Get Adobe Flash player

ບົດ​ຄວາມ​ໃໝ່​ສຸດ

ບຸກຄົນອອນໄລນ໌

ເຮົາມີ 29 ບຸກຄົນທົ່ວໄປ ອອນໄລນ

ເຊື່ອມຕໍ່ພວກເຮົາທີ່:

ຈຳນວນຜູ້ເຂົ້າເບິ່ງເວັບ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້3126
mod_vvisit_counterມື້ວານ3550
mod_vvisit_counterອາທິດນີ້6676
mod_vvisit_counterອາທິດຜ່ານມາ9376
mod_vvisit_counterເດືອນນີ້24778
mod_vvisit_counterເດືອນຜ່ານມາ44241
mod_vvisit_counterທັງໝົດ3338881

ເຮົາມີ: 22 ບຸກຄົນທົ່ວໄປ, 2 bots ອອນໄລນ
Your IP: 54.91.38.173
 , 
ມື້ນີ້: ວັນ​ທີ 12 ທ. ວ., 2017

ແຜນ​ທີ່​ຜູ່​ເຂົ້າ​ເບິ່ງ​ເວັບ

Locations of visitors to this page

 

ສິ່ງ​ທີ່​ເສັຍ​ໄປ​ແລ້ວ ເຮັດ​ແນວ​ໃດ​ຊິ​ໄດ້​ກັບ​ຄືນ​ມາ, ເສັຍຫຼາຍ​ສິ່ງຫຼາຍ​ຢ່າງ, ໃນ​ຊີ​ວິດ​ມີ​ແຕ່​ເສັຍ?

User Rating: / 1
ບໍ່ດີເລີຍດີທີສູດ 
Share
Font size:

ສິ່ງ​ທີ່​ເສັຍ​ໄປ​ແລ້ວ ເຮັດ​ແນວ​ໃດ​ຊິ​ໄດ້​ກັບ​ຄືນ​ມາ,ເສັຍຫຼາຍ​ສິ່ງຫຼາຍ​ຢ່າງ, ໃນ​ຊີ​ວິດ​ມີ​ແຕ່​ເສັຍ?

iconດາວ​ໂຫຼດ/Download

 

ຄໍາ​ຕອບ​ມີ 8 ຂໍ້​:

 

1.

ກ​ານ​ເສັຍ ຫຼືການ​ໄດ້ ເປັນ​ເລື້ອງ​ທຳ​ມະ​ດາ, ຖ້າ​ເຂົ້າ​ໃຈ ບໍ່​ແມ່ນ​ເລື້ອງ​ເສັຍ ບໍ່​ແມ່ນ​ເລື້ອງ​ໄດ້, ແຕ່​ຖ້າບໍ່​ເຂົ້າ​ໃຈ ຕ້ອງວ່າ​ເສັຍຕ້ອງວ່າ​ໄດ້, ແຕ່​ຄວາມ​ຈິງ ເລື້ອງນີ້​ໄດ້​ກໍ​ບໍ່​ແມ່ນ ເສັຍ​ກໍ​ບໍ່​ແມ່ນ ເພາະ​ວ່າ​ເປັນ​ເລື້ອງຫຼອກ​ລວງ​ທັງ​ໝົດ​ທັງ​ສິ້ນ ແຕ່ຫຼາຍ​ຄົນ​ເຂົ້າ​ໃຈ​ວ່າ ​ຕ້ອງ​ໄດ້​ຈິ່ງ​ດີ, ແມ່ນ! ຖ້າ​ມອງ​ໃກ້ ແຕ່​ຖ້າ​ມອງ​ໄກ ເຫດ ແລະຜົນ​ມີ ຖ້າ​ມີ​ເສັຍ ກໍ​ຕ້ອງ​ມີ​ເລື້ອງ​ທີ່​ຄວນ​ເສັຍ, ແຕ່​ຖ້າ​ມີ​ໄດ້ ກໍ​ຕ້ອງ​ມີ​ເລື້ອງ​ທີ່​ຄວນ​ໄດ້ ແນ່ນອນ​ຕ້ອງ​ມີ​ເຫດ​ສົ່ງ​ຜົນ ທັງ​ສອງນີ້ ຈິ່ງ​ກັບ​ກັນ​ຢູ່

 

2.

​ຢູ່​ໃສ​ກໍ​ມີ​ໄດ້​ມີ​ເສັຍ, ແຕ່​ວ່າ​ຕ້ອງ​ເຂົ້າ​ໃຈ​ວ່າ ເສັຍ​ເພາະ​ອັນ​ໃດ? ເສັຍ​ຍ້ອນ​ຂາດ​ສະ​ຕິບໍ່? ຫຼື​ເສັຍ​ຍ້ອນຫຼົງ​ຍ້ອນ​ລືມ? ຫຼື ຍ້ອນ​ພາດ​ພັ້ງ ຫຼື ຍ້ອນບໍ່​ເອົາ​ໃຈ​ໃສ່? ຫຼື​ວ່າ ເສັຍ​ຍ້ອນ​ຂາດ​ຄວາມ​ຮັບ​ຜິດ​ຊອບ ຫຼື ເສັຍ​ຍ້ອນ​ຄວາມ​ລະ​ເລີຍ! ຖ້າ​ຄື​ຢ່າງນີ້ ກໍ​ຕ້ອງ​ໄດ້ປັບ​ປຸງ​ເຈົ້າ​ຂອງ​ໃໝ່ ​ແຕ່​ຖ້າ​ວ່າ​ເຈົ້າ​ຂອງ​ຮັບ​ຜິດ​ຊອບ​ໄດ້​ດີ ໄດ້​ດີ​ທີ່​ສຸດ​ແລ້ວ ແຕ່​ຍັງ​ພາດ​ໂອ​ກາດເສັຍ​ຈົນ​ໄດ້ ກໍ​ຖື​ວ່າໂຊກ​ຊາ​ຕາ​ເຈົ້າ​ຂອງ​ຄາດ​ເສັຍ ຄາດ​ໄດ້​ເສັຍ, ແຕ່​ເຖິງ​ຈະ​ເສັຍ ກໍ​ຍັງ​ຄຳ​ວ່າ ໄດ້​ເສັຍ! ຖ້າ​ເຂົ້າ​ໃຈ​ຄັກໆ ເສັຍ​ຊື່ໆ ບໍ່​ມີ​ດອກ! ຕ້ອງ​ມີ​ເສັຍ​ເພື່ອ​ການ​ແລກ​ປ່ຽນ ເສັຍ​ເພື່ອ​ໄດ້​ມາ​ໃໝ່​ກໍ​ມີ, ເສັຍ​ໄປ​ເພາະ​ໃຊ້​ໜີ້​ເກົ່າ​ກໍ​ມີ, ສອງ​ເສັຍ​ນີ້ ແນ່ນອນ​ຕ້ອງ​ມີ

 

3.

​ການ​ເສັຍ ການ​ເສັຍ​ໜ້າ​ເສັຍ​ຕາ ເສັຍ​ຊື່​ເສັຍ​ສຽງ ເສັຍ​ຍົດ​ຖາ​ບັນ​ດາ​ສັກ ເສັຍ​ຊັ້ນ​ເສັຍ​ຕຳ​ແໜ່ງ ເສັຍ​ຕໍ່ໆ ອີກ, ເສັຍ​ຢ່າງ ຫຼວງຫຼາຍ ກໍ​ຂໍ​ໃຫ້​ເຫັນ​ວ່າ ການ​ເສັຍ​ນີ້ ຕ້ອງ​ມີ​ເຫດ​ພາ​ໃຫ້​ເສັຍ, ແນ່ນອນ ໃຜໆ ກໍ​ບໍ່​ຢາກ​ເສັຍ, ແນ່ນອນ​ທີ່​ສຸດ​ໃນ​ເລື້ອງນີ້, ຊີ​ວິດທຸກ​ຄົນ ​ຜູ່​ໃດ​ກໍ​ຕ້ອງ​ການ​ແຕ່​ໄດ້, ຖ້າ​ໄດ້ ດີ​ໃຈ, ຖ້າ​ເສັຍ ເສັຍ​ໃຈ! ແນ່ນອນ ຕ້ອງ​ເສັຍ​ໃຈ!

 

4.

ຢ່າ​ເສັຍ​ໃຈ​ເຖີດ! ເສັຍ​ໃຈ​ກໍ​ບໍ່​ໄດ້​ຫຍັງ​ຂຶ້ນ​ມາ​ດອກ ມີ​ແຕ່​ເມື່ອຍ​ຊື່ໆ ມີ​ແຕ່​ເໝິດ​ເຫື່ອ​ເໝິດ​ແຮງ ເໝິດ​ພະ​ລັງ, ຢ່າ​ຄິດ​ວ່າເສັຍ​ໄປ​ແລ້ວ ເສັຍ​ໃຈ​ຕື່ມ ຊິ​ໄດ້​ຄືນ​ມາ, ໃຫ້​ຄິດ​ວ່າ ເຖິງ​ຈະ​ເສັຍກໍ​ຂໍ​ໃຫ້​ເສັຍ​ພຽງ​ແຕ່​ຊັ​ພ ຫຼື​ວ່າ​ສິ່ງ​ອື່ນໆ ສິ່ງ​ໃດ​ກໍ​ຕາມ ໃຫ້​ເສັຍ​ແຕ່​ພຽງ​ຄຳ​ວ່າ​ເສັຍ ສິ່ງ​ທີ່ບໍ່​ຄວນ​ໃຫ້​ເສັຍ ຄື​ເສັຍ​ໃຈ, ຈົ່ງ​ຮັກ​ສາ​ຫົວ​ໃຈ​ເຈົ້າ​ຂອງ​ໄວ້ ແລະຄື້ນ ລະບົບ ຈົ່ງ​ຮັກ​ສາ​ແບບ​ພິ​ເສດ!

 

5.

ຈົ່ງ​ຊ່ວຍ​ຕົນ​ເອງໃຫ້​ເຫັນ​ຄວາມ​ຈິງ ໃນ​ເລື້ອງ​ໄດ້ໃນ​ເລື້ອງ​ເສັຍ! ກ່ອນ​ຈະ​ເສັຍ ຕ້ອງ​ໄດ້​ກ່ອນ, ​ກ່ອນ​ຈະ​ໄດ້ ໄດ້​ແນວ​ໃດ? ໄດ້​ຈາກ​ອັນ​ໃດ? ເບິ່ງ​ເຫດ​ເບິ່ງ​ຜົນ ໃຫ້​ຖີ່​ຖ້ວນ​ກ່ອນ!

 

6.

ຈົ່ງ​ຊ່ວຍ​ຕົນ​ເອງຫຼາຍໆ ໃນ​ເວ​ລາ​ໄດ້ໃນ​ເວ​ລາ​ເສັຍ ຈົ່ງ​ບອກ​ເຈົ້າ​ຂອງ​ໃຫ້​ເບິ່ງ ໃຫ້​ເບິ່ງວ່າ ເອີ! ຕອນນີ້​ກຳ​ລັງ​ໄດ້! ໃຫ້​ເບິ່ງວ່າ ຕອນນີ້​ກຳ​ລັງ​ເສັຍ! ທັງ​ເສັຍ​ທັງ​ໄດ້ ໃຫ້​ເຫັນ​ທັງ​ສອງ​ສົ້ນ ໃຫ້​ເຫັນ​ຢ່າງ​ລະ​ອຽດ​ໃຫ້​ໄດ້, ຖ້າ​ເຫັນ ຈິ່ງ​ຈະ​ບໍ່ຫຼຸບ​ທຶນ ເຫັນ​ໄດ້​ເທົ່າ​ໃດ ຍິ່ງ​ດີ​ເທົ່າ​ນັ້ນ, ການ​ເຫັນ​ນີ້ ຕ້ອງ​ເຫັນ​ທາງ​ຄວາມ​ຮູ້​ສຶກ ຕ້ອງ​ເຫັນ​ແບບ​ລະ​ອຽດ ລະ​ອຽດ​ແບບ​ສຸດໆ ນີ້ ຈິ່ງ​ແມ່ນ​ເຫັນ​ການ​ໄດ້​ການ​ເສັຍ ແຕ່​ວ່າ​ສິ່ງ​ທີ່ບໍ່​ປາດ​ຖະ​ໜາ ແນ່ນອນ​ໃຜ​ກໍ​ຕ້ອງ​ຢາກຫຼີກ​ລ້ຽງ ໃນ​ຄຳ​ວ່າ “ສູນ​ຫາຍ” ແລະເສັຍ​ໄປ ແຕ່​ຖ້າ​ຫາກວ່າ ເອົາ​ມາ​ເຈັຍ​ລະ​ໄນ​ໄຈ້​ແຍກ ຈະ​ສາ​ມາດ​ພາ​ໃຫ້​ຜ່ານ​ຜ່າ ເອົາ​ຊະ​ນະ​ຈົນ​ໄດ້ ຜ່ານ​ຜ່າ​ອອກ​ຈາກ​ການ​ໄດ້​ການ​ເສັຍ

 

7.

​ເພື່ອ​ຊ່ວຍ​ເຈົ້າ​ຂອງ​ໃຫ້​ໄດ້​ດີ​ທີ່​ສຸດ ຕ້ອງ​ໃຫ້ເວົ້າ​ວ່າ ເອີ! ມັນ​ກໍ​ມີ​ໄດ້​ມີ​ເສັຍ​ນັ້ນ​ແລ້ວ ໃຫ້​ວ່າ​ແບບນີ້​ກ່ອນ ແລ້ວ​ກໍ​ໃຫ້​ວ່າ​ອີກ ວ່າ​ແບບ​ເກົ່າ​ຈັກ 7 ຄັ້ງ ຫຼື 9 ຄັ້ງ ກໍ​ດີ, ວ່າ​ເພື່ອ​ປາບ​ຄວາມ​ຢ້ານ​ເສັຍ, ຄວາມ​ຢ້ານ​ຊະ​ນິດນີ້ ຈະ​ພ່າຍ​ຫາຍ​ໄປ, ອຳ​ນາດ​ຄວາມ​ຢ້ານ ຈິ່ງ​ຈະ​ບໍ່​ຄອບ​ງຳ

 

8.

​ຕ້ອງ​ເຂົ້າ​ໃຈ​ວ່າ ຊີ​ວິດ​ເຈົ້າ​ຂອງ ແນ່ນອນ​ກໍ​ຕ້ອງ​ເສັຍ, ບໍ່​ເສັຍ​ໄວ ກໍ​ຕ້ອງ​ເສັຍ​ຊ້າ, ທີ່ຜ່ານ​ມາບໍ່​ທັ​ນເສັຍ ຕໍ່​ໄປ​ຕ້ອງ​ເສັຍ ແນ່ນອນ​ຕ້ອງ​ເສັຍ, ຈິງ ຫຼືບໍ່​ຈິງ​ຂໍ້​ນີ້? ຂໍ​ຖາມ​ຄືນ! ຜູ່​ຕອບ​ຂໍ​ຖາມ​ຜູ່​ຖາມ​ຄືນ! ຕ້ອງ​ຕອບ​ວ່າ “ຈິງ” ແນ່ນອນ ຕ້ອງ​ຕອບ​ວ່າ ແນ່ນອນ​ທີ່​ສຸດພຸ້ນ​ແລະ ເພາະ​ວ່າ​ເຄີຍ​ເຫັນ, ນີ້​ແລ້ວ​ຄື​ຄຳ​ຕອບ, ມີ​ເຫດ​ມີປັ​ຈ​ຈັຍ,  ມີ​ເຫດ​ສົ່ງ​ຜົນ, ເກີດ​ແລ້ວ​ຕ້ອງ​ແກ່ ຕ້ອງ​ເຈັບ ຕ້ອງ​ຕາຍ, ໂລກນີ້ບໍ່​ທ່ຽງ ໂລກນີ້​ເປັນ​ທຸກ​ຂ໌ ໂລກນີ້ບໍ່​ແມ່ນ​ຕົວ​ຕົນ ໂລກ​ຮ່າງ​ກາຍ​ເຈົ້າ​ຂອງນີ້ ເປັນ​ແບບນີ້ ຊີ​ວິດ​ເຈົ້າ​ຂອງນີ້ ເປັນ​ແບບນີ້ ຊີ​ວິດອະ​ນິ​ຈ​ຈັງ ຊີ​ວິດ​ທຸກ​ຂັງ ຊີ​ວິດ​ອະ​ນັ​ຕ​ຕາ, ຊີ​ວິດ​ຢູ່​ໃນ​ພາຍ​ໃຕ້​ຄວາມ​ຢາກ ຊີ​ວິດ​ຖືກ​ອຳ​ນາດ​ບຽດ​ບຽນ​ຄອບ​ງຳ​ເອົາ ຊີ​ວິດບໍ່ຫຼຸດ ຊີ​ວິດບໍ່​ພົ້ນ, ບໍ່​ພົ້ນ​ເພາະ​ອັນ​ໃດ ກໍ​ຍັງ​ບໍ່​ທັນ​ເຂົ້າ​ໃຈ​ເທົ່າ​ນີ້​ເອງ! ຈົ່ງ​ເຂົ້າ​ໃຈ​ວ່າ ເຮົາ​ເກີດ​ມາ  ​ມາ​ມື​ເປົ່າມາ​ໂຕ​ເປົ່າ ຈະ​ເຝົ້າ​ເອົາ​ຫຍັງກໍ​ບໍ່​ໄດ້​ດອກ ມີ​ແຕ່​ເຮັດ​ມີ​ແຕ່​ຫາ​ເທົ່າ​ນັ້ນ​ເອງ ສຸດ​ທ້າຍ​ແລ້ວ ກໍ​ອ​ວ່າຍ​ກັບ​ຄືນ ອ​ວ່າຍ​ກັບ​ໄປ​ສູ່​ທັມ​ມະ​ຊາດ​ເດີມ ໄປ​ສູ່​ດິນ ໄປ​ສູ່​ນ້ຳ ໄປ​ສູ່​ໄຟ ໄປ​ສູ່​ລົມ  ໄປ​ສູ່​ອາ​ກາດ ໄປ​ສູ່​ວິນ​ຍານ, ຈົບ​ທໍ່​ນີ້​ເລື້ອງ​ຄົນ ຄົນ​ເປັນ​ແບບນີ້​ແລ້ວ ແຕ່​ວ່າ​ສ່ວນ​ຍັງ​ເຫຼືອ ຄື ວິນ​ຍານ ແລະຄວາມ​ຮັບ​ຮູ້ ແລະຜູ່​ເປັນ​ພ​ຣະ ພ​ຣະ​ທີ່​ມາ​ຄ້າງ​ຄາຢູ່​ໃນ​ຮ່າງ​ກາຍເຈົ້າ​ຂອງ ພ​ຣະ​ຜູ່​ປະ​ສົງ​ມາ​ເກີດ​ລ້ວມ ມາ​ເກີດ​ນຳ​ກັນ ເອີ້ນ​ວ່າມາ​ເກີດ​ລ້ວມ​ຮ່ວມ​ກັນ ເພື່ອ​ສ້າງ​ບຸນ​ສ້າງ​ກຸ​ສົນ ເພ່ອ​ສ້າງ​ມັ​ຄ​ສ້າງ​ຜົນ ເພື່ອຫຼຸດ​ເພື່ອ​ພົ້ນ ເພື່ອ​ພົ້ນ​ອອກ​ຈາກ​ໂລກ​ທຸກ​ຂ໌​ໜ່ວຍນີ້ ໂລກ​ທຸກ​ຂ໌​ໜ່ວຍນີ້ ໜ່ວຍ​ທີ່​ພາ​ລະ​ຮ່າງ​ກາຍ ໄດ້​ເພິ່ງ​ໄດ້​ອາ​ສັຍ​ຢູ່; ຄິດ​ເບິ່ງ! ຜູ່​ເປັນ​ພ​ຣະ ກໍ​ຍັງ​ມາ​ຕິດ​ເອາະ ຕິດ​ເອາະ​ຕິດ​ແກງ ຕິດ​ຂົ້ວ​ຕິດ​ຈືນ ຕິດ​ປົ່ນ​ຕິດ​ແຈ່ວ ຍ້ອນ ຣົ​ຊ, ຕິດ​ຕົ້ມ​ຕິດ​ແກງ​ຍ້ອນ​ອາ​ຫານ ອາ​ຫານ​ຊະ​ນິດນີ້ ກິນ​ແລ້ວເພື່ອ​ມີ​ແຮງ ທັງ​ດື່ມ​ທັງ​ກິນ ແມ່ນ​ເພື່ອ​ໃຫ້​ມີ​ແຮງ​ເທົ່າ​ນີ້​ເອງ ພໍ​ແຕ່​ຊ່ວຍ​ໃຫ້​ບັນ​ເທົາທຸກ​ຂ໌​ໄປ​ວັນໆ  ແຕ່​ວ່າ​ຜູ່​ເປັນ​ພ​ຣະ ປະ​ສົງ​ຕ້ອງ​ການ​ຢາກ​ໄດ້​ພະ​ລັງ ເພື່ອ​ອອກ​ຈາກ​ໂລກ​ໜ່ວຍນີ້​ໄດ້ ຈຳ​ເປັນຈິ່ງ​ໄດ້​ຢືມ​ຮ່າງ​ກາຍ ເພື່ອ​ສ້າງ​ບາ​ຣະ​ມີ ຈຳ​ເປັນ​ຈິ່ງ​ໄດ້​ມີ​ເລື້ອງ​ເສັຍ ເພາະ​ເລື້ອງ​ເສັຍເປັນ​ການ​ຊ່ວຍ ອ​ວ່າຍ​ເອົາ​ໜີ້​ອອກ ໜີ້​ເກົ່າ​ຂອງ​ຜູ່​ເປັນ​ພ​ຣະ ຜູ່​ເປັນ​ພ​ຣະ​ມີ​ໜີ້ ເພາະ​ເຄີຍວຽນ​ວາຍ ເພາະ​ເຄີຍ​ວຽນ​ເກີດ​ຢູ່​ແບບນີ້ ເກີດ​ຊາດ​ໃດ ກໍ​ຕ້ອງ​ໄດ້​ອາ​ສັຍ​ພາ​ວະ​ຮ່າງ​ກາຍ ເປັນ​ທີ່​ຈັ້ງ​ທີ່​ເພິ່ງ​ກ່ອນ ເກີດ​ຄັ້ງ​ນີ້ ເຈົ້າ​ກໍ​ເລີຍ​ວ່າ ມີ​ແຕ່​ເສັຍ, ທີ່​ຈິງ ເສັຍ​ເພາະ​ຜູ່​ເປັນ​ພ​ຣະ​ມີ​ໜີ້​ເກົ່າ ມາກ​ມາຍຫຼວງຫຼາຍ.  ຈົບ​ຄຳ​ຕອບ.

 

ເວ​ລາ 18:00-18:32ມ, ວັນ​ທີ 08/06/2014

(ໃຊ້​ເວລາ​ສົ່ງ​ສັຈ​ຈະ​ທັມ​ ຄຳ​ຕອບອອກ ແລະ​ຈົດ​ໄວ້ 32 ນາ​ທີ​;

ຜູ່​ຈົດ ແລະ​ຕີ​ພິມ​ໄວ້​ ທ່ານ ຄຳ​ສອນ ຫຼັກ​ໄມ​ຕ​ຣີ, ໂທລະ​ສັບ​: (+856-20) 222 111 40,

E-mail: klakmaitry@gmail.com; https://www.facebook.com/klakmaitry

 

Share
comments

ສະແດງຄວາມຄິດເຫັນໃນຂ່າວນີ້


Security code
Refresh