Get Adobe Flash player

ບົດ​ຄວາມ​ໃໝ່​ສຸດ

ບຸກຄົນອອນໄລນ໌

ເຮົາມີ 71 ບຸກຄົນທົ່ວໄປ ອອນໄລນ

ເຊື່ອມຕໍ່ພວກເຮົາທີ່:

ຈຳນວນຜູ້ເຂົ້າເບິ່ງເວັບ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້358
mod_vvisit_counterມື້ວານ490
mod_vvisit_counterອາທິດນີ້3460
mod_vvisit_counterອາທິດຜ່ານມາ3333
mod_vvisit_counterເດືອນນີ້12655
mod_vvisit_counterເດືອນຜ່ານມາ16174
mod_vvisit_counterທັງໝົດ3114368

ເຮົາມີ: 65 ບຸກຄົນທົ່ວໄປ, 1 bots ອອນໄລນ
Your IP: 54.158.14.224
 , 
ມື້ນີ້: ວັນ​ທີ 25 ມ.ຖ.ນ., 2017

ແຜນ​ທີ່​ຜູ່​ເຂົ້າ​ເບິ່ງ​ເວັບ

Locations of visitors to this page

 

ເຮັດ​ແນວ​ໃດ ຈິ່ງ​ຊິ​ມີ ພໍ​ໄດ້​ຢູ່ໄດ້​ກິນ?

User Rating: / 3
ບໍ່ດີເລີຍດີທີສູດ 
Share
Font size:

ເຮັດ​ແນວ​ໃດ ຈິ່ງ​ຊິ​ມີ ພໍ​ໄດ້​ຢູ່ໄດ້​ກິນ?

iconດາວ​ໂຫຼດ/Download

 

ຄຳ​ຕອບ​ມີ 2 ຂໍ້​:

 

1.

ໃຫ້​ເຂົ້າ​ໃຈວ່​າ​ ບຸນ​ມີ​ຈິງ ບາບ​ມີ​ຈິງ​! ແຕ່​ຕ້ອງ​ຮູ້​ວ່າ​ ເຮົາ​ຄວນ​ທຳ​ຢ່າງ​ໃດ​? ຄວນ​ທຳ​ບຸນ ຫຼື​ຄວນ​ທຳບາບ​? ແນ່​ນອນ ຖ້າ​ພຣະ​ທັມ​ຕອບ ຕ້ອງ​ຕອບ​ວ່າ ​ເຮົາ​ຄວນ​ທຳ​ບຸນ​! ແຕ່​ວ່າ ຢ່າ​ຄິດ​ວ່າ​ເລື້ອງ​ທຳ​ບຸນ ເປັນ​ເລື້ອງ​ງ່າຍ​! ຕ້ອງ​ຄິດ​ວ່າ​ເປັນ​ເລື້ອງ​ຍາກ ເພາະ​ວ່າ​ບຸນ​ຄື​ຄວາມ​ດີ ຄື​ຄວາມ​ຖືກ ຄື​ຄວາມ​ຊອບ ຄື​ໃນ​ທາງ​ທີ່​ປະ​ກອບ​ຊອບ​ທັມ ເປັນ​ແບບ​ນີ້​! ບຸນ​ທີ່​ແທ້​ຈິງ ຄື​ໃຈ​ສູງ ໃຈ​ໃຫຍ່ ໃຈ​ບໍ່​ນ້ອຍ ໃຈ​ເສັຍ​ສະລະ​ຈາ​ຄະ ໃຈ​ກວ້າງ ໃຈ​ບໍ່​ແຄບ ໃຈ​ສະ​ບາຍ ໃຈ​ງ່າຍ ງ່າຍ​ແບບ​ເປັນ​ຜູ່​ມີ​ປັນ​ຍາ ໃຈ​ບໍ່​ຄອນ​ແຄນ ໃຈ​ບໍ່​ສັ້ນ​ບໍ່​ຮີ ໃຈ​ບໍ່​ຂີ້​ຖີ່​ຖະ​ໜີ່ໜຽວ​ແໜ້ນ ໃຈ​ບໍ່​ເສັຍ​ດາຍ​ໂພດ ໃຈ​ບໍ່​ຄັບ​ບໍ່​ແຄບ​, ແຕ່​ວ່າ ​ຕ້ອງ​ໄດ້​ເຂົ້າ​ໃຈ​ ເຖິງ​ເນື້ອ​ໃນ​ໃຈ​ຄວາມ​ໝາຍ​ຂອງ​ບຸນ​ ໃຫ້​ຖືກ​ຕ້ອງ ໃຫ້​ຖືກ​ດີ​ທີ່​ສຸດ ຈິ່ງ​ຊິ​ບໍ່​ຜິດ​ພາດ ຈັກ​ໜ່ອຍແລ້ວ​ເລິ​ເທິ ​ໂພດຫຼາຍ​ກາຍ​ເກີນ ກໍ​ເລີຍ​ຈະ​ເໝິດ​ຕົວ​, ການ​ທຳ​ບຸນ​ ຕ້ອງ​ທຳ​ດ້ວຍ​ຄວາມ​ສະ​ຫຼາດ ບຸນ​ກຸສົນ​ຈິ່ງ​ເປັນ​ຜົນ​ຮອງ​ຮັບ​ກັນ​ໄດ້ ແຕ່​ຖ້າ​ວ່າ​ມີ​ແຕ່​ໃຫ້ ​ແຕ່​ໃຫ້ບໍ່​ມີ​ການ​ຄິດ​ໄລ່ ບໍ່​ຮູ້​ເຫດ​ບໍ່​ຮູ້​ຜົນ ກໍ​ຈະ​ເໝິດໂຕ​ໄປ​ຊື່ໆ ຕ້ອງ​ຮູ້​ເຫດ​ຕ້ອງ​ຮູ້​ຜົນ ຕ້ອງ​ຮູ້​ວ່າ​ດີ ຫຼື​ບໍ່​ດີ​! ຄວນ ຫຼື​ບໍ່​ຄວນ​! ເລື້ອງ​ຊ່ວຍ​ກໍ​ດີ ເລື້ອງ​ໃຫ້ກໍ​ດີ ເລື້ອງ​ທຳ​ບຸນ​ກໍ​ດີ ຈະ​ຊ່ວຍ​ເຫຼືອ​ພ້ອມຈະ​ຊ່ວຍ​ເຫຼືອ​ຫຼາຍ ​ກໍ​ຕ້ອງ​ມີ​ການ​ຊັ່ງ​ຊາ ຕ້ອງ​ສະ​ຫຼຸບຕ້ອງຕີ​ລາ​ຄາ​ໄດ້ ຕ້ອງ​ເຫັນ​ວ່າ​ ເຮົາ​ທຳ​ສິ່ງ​ນີ້​ໄປ ໃຫ້​ປະ​ໂຫຍດ​ໄດ້ສ່ຳ​ໃດ​? ເຮົາ​ໃຫ້​ສິ່ງ​ນີ້​ໄປ ຈະ​ເປັນ​ຜົນແນວ​ໃດໃຫ້​ແກ່​ຜູ່​ຮັບ ແລະ​ໃຫ້​ແກ່​ເຮົາ​ເອງ​? ແລະ​ອີກ​ຢ່າງ​ນຶ່ງ ຕ້ອງ​ຮູ້ຕ້ອງ​ເຂົ້າ​ໃຈ ເຖິງ​ຄຸນ​ຄ່າ​ລະຫວ່າງ​ກັນ ແລະ​ກັນ​! ຖ້າ​ແມ່ນ​ວ່າ​ ຜູ່​ທີ່​ຈະ​ໃຫ້ຜູ່​ທີ່​ຈະ​ຊ່ວຍ ​ບໍ່​ໜ້າ​ໃຫ້ບໍ່​ໜ້າ​ຊ່ວຍ ກໍ​ຕ້ອງ​ຖອນ ຖອນອອກ​ກ່ອນ ເພາະ​ວ່າ​ເສັຍ​ດາຍ​ພືດ ເພາະ​ວ່າ​ຢ້ານ​ເສັຍ​ເຊື້ອ ຢ້ານ​ເສັຍ​ແນວ ຕ້ອງ​ເຂົ້າ​ໃຈວ່​າ ດີ​ຢູ່​ທີ່ພໍ​ໃຈ​ນຳ​ກັນ ແລະ​ເຫັນ​ຄຸນ​ເຫັນ​ຄ່າ​ນຳ​ກັນ ແລະ​ເຫັນ​ວ່າ​ໜັກ ແລະ​ເຫັນ​ວ່າ​ເບົາ​ນຳ​ກັນ ທັງ​ເຫັນ​ໜັກທັງ​ເຫັນ​ເບົາ ຈິ່ງ​ເອີ້ນ​ໄດ້​ວ່າ ເຂົ້າ​ໃຈ​ໃຫ້ເຂົ້າ​ໃຈ​ຮັບ ແລະ ​ດ້ານ​ການ​ຊ່ວຍ​ເຫຼືອ ໃນ​ທາງ​ໃດ​ກໍ​ຄື​ກັນ ໃນ​ທາງ​ແຍກ​ແຍະ ໃນ​ເລື້ອງ​ບຸນໃນ​ເລື້ອງ​ບາບ​ ກໍ​ຄື​ກັນ ຕ້ອງ​ເບິ່ງ​ກ່ອນ ຄວນ​ບໍ່ ຫຼື​ບໍ່​ຄວນທີ່​ຈະ​ເສັຍເວລາ ທີ່​ຈະ​ທຸ້ມ​ເທ ທີ່​ຈະ​ເອົາ​ເຈົ້າ​ຂອງ​ໄປ​ຕໍ່​ລອງ​? ແລະ​ຄວນ​ບໍ່ ທີ່​ຈະ​ຫອບ​ສັງ​ຂານ​ເຈົ້າ​ຂອງ ໄປ​ຮັບການ​ປຸງ​ແຕ່ງ​ຂອງ​ຜູ່​ອື່ນ ເໝິດ​ໂຕ​ເຈົ້າ​ຂອງ​ ໄປ​ທຸ້ມ​ເທ​ໃຫ້​ເຂົາ​! ໃຫ້​ຜູ່​ທີ່​ຫວັງ​ຢາກ​ໃຫ້​ຊ່ວຍ​! ຫຼື​ຖ້າ​ແມ່ນວ່າເຈົ້າ​ຂອງ​ເອງ ​ຕ້ອງ​ການ​ຂໍ​ຄວາມ​ຊ່ວຍ​ເຫຼືອ ​ຈາກ​ຜູ່​ອື່ນ ກໍ​ຕ້ອງ​ເບິ່ງ ຕ້ອງ​ຕິດ​ຕາມ​ເບິ່ງ ເບິ່ງ​ໂຕ​ເຈົ້າ​ຂອງ​ເອງ ເບິ່ງ​ນິ​ສັຍ ເບິ່ງ​ຄວາມ​ຄິດ ເບິ່ງ​ດ້ານ​ມັນ​ສະ​ໝອງ ເບິ່ງ​ສ່ວນ​ລະ​ບົບ​ປະ​ສາດ ເບິ່ງ​ຄື້ນ​ເຈົ້າ​ຂອງ ເບິ່ງ​ແມ່​ເຫຼັກ​ເຈົ້າ​ຂອງເປັນ​ແນວ​ໃດ​? ໃຫ້​ເຫັນ​! ຖ້າ​ເຫັນ ກໍ​ຕ້ອງ​ຊັ່ງ​ຊາ ຊັ່ງ​ຊາ​ແລ້ວ​ກໍ​ຕ້ອງ​ຕີລາ​ຄາ​ເບິ່ງ ເຈົ້າ​ຂອງ​ຄວນ​ບໍ່ ຄວນ​ທີ່​ຈະ​ຮ້ອງ​ຂໍ​? ຫຼື​ຄວນ​ທີ່​ຈະ​ຮັບ​? ຫຼື​ຄວນ​ທີ່​ຈະ​ຂໍ​ຄວາມ​ຊ່ວຍ​ເຫຼືອ​? ແລະ​ຈະ​ເປັນ​ວຽກ​ງານໜ້າ​ທີ່​ອັນ​ໃດ ຫຼື​ຈະ​ເປັນ​ເລື້ອງ​ເງິນ​ເລື້ອງ​ຄຳ​ກໍ​ຕາມ ຕ້ອງ​ໃຫ້​ຮູ້ຕ້ອງ​ໃຫ້​ເຂົ້າໃຈ ເຖິງ​ເລື້ອງ​ລາວ​ໃຫ້​ລະ​ອຽດວ່າ​ ເຈົ້າ​ຂອງ​ຄວນ​ຮັບ​ໄດ້​ບໍ່​? ຄວນ​ບໍ ຈະ​ໄປ​ຂໍ​? ຄວນ​ບໍ ຈະ​ໄປ​ອ້ອນວອນ​? ຕ້ອງ​ເບິ່ງ​ຄືນ ​ເລື້ອງ​ກຽດເລື້ອງ​ສັກ​ສີ​ຕື່ມ ແລະ​ຕ້ອງ​ເບິ່ງ​ໄປ​ໃນ​ຫຼາຍໆ​ດ້ານ ເບິ່ງ​ຈົນ​ໃຫ້​ຮູ້​ວ່າ ​ເຈົ້າ​ຂອງ​ມີ​ຈຸດ​ອ່ອນ​ ຈຸດ​ເສັຍ​ຢູ່​ຈຸດ​ໃດ​? ເປັນ​ຫຍັງ ຈິ່ງ​ມີ​ຜູ່​ກັ່ນ​ແກ້ງ​? ເປັນ​ຫຍັງ ຈິ່ງ​ມີ​ຜູ່​ທຳ​ລາຍ​? ເປັນ​ຫຍັງ ຈິ່ງ​ຖືກ​ເສັຍຖືກ​ຫາຍ​? ເປັນ​ຫຍັງ ຈິ່ງ​ຖືກ​ເຈັບຖືກ​ໄຂ້​? ເປັນ​ຫຍັງ ຈິ່ງ​ມີ​ແຕ່​ຄວາມ​ຫຍຸ້ງຄວາມ​ຍາກ​? ຕ້ອງ​ເບິ່ງ​ຄືນ​ຄັກໆ ຕ້ອງ​ເບິ່ງ​ແບບ​ໃຫ້​ລະ​ອຽດ ເພື່ອ​ເຈົ້າ​ຂອງ​ຈະ​ຮູ້ ຈະ​ເຫັນ​ເຈົ້າ​ຂອງ ໃນ​ເມື່ອ​ເຈົ້າ​ຂອງ​ຮູ້​ ເຫັນ​ເຈົ້າ​ຂອງ​ໄດ້​ແລ້ວ ເຫັນ​ຄັກໆ​ແລ້ວ ເຈົ້າ​ຂອງ​ກໍ​ຈະ​ຕ້ອງ​ປັບ​ປຸງ ແລະ​ແກ້​ໄຂ ແກ້​ໄຂ​ເຈົ້າ​ຂອງ ໃຫ້​ຄ່ອງ​ກັບ​ທຸກ​ສິ່ງ​ທຸກ​ຢ່າງ​, ສະ​ຫຼຸບ​ໄດ້​ວ່າໃຫ້​ໄປ​ກັນ​ໄດ້

 

2.

ຢ່າ​ລືມ​ ວ່າເຈົ້າ​ຂອງ​ຊິ​ບໍ່​ມີ​ໜີ້​! ແນ່​ນອນ ເຈົ້າ​ຂອງ​ຕ້ອງ​ມີ​ໜີ້​! ໜີ້​ອັນ​ໃດ​? ຈະ​ໄລ່​ໃຫ້​ຟັງ​:

 

1). ໜີ້​ຢືມ​ຮ່າງ​ກາຍ ຢືມ​ຮ່າງ​ກາຍ​ນຳ​ພໍ່​ນຳ​ແມ່​, 2). ໜີ້​ຢືມ​ເຂົ້າ​ປາ​ອາ​ຫານ ນ້ຳ​ດື່ມ ແລະ​ພືດ​ຜັກ​, 3). ໜີ້​ທຸກ​ສິ່ງ​ທຸກ​ຢ່າງ ທີ່​ອາ​ສັຍ​ຢູ່​ໃນ​ໂລກ​ໜ່ວຍ​ນີ້​, 4). ໜີ້​ທາດແຕ່​ລະ​ທາດ ນັບ​ແຕ່​ລົມ​ຫາຍ​ໃຈ ລົມ​ຫາຍ​ໃຈ​ກໍ​ຍັງ​ເປັນ​ໜີ້ ເພາະ​ຖ້າ​ບໍ່​ມີ​ລົມ ຊີ​ວິດ​ເຈົ້າ​ຂອງ​ກໍ​ຕ້ອງ​ຈົບ​ສິ້ນ ຊີ​ວິດ​ເຈົ້າ​ຂອງ​ຢູ່​ໄດ້ ເພາະ​ມີລົມ​ຫາຍ​ໃຈ​ຫຼໍ່​ລ້ຽງ​, ສ່ວນ​ເຂົ້າ​ປາ​ອາ​ຫານ ​ນ້ຳ​ດື່ມ​ພືດ​ຜັກກໍ​ອີກ​ສ່ວນ​ນຶ່ງ ແຕ່​ສ່ວນ​ໃຫຍ່​ທີ່​ສຸດ ກໍ​ຄື​ລົມຫາຍ​ໃຈ ຂໍ​ໃຫ້​ຄິດ​ວ່າ ຊີ​ວິດ​ເຈົ້າ​ຂອງ​ມີ ເພາະ​ມີ​ການ​ຫຼໍ່​ລ້ຽງ​! ໃນ​ເມື່ອ​ເຂົ້າ​ໃຈ​ໄດ້​ຄື​ແນວ​ນີ້ ກໍ​ຕ້ອງ​ຫັນ​ອ​ວ່າຍ ຄວາມ​ຮູ້​ສຶກ​ນຶກ​ຄິດ ນ້ອມ​ເຂົ້າ​ມາ​ຫາ​ເຈົ້າ​ຂອງ ແລະ​ຕ້ອງ​ສຳ​ນຶກ ສຳ​ນຶກ​ຫາ​ເຈົ້າ​ຂອງ ​ມີ​ໜີ້ກັບ​ໃຜ​ແນ່​? ໜີ້​ການ​ຊ່ວຍ​ເຫຼືອ​ ລະ​ຫວ່າງ​ຜູ່​ອື່ນ ​ກັບ​ເຈົ້າ​ຂອງ ເຈົ້າ​ຂອງ ຍັງ​ຕິດ​ຫຼາຍ​ປານ​ໃດ​? ແລະ​ເຈົ້າ​ຂອງ​ເດ ເຄີຍ​ມີ​ບໍ່​ ຊ່ວຍ​ເຫຼືອ​ຜູ່​ອື່ນ​? ເຄີຍ​ໄດ້​ຕອບ​ແທນ​ຄຸນ​ພໍ່​ແມ່ ເໝິດ​ແລ້ວ​ຫຼື​ຍັງ​ ເຄີຍ​ຕອບແທນ​ຫຼາຍ​ປານ​ໃດ ສຳ​ລັບ​ໜີ້​ພໍ່​ແມ່​? ອີກ​ຢ່າງ​ນຶ່ງ ຄົນ​ອ້ອມ​ຂ້າງ​ເດ້​? ຜູ່​ຢູ່​ອ້ອມ​ຂ້າງ​ໃນ​ຊີ​ວິດ​ຊາດ​ນີ້ ມີ​ໃຜ​ໃຫ້​ຄວາມ​ເອື້ອ​ເຟື້ອເຜື່ອ​ແຜ່​ເຈົ້າ​ຂອງ​? ມີ​ໜ້ອຍ ຫຼື​ມີ​ຫຼາຍ​? ເຈົ້າ​ຂອງ​ຕ້ອງ​ເຂົ້າ​ໃຈ​ ລືມ​ບໍ່​ໄດ້​! ລືມ​ບໍ່​ໄດ້​ແທ້ໆ​! ຕ້ອງ​ໃຫ້​ຄົ້ນ​ຫາ ຢ່າ​ວ່າ​ໄດ້​ແລ້ວ​ແລ້ວ​ໄປ​! ຕ້ອງ​ຄິດ​ວ່າ​ ໄດ້​ແລ້ວ​ ຕ້ອງ​ຕອບ​ແທນ​ຄືນ​! ຢ່າ​ຄິດ​ວ່າ​ໄດ້​ແລ້ວ ​ແລ້ວ​ໄປ​! ຖ້າ​ຄິດ​ແບບ​ນີ້​ ຜິດ​ກົດຜິດ​ກົດ​ທັມ​ມະ​ຊາດ ​ທັງ​ເບື້ອງ​ຕ່ຳ ທັງ​ເບື້ອງ​ສູງ​! ຜິດ​ແທ້ໆ​! ຜິດ​ຈິງໆ​! ພຣະ​ທັມ​ຂໍ​ຝາກ​ ໃຫ້​ພິ​ນິດ​ພິ​ຈາ​ລະ​ນາ ເພື່ອ​ເປັນ​ການ​ແກ້​ໄຂ​ຕົນ​ເອງ ກໍ​ຄື​ໂຕ​ເຈົ້າຂອງ​! ການ​ຊ່ວຍ​ເຫຼືອ​ ສຳ​ລັບ​ທຸກ​ຄົນຕ້ອງ​ໃຫ້​ຄິດ​ແນວ​ນີ້, ແມ່​ພຣະ​ຂໍ​ຝາກ​ ໃຫ້​ພິ​ນິດ​ພິ​ຈາ​ລະ​ນາ​!

 

 

ການຕອບ​ຄຳ​ຖາມ​ນີ້ ອາດ​ຈະ​ຍືດ​ຍາວ​ໄປ​ແນ່ ເພາະ​ຢ້ານ​ບໍ່​ເຂົ້າ​ໃຈ 2 ຫົວ​ຂໍ້​ຍາວ 2 ຫົວ​ຂໍ້ໃຫຍ່ ຈົ່ງ​ໃຫ້​ເຂົ້າ​ໃຈວ່​າ​ ເພື່ອ​ຊ່ວຍ ເພື່ອ​ແກ້ ເພື່ອ​ປົດ ເພື່ອ​ຫົດ​ສົງ​ເອົາ​ເຈົ້າ​ຂອງ ເພື່ອ​ຈະ​ໄດ້​ເຈ​ຕະ​ນາໃໝ່​ ຕໍ່​ຜູ່​ອື່ນ ເພື່ອ​ຈະ​ປ່ຽນ​ຊີ​ວິດ​ໃໝ່ ໃຫ້​ເຂົ້າ​ກັບ​ລະ​ບົບ​ຄົນ​ອື່ນ ແລະ​ຂໍ​ໃຫ້​ໃສ່​ໃຈ ​ໃນ​ການ​ຄົ້ນ​ຄວ້າ ຫາເບິ່ງ​ຈຸດ​ເສັຍ​ເຈົ້າ​ຂອງ ຫາ​ໃຫ້​ພົບ​ໃຫ້​ເຈິ ແລະ​ຂໍ​ໃຫ້​ເຈັຍ​ລະ​ນັຍ​ໄຈ້​ແຍກ​ເບິ່ງ ແມ່ນ ຫຼື​ບໍ່​ແມ່ນ​? ສຳ​ລັບຂໍ້​ຂາດ​ຕົກ​ບົກ​ຜ່ອງ ແລະ​ຂໍ້​ວ່າ​ອ່ອນ ຂໍ້​ວ່າ​ເສັຍ ມີຫຼື​ບໍ່​ມີ​? ມີ​ແທ້​ບໍ​? ຖ້າ​ມີ​ແທ້ ກໍ​ຕ້ອງ​ຟ້າວກໍ​ຕ້ອງຮີບ​ ແກ້​ໄຂ​ອອກ​, ຖ້າ​ແກ້​ໄຂ​ບໍ່​ໄດ້ ຕ້ອງ​ຟ້າວ​ເຂົ້າ​ມາ​ແດນ​ແຫ່ງ​ທັມ ສູນ​ຫຼັກ 38 ສູນ​ລວມ ລວມ​ກັນ​ຝຶກ ຝຶກ​ຫັດ​ປະ​ຕິ​ບັດ ເພື່ອ​ຫຼໍ່​ຫຼອມ​ຕົນ ເພື່ອ​ອົບ​ຮົມ​ບົ່ມ​ເພາະ​ຕົນ ເພື່ອ​ຊ່ວຍ​ຕົນຊ່ວຍ​ຜູ່​ອື່ນ ເພື່ອ​ຝຶກ​ໃຫ້​ຮູ້ ໃຫ້​ຕື່ນ ໃຫ້​ເບີກ​ບານ ໃຫ້​ເຂົ້າ​ໃຈ​ເຖິງ​ຄຸນ​ແຫ່ງ​ຄວາມ​ດີ​ເຈົ້າ​ຂອງ ແລະ​ຄຸນ​ແຫ່ງ​ຄວາມດີ​ຜູ່​ອື່ນ ແລະ​ເພື່ອ​ໃຫ້​ເຂົ້າ​ໃຈ​ອີກ​ດ້ວຍ ກໍ​ຄື​ເຂົ້າ​ໃຈ​ເຖິງ ​ຄຸນ​ພຣະ​ພຸ​ທ ຄຸນ​ພຣະ​ທັມ ຄຸນ​ພຣະ​ສົງ​ຄ໌ ແລະ​ພຣະ​ຣັຕ​ນະ​ຕຣັຍ​!

 

ຄຳ​ຕອບ​ສຸດ​ທ້າຍ ຈົ່ງ​ຮູ້​ຈັກ​ ໄຫວ້​ພຣະ​ພາ​ວະ​ນາ ເປັນ​ວິ​ທີ​ທາງ​ອອກ ​ດີ​ແທ້ດີຈິງ​! ແລະ​ຈະ​ຊ່ວຍ​ໃຫ້​ ບາບ​ ກັມ​ ເວນ​ ພັຍ ເຄາະ​ຊວຍ ​ຫຼຸດ​ພົ້ນ​ອອກ​ໄປ​! ດີ​ຈິງໆ​! ແຕ່​ຕ້ອງ​ເຂົ້າ​ໃຈ​ໃຫ້​ຖືກ ເຂົ້າ​ໃຈ​ໃນ​ຄຳ​ວ່າສູດ​ອັນ​ໃດ​? ວ່າ​ແນວ​ໃດ​? ມີ​ຄວາມ​ໝາຍ​ແບບ​ໃດ​? ຕ້ອງ​ຮູ້​ຕ້ອງ​ເຂົ້າ​ໃຈ ​ເຖິງ​ໃຈຄວາມ​ໝາຍ ຢ່າງ​ໜ້ອຍ​ຕ້ອງ​ຮູ້​ວ່າ ຄຸນ​ຂອງ​ພຣະ​ຣັຕ​ນະ​ຕຣັຍ ​ເປັນ​ແນວ​ໃດ​? ແລະ​ຕ້ອງ​ຮູ້​ໃຊ້​ຄຳ​ນອບນ້ອມ ສົມ​ກັບ​ຄຳ​ວ່າ ​ນະ​ໂມ​ຕັສ​ສະ ພະ​ຄະ​ວະ​ໂຕ ອະ​ຣະ​ຫະ​ໂຕ ສັມ​ມາ ​ສັມ​ພຸ​ທທັສ​ສະກໍ​ຄື​ແປອອກ​ມາ​ແລ້ວ​ວ່າ​ຂໍ​ນອບ​ນ້ອມ​ ແດ່​ພຣະ​ຜູ່​ມີ​ພຣະ​ພາກ​ເຈົ້າ ພຣະ​ອົງ​ຄ໌​ນັ້ນ ຊຶ່ງ​ເປັນ​ຜູ່​ໄກ​ຈາກ​ກິ​ເລ ຕັສ​ສະ​ຮູ້​ຊອບ​ໄດ້​ໂດຍ​ພຣະ​ອົງ​ຄ໌​ເອງ, ນີ້​ຄື​ຄຳ​ແປ​ອອກ​ມາ ຂໍ​ໃຫ້​ເຂົ້າ​ໃຈວ່​າ​ ການ​ໄຫວ້​ພຣະພາ​ວະນາ ຕ້ອງ​ເຂົ້າ​ໃຈ​ເຖິງ​ຄຳ​ນອບ​ນ້ອມ​ນີ້​ສາ​ກ່ອນ ຕໍ່​ໄປ​ຈິ່ງ​ໃຊ້​ການ ​ພິ​ນິດ​ພິ​ຈາ​ລະ​ນາ ຕໍ່​ຄຳ​ສັ່ງ​ສອນ​ຂອງພຣະ​ອົງ​ຄ໌ ພຣະ​ອົງ​ຄ໌​ກໍ​ຄື​ພຣະ​ທັມ ພຣະ​ອົງ​ຄ໌​ຢູ່​ໃນ​ໂຕ​ເຈົ້າ​ຂອງ​ກໍ​ມີ ຕ້ອງ​ເຂົ້າ​ໃຈ​ເຖິງ​ຂະ​ໜາດ​ນີ້ ຕ້ອງ​ເຂົ້າ​ໃຈ​ຢ່າງ​ຄັກ​ແນ່ ຈິ່ງ​ຊິ​ບໍ່​ຄອນ​ແຄນ​ໄປ​ຫຼົງ​ເອົາ​ຜີ​ພູມ​ເຈົ້າ​ທີ່​ ເຂົ້າ​ມາ​ຮັກ​ສາ ຈິ່ງ​ຊິ​ບໍ່​ຫຼົງ​ນຳ​ຜີ​ເງືອກ ທີ່​ເອີ້ນ​ວ່າ​ພະ​ຍາ​ນາກ ທີ່​ເອີ້ນ​ວ່າ​ພະ​ຍາ​ຄຸດ​! ພະ​ຍາ​ໃຫຍ່​ຕິ໊​! ພະ​ຍາ​ຜີ​!

 

 

ນີ້​ແລ້ວ ຄຳ​ຕອບ​ຂອງ​ພຣະ​ອົງ​ຄ໌! ດີ​ໃຈຫຼື​ເສັຍ​ໃຈ ສຳ​ລັບ​ຜູ່​ຖາມ​? ພໍ​ໃຈ ຫຼື​ບໍ່​ພໍ​ໃຈ ໃນ​ຄຳຕອບ​? ເຕັມ​ໃຈ​ກໍ​ດີ ບໍ່​ເຕັມ​ໃຈ​ກໍ​ດີ ຈົ່ງ​ພິ​ນິດ​ພິ​ຈາ​ລະ​ນາ​ເອົາ​ເອງ​! ຜີ​ກໍ​ຄື​ຜີ ພຣະ​ກໍ​ຄື​ພຣະ ​ນັ້ນ​ແລ້ວ​! ສິ່ງ​ໃດ​ ຖ້າ​ຍັງ​ບໍ່​ຮູ້​ບໍ່​ແຈ້ງ ເອີ້ນ​ວ່າ​ຜີ​ໄດ້​ເໝິດ ແມ່ນ​ແຕ່​ໂຕ​ເຈົ້າ​ຂອງ​ເອງ ກໍ​ຍັງ​ເປັນ​ເຜດ​ເປັນ​ຜີ​ ບາງ​ຄັ້ງບາງ​ຄາວ ເປັນ​ໄປ​ຕາມ​ອຳ​ນາດ​ເກີດ ເປັນ​ໄປ​ຕາມ​ອະ​ວິ​ຊາ​ພາ​ເປັນ ເປັນ​ໄປ​ຕາມ​ເຫດ​ຕ່າງໆ​ພາ​ເປັນ ເປັນ​ໄປ​ໄດ້​ເພາະ​ຄວາມ​ບໍ່​ເຂົ້າ​ໃຈ ເປັນ​ແທ້​ເປັນ​ຈິງ ແຕ່​ເຈົ້າ​ຂອງ​ແນມ​ບໍ່​ເຫັນ ເຈົ້າ​ຂອງ​ແນມ​ບໍ່​ເຫັນ ເພາະ​ບໍ່​ເປັນ​ຕົນ​ໂຕ​ຄື​ເຈົ້າ​ຂອງ ເພາະ​ບໍ່​ເປັນ​ຕົນ​ໂຕ​ໃຫຍ່​ຄື​ເຈົ້າ​ຂອງ ເປັນ​ແຕ່​ພຽງ​ວິນ​ຍານ​ເທົ່າ​ນັ້ນ ວິນ​ຍານ​ເກີດ ເກີດ​ແລ້ວ​ກໍ​ເປັນວິນ​ຍານ​ໄປ ໄປ​ເປັນ​ຜີ​ນຳ​ເຂົາ ໄປ​ເປັນ​ຜີ​ນຳ​ພວກ​ເຂົາ ພວກ​ເຂົາເຫຼົ່າ​ຝູງ​ຜີ ພວກ​ເຂົາ​ທີ່​ວ່າ​ນີ້​ ກໍ​ຄືພວກ​ວິນ​ຍານ ​ທັງ​ຫຼາຍ ແລະ​ພວກ​ດວງ​ວິນ​ຍານ​ເກົ່າ​! ພວກ​ດວງ​ວິນຍານ​ເກົ່າ​ນີ້ ເປັນ​ດວງ​ວິນ​ຍານ​ທີ່​ຮ້າຍ​ກາດ​ຫຼາຍ ເພາະ​ວ່າ​ມີ​ຄວາມ​ຍຶດ​ໝັ້ນ​ຖື​ໝັ້ນ​ຫຼາຍ ຈິ່ງ​ບໍ່​ສາ​ມາດຮູ້​ແຈ້ງ​ໄດ້ ໃນ​ເມື່ອ​ບໍ່​ສາ​ມາດ​ຮູ້​ແຈ້ງ​ໄດ້ ກໍ​ຕ້ອງ​ເປັນ​ໄປ​ຕາມ​ຍະ​ຖາ​ກັມ ຍະ​ຖາ​ກັມ​ຂອງ​ຜູ່​ມີ​ຕົວ​ຕົນ​ສ້າງຂຶ້ນ​ໄວ້​, ນີ້​ແລ້ວ​ຈິ່ງ​ວ່າ ຍາກ​ນຳ​ທາງ​ຕາ​ບໍ່​ເຫັນ ຍາກ​ແລ້ວຍາກ​ອີກ ຍາກ​ຈົນ​ວ່າ ​ແກ້​ບໍ່​ຕົກລົດ​ລະອອກ​ບໍ່​ໄດ້ ມີ​ແຕ່​ຜູກ​ເຂົ້າ​ຢ່າງ​ດຽວ ຜູກ​ແລ້ວ​ຜູກ​ອີກ ອາດ​ຈະ​ຜູກ​ເຈົ້າ​ຜູ່​ຖາມ​ກໍ​ໄດ້ ຫຼື​ບໍ່ ​ກໍ​ຜູກ​ຜູ່​ອື່ນ ຈິງໆ​ເປັນ​ແນວ​ນີ້​! ຈົ່ງ​ຄິດ​ເຖິງ​ຄຳ​ຕັດ ແລະ​ຄຳ​ສອນ​ເຖີດ​! ຄຳ​ຕອບ​ນີ້​ ເປັນ​ຄຳ​ສອນ​ສະ​ເພາະ​ເຈາະ​ຈົງ ເພື່ອ​ໃຫ້​ຮູ້ເພື່ອ​ໃຫ້​ເຂົ້າ​ໃຈ​ ເຖິງ​ກົດ​ເຖິງ​ເກນ​ອັນ​ນີ້ ກົດ​ເກນ​ອັນ​ນີ້ ເປັນ​ກົດ​ເກນ​ແບບ​ໜ້າ​ຢ້ານ​ທີ່​ສຸດ ຖ້າ​ຫາກ​ວ່າ​ບໍ່​ເຂົ້າ​ໃຈ ຈະ​ມີ​ແຕ່​ຜູກ​ເຂົ້າ ຈະ​ມີ​ແຕ່​ມັດ​ເຂົ້າມັດ​ ເຂົ້າ​ໃສ່​ໂຕ​ເຈົ້າ​ຂອງ ມັດ​ກາຍມັດ​ໃຈ ມັດ​ທັງ​ເໝິດ​ທຸກ​ຊິ້ນ​ທຸກ​ສ່ວນ ມັດ​ຈົນ​ກີ່ວ ຜູກ​ຈົນ​ແກ້​ບໍ່​ໄດ້ ນີ້​ແລ້ວ​ຈິ່ງ​ມີ​ການ​ວຽນ​ວາຍ​ຕາຍ​ເກີດ ມີການ​ວຽນ​ເກີດ​ວຽນ​ຕາຍ ຈິ່ງ​ໄດ້​ເອີ້​ນ​ວ່າ ບຸນ​ພາ​ໄປ ບຸນ​ພາ​ໜີ ບາບ​ລາກ​ດຶງ​ແກ່​ໄວ້ ບຸນ​ພາ​ຢູ່​ດີ ບຸນ​ພາ​ຢູ່​ຊອບ ບຸນ​ພາ​ຢູ່​ ດ້ວຍ​ຄວາມ​ປະ​ກອບ​ຊອບ​ທັມ ບາບ ​ກັມ ​ເວນ ​ພັຍ ເຄາະ ​ຊວຍ ພາ​ໃຫ້ຢູ່​ຮ້ອນ​ຢູ່​ໄໝ້ ທຸກ​ຂ໌​ນ້ອຍ​ທຸກ​ຂ໌​ໃຫຍ່​ ກໍ​ແລ່ນ​ເຂົ້າ​ມາ​ໂຮມ ທຸກ​ຂ໌​ທັງ​ຫຼາຍ​ທັງ​ປວງ ​ມາ​ຖ້ວມ​ມາ​ທັບ​ເອົາ ຊີ​ວິດ​ທຸກ​ຂ໌​ ຍິ່ງ​ເພີ້ມ​ທຸກ​ຂ໌ທະ​ວີຄູນ ​ທຸກ​ຂ໌​ຂຶ້ນ​”, ຖ້າ​ບໍ່​ຢາກ​ທຸກ​ຂ໌ ມີ​ແຕ່​ຢ່າງ​ດຽວ ຕັດ​ສິນ​ໃຈ​ສະ​ຫຼະຈາ​ຄະ​ ເວລາອັນ​ທີ່​ມີ​ຄຸນ​ຄ່າ ຫຼື​ບໍ່​ມີ​ຄຸນ​ຄ່າ​ກໍ​ແລ້ວ​ແຕ່ ອອກ​ຈາກ​ບ້ານ​ຈາກ​ເຮືອນ ​ໄປລ້​າງ​ໄປ​ຜັດ ໄປຈັດ​ສັນ​ເຈົ້າ​ຂອງ​ໃໝ່ ຢູ່​ແດນ​ແຫ່ງ​ທັມ​!   ຈົບ​ຄຳ​ຕອບ.

 

ເວ​ລາ 16.50ມ-17.40​ມ, ວັນ​ທີ 07/06/2014

ໃຊ້​ເວລາ​ສົ່ງ​ສັຈ​ຈະ​ທັມ​ອອກ ແລະ​ຈົດ​ໄວ້ 50 ນາ​ທີ​; ຜູ່​ຈົດ ແລະ​ຕີ​ພິມ​ໄວ້​ ດ​ຣ. ມະ​ນີ​ສົດ ແກ້ວ​ດາ​ລາ

ໂທລະ​ສັບ​: (+856-20) 2222 8489,  E-mail: manisoth@yahoo.com)

 

Share
comments

ສະແດງຄວາມຄິດເຫັນໃນຂ່າວນີ້


Security code
Refresh