Get Adobe Flash player

ບົດ​ຄວາມ​ໃໝ່​ສຸດ

ບຸກຄົນອອນໄລນ໌

ເຮົາມີ 104 ບຸກຄົນທົ່ວໄປ ອອນໄລນ

ເຊື່ອມຕໍ່ພວກເຮົາທີ່:

ຈຳນວນຜູ້ເຂົ້າເບິ່ງເວັບ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້3206
mod_vvisit_counterມື້ວານ3550
mod_vvisit_counterອາທິດນີ້6756
mod_vvisit_counterອາທິດຜ່ານມາ9376
mod_vvisit_counterເດືອນນີ້24858
mod_vvisit_counterເດືອນຜ່ານມາ44241
mod_vvisit_counterທັງໝົດ3338961

ເຮົາມີ: 97 ບຸກຄົນທົ່ວໄປ, 1 bots ອອນໄລນ
Your IP: 54.91.38.173
 , 
ມື້ນີ້: ວັນ​ທີ 12 ທ. ວ., 2017

ແຜນ​ທີ່​ຜູ່​ເຂົ້າ​ເບິ່ງ​ເວັບ

Locations of visitors to this page

 

ຄຳ​ຖາມ: ຂໍ​ໃຫ້​ພ​ຣະ​ຕອບ​ແນ່ ມີ​ຜູ່​ຖາມ​ວ່າ ພວກ​ຢູ່​ໃນ​ສູນ​ ເຮັດ​ແນວ​ໃດຈິ່ງ​ມີ​ຢູ່ ຈິ່ງ​ມີ​ກິນ? ໄດ້​ມາ​ຈາກ​ໃສ?

User Rating: / 2
ບໍ່ດີເລີຍດີທີສູດ 
Share
Font size:

ຄຳ​ຖາມ: ຂໍ​ໃຫ້​ພ​ຣະ​ຕອບ​ແນ່ ມີ​ຜູ່​ຖາມ​ວ່າ ພວກ​ຢູ່​ໃນ​ສູນ​ເຮັດ​ແນວ​ໃດຈິ່ງ​ມີ​ຢູ່ ຈິ່ງ​ມີ​ກິນ?

ໄດ້​ມາ​ຈາກ​ໃສ?

iconດາວ​ໂຫຼດ/Download

 

ຄຳ​ຕອບ​ມີ 8 ຂໍ້​:

 

1.

ຂອງ​ທີ່​ໄດ້​ມາ ແມ່ນ​ໄດ້​ມາ​ຈາກ​ຄວາມ​ບໍ​ລິ​ສຸດ​ຂອງ​ເຈົ້າ​ສັ​ທ​ທາ ແລະຜູ່​ທີ່​ຮູ້​ຄຸນ​ຮູ້​ຄ່າ ພ້ອມ​ດ້ວຍ​ຜູ່​ປະ​ສົງ​ມີນ້ຳ​ໃຈ ຢາກ​ທຳ​ບຸນ

 

2.

​ການ​ຢູ່​ການ​ກິນ ແມ່ນ​ກິນ​ຕາມ​ໄດ້​ຕາມ​ມີ ກິນ​ພໍ​ຢູ່​ໄດ້ ກິນ​ເພື່ອ​ລ້ຽງ​ຊີບ​ຊີ​ວິດເທົ່າ​ນັ້ນ​ເອງ ແລະກິນ​ແບບ​ສະ​ບາຍ ມີ​ໜ້ອຍ​ກິນ​ໜ້ອຍ ແບ່ງ​ບິ​ໃຫ້ກັນ​ກິນ ແລະຊ່ວຍ​ເຫຼືອ​ກັນ ພ້ອມ​ພຽງ​ນຳ​ກັນ ​ແລະເບິ່ງ​ແຍງ​ດູ​ແລ ຕາມ​ໄດ້​ຕາມ​ມີ​ນຳ​ກັນ

 

3.

​ເປັນ​ບຸນ ເປັນ​ກຸ​ສົນ ເປັນ​ມັ​ຄ​ເປັນ​ຜົນ​ແທ້ ທີ່​ທຸກ​ຄົນ​ໄດ້​ເຂົ້າ​ມາ​ຊ່ວຍ​ກັນ ຊ່ວຍ​ເອົາ​ກັນ ແລະກັນ ຢູ່​ໃນ​ສະ​ຖານ​ທີ່​ແດນ​ແຫ່ງ​ທັມ​ທີ່ນີ້ ການ​ຢູ່​ການ​ກິນ ແມ່ນ​ກິນ​ໄປ​ຕາມ​ພໍ​ພຽງ ແລະຢູ່ ກໍ​ຢູ່​ແບບ​ພໍ​ພຽງ ທຸກ​ສິ່ງ​ທຸກ​ຢ່າງ ກໍ​ຕ້ອງ​ເອົາ​ຕາມ​ບຸນ​ຈັດ​ສັນ ແລະເອົາ​ຕາມ​ຄວາມ​ຖືກ​ຕ້ອງ​ເໝາະ​ສົມ ພ້ອມ​ທັງ​ເບິ່ງ​ແຍງ​ດູ​ແລ​ກັນ ແບບ​ສະ​ໝ່ຳ​ສະ​ເໝີ ອີງ​ຕາມ​ບຸນ ອີງ​ຕາມ​ກຸ​ສົນ​ຂອງ​ໃຜ​ລາວ ແລະອີງ​ຕາມ​ມູນ​ເກົ່າ ທຶນ​ຮອນ​ເກົ່າ ແລະບຸນ​ເກົ່າ

 

4.

​ການ​ເຂົ້າ​ມາ​ຢູ່​ສູນ​ປະ​ຕິ​ບັດ​ທັມ​ທີ່ນີ້ ແມ່ນ​ສະ​ໝັກ​ໃຈ​ມາ​ເອງ ບໍ່​ມີ​ໃຜ​ໄປ​ຍຸ​ໄປ​ເຍົ້າ​ເອົາ​ໃຜ​ມາ ແລະບໍ່​ມີ​ໃຜ​ຖືກ​ຍົວະ​ມາ ສຳ​ລັບ​ຜູ່​ມາ​ຢູ່ ມີ​ແຕ່​ພໍ​ໃຈ​ມາ​ເອງ ພໍ​ໃຈ ​ແລ້ວ​ກໍ​ພາ​ກັນ​ມາ ໂດຍ​ສະ​ເພາະ​ແມ່ນ​ຜູ່​ໄດ້​ຝຶກ ແມ່ນ​ຜູ່​ໄດ້​ປະ​ຕິ​ບັດ ຜ່ານ​ມາ​ແລ້ວ ເພາະ​ເປັນ​ຜູ່​ຮູ້ເປັນ​ຜູ່​ເຂົ້າ​ໃຈ ພໍ​ເຂົ້າ​ໃຈ​ໄດ້​ ໃນ​ເລື້ອງ​ມັ​ຄ​ໃນ​ເລື້ອງ​ຜົນ  ທຸກ​ຄົນ​ຈິ່ງ​ມີ​ໃຈ​ໃຫ້​ກັນ ແລະກັນ​ໄດ້

 

5.

​ບຸນ​ມີ​ຈິງ ບາບ​ມີ​ຈິງ! ຍ້ອ​ນ​ຮູ້​ວ່າ​ບຸນ​ມີ​ຈິງ ບາບ​ມີ​ຈິງ ຈິ່ງ​ພາ​ກັນ​ເອົາ​ໃຈ​ໃສ່ ແລະພະ​ຍາ​ຍາມ​ພາກ​ພຽນ​ນຳ​ກັນ​ທີ່​ສຸດ ຈະ​ເປັນ​ໃຜ​ກໍ​ຕາມ ທັງ​ຢູ່ນອກທັງ​ຢູ່​ໃນ ກໍ​ຕ້ອງ​ໄດ້​ເອົາ​ໃຈ​ໃສ່​ນຳ​ກັນ ​ເອົາ​ໃຈໃສ່​ແບບ​ພິ​ເສດ​ນຳ​ກັນ ​ເອົາ​ໃຈ​ໃສ່​ແບບ​ຫາ​ອັນ​ປຽບ​ອັນ​ປະ​ມານບໍ່​ໄດ້ ສຳ​ລັບ​ຜູ່​ໃຫຍ່ ຜູ່​ເປັນ​ພໍ່​ເປັນ​ແມ່ ຜູ່​ເປັນ​ລູກ​ຜູ່​ໃຫຍ່ ຜູ່​ເປັນ​ທາ​ຍາ​ຕ​ມາ​ກ່ອນ ແລະຜູ່​ເປັນ​ອ້າຍ​ເອື້ອຍ​ນ້ອງ ຜູ່​ທີ່​ເສັຍ​ສະຫຼະ​ຈາ​ຄະ​ແທ້ ພ້ອມ​ທັງ​ຜູ່​ທີ່​ເປັນ​ຍາ​ຕ​ເປັນ​ມິດ

 

6.

​ບຸນ ແລະບາບ ຮູ້​ວ່າ​ຕ້ອງ​ສ້າງ ຕ້ອງ​ລ້າງ ຕ້ອງ​ຜັດ ຕ້ອງ​ຈັດ​ສັນ ຈິ່ງ​ກ້ຽງ ຈິ່ງ​ໝົດ ຈິ່ງ​ສິ້ນ​ໄປ, ແລະ ຝ່າຍ​ບຸນ​ກໍ​ຕ້ອງ​ໄດ້​ສ້າງ ໄດ້​ສ້າງ​ແບບ​ເອົາ​ໃຈ​ໃສ່​ແທ້ໆ ຈິ່ງ​ເກີດ​ເປັນ​ບຸນ​ໄດ້ ຍ້ອນ​ເຂົ້າ​ໃຈ ຍ້ອນ​ເຫັນ​ໄດ້​ວ່າ ຜົນ​ເກີດ​ມາ​ຈາກ​ເຫດ ກໍ​ຈິ່ງ​ພາ​ກັນ​ສ້າງ ສ້າງ​ແຕ່​ເຫດ​ດີ

 

7.

​ການ​ຢູ່​ສູນ​ແດນ​ແຫ່ງ​ທັມ​ທີ່ນີ້ ແມ່ນ​ຢູ່​ແບບ​ສະ​ບາຍ ກໍ​ຄື​ຄິດ​ວ່າ ເຮົາ​ມີ​ບຸນ ບຸນ​ຕ້ອງ​ຊ່ວຍ ບຸນ​ຕ້ອງ​ຄ້ຳ​ຕ້ອງ​ຊູ ບຸນ​ຕ້ອງ​ຍູ້​ໜູນ ບຸນ​ຕ້ອງ​ເຜື່ອ​ແຜ່ ເຜື່ອ​ແຜ່​ໄປ​ເຖິງ​ຜູ່​ເປັນ​ພໍ່​ເປັນ​ແມ່ ຜູ່​ເປັນ​ອ້າຍ​ເອື້ອຍ​ນ້ອງ, ຜູ່​ເປັນ​ຜົວ ແລະຜູ່​ເປັນ​ເມັຍ​ນຳ​ກັນ ພ້ອມ​ທັງ​ຜູ່​ເປັນ​ລູກ ແລະຜູ່​ເປັນ​ຍາດ​ເປັນ​ມິດ ຄິດ​ໄດ້​ນຳ​ກັນ ຈິ່ງ​ຕັດ​ສິນ​ໃຈ​ຢູ່​ໄດ້​ນຳ​ກັນ ຢູ່​ແບບ​ຄ່ອຍ​ເປັນ​ຄ່ອຍ​ໄປ ຢູ່​ແບບ​ຮູ້​ວ່າ ບຸນ​ພາ​ຢູ່ ບຸນ​ພາ​ໄປ

 

8.

​ຄວາມ​ຈິງ ສິ່ງ​ທີ່​ກິນ ສິ່ງທີ່ຫຼໍ່​ລ້ຽງ​ຮ່າງ​ກາຍ ສິ່ງ​ທີ່​ໃຊ້​ສອຍ ຕ້ອງ​ແມ່ນ​ເຈົ້າ​ຂອງ ຄ້ຳ​ຊູ​ຍູ້​ໜູນ​ເຈົ້າ​ຂອງ ເປັນຫຼັກ ເປັນ​ຕົ້ນເປັນ​ຕໍ ເພາະ​ວ່າ​ຕົນ​ເອງ ຕ້ອງ​ຮູ້​ຕ້ອງ​ເຂົ້າ​ໃຈ ຕ້ອງ​ເຫັນ​ໄດ້​ວ່າ ຊີ​ວິດ​ຂອງ​ທຸກ​ຄົນ ມີ​ຄວາມ​ຍາກ​ລຳ​ບາກ​ພໍໆ​ກັນ ແລະມີ​ຄວາມ​ຫຍຸ້ງ​ຍາກ​ສັບ​ສົນ ໃນ​ບາງ​ເລື້ອງ​ໃນ​ບາງ​ບັນ​ຫາ ແນ່ນອນ​ວ່າ ຜູ່​ເຂົ້າ​ມາ​ຢູ່​ສູນ​ແດນ​ແຫ່ງ​ທັມ​ທີ່ນີ້ ຕ້ອງ​ມີ​ບັນ​ຫາບໍ່ຫຼາຍ​ກໍ​ໜ້ອຍ ແຕ່ບໍ່​ເຖິງ​ກັບ​ວ່າ​ໝົດ​ທຸກ​ຄົນ ແຕ່​ກໍ​ອາດ​ຈະ​ວ່າ​ໄດ້ ເພາ​ະ​ວ່າ​ໂຣ​ຄ​ພະ​ຍາດ​ພາ​ມາ​ເປັ​ນ​ສ່ວນ​ໃຫຍ່ ອີກ​ຢ່າງ​ນຶ່ງ ລູກ​ພາ​ມາ ບາງ​ທີ ບາງ​ຄົນ ບາງ​ທ່ານ ກໍ​ຖືກ​ລູກ​ລາກ​ແກ່​ມາ ເພາະ​ວ່າ​ລູກ​ໄປ​ຕິດ​ຢາ​ບ້າ ໄປ​ກິນ​ຢາ​ບ້າ ໄປ​ເສບ​ໄປ​ສູບ, ໃນ​ເມື່ອ​ເສບ​ສູບ​ເຂົ້າ​ມາ​ແລ້ວ ກໍ​ຕ້ອງ​ຕິດ ໃນ​ເມື່ອ​ຕິດ​ແລ້ວ ກໍ​ຕ້ອງ​ຍາກ ຍາກ​ໄປ​ເຖິງ​ພໍ່ ຍາກ​ໄປ​ເຖິງ​ແມ່ ຈຳ​ເປັນ ພໍ່​ກັບ​ແມ່​ກໍ​ຕ້ອງ​ໄດ້​ຫາ​ທີ່​ຊ່ວຍ ຊ່ວຍ​ເອົາ​ລູກ​ເຈົ້າ​ຂອງ ແຕ່​ວ່າ​ພໍ່​ກັບ​ແມ່ ບໍ່​ມີ​ເຈ​ຕະ​ນາ​ເລີຍ ​ວ່າ​ຈະ​ເຂົ້າ​ມາ​ເພື່ອ​ລ້າງ​ເພື່ອ​ຜັດ​ເຈົ້າ​ຂອງ ມີ​ແຕ່​ວ່າ​ລູກ​ຊົ່ວ ລູກ​ບໍ່​ດີ ຕ້ອງ​ເອົາ​ລູກ​ມາ​ລ້າງ​ມາ​ຜັດ ຕ້ອງ​ເອົາ​ລູກ​ມາ​ໃຫ້​ທາງ​ສູນ​ຊ່ວຍ ທາງ​ສູນ​ກໍ​ຮັບ ຮັບ​ແລ້ວ​ກໍ​ຕ້ອງບອກວ່າ ເຈົ້າ​ກໍ​ຕ້ອງ​ມາ​ເຝົ້າ​ລູກ​ເຈົ້າ  ເພາະ​ເຈົ້າ​ເປັນ​ພໍ່​ເປັນ​ແມ່ ຜັດ​ປ່ຽນ​ກັນ​ມາ​ເດີ! ແມ່​ຄູ​ພໍ່​ຄູ ກໍ​ຕ້ອງບອກ​ແນວນີ້! ຈຳ​ເປັນ​ ກໍ​ຕ້ອງ​ໄດ້​ມາ​ຕາມ​ກໍ​ລະ​ນີນີ້​ຊື່ໆ, ແຕ່​ວ່າ​ພໍ​ມາ​ແລ້ວ ກໍ​ຕ້ອງ​ເຂົ້າ​ໃຈ, ໃນ​ເມື່ອ​ເຂົ້າ​ໃຈ​ແລ້ວ ກໍ​ຕ້ອງ​ຮູ້​ວ່າ ມີ​ຄ່າ​ມີ​ຄຸນ ມີ​ຄຸນ​ຄ່າ​ມາກ​ມາຍຫຼວງຫຼາຍ ຍິ່ງ​ສະຫຼະ​ຈາ​ຄະ​ຊ່ວຍ​ເຫຼືອ​ກັນ ແລະກັນ​ອີກ, ແລະອີກ​ຢ່າງ​ນຶ່ງ ບາງ​ຄົນ​ບາງ​ທ່ານ ກໍ​ຕ້ອງ​ເຫັນ​ຄ່າ ດ້ວຍ​ປັນ​ຍາ​ເຈົ້າ​ຂອງ ກໍ​ຕ້ອງ​ໄດ້​ເອົາ​ໃຈ​ໃສ່​ນຳ​ກັນເປັນ​ພິ​ເສດ​ອີກ ແຕ່​ວ່າ​ກໍ​ມີ​ສ່ວນ​ໜ້ອຍ ສ່ວນຫຼວງຫຼາຍ​ແມ່ນ​ພະ​ຍາດ​ພາ​ມານັ້ນ​ແລ້ວ ເປັນ​ຕົ້ນ ທັງ​ພະ​ຍາດ​ພາ​ມາ ທັງ​ບຸນ​ກຸ​ສົນພາ​ມາ ລວມ​ເຂົ້າ​ໃສ່​ກັນ ໃນ​ເມື່ອ​ມາ​ແລ້ວ ເຫັນ​ແລ້ວ ຮູ້​ແລ້ວ ເຂົ້າ​ໃຈ​ແລ້ວ ເຂົ້າ​ໃຈ​ນຳກັນ​ຄັກ​ແລ້ວ ກໍ​ມາ​ສ້າງ​ບ້ານ​ສ້າງ​ເຮືອນ​ຢູ່​ທີ່ນີ້​ນຳ​ກັນ ຖື​ວ່າບໍ່​ທຳ​ມະ​ດາ ແລະບໍ່​ແມ່ນ​ເລື້ອງ​ເວົ້າ​ເອົາ, ການ​ຢູ່​ການ​ກິນ ກໍ​ຄື​ວ່ານັ້ນ​ແລ້ວ ໃຜ​ກໍ​ໃຜ​ແລ້ວ ມາ​ສະຫຼັກ​ໃຈ​ຊ່ວຍ​ເຫຼືອ​ສັງ​ຄົມ ກໍ​ຕ້ອງ​ໄດ້​ຈາ​ຄະ​ສະຫຼະ ແລະເສັຍ​ສະຫຼະ​ພໍ​ໃຜ​ພໍ​ລາວ ບໍ່​ວ່າ​ນ້ອຍບໍ່​ວ່າ​ໃຫຍ່​ ນຳ​ກັນ​ທັງ​ເໝິດ​ທຸກ​ຕົນ​ທຸກ​ຄົນ.  ຈົບ​ຄຳ​ຕອບ.

 

ເວ​ລາ 17:38-18:02ມ, ວັນ​ທີ 14/06/2014

ໃຊ້​ເວລາ​ສົ່ງ​ສັຈ​ຈະ​ທັມ​ ຄຳ​ຕອບອອກ ແລະ​ຈົດ​ໄວ້ 24 ນາ​ທີ​;

ຜູ່​ຈົດ ແລະ​ຕີ​ພິມ​ໄວ້​ ທ່ານ ຄຳ​ສອນ ຫຼັກ​ໄມ​ຕ​ຣີ, ໂທລະ​ສັບ​: (+856-20) 222 111 40,

E-mail: klakmaitry@gmail.com; https://www.facebook.com/klakmaitry

 

Share
comments

ສະແດງຄວາມຄິດເຫັນໃນຂ່າວນີ້


Security code
Refresh