Get Adobe Flash player

ບົດ​ຄວາມ​ໃໝ່​ສຸດ

ບຸກຄົນອອນໄລນ໌

ເຮົາມີ 51 ບຸກຄົນທົ່ວໄປ ອອນໄລນ

ເຊື່ອມຕໍ່ພວກເຮົາທີ່:

ຈຳນວນຜູ້ເຂົ້າເບິ່ງເວັບ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້52
mod_vvisit_counterມື້ວານ561
mod_vvisit_counterອາທິດນີ້52
mod_vvisit_counterອາທິດຜ່ານມາ8216
mod_vvisit_counterເດືອນນີ້36213
mod_vvisit_counterເດືອນຜ່ານມາ42398
mod_vvisit_counterທັງໝົດ3250765

ເຮົາມີ: 49 ບຸກຄົນທົ່ວໄປ ອອນໄລນ
Your IP: 54.80.211.135
 , 
ມື້ນີ້: ວັນ​ທີ 22 ຕ. ລ., 2017

ແຜນ​ທີ່​ຜູ່​ເຂົ້າ​ເບິ່ງ​ເວັບ

Locations of visitors to this page

 

ເພິ່ນ​ເປັນ​ພ​ຣະ ເປັນ​ໄດ້​ແນວ​ໃດ?

User Rating: / 1
ບໍ່ດີເລີຍດີທີສູດ 
Share
Font size:

ເພິ່ນ​ເປັນ​ພ​ຣະ ເປັນ​ໄດ້​ແນວ​ໃດ?

iconດາວ​ໂຫຼດ/Download

 

ຄໍາ​ຕອບ​ມີ 5 ຫົວຂໍ້​:

1.

​ຄວາມ​ເປັນ​ພ​ຣະ ເປັນ​ຍ້ອນ​ໄດ້​ຝືກ​ຫັດ ປະ​ຕິ​ບັດ ເປັນ​ຍ້ອນ​ໄດ້​ສຳຫຼວດກວດ​ກາ​ເຈົ້າ​ຂອງ ເປັນ​ຍ້ອນ​ມີ​ຄວາມນອບ​ນ້ອມ ມີ​ຄວາມ​ອ່ອນ​ໂຍນ, ເປັນ​ຍ້ອນ​ຊ່ວຍ​ເຫຼືອ​ຕົນ ຊ່ວຍ​ເຫຼືອ​ຜູ່​ອື່ນ, ເປັນ​ຍ້ອນ​ເອົາ​ໃຈ​ໃສ່ ນຳ​ຄົນ​ນັ້ນນຳ​ຄົນ​ນີ້ ເປັນ​ຍ້ອນ​ຊ່ວຍ​ຕົນ​ໄດ້.

 

ສະຫຼຸບ​ໄດ້​ວ່າ ການ​ເປັນ​ພ​ຣະ ແລະບໍ່​ເປັນ​ພ​ຣະ ຂຶ້ນ​ຢູ່​ກັບ​ວ່າ ເຂົ້າ​ໃຈ ຫຼືບໍ່​ເຂົ້າ​ໃຈ, ຖ້າ​ເຂົ້າ​ໃຈ​ໄດ້ ຈະ​ບໍ່​ມີ​ຫຍັງ​ຄາ​ໃຈ ຈະ​ມີ​ແຕ່​ພໍ​ໃຈ​ໃນ​ມັ​ຄ​ໃນ​ຜົນ ແລະຈະ​ເຫັນ​ໄດ້​ວ່າ ເປັນ​ເລື້ອງ​ດີ ເປັນ​ເລື້ອງ​ຊອບ ເປັນ​ເລື້ອງ​ມີ​ອົງ​ຄ໌​ປະ​ກອບ​ຊອບ​ທັມ​ຈິງ, ບໍ່​ແມ່ນ​ເປັນ​ເລື້ອງ​ງົມ​ງວາຍ​ງົມ​ງາຍ ບໍ່​ແມ່ນ​ເປັນ​ເລື້ອງ​ຍົກ​ຍໍ​ປໍ​ປັ້ນ​ເອົາ​ກັນ ຈະ​ຮູ້​ຈະ​ເຂົ້າ​ໃຈ​ໄດ້​ເອງ ຈະ​ເຫັນ​ວ່າ​ທຸກ​ສິ່ງ​ທຸກ​ຢ່າງ ມີ​ຄວາມ​ປ່ຽນ​ແປງ​ໄປ​ໄດ້, ທຸກ​ສິ່ງ​ທຸກ​ຢ່າງ ມີ​ເຫດ ແລະມີ​ຜົນ ຖ້າ​ບຸກ​ຄົນ​ໃດ​ສ້າງ​ເຫດ​ດີ ຜົນ​ກໍ​ຕ້ອງ​ດີ, ໃນ​ເມື່ອ​ຜົນ​ດີ​ແລ້ວ ຜົນ​ນັ້ນ​ແລ້ວ​ພາ​ໃຫ້​ຄົນ​ເປັນ​ພ​ຣະ, ຄົນ​ເປັນ​ພ​ຣະ ເປັນ​ໄດ້​ແຕ່​ພຽງ​ຊື່ ແຕ່​ຄວາມ​ເປັນ​ຈິງ ເປັນ​ໄດ້​ແຕ່​ພຽງ​ຄົນ ເພາະ​ແນວ​ໃດ​ກໍ​ຄົນ ບໍ່​ນອກ​ເໜືອ​ຄົນ​ໄປ​ໄດ້​ດອກ, ແຕ່​ວ່າ​ຄວາມ​ເປັນ​ຄົນ ມີ​ຄວາມ​ແຕກ​ຕ່າງ​ກັນ ແຕກ​ຕ່າງ​ກັນ​ຢູ່​ບ່ອນ​ວ່າ ຜູ່​ນຶ່ງ​ມີ​ຜົນ​ງານ​ດີ ມີ​ຜົນ​ງານຫຼາຍ ແຕ່​ຜູ່​ນຶ່ງ ບໍ່​ມີ​ຜົນ​ງານ​ຫຍັງ​ເລີຍ ແລະບໍ່​ສາ​ມາດ​ຮູ້ ເຂົ້າ​ໃຈ​ເຖິງ​ຄວາມ​ຈິງ​ໄດ້ ແຕ່​ວ່າ ກັບ​ເວົ້າຫຼາຍ​ກາຍກອງ​ອອກ ເພີ້​ເກີນ ເພີ້ຫຼາຍ ຈົນ​ວ່າ​ຟັງ​ນຳ​ບໍ່​ໄດ້ ຈັກ​ເລື້ອງ​ອັນ​ໃດຕໍ່​ເລື້ອງ​ອັນ​ໃດກໍ​ຖົມ​ເຖ ອັນ​ນີ້​ແມ່ນ​ຄົນ “ປາກ​ລົ້ນ​ກົ້ນ​ຮົ່ວ” ແມ່ນ​ຄົນ​ບໍ່​ເຖິງກົ້ນ ຄົນ​ບໍ່​ເຖິງກົ້ນ ກໍ​ຄື​ຄົນ​ໄໝ້​ເຜົາ ຮ້ອນ​ຢູ່​ຕະຫຼອດ​ເວ​ລາ ຮ້ອນ​ອົກ​ຮ້ອນ​ໃຈ ຈົນ​ເກີດ​ຄວາມ​ອິດ​ສາ​ພະ​ຍາ​ບາດ ອາ​ຄາດ​ຈອງ​ເວນ ກັບ​ຄົນ​ນັ້ນກັບ​ຄົນ​ນີ້ ແຕ່​ວ່າ​ຄົນ​ມີຫຼາຍ​ຊັ້ນ ມີຫຼາຍ​ແບບ ມີຫຼາຍ​ແນວ ຄົນ​ມີຫຼາຍ​ຢ່າງ, ແນວ​ປູກ​ຄົນ ບໍ່​ຄື​ກັນ ແນວບໍ່​ມັກ​ດີ​ກໍ​ມີ ແນວ​ຂີ້​ສໍ້​ຕໍ່​ແຫຼ​ະ​ກໍ​ມີ  ແນວ​ຊົ່ວ​ຊ້າ​ເລວ​ຊາມ​ກໍ​ມີ ແນວ​ຈອງ​ຫອງ​ກໍ​ມີ, ອັນ​ນີ້​ເອີ້ນ​ວ່າ “ແນວ​ບໍ່​ມັກ​ດີ” ແນວ​ມັກ​ແຕ່​ຊອກ​ເລື້ອງ ຫາ​ເລື້ອງ​ຂຸ່ນ​ເຄືອງ​ໃຈ​ເຈົ້າຂອງ

 

2.

ເລື້ອງ​ເປັນ​ແມ່​ພ​ຣະ ຫຼື ເປັນ​ພ​ຣະ ອັນ​ນີ້ຂຶ້ນ​ຢູ່​ກັບ​ຄວາມ​ຖືກ​ຕ້ອງ​ເໝາະ​ສົມ ແລະຄວາມ​ດີ​ຄວາມ​ຊອບ, ພ​ຣະ ຄື​ດີ! ພ​ຣະ​ຄື​ຜູ່​ມີ​ຄວາມ​ປົກ​ກະ​ຕິ ພ​ຣະ​ຄື​ຜູ່​ທີ່​ສະ​ຫງົບ ນິ້ງ ງຽບ ພ​ຣະ​ຄື​ເປັນ​ຜູ່​ຢູ່​ແບບ​ພຣະ ພ​ຣະ ຄື​ຜູ່ບອກ​ຕົນ​ເອງ ສອນ​ຕົນ​ເອງ​ໄດ້ ພ​ຣະ ຕ້ອງ​ຊ່ວຍ​ເຫຼືອ​ຕົນ​ເອງ​ໄດ້ ພ​ຣະ​ແທ້ໆ ພ​ຣະ​ຈິງໆ ຕ້ອງ​ຮູ້​ຈັກ​ໜ້າ​ທີ່ເຈົ້າ​ຂອງ ຕ້ອງ​ຮູ້​ຈັກ ພາ​ລະ ແລະໜ້າ​ທີ່, ພາ​ລະ​ກໍ​ຍ້ອນ​ວ່າ ບາບ ກັມ ເວນ ພັຍ ເຄາະ ຊວຍ​ມີ​ຈິງ, ຍ້ອນ​ມີ​ຈິງ ຈິ່ງ​ມີ​ພາ​ລະ ພາ​ລະ​ຂອງ​ແຕ່​ລະ​ຄົນ​ມີ ແຕ່​ວ່າ​ຈະ​ໜ້ອຍ ຫຼືຈະຫຼາຍ ຕ່າງ​ກັນ​ຢູ່​ບ່ອນນີ້ ແລະຈະ​ເຄຼັຍ ຫຼື ບໍ່​ເຄຼັຍ ກໍ​ຕ່າງ​ກັນ​ຢູ່​ຈຸດນີ້, ຖ້າ​ຜູ່​ຕ້ອງ​ການ​ເຄຼັຍ ກໍ​ຕ້ອງ​ໄດ້​ເອົາ​ໃຈ​ໃສ່ ນຳ​ຄົນ​ນັ້ນ ນຳ​ຄົນ​ນີ້ ແລະພະ​ຍາ​ຍາມ​ໃຊ້​ໜີ້​ອອກ​ໄປ ໃນ​ເລື້ອງ​ໃດ​ກໍ​ຕາມ ໃນ​ກໍ​ລະ​ນີ​ໃດ​ກໍ​ຕາມ, ຖ້າ​ຮູ້ ຖ້າ​ເຂົ້າ​ໃຈ​ວ່າ​ເຈົ້າ​ຂອງ​ມີ​ໜີ້ ກໍ​ຕ້ອງ​ຟ້າວ​ໃຊ້​ໜີ້ ເລື້ອງ​ໃຊ້​ໜີ້​ເປັນ​ເລື້ອງ​ດີ ເປັນ​ເລື້ອງ​ໃຫຍ່ ໃນຫຼັກພ​ຣະ​ພຸ​ທ​ທ​ະສາ​ສ​ນາ ເປັນ​ເລື້ອງ​ສະຫຼາດ​ທີ່​ສຸດ ແລະເປັນ​ເລື້ອງ​ທີ່​ຄວນ​ເອົາ​ໃຈ​ໃສ່ ເອົາ​ໃຈ​ໃສ່​ໃນ​ການ​ໃຊ້​ໜີ້​ໃຫ້​ອອກ​ໄປ ເພື່ອ​ເຈົ້າ​ຂອງ​ຈະ​ເຫຼືອ​ແຕ່ ດີ ເຢັນ ເປັນສຸ​ຂ

 

3.

​ຄວນ​ເອົາ​ໃຈ​ໃສ່​ນຳ​ກັນ ຖ້າ​ໄດ້​ຍິນ​ວ່າ​ຜູ່​ໃດ​ເປັນ​ພ​ຣະ ເພື່ອບໍ່​ໃຫ້​ຖືກຫຼອກ ເພື່ອ​ກັນ​ຄວາມຫຼອກ​ລວງ ເພື່ອ​ຫ້າມ​ໃຈ​ເຈົ້າ​ຂອງ ບໍ່​ໃຫ້​ເຊື່ອ ເພື່ອ​ຊ່ວຍ​ເຈົ້າ​ຂອງ​ທີ່​ສຸດ ເພາະ​ວ່າ​ການ​ເຊື່ອ​ໃນ​ເລື້ອງຫຼອກໆ ນີ້ ເສັຍ​ຫາຍ​ທີ່​ສຸດ ການຫຼົງ​ໃນ​ເລື້ອງ​ທີ່​ວ່ານີ້ ເປັນ​ການຫຼົງ​ແບບ “ໂງ່​ເຂົາ​ເບົາ​ປັນ​ຍາ​ທີ່​ສຸດ” ເພາະ​ວ່າເຮົາ​ມີ​ສະ​ຕິ​ປັນ​ຍາ ເຮົາ​ບໍ່​ຄວນ​ເລີຍ ຈະ​ໄປ​ເຊື່ອ​ຄົນ​ງ່າຍໆ, ຢ່າງ​ໜ້ອຍ ເຮົາ​ຄວນ​ພິ​ຈາ​ຣະ​ນາ ໄຈ້​ແຍກ ແຍກແຍະ​ຫາ ຫາ​ຂໍ້​ເທັດ​ຈິງ ມີ​ອັນ​ໃດ​ທີ່​ເຮົາ​ຄວນ​ເຊື່ອ ຫຼື ບໍ່​ມີ! ຫຼື​ພຽງ​ແຕ່​ວ່າ​ຊື່ໆ

 

4.

​ການ​ເປັນ​ພ​ຣະຂອງ​ແມ່​ພ​ຣະ​ນີ້ ແມ່​ພ​ຣະ​ທອງ​ແກ້ວນີ້ ຕ່າງ​ກັນ​ກັບ​ຄົນ​ອື່ນ, ແມ່​ທອງ​ແກ້ວ ບໍ່​ຕ້ອງ​ການ​ປະ​ເຊີນ​ໜ້າ​ກັບ​ໃຜ ບໍ່​ຕ້ອງ​ການ​ຊ່ວຍ​ເຫຼືອ​ຄົນ ໄປ​ຕາມ​ກະ​ລັງ​ກະ​ລ​າດ ແລະບໍ່​ຕ້ອງ​ການ​ເອົາ​ຂອງ​ຈາກ​ໃຜ! ຕ່າງ​ກັນ​ຢູ່​ຈຸດນີ້! ແລະບໍ່​ສົນ​ໃຈຊິ​ໄປ​ງໍ້​ຄົນ ແລະບໍ່​ມັກ​ໃຫ້​ຄົນມາ​ຫຸ້ມ​ມາ​ຫໍ່, ບອກ​ໄດ້​ເລີຍວ່າ ບໍ່​ເຊື່ອ​ສຽງຫຼອກ​ລວງ ບໍ່​ມີ​ເລື້ອງຫຼອກ​ລວງ ແລະບໍ່​ມັກ​ກ່ຽວ​ຂ້ອງ​ກັບ​ບຸກ​ຄົນ​ໃດ​ບຸກ​ຄົນ​ນຶ່ງ ເພື່ອ​ເກາະ​ກິນ, ແລະຈຸດ​ປະ​ສົ​ງ ໃຈ​ຄວາມ​ໝາຍ ມີ​ພຽງ​ແຕ່​ວ່າ ເພື່ອ​ເຮັດ​ໜ້າ​ທີ່ ເພື່ອ​ໃຫ້​ໜ້າ​ທີ່​ດີ​ຂຶ້ນ ດີ​ຍິ່ງໆ​ຂຶ້ນ​ເທົ່າ​ນີ້

 

5.

​ພ​ຣະ​ທັມ​ຂໍ​ຕ​ຣັ​ສບອກ​ຕາມ​ປະ​ສົງ ແມ່​ທອງ​ແກ້ວ​ຄົນນີ້ ບໍ່​ເຄີຍ​ຂໍ​ໃຜ​ກິນ, ແລະບໍ່​ເຄີຍ​ງໍ​ມື​ງໍ​ເທົ້າ ຂໍ​ທານ​ໃຜ​ຈັກ​ເທື່ອ ແລະບໍ່​ເຄີຍ​ຂີ້​ຂາດ​ຕາ​ຂາວ ຫຼົງ​ງົມ​ງວາຍ​ງົມ​ງາຍ, ອີກ​ຢ່າງ​ນຶ່ງ ບໍ່​ເຄີຍ​ໃບ້​ບ້າ​ເສັຍ​ຈິດ ແລະ ບໍ່​ເຄີຍ​ທະ​ເຍີ​ທະ​ຍານ ຢ່າງ​ມາກ​ມາຍ ຫຼວງຫຼາຍ ກາຍກອງ ມີ​ພ​ຽງ​ແຕ່​ວ່າ ຂໍ​ໃຫ້​ໄດ້​ດີມີ​ສຸ​ຂ​ເທົ່າ​ນັ້ນ, ມີ​ພຽງ​ແຕ່​ວ່າ ຂໍ​ແຕ່​ໃຫ້​ທຸກ​ຕົນ​ທຸກ​ຄົນມີ​ຢູ່​ມີ​ກິນ ແລະມີ​ທັມ​ຄຸ້ມ​ຄອງ​ຮັກ​ສາ, ຂໍ​ຢ່າງ​ດຽວ​ກໍ​ຄືໃຫ້​ມີ​ດວງ​ຕາ​ທີ​ສາມ ເກີດ​ຂຶ້ນ ຢູ່​ໃນ​ຊີ​ວິດ​ຈິດ​ໃຈ​ເຈົ້າ​ຂອງເທົ່າ​ນັ້ນ.    

 

ຈົບ​ຄຳ​ຕອບ

ເວ​ລາ10:03-10:39ມ, ວັນ​ທີ 07/06/2014

(ໃຊ້​ເວລາ​ສົ່ງ​ສັຈ​ຈະ​ທັມ​ ຄຳ​ຕອບອອກ ແລະ​ຈົດ​ໄວ້ 36 ນາ​ທີ​;

ຜູ່​ຈົດ ແລະ​ຕີ​ພິມ​ໄວ້​ ທ່ານ ຄຳ​ສອນ ຫຼັກ​ໄມ​ຕ​ຣີ

ໂທລະ​ສັບ​: (+856-20) 222 111 40, E-mail: klakmaitry@gmail.com;

https://www.facebook.com/klakmaitry

 

Share
comments

ສະແດງຄວາມຄິດເຫັນໃນຂ່າວນີ້


Security code
Refresh