Get Adobe Flash player

ບົດ​ຄວາມ​ໃໝ່​ສຸດ

ບຸກຄົນອອນໄລນ໌

ເຮົາມີ 13 ບຸກຄົນທົ່ວໄປ ອອນໄລນ

ເຊື່ອມຕໍ່ພວກເຮົາທີ່:

ຈຳນວນຜູ້ເຂົ້າເບິ່ງເວັບ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້273
mod_vvisit_counterມື້ວານ2376
mod_vvisit_counterອາທິດນີ້273
mod_vvisit_counterອາທິດຜ່ານມາ11141
mod_vvisit_counterເດືອນນີ້31439
mod_vvisit_counterເດືອນຜ່ານມາ22135
mod_vvisit_counterທັງໝົດ3203593

ເຮົາມີ: 9 ບຸກຄົນທົ່ວໄປ ອອນໄລນ
Your IP: 54.198.52.8
 , 
ມື້ນີ້: ວັນ​ທີ 25 ກ. ຍ., 2017

ແຜນ​ທີ່​ຜູ່​ເຂົ້າ​ເບິ່ງ​ເວັບ

Locations of visitors to this page

 

User Rating: / 2
ບໍ່ດີເລີຍດີທີສູດ 
Share
Font size:

ຂໍ​ສະ​ບາຍ​ດີ ຜູ່​ເປັນ​ທາ​ຍາ​ຕ​ພ​ຣະ​ພຸ​ທ​ທະ​ສາ​ສ​ນາ​

 

ແມ່​ພຣະ​ທາງ​ນອກ ຂໍ​ສະ​ບາຍ​ດີ​! ສ່ວນ​ແມ່​ພຣະ​ທາງ​ໃນ ຂໍ​ອະ​ນຸ​ໂມ​ທະ​ນາ​ນຳ, ນຳ​ຜູ່​ອ່ານ​ໜັງ​ສື ທີ່​ເປັນສັຈ​ຈະ​ທັມ​ຄຳ​ສອນ​ກໍ​ດີ ທີ່​ເປັນ​ຄຳ​ຕອບ​ກໍ​ດີ ທີ່​ເປັນ​ຄວາມ​ຮູ້​ສຶກ​ ອອກ​ຈາກ​ຜູ່​ປະ​ຕິ​ບັດ​ກໍ​ດີ ແລະ​ຂໍ້​ແນະ​ນຳ​ຕ່າງໆ ກໍ​ດີ, ຂໍ​ໃຫ້​ທ່ານ​ທັງ​ຫຼາຍ ຜູ່​ທີ່​ໄດ້​ອ່ານ ແລະ​ຜູ່​ທີ່​ໄດ້​ຍິນ​ໄດ້​ຟັງ ຈົ່ງ​ໂຊກ​ດີ ຈົ່ງ​ໄດ້​ບຸນ ຈົ່ງ​ໄດ້​ກຸ​ສົນ ຈົ່ງ​ໄດ້​ມັຄ ໄດ້​ຜົລ​! ຈົ່ງ​ໄດ້​ຄວາມ​ປະ​ສົບ​ສຸ​ຂ​ສຳ​ເລັດ​ຜົນ​!. ທ່ານ​ທັງ​ຫຼາຍ​ເອີຍ​! ສຽງ​ທັມ​ຈາກ​ແມ່​ພຣະ​! ທ່ານ​ແປກ​ໃຈ​ຢູ່​ບໍ​? ຖ້າ​ແປກ​ໃຈ ກໍ​ຂໍ​ໃຫ້​ທ່ານ​ຄິດ​ສາ​ວ່າ ທ່ານ​ໄດ້​ພົບ​ໄດ້​ເຈິ​ແລ້ວ ໄດ້​ເຈິ​ພຣະ​ອົງ​ຄ໌ ໄດ້​ເຈິ​ພຣະ​ອົງ​ຄ໌​ເອງ ແຕ່​ເປັນ ພຣະ​ອົງ​ຄ໌ ທີ່​ເກີດ​ຢູ່​ໃນ​ຫົວ​ໃຈ​ຂອງ ​ແມ່​ພຣະ​ທອງ​ແກ້ວ​.

 

ທ່ານ​ທັງ​ຫຼາຍ​ເອີຍ​! ພຣະ​ທັມ​ອາຍ​ຈົນ​ບໍ່​ຈັກ​ຊິ​ເວົ້າ ເພາະ​ວ່າ​ສະ​ໄໝ​ນີ້ ​ຕ່າງ​ກັນ​ກັບ​ສະ​ໄໝ​ກ່ອນ ສະ​ໄໝກ່ອນ​ ພຣະ​ເກີດ​ຢູ່​ນຳ​ຜູ່​ທີ່​ໄດ້​ບວດສະ​ໄໝ​ນີ້​ ພຣະ​ເກີດ​ຢູ່​ນຳ​ຜູ່​ທີ່​ບໍ່​ໄດ້​ບວດ ຕ່າງ​ກັນ ຕ່າງ​ກັນ​ເຫຼືອ​ເກີນ​! ແຕ່​ວ່າການ​ຕ່າງ​ນີ້ ກໍ​ພຽງ​ແຕ່​ຜູ່​ໄດ້​ບວດ ກັບ​ຜູ່​ບໍ່​ໄດ້​ບວດ​ເທົ່າ​ນັ້ນ​ເອງ​! ແຕ່​ວ່າ​ຜົນ​ງານ​ກໍ​ຄື​ກັນ ຄື​ກັນ​ບ່ອນ​ວ່າ ຮູ້​ແທ້​ຮູ້ຈິງ​ຄື​ກັນ ແຕ່​ວ່າ​ການ​ຮູ້​ນີ້ ຮູ້​ໃນ​ເລື້ອງ​ຊ່ວຍ​ຕົນຊ່ວຍ​ຜູ່​ອື່ນ ເພື່ອ​ໃຫ້​ດັບ​ທຸກ​ຂ໌ ຊ່ວຍ​ໃຫ້​ພົ້ນ​ຈາກ​ທຸກ​ຂ໌​ເທົ່າ​ນີ້​ເອງ ສ່ວນ​ອື່ນ​ພຽງ​ແຕ່​ເປັນ​ສ່ວນ​ປະ​ກອບ ເຖິງ​ຈະ​ຮູ້​ກໍ​ຮູ້​ໄປ​ຕາມ​ເລື້ອງ​ເທົ່າ​ນັ້ນ​ເອງ ແຕ່​ວ່າ​ບໍ່​ແມ່ນ​ຈຸດ​ປະ​ສົງ, ພຣະອົງ​ຄ໌​ມີ​ຈຸດ​ປະ​ສົງ​ຕ່າງ​ຫາກ ກໍ​ຄື​ເລື້ອງ​ດັບ​ທຸກ​ຂ໌​ພົ້ນ​ທຸກ​ຂ໌​ເທົ່ານີ້​ເອງ ຈຸດ​ປະ​ສົງ​ຂອງ​ພຣະ ​ແມ່ນ​ເພື່ອ​ຊ່ວຍ​ໃຫ້​ຮູ້ ແລະ​ເຂົ້າ​ໃຈ​ເຖິງ​ຄວາມ​ຈິງ ແລະ​ເພື່ອ​ໃຫ້​ພົ້ນ​ຈາກ​ສິ່ງ​ບຽດ​ບຽນ​ຄອບ​ງຳ ສິ່ງ​ທີ່​ພາ​ໃຫ້​ເປັນ​ທຸກ​ຂ໌​ທັງ​ຫຼາຍ​ທັງ​ປວງ ລວມ​ໄປ​ເຖິງ​ເຈົ້າ​ພູມ​ ເຈົ້າ​ທີ່ ເຈົ້າ​ນັ້ນ​ເຈົ້າ​ນີ້ ເຈົ້າ​ບ້ານ ​ເຈົ້າ​ຫໍ ເຈົ້າ​ປຸກ​ເສກ​ຕ່າງໆ ແລະ​ຂອງ​ຫຼອກ​ຂອງ​ລວງທັງ​ຫຼາຍ​ທັງ​ປວງ  ພຣະ​ອົງ​ຄ໌​ຢາກ​ໃຫ້​ພົ້ນ​ທັງ​ໝົດ​ທັງ​ສິ້ນ ຢາກ​ໃຫ້​ພົ້ນ​ນຳ​ກັນ ຢາກ​ໃຫ້​ພົ້ນ​ຈາກ​ສິ່ງ​ທີ່​ເຈົ້າ​ຂອງຫຼົງ​ໄຫຼ ແລະ​ເປັນ​ບ້າ​ເປັນ​ປ່ວງ​ໄປ​ຕາມ ຢາກ​ໃຫ້​ພົ້ນ​ຈາກ​ຂອງ​ສູດ​ຂອງ​ເສກ ຂອງ​ທີ່​ພາ​ກັນ​ເຮັດ​ຂຶ້ນ ພ້ອມ​ດ້ວຍເວດ​ມົນ ​ກົນ​ຄາ​ຖາ​ຕ່າງໆ ພ້ອມ​ດ້ວຍ​ສິ່ງ​ທີ່​ພາ​ໃຫ້​ຫຼັບ ບໍ່​ໃຫ້​ຮູ້ ບໍ່​ໃຫ້​ຕື່ນ ບໍ່​ໃຫ້​ເບີກ​ບານ ກໍ​ຄືອະ​ວິ​ຊຊາ ທັງ​ຫຼາຍທັງ​ປວງ​.

 

ທ່ານ​ທັງ​ຫຼາຍ​ເອີຍ​! ຈົ່ງ​ມີ​ວິ​ຊາ​ນຳ​ກັນ​ເຖີດ​! ຈົ່ງ​ມີ​ວິ​ຊາ​ຮູ້​ແຈ້ງ​ເຫັນ​ຈິງ ຮູ້​ຄວາມ​ຈິງ​ຕາມ​ຄວາມ​ເປັນ​ຈິງ ນຳ​ກັນ​ທັງ​ໝົດ​ທັງ​ສິ້ນ​ດ້ວຍ​ເຖີດ​! ຂໍ​ໃຫ້​ເຫັນ ຂໍ​ໃຫ້​ຮູ້ ຂໍ​ໃຫ້​ເຂົ້າ​ໃຈ ເຂົ້າ​ໃຈ​ຕາມ​ພຣະ​ອົງ​ຄ໌​ປະ​ສົງ​ເຖີດ​! ພຣະອົງ​ຄ໌​ປະ​ສົງ ພຣະ​ອົງ​ຄ໌​ຕ້ອງ​ການ​ຢາກ​ໃຫ້​ຕາມ​ຮອຍ​ແທ້​ຮອຍ​ຈິງ​! ທາ​ຍາ​ຕ​ພຣະ​ພຸ​ທ​ທະ​ສາ​ສ​ນາ​ເອີຍ​! ຈົ່ງ​ຫັນຈົ່ງ​ອ​ວ່າຍ ຈົ່ງ​ກັບ​ໃຈ​ເຖີດ​! ຈົ່ງ​ກັບ​ໃຈ​ນຳ​ກັນ​ທັງ​ໝົດ​ເຖີດ​! ກັບ​ໃຈ​ນຳ​ກັນ​ເຖີດ​! ເພື່ອ​ຊ່ວຍ​ເອົາ​ພຣະ​ຢູ່​ໃນ​ກາຍ​ເຈົ້າ​ຂອງ​! ພຣະ​ຢູ່​ໃນ​ກາຍ​ເຈົ້າ​ຂອງ ​ລໍ​ຄອຍ​ທ່ານຢູ່ ​ລໍ​ຄອຍ​ທ່ານ​ທຸກ​ຄົນ​! ຈົ່ງ​ເຫັນ​ຄວາມ​ຈິງ​ຕາມ​ນີ້​ນຳ​ກັນ​! ຈົ່ງ​ເຫັນຕາມ​ພຣະ​ອົງ​ຄ໌! ຈົ່ງ​ໄດ້​ຕາມ​ພຣະ​ອົງ​ຄ໌​ຕ​ຣັ​ສ​ໄວ້​ດ້ວຍ​ເຖີດ​!

 

ສາ​ທຸ ສາ​ທຸ ສາ​ທຸ ຂໍ​ອະ​ນຸ​ໂມ​ທະ​ນາ​ບຸນນີ້ ຈົ່ງ​ໄປ​ຮອດ​ໄປ​ເຖິງ ຜູ່​ທີ່​ພໍ​ໃຈ​ນຳ​ພຣະ​ອົງ​ຄ໌​ໃໝ່ ແລະ​ພຣະອົງ​ຄ໌​ເກົ່າ ທັງ​ສອງ​ນີ້​ດ້ວຍ​ເຖີດ! ຂໍ​ໃຫ້​ພຣະ​ອົງ​ຄ໌​ໃໝ່ ຂໍ​ໃຫ້​ພຣະ​ອົງ​ຄ໌​ເກົ່າ ຈົ່ງ​ໂປຣດ​ເມ​ຕ​ຕາ​ເອົາ​ ໄດ້​ນຳ​ກັນທັງໝົດ​ດ້ວຍ​ເຖີດ​! ຂໍ​ໃຫ້​ໄດ້​ຊີ​ວິດ​ໃໝ່ ຊີ​ວິດ​ຮູ້ຊີ​ວິດ​ເຂົ້າ​ໃຈ ເລື້ອງ​ເຈົ້າ​ຂອງ​! ຊີ​ວິດ​ນີ້​ ຂໍ​ໃຫ້​ມີ​ຢູ່​ກັບ​ທຸກ​ຄົນ ຜູ່​ທີ່​ໄດ້ອ່ານ​ ໄດ້​ຍິນ ​ໄດ້​ຟັງ ພ້ອມ​ທັງ​ຜູ່​ທີ່​ບໍ່​ໄດ້​ອ່ານ ພ້ອມ​ທັງ​ຜູ່​ທີ່​ບໍ່​ໄດ້​ຍິນ ​ບໍ່​ໄດ້​ຟັງ​.

 

ສາ​ທຸ ສາ​ທຸ ສາ​ທຸ ຂໍ​ອະ​ນຸ​ໂມ​ທະ​ນາ​ບຸນ​ນີ້ ຈົ່ງ​ໄປ​ຮອດ​ໄປ​ເຖິງ ນຳ​ກັນ​ທັງ​ໝົດ​ດ້ວຍ​ເຖີດ​!


ເວ​ລາ 18.45ມ, ວັນ​ທີ 05/07/2014

ໃຊ້​ເວລາ​ສົ່ງ​ສັຈ​ຈະ​ທັມ​ອອກ ແລະ​ຈົດ​ໄວ້ 40 ນາ​ທີ​;

ຜູ່​ຮັບ​ຈົດ​ໄວ້​: ທ່ານຊິນ​ນະ​ສອນ ຊຸມ​ພົນ​ພັກ​ດີ​, ໂທ​: (+856-20) 5551 2736, Email: sinlasone@gmail.com 

ຜູ່​ຕີ​ພິມ​ໄວ້​: ດ​ຣ. ມະ​ນີ​ສົດ ແກ້ວ​ດາ​ລາ

ໂທ​: (+856-20) 2222 8489,  E-mail: manisoth@yahoo.com

 

Share
comments