​ວ່າ​ໃຫ້​ເຮົາ​ຫາ ແຕ່​ເຮົາ​ບໍ່​ເຂົ້າ​ໃຈວ່​າ ເຂົາ​ຫາ​ເຮົາ ເຂົາ​ໃຊ້​ເຮົາ ເຂົາ​ເຫັນ​ເຮົາ​ເປັນ​ທາສ໌ ເຂົາ​ຈິ່ງ​ພາ​ກັນ​ໃຊ້​ເຮົາ ເຂົາ​ຢູ່​ໃນ​ກາຍ ກາຍ​ຂອງ​ເຮົາ ກາຍ​ຂອງ​ເຮົາ​ມີ​ເຂົາ ເຂົາ​ເປັນ​ຄົນ​ບອກ​ເຮົາ ເຂົາ​ສັ່ງ​ເຮົາ ເຂົາ​ວ່າ​ໃຫ້​ເຮົາ​ເຮັດ​ນັ້ນ​ເຮັດ​ນີ້ ເຮັດ​ໄປ​ຕາມ​ອຳ​ນາດ​ຂອງ​ເຂົາ ເຂົາ​ມີ​ແຕ່​ຢາກ​ໃຫ້​ເຮົາ​ເຮັດ ຢາກ​ໃຫ້​ເຮົາ​ທຳ​ນັ້ນທຳ​ນີ້ ຕາມ​ຄວາມ​ບໍ່​ຮູ້ຕາມ​ຄວາມ​ບໍ່​ແຈ້ງ​ຂອງ​ເຂົາ ເຮົາ​ທັງ​ຫຼາຍຈົ່ງ​ຊ່ວຍ​ເຮົາ​ເຖີດ​! ເຮົາ​ຄື​ຜູ່​ຮູ້ ຜູ່​ຮູ້​ຢູ່​ໃນ​ກາຍຂອງ​ເຮົາ ຜູ່​ຮູ້ຢູ່​ໃນໆ ໃນ​ຊີ​ວິດ​ຂອງ​ເຮົາ​ນີ້​ເອງ.  ເຮົາ​ທັງ​ຫຼາຍຈົ່ງ​ເອົາ​ໃຈ​ໃສ່​ ຕາມ​ເຂົ້າ​ໄປ​ຫາ​ຜູ່​ຮູ້​ເຖີດ​! ຜູ່​ຮູ້​ຂອງເຮົາ​ລໍ​ຄອຍ​ຢູ່ ລໍ​ຄອຍ​ເຮົາ​ຢູ່ ລໍ​ຄອຍ​ຢູ່​ຕະ​ຫຼອດ​ເວລາ ຂອງ​ດີ​ມີ​ຢູ່​ໃນ ຊ້ອນ​ຢູ່​ໃນ ຊ້ອນ​ແບບ​ຍະ​ຖາ​ກັມ​ພາ​ຊ້ອນ ຊ້ອນ​ດ້ວຍ​ສິ່ງ​ປິດ​ກັ້ນ ວັນ​ນີ້ ​ໄດ້​ຍິນ​ໄດ້​ຟັງ​ແລ້ວ ຂໍ​ໃຫ້​ພໍ​ໃຈ​ຮັບ​ເອົາ​ສ໋າ​! ຮັບ​ເອົາ​ເຖີດ​! ຮັບ​ເອົາ​ຄຳ​ສອນ​ຂອງ​ຜູ່​ຮູ້ ຜູ່​ຮູ້​ຢູ່​ໃນ​ຄື​ກັນ ແຕ່​ວ່າ​ມີ​ໂອ​ກາດ ໂອ​ກາດ​ພໍ​ມີກໍ​ເລີຍ​ໄດ້​ເປັນ​ເພັດ ເຊົາ​ເປັນ​ຜູ່​ຂີ້​ຖົມ ຂີ້​ບໍ່​ໄດ້​ຖົມ​ອີກ​ແລ້ວສຳລັບ​ພຣະ​ອົງ​ຄ໌​ນີ້ ຂີ້​ຂອງ​ເຮົາ​ຖົມ​ເຮົາ ຂີ້​ຂອງ​ເຮົາ​ເອງ​ຖົມ​ເຮົາ​ເອງ ຄົນ​ທັງ​ຫຼາຍ ມະ​ນຸດ​ທັງ​ຫຼາຍ​ບໍ່​ເຂົ້າ​ໃຈ​ຈຸດ​ນີ້ ຈຸດ​ທີ່​ວ່າ​ຂີ້​ຖົມ​ຂີ້​ທັບ ທັບ​ເອົາ​ພຣະ ທັບ​ໄວ້​ເຕັງ​ໄວ້ ຂໍ​ໃຫ້​ເຮົາ​ທັງ​ຫຼາຍເຂົ້າ​ໃຈວ່​າ ເຮົາ​ມາ​ຫຼົງ​ທາງ​ນຳ​ກັນ ເຮົາ​ມາ​ແຕ່​ດົນ​ແຕ່​ນານ​ແລ້ວ ນານ​ແສນ​ນານ​ແລ້ວ​, ຂໍ​ໃຫ້​ເຮົາ​ທັງ​ຫຼາຍຈົ່ງ​ເຂົ້າ​ໃຈວ່​າ ລືມ​ແລ້ວ ລືມ​ນຳ​ກັນ​ທັງ​ເໝິດ ເລື້ອງ​ເກົ່າ​ຂອງ​ເຮົາຈົບ​ໄປ​ແລ້ວ ຈົບ​ໄປ​ເປັນ​ຄົນ​ເປັນ​ຄົນ ເພາະ​ວ່າ​ອອກ​ຕໍ່​ກັນ​ມາ​ຫຼາຍ​ແລ້ວ ຂໍ​ໃຫ້​ເຮົາ​ທັງ​ຫຼາຍ​ນຳ​ກັນຈົ່ງ​ເຂົ້າ​ໃຈວ່​າ ຍັງ​ມີ​ເຫຼືອ​ກໍ​ພໍ​ເລັກ​ນ້ອຍ ບໍ່​ຫຼາຍ ຍ້ອນ​ວ່າ​ພັຍ​ພິ​ບັດ​ເກີດ​ຂຶ້ນ​ຫຼາຍ​ຄັ້ງ ຄັ້ງ​ໃດ​ກໍ​ບໍ່​ທຳ​ມະ​ດາ ຄັ້ງ​ໃດ​ກໍ​ພາ​ໃຫ້​ດັບ​ສູນ ສາບ​ສູນ ແຕ່​ກໍ​ເກີດ​ໄດ້​ຂຶ້ນ​ມາ​ໃໝ່ ເກີດ​ໄດ້ຍ້ອນ​ວ່າ ​ບຸນ​ກັມ​ແຕ່ງ ສອງ​ຢ່າງ​ນີ້​ແຕ່ງ ສອງ​ຢ່າງ​ນີ້​ເປັນ​ຜູ່​ໃຫ້​ເກີດ ເກີດ​ມາ​ໃໝ່ ກໍ​ຈື່​ໄດ້​ແຕ່​ພໍ​ຄ້າວໆ ຈື່​ຄື​ແບບ​ຝັນ ເໝືອນ​ກັບ​ຝັນ​ ແຕ່​ບໍ່​ແມ່ນ​ຝັນ ຂໍ​ໃຫ້​ພໍ​ໃຈ​ຮັບ​ເອົາ​ພອນ​ພຣະ​! ຮັບ​ເອົາ​ຄວາມ​ຮູ້​ຄວາມ​ເຂົ້າ​ໃຈ ຈະ​ໄດ້​ເປັນ​ບຸນ ຂໍ​ໃຫ້​ຮັບ​ເອົາ​ບຸນ​ເຖີດ​! ເປັນ​ບຸນ ເປັນ​ກຸ​ສົນ​ແກ່​ເຮົາ​ໄດ້ ກຸ​ສົນ​ຂອງ​ເຮົາ ເພາະ​ເຮົາ​ສະ​ຫຼາດ​ຂຶ້ນ ສະ​ຫຼາດ​ຂຶ້ນ​ນຳ​ກັນ ສະ​ຫຼາດ​ຕາມ​ພຣະ​ທັມ ຂໍ​ໃຫ້​ພາກັນ​ຄິດ ຄິດ​ເບິ່ງ​ວ່າ ໃຜ​ສອນ​ເຮົາ​? ເຮົາ​ເຄີຍ​ໄດ້ຍິນ​ບໍ່​ແບບ​ນີ້​? ຖ້າ​ເຮົາ​ຍັງ​ບໍ່​ທັນ​ເຄີຍ​ໄດ້​ຍິນ ກໍ​ຖື​ວ່າ​ເຮົາ​ໂຊກ​ດີ ໂຊກ​ດີ​ໃນ​ວັນ​ນີ້​ທີ່​ໄດ້​ຍິນ ໄດ້​ຍິນ​ຄຳ​ສອນ ຄຳ​ສອນ​ຂອງ​ພຣະ​! ພຣະ​ຢູ່​ໃນ​ກາຍ​ຄົນ ຢູ່​ໃນ​ກາຍ​ມະ​ນຸດ ພຣະ​ພຸ​ທ ພຣະ​ທັມ ພຣະ​ສົງ​ຄ໌ ຂໍ​ໃຫ້​ພາ​ກັນ​ຮູ້​ໄວ້ ຮູ້​ໄວ້​ສ໋າ ວ່າ​ເຮົາ​ມີ​ຄື​ກັນ ແຕ່​ເຮົາ​ບໍ່​ສາ​ມາດ​ລ້າງ​ເອົາ​ໄດ້ ຫົດ​ສົງ​ເອົາ​ໄດ້ ເຮົາ​ບໍ່​ສາ​ມາດ​ຊ່ວຍ​ເອົາ​ພຣະ​ຂອງ​ເຮົາ ຜູ່​ຢູ່​ໃນ​ກາຍ​ຂອງ​ເຮົາ​ໄດ້​.  ຂໍ​ໃຫ້​ເຮົາ​ທັງ​ຫຼາຍຈົ່ງ​ເຂົ້າ​ໃຈວ່າ ພຣະ​ຢູ່​ໃນ​ກາຍ​ຂອງ​ເຮົາ​ມີ ມີ​ນຳ​ກັນ​ທັງ​ເໝິດ​ທຸກ​ຕົນ​ທຸກ​ຄົນ ພາ​ກັນ​ຂຸດ​ເອົາ​ສ໋າ​! ຂຸດ​ເອົາ​ເຖີດ​! ຂຸດ​ເອົາ​ນຳ​ກັນ ​ທັງ​ເໝິດ​ທຸກ​ຕົນ​ທຸກ​ຄົນ​ເຖີດ​! ເອົາ​ສະ​ຕິ​ຂຸດ​! ເອົາ​ປັນ​ຍາ​ຂຸດ​! ເອົາ​ຄວາມ​ລະ​ນຶກ ເອົາ​ຄວາມ​ຮູ້​ສຶກ​ຂຸດ​! ເອົາ​ສະ​ມາ​ທິ​ຂຸດ ຂຸດ​ເອົາ​ພຣະ​ຢູ່​ໃນ​ກາຍ​ເຈົ້າ​ຂອງ​! ຂຸດ​ເອົາ​ນຳ​ກັນ​ເຖີດ​! ທັງ​ໄດ້​ມາ ທັງ​ບໍ່​ໄດ້​ມາ ທັງ​ໄດ້​ມາ​ໃນ​ວັນ​ນີ້ ທັງ​ບໍ່​ໄດ້​ມາ​ໃນ​ວັນ​ນີ້ ຢ່າ​ປະ​ພຣະ​ໄວ້​ຢູ່​ທີ່​ຕ່ຳ​! ຈົ່ງ​ຮັກ​ພຣະ​! ຈົ່ງ​ພາ​ພຣະ​ຂຶ້ນ​ມາ​ຢູ່​ໃນ​ຫົວ​ໃຈ​! ຫົວ​ໃຈ​ເຮົາຫົວ​ໃຈ​ເຮົາ​ເອງ​! ຊີ​ວິດ​ຂອງ​ເຮົາ ​ເຖິງ​ຈະ​ເປື້ອນ​ພຽງ​ໃດ ກໍ​ຂໍ​ໃຫ້​ເອົາ​ໃຈ​ໃສ່​ລ້າງ​ອອກ ຜັດ​ອອກ ຜັດ​ເອົາ​ແກ້ວ​ໃສໆ ຢູ່​ໃນ​ໂຕ​ຂອງ​ເຮົາ ໂຕ​ຂອງ​ເຮົາ​ມີ​ແກ້ວ​ອັນ​ລ້ຳ​ຄ່າ ເໜືອ​ຄ່າ ເໜືອ​ຄຸນ​ຄ່າ​ສິ່ງ​ອື່ນ​ໃດ ຂໍ​ໃຫ້​ພາ​ກັນ​ຂຸດ ຂໍ​ໃຫ້​ຂຸດ​ຈົນ​ພໍ້ ຂຸດ​ຈົນ​ພົບ ພົບ​ນຳ​ກັນ ພົບ​ນຳ​ກັນ​ສ໋າ ທາ​ຍາ​ຕພຣະ​ພຸ​ທ​ທະ​ສາ​ສະ​ໜາ​ເອີຍ​! ພົບ​ນຳ​ກັນ​ເຖີດ​! ພົບ​ນຳ​ກັນ​ທັງ​ເໝິດ​ເຖີດ​! ເໝິດ​ທາງ​ໄກ​ທາງ​ໃກ້ ເໝິດ​ທຸກ​ຕົນ​ທຸກ​ຄົນ​ຢູ່​ໃນ​ໂລກ​ໜ່ວຍ​ນີ້ ຂໍ​ໃຫ້​ມີ​ແກ້ວ​ດວງ​ໃສໆ ຢູ່​ໃນ​ຫົວ​ໃຈ​! ແກ້ວ​ດວງ​ໃສໆ​ ທີ່​ວ່າ​ນີ້ ເປັນ​ແກ້ວ​ມະ​ຫັດ​ສະ​ຈັນ ເປັນ​ແກ້ວ​ປາກ​ໄດ້ ​ເວົ້າ​ໄດ້ ແກ້ວ​ທິ​ພ! ແກ້ວ​ວິ​ເສດ​ກໍ​ຖືກ​! ແຕ່​ວ່າ​ວິ​ເສດ​ແບບ​ເຂົ້າ​ໃຈ​ກັນ​ໄດ້ ແນະ​ນຳ​ພ່ຳ​ສອນ​ກັນ​ໄດ້ ບອກ​ກັນ​ສອນ​ກັນ ໃຫ້​ເຂົ້າ​ໃຈ​ໄດ້​ນຳ​ກັນ ເຂົ້າ​ໃຈ​ເຖິງ​ທັມມະ ເຂົ້າ​ໃຈ​ຈົນ​ວ່າ​ ຮັບ​ເອົາ​ອອກ​ມາ​ເວົ້າ​ສູ່​ກັນ​ຟັງ​ໄດ້ ເວົ້າ​ແບບ​ພຣະ​ທັມ​ກໍ​ມີ ເວົ້າ​ແບບ​ຜູ່​ເປັນ​ກາຍ​ກໍ​ມີ ເພາະ​ວ່າ​ຜູ່​ເປັນ​ກາຍ​ ເປັນ​ກາງ​ໃຫ້ທັງ​ສອງ​ຝ່າຍ ທັງ​ຝ່າຍ​ທາດ​ ຝ່າຍ​ຂັນ​ທ໌ ທັງ​ຝ່າຍ​ພຣະ ເປັນ​ແບບ​ນີ້ ຈິ່ງ​ມີ​ຄຳ​ສອນ​ອອກ​ມາ ຈິ່ງ​ມີ​ຄຳ​ສອນ​ໃຫ້​ໄດ້​ຍິນ​ໄດ້​ຟັງ​.  ວັນ​ນີ້​ໄດ້​ຍິນ​ໄດ້​ຟັງ ຂໍ​ໃຫ້​ເປັນ​ບຸນ​ເປັນ​ກຸ​ສົນ​ຢ່າງ​ຍິ່ງ ເປັນ​ກຸ​ສົນ​ແກ່​ທຸກ​ຕົນ​ທຸກ​ຄົນ ຂໍ​ໃຫ້​ທຸກ​ຕົນ​ທຸກ​ຄົນ​ຢູ່​ໃນ​ໂລກ​ໜ່ວຍ​ນີ້ ພົ້ນ​ທຸກ​ຂ໌​ ເຖິງ​ສຸ​ຂ​ນຳ​ກັນ ໃຫ້​ໄດ້​ພຣະ​ອົງ​ຄ໌ ​ຜູ່​ມະ​ຫັດ​ສະຈັນ ຂຶ້ນ​ມາ​ຢູ່​ໃນ​ຫົວ​ໃຈ​ທັງ​ເໝິດ​ນຳ​ກັນ​ດ້ວຍ​ເຖີດ​!

 

 

ໃຊ້​ເວລາ​ສົ່ງ​ສັຈ​ຈະ​ທັມ​ອອກ ແລະ​ຈົດ​ໄວ້ 1 ຊົ່ວ​ໂມງ 05 ນາ​ທີ​;

ວັນ​ທີ 31.12.2016, ເວລາ 16.50ມ-17.55​ມ

ຜູ່​ຮັບ​ຈົດ ແລະ​ຕີ​ພິມ​ໄວ້​: ດ​ຣ. ມະ​ນີ​ສົດ ແກ້ວ​ດາ​ລາ

ໂທລະ​ສັບ​: (856-20) 2222 8489E-mail:manisothk@gmail.com

 

Share
comments

ສະແດງຄວາມຄິດເຫັນໃນຂ່າວນີ້


Security code
Refresh