Get Adobe Flash player

ບົດ​ຄວາມ​ໃໝ່​ສຸດ

ບຸກຄົນອອນໄລນ໌

ເຮົາມີ 103 ບຸກຄົນທົ່ວໄປ ອອນໄລນ

ເຊື່ອມຕໍ່ພວກເຮົາທີ່:

ຈຳນວນຜູ້ເຂົ້າເບິ່ງເວັບ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້3205
mod_vvisit_counterມື້ວານ3550
mod_vvisit_counterອາທິດນີ້6755
mod_vvisit_counterອາທິດຜ່ານມາ9376
mod_vvisit_counterເດືອນນີ້24857
mod_vvisit_counterເດືອນຜ່ານມາ44241
mod_vvisit_counterທັງໝົດ3338960

ເຮົາມີ: 96 ບຸກຄົນທົ່ວໄປ, 1 bots ອອນໄລນ
Your IP: 54.91.38.173
 , 
ມື້ນີ້: ວັນ​ທີ 12 ທ. ວ., 2017

ແຜນ​ທີ່​ຜູ່​ເຂົ້າ​ເບິ່ງ​ເວັບ

Locations of visitors to this page

 

ເຮັດ​ແນວ​ໃດ ຊິ​ເຂົ້າ​ໃຈ​ເລື້ອງ​ທັມ​ມະ?

User Rating: / 2
ບໍ່ດີເລີຍດີທີສູດ 
Share
Font size:

ເຮັດ​ແນວ​ໃດ ຊິ​ເຂົ້າ​ໃຈ​ເລື້ອງ​ທັມ​ມະ?

iconດາວ​ໂຫຼດ/Download

 

ຄໍາ​ຕອບ​ມີ 8 ຂໍ້​:

 

1.

ພ​ຣະ​ອົງ​ຄ໌​ປະ​ສົງ​ໃຫ້​ທຸກ​ຄົນ​ເອົາ​ໃຈ​ໃສ່ ແລະທຳ​ຄວາມ​ເຂົ້າ​ໃຈ​ກັບ​ເລື້ອງ​ທັມ​ມະ ເລື້ອງ​ທັມ​ມະ ເປັນ​ເລື້ອງ​ເຈົ້າ​ຂອງ ເຈົ້າ​ຂອງ​ຄວນ​ເຂົ້າ​ໃຈ​ດ້ວຍ​ເຈົ້າ​ຂອງ ຖ້າ​ແມ່ນ​ວ່າ ​ເຈົ້າ​ຂອງບໍ່​ເຂົ້າ​ໃຈ​ເລື້ອງ​ເຈົ້າ​ຂອງ​ ກໍ​ຖື​ວ່າ ບໍ່​ຈັກ​ທັມ​ມະ ບໍ່​ເຫັນ​ທັມ​ມະ ແລະກໍ​ບໍ່​ເຫັນ​ເຈົ້າ​ຂອງ​ອີກ, ເພາະ​ວ່າ​ເຈົ້າ​ຂອງ ກັບທັມ​ມະ ເປັນ​ອັນ​ດຽວ​ກັນ ແລະ ເປັນ​ຢ່າງ​ດຽວ​ກັນ ເພາະ​ວ່າ ເຫດ ​ມາ​ຈາກ​ພາ​ວະ​ຮ່າງ​ກາຍ ​ທາດ​ຂັນ​ທ໌ ຈຳ​ເປັນ​ຕ້ອງ​ຮູ້ ຕ້ອງ​ເຂົ້າ​ໃຈ

 

2.

​ບຸນ​ມີ​ແລ້ວ ຈິ່ງ​ຢາກ​ຮູ້ ຈິ່ງ​ຢາກ​ເຂົ້າ​ໃຈ ບຸນຫຼາຍ​ສົມ​ຄວນ​ແລ້ວ ຈິ່ງ​ຄ່ອຍ​ສົນ​ໃຈ ຄ່ອຍ​ໃຫ້​ຄວາມ​ສົນ​ໃຈ ແຕ່​ວ່າ​ ຕ້ອງ​ເອົາ​ໃຈ​ໃສ່​ຄົ້ນ​ຄວ້າ​ຫາ​ເຈົ້າຂອງ ໃຫ້​ພົບ​ໃຫ້​ເຈິ​ກ່ອນ ຢ່າງ​ນ້ອຍ ຕ້ອງ​ເຂົ້າ​ໃຈ​ວ່າ ເຈົ້າ​ຂອງບໍ່​ມີ​ຕົວ​ຕົນ ແລະບໍ່​ແມ່ນ​ຕົວ​ຕົນ ຄື​ໃຫ້​ເຂົ້າ​ໃຈ​ວ່າ ທຸກ​ຊິ້ນ​ທຸກ​ສ່ວນທັງ​ໝົດ​ເຫຼົ່າ​ນີ້ ເປັນ​ສິ່ງ​ທີ່​ເຂົ້າ​ມາ​ປະ​ກອບ​ເຂົ້າ​ໃສ່​ກັນ ແລະຈະ​ເອີ້ນ​ວ່າ​ຕົວ​ຕົນ​ຈິງໆ ກໍ​ບໍ່​ຖືກ ຈະ​ບໍ່​ເອີ້ນ​ກໍ​ບໍ່​ຖືກ ແຕ່​ກໍ​ໃຫ້​ເຂົ້າ​ໃຈ​ໄດ້​ວ່າ ຕົວ​ຕົນ​ແທ້ບໍ່​ແມ່ນ ຕົວ​ຕົນ​ຈິງໆແມ່ນ​ເຂົາ​ທັງ​ໝົດ​ທັງ​ສິ້ນ

 

3.

ຊີ​ວິດ​ເຈົ້າຂອງ ກໍ​ແມ່ນ​ເປັນ​ພຽງສົມ​ມຸດ​ບັນ​ຍັດ​ເທົ່າ​ນັ້ນ ແຕ່​ວ່າ​ເພື່ອ​ໃຫ້​ເຂົ້າ​ໃຈ ກໍ​ຕ້ອງ​ໄດ້​ເອີ້ນ​ວ່າ ຕົວ​ຕົນ​ເຈົ້າ​ຂອງ ແລະເອີ້ນ​ວ່າ​ເຈົ້າ​ຂອງ ຄິດ​ເບິ່ງ​ກໍ​ຍາກ ຖ້າບໍ່​ປະ​ຕິ​ບັດ​ເບິ່ງ, ຖ້າ​ປະ​ຕິ​ບັດ​ເບິ່ງ​ແລ້ວ ກໍ​ຈະ​ເຂົ້າ​ໃຈ​ເອງ, ຂໍ​ສະຫຼຸບ​ໃຫ້​ຟັງ​ວ່າ ຈົ່ງ​ປະ​ຕິ​ບັດ​ກ່ອນ ປະ​ຕິ​ບັດ​ຕາມ​ຄູ​ຕາມ​ອາ​ຈານ​ກ່ອນ ຄ່ອຍ​ເປັນ​ຄ່ອຍ​ໄປ​​ກ່ອນ ແລະຄ່ອຍ​ຮຽນ​ຄ່ອຍ​ຮູ້​ໄປ​ກ່ອນ ເຮັດ​ແບບ​ທັມ​ມະ​ດາໆ, ເຮັດ​ແບບ​ງ່າຍໆ ແຕ່​ເອົາ​ໃຈ​ໃສ່​ຢ່າງ​ເຕັມ​ທີ່ ເຮັດ​ແບບ​ປົກ​ກະ​ຕິ ແຕ່​ຕ້ອງ​ມີ​ວິ​ທີ​ການ​ໃນ​ການ​ເຮັດ ແລະເອົາ​ໃຈ​ໃສ່​ຢ່າງ​ເປັນ​ພິ​ເສດ

 

4.

​ເລື້ອງນີ້ ບໍ່​ແມ່ນ​ເລື້ອງ​ທັມ​ມະ​ດາ ແມ່ນ​ເປັນ​ເລື້ອງ​ຄາດ​ຄິດບໍ່​ເຖິງ ຄາດ​ຄິດບໍ່​ໄດ້ ຄິດ​ເອົາ​ເອງບໍ່​ເປັນ ຖ້າ​ຄິດ​ເອົາ​ເອງ ກໍ​ຕ້ອງ​ຄິດ​ວ່າ ຄວາມ​ຄິດ​ເກີດ, ຖ້າ​ຄິດ​ໄດ້ ບໍ່​ແມ່ນ​ຂອງ​ແທ້ ເພາະ​ເລື້ອງນີ້ ບໍ່​ແມ່ນ​ເລື້ອງ​ຄິດ​ເອົາ ບໍ່​ແມ່ນ​ເລື້ອງ​ຄິດ​ເອົາ​ຈິງໆ, ເປັນ​ເລື້ອງ​ຄິດ​ອອກ​ເອງ ກໍ​ຄື​ຕ່າງ​ກັນ​ກັບ​ຄິດ​ເອົາ ໝາຍ​ເຖິງວ່າ ບໍ່​ໄດ້​ຄິດ ແຕ່​ຮູ້ ແຕ່​ເຂົ້າ​ໃຈ, ບໍ່​ໄດ້​ເວົ້າ​ກັນ ແຕ່​ກໍ​ຄື​ເວົ້າ​ກັນ, ບໍ່​ໄດ້​ໂສ​ກັນ ແຕ່​ກໍ​ຄື​ໂສ​ກັນ, ເໝືອນ​ກັບ​ວ່າ​ມີ​ຜູ່​ຮູ້ ຮູ້ຫຼາຍໆ ຢ່າງ ຄອຍ​ແນະ​ນຳ​​ພ່ຳ​ສອນ ອັນ​ນີ້ ຄື “ໂຕ​ທັມ​ມະ” ເອີ້ນ​ວ່າ​ໂຕ​ຜູ່​ຮູ້​ກໍ​ໄດ້ ແຕ່​ວ່າ​ໂຕ​ຜູ່​ຮູ້ນີ້ ຮູ້​ອອກ​ຈາກ​ກາຍ​ເຈົ້າ​ຂອງ ຮູ້​ອອກ​ຈາກວິນ​ຍານ​ເຈົ້າ​ຂອງ ວິນ​ຍານ​ເຈົ້າ​ຂອງ​ຮູ້​ແຈ້ງ​ຂຶ້ນ ກໍ​ເລີຍ​ເອີ້ນ​ວ່າ​ ຜູ່​ຮູ້ ນີ້​ແລ້ວ ຄື​ໂຕ​ທັມ​ມະ

 

5.

​ກ່ອນ​ຈະ​ເຂົ້າ​ໃຈ ຕ້ອງ​ໄດ້​ອາ​ສັຍ​ຜູ່​ເຂົ້າ​ໃຈ​ກ່ອນ! ຖືກ​ແລ້ວ​ທີ່​ຖາມ ຖືກ​ແລ້ວ​ທີ່​ຄອງ​ຄອຍ, ທ່ານ​ຜູ່​ຖາມ​ຖືກ​ແລ້ວ ດີ​ແລ້ວ, ຂໍ​ອະ​ນຸ​ໂມ​ທະ​ນາ​ນຳ ແຕ່​ວ່າ​ຢ່າ​ລືມ​ຄິດ ຄິດ​ເຖິງ​ເລື້ອງ​ເຈົ້າ​ຂອງ ຄິດ​ຊອກ​ຫາ​ເຫດ ແລະຜົນ ບໍ່​ແມ່ນ​ຄິດ​ເພື່ອ​ໃຫ້​ຍຶດ​ໝັ້ນ​ຖື​ໝັ້ນ​ໄວ້ ແຕ່​ໃຫ້​ຄິດ​ເພື່ອ​ໃຫ້​ຮູ້ ເພື່ອ​ໃຫ້​ເຂົ້າ​ໃຈ ເຂົ້າ​ໃຈ​ວ່າ ເຈົ້າ​ຂອງ ​ມີ​ເລື້ອງ​ຖືກ ເລື້ອງ​ຜິດຫຼາຍ​ປານ​ໃດ! ຫຼື ບໍ່​ມີ? ທາງ​ກາຍ​ກໍ​ດີ, ທາງວາ​ຈາ​ກໍ​ດີ, ທາງ​ໃຈ​ກໍ​ດີ, ເຄີຍ​ທຳ​ອັນ​ໃດ​ຜິດໆ ເຄີຍ​ເວົ້າ​ອັນ​ໃດ​ຜິດໆ ມີ​ບໍ? ເຄີຍ​ເຮັດ​ອັນ​ໃດ ເຄີຍ​ທຳ​ອັນ​ໃດ ມີ​ບໍ່? ໃນ​ທາງ​ຝ່າຍ​ເສື່ອມ​ຝ່າຍ​ລົບ? ໃນ​ທາງ​ຝ່າຍບວກ​ມີຫຼາຍ​ປານ​ໃດ? ແລະ ທາງ​ໃຈ​ເຄີຍ​ຄິດ​ແບບ​ໃດ? ຄິດ​ອິດ​ສາ​ພະ​ຍາ​ບາດ ຄິດ​ອາ​ຄາດ​ຈອງ​ເວນ​ມີ​ບໍ? ຫຼື​ຄິດ​ໃຫ້​ທຸກ​ຂ໌​ແກ່​ເຈົ້າ​ຂອງ ຫຼື ຄິດ​ແບບ​ອຶກ​ກະ​ທຶກ​ນຶກນອງ ມາກ​ມາຍ​ກາຍກອງ ຈົນ​ບໍ່​ຈັກ ຈົນ​ບໍ່​ຮູ້ ຈົນ​ບໍ່​ສາ​ມາດ​ສະຫຼຸບ​ໄດ້ ເປັນ​ແບບນີ້​ບໍ?

 

6.

ພ​ຣະ​ທັມ​ເຫັນ​ວ່າ ສ່ວນຫຼວງຫຼາຍຄິດ​ແບບນີ້​ແລ້ວຫຼາຍ ຫຼາຍ​ເປັນ​ສ່ວນ​ໃຫຍ່​ເລີຍ, ແຕ່​ທ່ານ​ຜູ່​ຖາມ​ເດ? ເຖິງ​ຂະ​ໜາດນີ້​ຢູ່​ບໍ? ຫຼືວ່າ​ແນວ​ໃດ? ຈົ່ງ​ທົບ​ທວນ​ເບິ່ງ! ຈົ່ງ​ຊອກ​ຫາ​ເບິ່ງ! ຈົ່ງ​ເອົາ​ໃຈ​ໃສ່​ຄົ້ນ​ຫາ​ສາ​ເຫດ ເພື່ອ​ຈະ​ລົບ​ລ້າງ​ຄວາມ​ຜິດ​ພາດ ຢູ່​ໃນ​ຊີ​ວິດເຈົ້າ​ຂອງ ເພື່ອ​ເປັນ​ບຸນເປັນ​ກຸ​ສົນ​ຂຶ້ນ ເພື່ອ​ໃຫ້​ຮູ້ເພື່ອ​ໃຫ້​ເຂົ້າ​ໃຈ ໃນ​ທາງ​ຝ່າຍບວກ ແລະຝ່າຍ​ລົບ

 

7.

​ບຸນ​ມີ​ຈິງເດີ​ທ່ານ​ເດີ! ບາບ​ມີ​ຈິງ​ເດີ​ທ່ານ! ຢ່າ​ເຮັດ​ແບບ​ຜິວ​ເຜີນ! ຢ່າ​ຄິດ​ວ່າ​ຄົນ​ອື່ນບໍ່​ຄິດ! ຢ່າ​ຄິດ​ວ່າ​ເຮົາ​ຢູ່​ຜູ່​ດຽວ! ຕ້ອງ​ຄິດ​ວ່າ​ເຮົາ​ຢູ່ຫຼາຍ​ຄົນ, ເຮືອນຫຼັງ​ນີ້ ເຮືອນ​ຂອງ​ທ່ານນີ້​ແລ້ວ ເຮືອນ​ຮ່າງ​ກາຍ​ຂອງ​ທ່ານນີ້​ແລ້ວ ແມ່ນ​ເຮືອນ​ນຳ​ກັນ, ໃຜ​ຢູ່​ໃນ ​ທ່ານ​ຮູ້ບໍ່? ພ​ຣະ​ທັມ​ເຫັນ! ພ​ຣະ​ທັມ​ຮູ້ ຮູ້​ວ່າ​ມີຫຼາຍ​ພາກ​ສ່ວນ, ຮູ້​ຈິງໆ ບໍ່​ໄດ້​ເວົ້າ​ຢອກ ຮູ້​ແທ້ໆ​ນີ້​ແລ້ວ ຮູ້​ແບບ​ຜູ່​ຮູ້​ຮູ້ ຮູ້​ແບບ​ຜູ່​ຕື່ນ​ຮູ້ ຮູ້​ແບບ​ຜູ່​ເບີກ​ບານ​ຮູ້ ແມ່​ທອງ​ແກ້ວ​ມີ​ແບບນີ້ ຮູ້​ໄດ້​ແບບນີ້ ຕອບ​ຄຳ​ຖາມນີ້ ກໍ​ຕ້ອງ​ຕອບ​ດ້ວຍ ຜູ່​ຮູ້ ຜູ່​ຕື່ນ ຜູ່​ເບີກ​ບານ

 

8.

​ທ່ານ​ເອີຍ! ຄຳ​ຖາມນີ້ ດີ​ທີ່​ສຸດ! ດີ​ແສນ​ດີ​ພຸ້ນ​ແລ້ວ, ພ​ຣະ​ທັມ​ພໍ​ໃຈ​ທີ່​ສຸດ ພ​ຣະ​ທັມ​ຂໍ​ບອກ​ເລີຍ​ວ່າ ເຈົ້າ​ຈະ​ໄດ້​ບຸນ ເຈົ້າ​ຈະ​ໄດ້​ກຸ​ສົນ ເຈົ້າ​ຈະ​ໄດ້​ມັ​ຄ​ນ້ອຍໆ ເຈົ້າ​ຈະ​ໄດ້​ຜົນ​ຢ່າງຫຼວງຫຼາຍ, ເປັນ​ຫຍັງ​ຈິ່ງວ່າ ໄດ້​ມັ​ຄ​ນ້ອຍໆ ໄດ້​ຜົນ​ຢ່າງຫຼວງຫຼາຍ? ກໍ​ເພາະ​ວ່າ ເຈົ້າ​ຍັງ​ບໍ່​ທັນ​ເຂົ້າ​ໃຈ​ນີ້​ເອງ! ຖ້າ​ເຈົ້າ​ເຂົ້າ​ໃຈຫຼາຍ ເຈົ້າ​ກໍ​ຈະ​ໄດ້​ມັ​ຄຫຼາຍ! ມັ​ຄ​ຄື​ຟັງ​ຍາກ, ແຕ່​ຖ້າ​ວ່າ ເຈົ້າຈະ​ພໍ​ໃຈຫຼາຍ ກໍ​ບໍ່​ຖືກ ກໍ​ບໍ່​ແມ່ນ! ກໍ​ເລີຍ​ເອີ້ນ​ວ່າ “ມັກ​ໃນ​ທາງ​ດີ​ ໃນທາງ​ຊອບ” ຖ້າ​ເຈົ້າ​ມັກຫຼາຍ ມັກຫຼາຍໆ ກໍ​ຄື​ໄດ້​ມັ​ຄຫຼາຍ ໄດ້​ມັ​ຄ​ຢູ່​ໃນ​ໃຈ ໄດ້​ມັ​ຄ​ໃຫ້​ເຈົ້າ​ຂອງ ຍິ່ງ​ໄດ້​ຜົນ​ຂຶ້ນ, ພ​ຣະ​ທັມ​ຂໍ​ຝາກ ຂໍ​ມອບ​ຂອງ​ຂວັນ​ນີ້​ໃຫ້​ແກ່​ຜູ່​ຖາມ ຂໍ​ໃຫ້​ໄດ້​ຄວາມ​ເຂົ້າ​ອົກ​ເຂົ້າ​ໃຈ​ຢ່າງ​ເຕັມ​ທີ່ ແລະຂໍ​ໃຫ້​ພິ​ສູດ ກາຍ​ເຈົ້າ​ຂອງ​ຢ່າງ​ລະ​ອຽດ​ຂຶ້ນ ຈົນ​ວິ​ເຄາະ​ດ້ວຍຕົນ​ເອງ ຈົນ​ວິ​ນິດ​ສັຍ​ດ້ວຍ​ສະ​ຕິ​ປັນ​ຍາ​ເຈົ້າ​ຂອງ. 

 

ທ່ານ​ທັງຫຼາຍ​ເອີຍ! ທ່ານ​ຜູ່​ລໍ​ຄອຍ ທ່ານ​ຜູ່​ຄອງ​ຄອຍ​ທັງຫຼາຍ! ຂໍ​ຈົ່ງ​ເອົາ​ໃຈ​ໃສ່​ນຳ​ກັນ ຂໍ​ຈົ່ງ​ເອົາ​ໃຈ​ໃສ່​ນຳ​ກັນ ແບບ​ເຕັມ​ອົກ​ເຕັມ​ໃຈ ຈົ່ງ​ສຶກ​ສາ​ກ່ອນ! ສຶກ​ສາ​ແບບ​ພໍ​ໃຫ້​ເຂົ້າ​ໃຈ ການ​ສຶກ​ສານີ້ ຕ້ອງ​ໄດ້​ຖາມ ຖາມ​ນຳ​ພໍ່​ຄູແມ່​ຄູ ທັງ​ຖາມ ​ທັງ​ສົນ​ທະ​ນາ ແລ້ວ​ກໍ​ລອງ​ປະ​ຕິບັດ​ເບິ່ງ ປະ​ຕິ​ບັດ​ແນວ​ໃດ? ກໍ​ຕ້ອງ​ຖາມ​ຄື​ວ່ານັ້ນ​ແລ້ວ! ເພາະ​ວ່າ​ຜູ່​ຊ່ວຍ ມີ​ໜ້າ​ທີ່​ຊ່ວຍ ມີ​ໜ້າ​ທີ່​ແຍກ​ແຍະ​ໃຫ້​ຟັງ ຫຼື ຖ້າ​ຈະ​ເອົາ​ຢູ່​ໃນ​ທີ່ນີ້  ພ​ຣະ​ທັມ​ກໍ​ຈະ​ໃຫ້​ໄດ້​ບາງ​ເລັກ​ນ້ອຍ: 1). ຕ້ອງ​ເອົາ​ໃຈ​ໃສ່, 2). ຕ້ອງ​ພະ​ຍາ​ຍາມ, 3). ຕ້ອງ​ໄດ້​ອົດ​ທົນ, 4). ຕ້ອງ​ໄດ້​ຄຸມ​ເຈົ້າ​ຂອງ, 5). ຕ້ອງ​ໄດ້​ຈະ​ເລີນ​ສະ​ຕິ, 6). ຕ້ອງ​ໄດ້​ໃຊ້​ຄວາມ​ພຽນ​ ຢ່າງ​ສຸດໆພຸ້ນ​ແລ້ວ, 7). ​ຕ້ອງ​ເຮັດ​ແບບ​ເຕັມ​ອົກ​ເຕັມ​ໃຈ, 8). ຕ້ອງ​ເອົາ​ໃຈ​ໃສ່​ແບບ​ພິ​ເສດ, 9). ຕ້ອງ​ສູ້​ແບບ​ສຸດໆ, 10). ຕ້ອງ​ເຊື່ອ​ວ່າ ຄວາມ​ຈິງ ມີ​ຈິງ, 11). ຕ້ອງ​ເຫັນ​ຕົນ​ເອງ​ຢູ່​ທຸກ​ເມື່ອ, 12). ຕ້ອງ​ເຂົ້າ​ໃຈ​ວ່າ ເຈົ້າ​ຂອງ​ກຳ​ລັງ​ຊ່ວຍ​ເຈົ້າ​ຂອງ ຢ່າງ​ແທ້​ຈິງ ຢ່າງ​ສູງ​ສຸດ, 13). ຕ້ອງ​ຮູ້​ຄ່າ​ຮູ້​ຄຸນ ພ​ຣະ​ພຸ​ທ​ທະ​ສາ​ສ​ນາ ຢ່າງ​ແທ້​ຈິງ ຢ່າງ​ສູງ​ສຸດ, 14). ຕ້ອງ​ຢູ່​ໃນ​ກອບ ຕ້ອງ​ຢູ່​ໃນ​ກົດ, 15). ຕ້ອງ​ເຫັນ​ວ່າ ໜ້າ​ທີ່​ອັນ​ນີ້ ເປັນ​ໜ້າ​ທີ່​ຢ່າງ​ສູງ​ສຸດ​ແທ້ໆ ຢ່າງ​ສູງ​ສຸດ​ຈິງໆ, 16). ຕ້ອງ​ຖື​ວ່າ ຮຽນ​ເອົາ​ວິ​ຊາ ຮຽ​ນ​ເອົາ​ຄວາມ​ຮູ້ ຮຽນ​ເອົາ​ຄວາມ​ເຂົ້າ​ໃຈ ຮຽນ​ເພື່ອ​ໃຫ້​ໄດ້​ໄປ​ເຖິງ​ພ​ຣະ​ນິ​ພ​ພານ, 17). ຕ້ອງ​ຮູ້​ຄຸນ​ຮູ້​ຄ່າ ບຸນ ແລະບາບ, ອາດ​ຈະ​ເຂົ້າ​ໃຈ​ວ່າ “ບຸນ​ດີ ບາບບໍ່​ດີ” ສ່ວນຫຼວງຫຼາຍ ຕ້ອງ​ເຂົ້າ​ໃຈ​ວ່າ​ແນວນີ້ ແຕ່​ວ່າ​ໃນ​ທີ່ນີ້ ຕ້ອງ​ການຢາກ​ໃຫ້​ຮູ້​ຢ່າງນີ້, ບຸນ ແລະ ບາບ ມີ​ຄ່າ​ເທົ່າ​ກັນ ຖ້າບໍ່​ມີ​ບາບ ບຸນ​ກໍ​ບໍ່​ມີ​ຄ່າ, ມີ​ບາບ ບຸນ​ຈິ່ງ​ມີ​ຄ່າ, ຖ້າ​ເຂົ້າ​ໃຈ​ໄດ້​ແນວນີ້ ກໍ​ຕ້ອງ​ເທີດ​ທູນ​ບູຊາຜູ່​ທີ່​ເວົ້າ​ໃຫ້ ຜູ່​ທີ່​ວ່າ​ໃຫ້ ຜູ່​ທີ່​ຕິ​ສິນ​ນິນ​ທາ, ຜູ່​ທີ່​ຊ່ວຍ​ໃຫ້​ມີ​ພະ​ລັງ, ຈະ​ເປັນ​ພະ​ລັງ​ຮ້າຍ​ກໍ​ດີ ຢ່າງໜ້ອຍ​ກໍ​ໄດ້​ເປັນ​ຂໍ້​ຄິດ ໄດ້​ຂໍ້​ຄິດນີ້​ແລ້ວ ຈະ​ໄດ້​ທາງ​ອອກ, 18). ຢ່າ​ຄິດ​ວ່າ ບາບບໍ່​ດີ ບຸນ​ດີ! ຕ້ອງ​ຄິດ​ວ່າ ທັງ​ສອງນີ້ ດີ​ພໍໆ ກັນ, ດີ​ເທົ່າ​ກັນ, ແຕ່​ວ່າ ບໍ່​ທຳ​ບາບ, ແຕ່​ໃຫ້​ຮູ້​ຄຸນ​ຄ່າ​ຂອງ​ບາບ, ສຳ​ລັບ​ເຈົ້າ​ຂອງ​ແລ້ວ ໃຫ້ຫຼີກ​ໃຫ້​ເວັ້ນການ​ທຳ​ບາບ! ໃຫ້​ເວັ້ນ​ໃຫ້​ໄດ້ ເພາະ​ວ່າການ​ທຳ​ບາບນີ້ ບໍ່​ດີ! ແຕ່​ຖ້າ​ມີ​ຜູ່​ເວົ້າ​ໃຫ້ ຜູ່​ເວົ້າ​ໃສ່ ຜູ່​ຫາ​ເລື້ອງ​ໃສ່​ຄວາມ, ຜູ່​ໃສ່​ຮ້າຍ ຜູ່​ຄິດ​ວ່າ​ເຈົ້າ​ຂອງບໍ່​ດີ ຜູ່​ມັກ​ຫຍໍ້​ທໍ້ ຜູ່​ປະ​ຈານ​ດູ​ໝິ່ນ ຜູ່​ເຫັນ​ວ່າ ເຈົ້າ​ຂອງ​ເປັນ​ຄົນ​ຊົ່ວ ຜູ່​ເຫັນ​ວ່າ​ເຈົ້າ​ຂອງ​ເປັນ​ຄົນ​ເລວ​ຊາມ ໃຫ້​ຖື​ວ່າ ອັນ​ນີ້ ຜູ່​ໃຫ້​ລາບ​ໃຫ້​ໂຊກ, ຜູ່​ໃຫ້​ຂອງ​ຂວັນ ຜູ່​ຊ່ວຍ​ໃຫ້​ມີ​ແຮງ​ຕໍ່​ສູ້ ຜູ່​ໃຫ້​ຮຽນ​ຮູ້ ໃຫ້​ຮຽ​ນ​ຮູ້​ຕາມ​ໂລກ​ໜ່ວຍນີ້ ແລະຜູ່​ໃຫ້​ບາ​ຣະ​ມີ, ໃຫ້​ຖື​ວ່າ​ແບບນີ້ ຈະ​ຍາກ​ຈະ​ງ່າຍ​ພຽງ​ໃດ ໃນ​ການ​ຝືນ​ໃຈ ກໍ​ຂໍ​ໃຫ້​ຄິດ​ວ່າ ເຮົາ​ໂຊກ​ດີ​ແລ້ວ ມີ​ບົດ​ຮຽນ ມີ​ບົດ​ທົດ​ສອບ​ເຂົ້າ​ມາ ເຮົາ​ໄດ້​ບົດ​ຄົ້ນ​ຄວ້າ ເຮົາ​ໄດ້​ບົດ​ອ່ານ​ບົດ​ຂຽນ ເຮົາ​ຍັງ​ມີ​ຜູ່​ໃຫ້​ວິ​ຊາ​ຄວາມ​ຮູ້ ໃຫ້​ຖື​ວ່າ​ແບບນີ້ ຖ້າ​ຖື​ໄດ້​ແບບນີ້ ກໍ​ຖື​ວ່າ​ໂຊກ​ດີ​ຕ​ລອດ​ໄປ ຄົນ​ໃນ​ໂລກ​ໜ່ວຍນີ້ ບໍ່​ມີ​ດອກ​ຈະ​ຍ້ອງ ບໍ່​ມີ​ດອກ​ຈະ​ຕິ ກໍ​ຕ້ອງ​ມີ​ແບບນີ້ ແບບ​ສອງ​ຢ່າງນີ້ ຕິ ກັບ ຍ້ອງ, ສັນ​ເສີນ ກັບ​ນິນ​ທາ, ຮັກ​ແລ້ວ​ກໍ​ຊັງ ຊັງ​ແລ້ວ​ກໍ​ຮັກ, ດີ​ແລ້ວ​ກໍ​ຮ້າຍ ຮ້າຍ​ແລ້ວ​ກໍ​ດີ, ຕ້ອງ​ຮູ້​ເລື້ອງ​ຄົນ ເພາະ​ຢູ່​ນຳ​ຄົນ, ຕ້ອງ​ຮູ້​ເລື້ອງ​ເຂົາ ເພາະ​ຢູ່​ນຳ​ເຂົາ, ໂຕ​ມີ​ຫູ ຕ້ອງ​ຟັງ​ຫູ​ໄວ້​ກ່ອນ, ບໍ່​ແມ່ນ​ຈະ​ເອົາ​ມາ​ໄວ້​ຢູ່​ຫົວ​ໃຈ ເລື້ອງ​ອັນ​ໃດກໍ​ຕ້ອງ​ເຂົ້າ​ໃຈ​ວ່າ ໂລກ​ໜ່ວຍນີ້ ຕ້ອງ​ມີ​ແບບນີ້ ໂລກ​ອັນ​ຕະ​ລາຍ​ໜ່ວຍນີ້ ແນ່ນອນ​ຕ້ອງ​ມີ ນີ້​ຄື​ທັມ​ມະ! ເຂົ້າ​ໃຈ​ໄດ້​ກໍ​ດີ ຫຼື ເຂົ້າ​ໃຈ​ກ່ອນ​ແມ່​ພ​ຣະ​ຕອບ​ກໍ​ດີ ແມ່​ພ​ຣະ​ທາງນອກ ແມ່​ພ​ຣະ​ແກ້ວ​ທາງນອກ ແກ້ວ​ຊື່ ຊື່​ວ່າ​ທອງ​ແກ້ວ ແຕ່​ວ່າ​ຜູ່​ຕອບ​ຄື ພ​ຣະ​ທັມ ພ​ຣະ​ທັມ​ທີ່​ທ່ານ​ຢາກ​ຮູ້ ທີ່​ທ່ານ​ຕ້ອງ​ການ ທີ່​ທ່ານ​ສະ​ເໜີ​ຫົວ​ຂໍ້​ມາ. 

 

ທ່ານ​ທັງຫຼາຍ​ເອີ​ຍ! ຜູ່​ໄດ້​ຖາມ​ກໍ​ດີ ຜູ່ບໍ່​ໄດ້​ຖາມ​ກໍ​ດີ, ຈົ່ງ​ຍິນ​ດີ​ໃນ​ພ​ຣະ​ທັມ ​ນຳ​ກັນ​ທັງ​ເໝິດ​ດ້ວຍ​ເຖີດ! 19). ທ່ານ​ຜູ່​ອ່ານ​ທັງຫຼາຍ! ທ່ານ​ຜູ່​ໄດ້​ຍິນ​ໄດ້​ຟັງ​ຄຳ​ຕອບນີ້ ຂໍ​ຈົ່ງ​ເອົາ​ໄປ​ຄິດ, ຖ້າ​ຄິດ​ອອກ ກໍ​ຖື​ວ່າ ຂ້າມ​ບ້ວງ​ມານ​ໄດ້ ຖື​ວ່າ​ຜ່ານ​ໄດ້ຢ່າງ​ສິ້ນ​ເຊີງ! ດີ ກໍ​ເຫັນ​ວ່າ​ເປັນ​ເລື້ອງ​ທຳ​ມະ​ດາ, ຊົ່ວ​ກໍ​ເຫັນ​ວ່າ​ເປັນ​ເລື້ອງ​ທຳ​ມະ​ດາ, ທັງ​ດີ ທັງ​ບໍ່​ດີ ທັງ​ຊົ່ວ ທັງສາມນີ້ ໃຫ້​ຖື​ວ່າ​ເປັນ​ກົດ​ເກນ​ຂອງ​ໂລກ​ໜ່ວຍນີ້ ໃຫ້​ຖື​ວ່າ ໂລກ​ເຂົາ​ເປັນ​ແບບນີ້ຕ​ລອດ​ມາ ເປັນ​ແບບ​ອື່ນບໍ່​ໄດ້ ເພາະ​ໂລກ​ໜ່ວຍນີ້ ຂີ້​ສໍ້​ຕໍ່​ແຫຼະ, ເປັນ​ໄປ​ຕາມ​ກົດ​ຍະ​ຖາ​ກັມ ຈົ່ງ​ຖື​ວ່າ ລົງ​ເຮືອນ​ໄປ ຕ້ອງ​ມີ​ສາມ​ຄົນ​ລໍ​ຖ້າ, ຜູ່​ນຶ່ງ​ຈະ​ຍ້ອງ ຜູ່​ນຶ່ງ​ຈະ​ຕິ ຜູ່​ນຶ່ງ​ຈະ​ເສີຍ​ຢູ່ ບໍ່​ຕິບໍ່​ຍ້ອງ ເລື້ອງນີ້ ເປັ​ນ​ເລື້ອງ​ທຳ​ມະ​ດາ ຖ້າ​ໄປ​ຍຶດ​ໄປ​ຕິດ ກໍ​ຖື​ວ່າ​ຕິດ​ຢູ່​ໃນ​ທຸກ​ຂ໌​ຂອງ​ຄົນ​ອື່ນ, ຖ້າບໍ່​ຍຶດບໍ່​ຕິດ ກໍ​ຖື​ວ່າ ຜ່ານ​ຜ່າ ຊະ​ນະ​ໄດ້ ຖື​ວ່າ​ເປັນ​ຜູ່ຫຼຸດ​ຜູ່​ພົ້ນ​ໄດ້, ເປັນ​ຜູ່​ຮູ້ ເປັນ​ຜູ່​ເຫັນ ເປັນ​ຜູ່ເຂົ້າ​ໃຈ ໃນ​ເລື້ອງ​ກົດ​ເກນ​ໄດ້​ຢ່າງ​ແທ້​ຈິງ! ເປັນ​ຜູ່​ເຂົ້າ​ໃຈ​ຖືກ ແບບນີ້​ກໍ​ຖື​ວ່າ ເປັນ​ຜູ່​ເຫັນ​ໄດ້​ຢ່າງ​ຊັດ​ເຈນ, ເຫັນ​ອະ​ນິ​ຈ​ຈັງ ທຸກ​ຂັງ ອະ​ນັ​ຕ​ຕາ.

 

ຈົບ​ຄຳ​ຕອບ

ເວ​ລາ 15:42-16:45ມ, ວັນ​ທີ 08/06/2014

(ໃຊ້​ເວລາ​ສົ່ງ​ສັຈ​ຈະ​ທັມ​ ຄຳ​ຕອບອອກ ແລະ​ຈົດ​ໄວ້ 01:03 ຊົ່ວ​ໂມງ​;

ຜູ່​ຈົດ ແລະ​ຕີ​ພິມ​ໄວ້​ ທ່ານ ຄຳ​ສອນ ຫຼັກ​ໄມ​ຕ​ຣີ, ໂທລະ​ສັບ​: (+856-20) 222 111 40,

E-mail: klakmaitry@gmail.com; https://www.facebook.com/klakmaitry

 

Share
comments

ສະແດງຄວາມຄິດເຫັນໃນຂ່າວນີ້


Security code
Refresh