Get Adobe Flash player

ບົດ​ຄວາມ​ໃໝ່​ສຸດ

ບຸກຄົນອອນໄລນ໌

ເຮົາມີ 68 ບຸກຄົນທົ່ວໄປ ອອນໄລນ

ເຊື່ອມຕໍ່ພວກເຮົາທີ່:

ຈຳນວນຜູ້ເຂົ້າເບິ່ງເວັບ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້301
mod_vvisit_counterມື້ວານ1689
mod_vvisit_counterອາທິດນີ້3216
mod_vvisit_counterອາທິດຜ່ານມາ4341
mod_vvisit_counterເດືອນນີ້10512
mod_vvisit_counterເດືອນຜ່ານມາ33063
mod_vvisit_counterທັງໝົດ3160531

ເຮົາມີ: 65 ບຸກຄົນທົ່ວໄປ ອອນໄລນ
Your IP: 54.161.82.122
 , 
ມື້ນີ້: ວັນ​ທີ 17 ສ. ຫ., 2017

ແຜນ​ທີ່​ຜູ່​ເຂົ້າ​ເບິ່ງ​ເວັບ

Locations of visitors to this page

 

ຢາກໃຫ້ພຣະ ຊີ້ແຈງອະທິບາຍ ກ່ຽວກັບເລື້ອງມັຄເລື້ອງຜົນ ໃຫ້ລະອຽດຂຶ້ນ

User Rating: / 2
ບໍ່ດີເລີຍດີທີສູດ 
Share
Font size:

ຄຳ​ຖາມ: ຢາກ​ໃຫ້​ພ​ຣ​ະ ຊີ້​ແຈງອະ​ທິ​ບາຍ ກ່ຽວ​ກັບ​ເລື້ອງ​ມັ​ຄ​ ເລື້ອງ​ຜົນໃ​ຫ້ລະ​ອຽດ​ຂຶ້ນ

iconດາວ​ໂຫຼດ/Download

 

ຄຳ​ຕອບ​ມີ 4 ຂໍ້​:

 

1.

ເລື້ອງ​ມັ​ຄ​ເລື້ອງ​ຜົນ ເປັນ​ເລື້ອງ​ທີ່​ທຸກ​ຄົນ​ຄວນ​ເຂົ້າ​ໃຈ ຄວນ​ເອົາ​ໃຈ​ໃສ່ ແລະຄວນ​ເຫັນ​ວ່າ ເປັນ​ຄຸນ​ເປັນ​ຄ່າ ເປັນ​ປະ​ໂຫຍດ​ຢ່າງ​ມະ​ຫາ​ສານ, ແຕ່​ວ່າ ຕ້ອງ​ໄດ້​ພິ​ນິດ​ພິ​ຈາ​ຣະ​ນາ ແລະຕ້ອງ​ໄດ້​ທຳ​ຄວາມ​ເຂົ້າ​ໃຈ ໃຫ້​ເຖິງ​ຄວາມ​ລ​ະ​ອຽດ​ໃຫ້​ໄດ້.  ເລື້ອງ​ມັ​ຄເລື້ອງ​ຜົນ​ນີ້ ເປັນ​ເລື້ອງ​ສຳ​ຄັນ​ທີ່​ສຸດ ສຳ​ຄັນ​ແບບ​ວ່າ ຖ້າ​ຄົນ​ເຮົາຂາດ​ມັ​ຄ​ຂາດ​ຜົນ ຊີ​ວິດ​ກໍ​ຈະ​ຮ້ອນ ຊີ​ວິດ​ກໍ​ຈະ​ເຜົາ ຈະ​ຖືກ​ເຜົາ​ຕາມ​ອາ​ຣົມ ຕາມ​ອາ​ການ​ຂອງ​ຄົນ​ນັ້​ນ ແລະຄົນ​ນີ້ ​ຊີ​ວິດ​ຂອງ​ທຸກ​ຄົນ ເປັນ​ຊີ​ວິດ​ທີ່​ມີ​ຄວາມ​ຕ້ອງ​ການເອື້ອ​ອຳ​ນວຍ ທາງ​ຝ່າຍ​ທາດ​ກໍ​ຄື​ກັນ, ຝ່າຍ​ທາດ ກໍ​ຕ້ອງ​ການ​ເຂົ້າ​ປາ​ອາ​ຫານ ນ້ຳດື່ມ ພືດ​ຜັກ, ຝ່າຍ​ພ​ຣະ​ຢູ່​ໃນ ກໍ​ຕ້ອງ​ການ ມັ​ຄ ແລະຜົນ ແຕ່​ວ່າ​ຕ້ອງ​ຮູ້ ຕ້ອງ​ເຂົ້າ​ໃຈ ອັນ​ໃດ​ເປັນ​ມັ​ຄອັນ​ໃດ​ເປັນ​ຜົນ ຄົນ​ຕ້ອງ​ຮູ້ຄົນ​ຕ້ອງ​ເຂົ້າ​ໃຈ ຖ້າ​ຜູ່​ເປັນ​ຄົນ​ບໍ່​ເຂົ້າ​ໃຈ ບໍ່​ຮູ້ ກໍ​ຈະ​ເປັນ​ມັ​ຄ​ເປັນ​ຜົນ​ບໍ່​ໄດ້ ກໍ​ຈະ​ເປັນ​ໄດ້​ແຕ່​ພຽງ​ທຳ​ມະ​ດາ​ໄປ ເຖິງ​ແມ່ນ​ວ່າ​ຈະ​ເຄີຍ​ຝຶກ ຈະ​ເຄີຍ​ປະ​ຕິ​ບັດ​ມາກ​ມາຍຫຼາຍ​ພຽງ​ໃດ ແຕ່​ວ່າ​ອາດ​ຈະ​ເປັນ​ຜົນ​ບໍ່​ໄດ້ ຕ້ອງ​ເບິ່ງ​ຄືນໃນ​ເລື້ອງນີ້ ເບິ່ງ​ບ່ອນ​ວ່າ ຖ້າ​ໄດ້​ຜົນແທ້ ກໍ​ຕ້ອງ​ສະ​ບາຍ​ຂຶ້ນ, ເຢັນ, ສະ​ບາຍ, ໝາຍ​ເຖິງ ເຢັນ​ຕໍ່​ເລື້ອງ ເຢັນ​ຕໍ່​ບັນ​ຫາ ເຢັນ​ຕໍ່​ສິ່ງ​ເຂົ້າ​ມາ ສິ່ງ​ໃດ​ເຂົ້າ​ມາ​ກໍ​ເຢັ​ນ ຈະ​ເປັນ​ເລື້ອງ​ຮັກ ຫຼືເລື້ອງ​ຊັງ ຈະ​ເປັນ​ເລື້ອງ​ດີ​ໃຈ ຫຼື​ເລື້ອງ​ເສັຍ​ໃຈ ເລື້ອງ​ເສັຍ​ໃຈ​ພຽງ​ໃດ​ກໍ​ເຢັນ​ໄດ້ ຄຸມ​ສະ​ຖາ​ນະ​ການ​ໄດ້ ຄຸມ​ເຈົ້າ​ຂອງ​ໄດ້ ຄຸມ​ໄດ້​ຍ້ອນ​ວ່າ ເຂົ້າ​ໃຈ​ໄດ້​ເຖິງ ໄດ້​ເຖິງ​ຢູ່​ບ່ອນ​ວ່າ ຮັກ ຫຼືຊັງ​ກໍ​ບໍ່​ທ່ຽງ ໄດ້ ຫຼືເສັຍ​ກໍ​ບໍ່​ທ່ຽງ ແລະສຸ​ຂ​ທຸກ​ຂ໌ກໍ​ຄື​ກັນ ດີ​ໃຈ​ເສັຍ​ໃຈ​ກໍ​ຄື​ກັນ ໃນ​ເມື່ອ​ເຂົ້າ​ໃຈ​ໄດ້​ເຖິງ​ຄວາມ​ລະ​ອຽດ ກໍ​ຖື​ວ່າ​ໄດ້​ມັ​ຄ​ໄດ້​ຜົນ​ຮອງ​ຮັບໄດ້​ຈິງໆ ຄື​ໄດ້​ລະ​ງັບ​ເຈົ້າ​ຂອງ ຖ້າ​ມີ​ຜົນ​ຈິງ ຕ້ອງ​ລະ​ງັບ​ເຈົ້າ​ຂອງ​ໄດ້ ລະ​ງັບ​ໄດ້​ໃນ​ທຸກໆ​ເຫດການ ຈະ​ບໍ່​ຟຸ້ງ​ຕາມ​ເລື້ອງ ຈະ​ບໍ່​ຟຸ້ງຕາມ​ບັນ​ຫາ ແລະທຸກ​ສິ່ງ​ທຸກ​ຢ່າງ ທີ່​ຜ່ານ​ເຂົ້າ​ມາ​ທາງ​ຕາ ຫູ ດັງ ລີ້ນ ກາຍ ໃຈ, ເລື້ອງ​ມັ​ຄ​ເລື້ອງ​ຜົນ​ເປັນ​ແບບນີ້ ແຕ່​ວ່າ​ອັນ​ນີ້ ເວົ້າ​ເຖິງ​ຜົນ​ໂດຍ​ລວມ ກໍ​ຄື​ພໍ​ໃຫ້​ເຂົ້າ​ໃຈ​ວ່າ ຖ້າ​ໄດ້ເປັນ​ແນວ​ໃດ? ຖ້າ​ໄດ້ກໍ​ຕ້ອງດີເຢັ​ນເປັນ​ສຸ​ຂ ບໍ່​ໃຫ້​ຕົນ​ເອງ​ເປັນ​ທຸກ​ຂ໌ ບໍ່​ໃຫ້​ຜູ່​ອື່ນ​ເປັນ​ທຸກ​ຂ໌ ບໍ່​ສ້າງ​ຄວາມ​ເດືອດ​ຮ້ອນ​ໃຫ້​ແກ່​ເຈົ້າ​ຂອງ ແລະໃຫ້​ແກ່​ຜູ່​ອື່ນ ທັງ​ໝົດ​ທັງ​ສິ້ນ

 

2.

​ການ​ສ້າງ​ມັ​ຄ​ສ້າງ​ຜົນ ຖ້າ​ຈະ​ເອີ້ນ​ວ່າ​ມັ​ຄ 4 ຜົນ 4 ນີ້​ກໍ​ເປັນ​ເລື້ອງ​ຍາກ ການ​ສ້າງ​ກໍ​ລຳ​ບາກ ບໍ່​ທຳ​ມະ​ດາ, ເວົ້າ​ນີ້​ງ່າຍ ແຕ່​ເຮັດ​ຍາກ ກໍ​ຄື​ມັ​ຄ ມັກ​ດັບ​ທຸກ​ຂ໌ ມັກ​ດັບ​ເຫດ, ມັກ​ຫົນ​ທາງ​ອອກ​ຈາກ​ທຸກ​ຂ໌ ມັກ​ປະ​ຕິ​ບັດ, ມັກ​ໃນ​ການ​ຈະ​ເລີນ​ສະ​ຕິ ມັກ​ໃນ​ການ​ຈະ​ເລີນ​ສະ​ມາ​ທິ ມັກ​ໃນ​ການ​ຈະ​ເລີນ​ໃຫ້​ຮູ້​ສຶກ​ຕໍ່​ເນື່ອງ ແບບ​ຮູ້​ສຶກ​ຕົວ​ທົ່ວ​ພ້ອມ ແລະພ້ອມ​ຢູ່​ສະ​ເໝີ! ເປັນ​ແບບ​ຕະຫຼອດການ​ຕະຫຼອດ​ສານ ກໍ​ຄື​ທຸກ​ການ​ເຄື່ອນ​ໄຫວ ຫຼືທຸກໆ ການ​ເຄື່ອນ​ໄຫວ ຕ້ອງ​ຮູ້​ເມື່ອ​ຕະຫຼອດ ຕ້ອງ​ຮູ້​ຈັກ​ວ່າເຈົ້າ​ຂອງ​ເຄື່ອນ​ໄຫວ​ແນວ​ໃດ ຕີງ​ແນວ​ໃດ ງວາກ​ແນວ​ໃດ ເງີຍ​ແນວ​ໃດ ກົ້ມ​ແນວ​ໃດ ຫຼຽວ​ແນວ​ໃດ ຮູ້​ຈັກ​ເໝິດ ຕະຫຼອດ​ເຖິງ​ຖ່າຍ​ໜັກ ຖ່າຍ​ເບົາ ກິນ ດື່ມ ຄ້ຽວ ຫຍ້ຳ ກືນ​ລົງ ດື່ມ​ລົງ ເຖິງ​ຂະ​ໜາດນີ້ ຕະຫຼອດ​ເຖິງ​ຖົ່ມ​ນ້ຳ​ລາຍ ຄາຍ​ນ້ຳ​ມູກ ຫຼື ຈາມ ໄອ ແລະທຳ​ຄວາມ​ສະ​ອາດ ​ທຸກ​ຢ່າງຢູ່​ໃນ​ສ່ວນ​ຮ່າງ​ກາຍ ຫຼືຕົກ​ແຕ່ງ ເສີມ​ສວຍ ຜັດ​ແປ້ງ ທາ​ໜ້າ ຫວີ​ຜົມ ແຍງ​ແວ່ນ ເຮັດ​ແນວ​ໃດ ຜັດ​ທາ​ອັນ​ໃດ ຕ້ອງ​ຮູ້​ສຶກ​ທັງ​ເໝິດ ພ້ອມ​ດ້ວຍ​ພິກ​ຄີງ ຄູ້ ຢຽດ ກົ້ມ ເງີຍ! ຕະຫຼອດ​ເຖິງ​ທຳ​ໜ້າ​ທີ່ໃນ​ເລື້ອງ​ປະ​ສານ​ສົມ​ທົບ ຫຼືແນວ​ໃດ ການ​ເວົ້າ ການ​ເບິ່ງ ການ​ແຍງ ການງວາກ ການຫຼຽວ ແຕ່​ລະ​ຄັ້ງ​ລະ​ເທື່ອທັງ​ໝົດ ຕະຫຼອດ​ເຖິງ​ເສັຍ​ອາ​ຣົມ ຫຼືອາ​ຣົມ​ດີ ຟຸ້ງ ຫຼື ບໍ່​ຟຸ້ງ, ລຽ​ບ​ລ້ອຍ ຫຼືບໍ່​ລຽ​ບ​ລ້ອຍ, ສະ​ຫງົບ​ສະ​ຫງັດ ປົກ​ກະ​ຕິ ຫຼືບໍ່​ປົກ​ກະ​ຕິ, ຕ້ອງ​ຮູ້ ຕ້ອງ​ເຂົ້າ​ໃຈ ຕ້ອງ​ເຮັດ​ຈົນ​ໃຫ້​ໄດ້ ອັນ​ນີ້ຈິ່ງ​ເອີ້ນ​ວ່າ​ມັ​ຄ ມັກ​ແທ້ໆ ​ມັກ​ຈິງໆ ສ່ວນຫຼວງຫຼາຍເວົ້າ​ເອົາ​ນີ້​ໄດ້ ເວົ້າມັ​ຄ ຜົນ ນິ​ພ​ພານ ໃຜ​ກໍ​ເວົ້າ​ໄດ້​ງ່າຍ ແຕ່​ວ່າ​ບາດ​ເຮັດ​ແທ້​ເຮັດ​ຈິງ ຈະ​ເປັນ​ຈັ່ງ​ໃດ ໃຜ​ເຮັດ​ໄດ້ ບໍ່​ໄດ້ ຈິ່ງ​ຈະ​ຮູ້​ເອງ! ແຕ່​ວ່າ​ໃນ​ທີ່ນີ້ ຂໍ​ແຈ້ງ​ໃຫ້​ຟັງ​ວ່າ ມັ​ຄ ຕ້ອງ​ໄດ້​ສ້າງ​ແນວນີ້ ສ້າງ​ລົມ​ຫາຍ​ໃຈ​ເຂົ້າ ສ້າງ​ລົມ​ຫາຍ​ໃຈ​ອອກ ສ້າງ​ການ​ຕິດ​ຕາມ ດ້ວຍ​ຄວາມ​ຮູ້​ສຶກ​ຢ່າງ​ເຕັມໆ ໃຫ້​ໄດ້​ເຕັມໆ ຈົນ​ເຕັມ 100% ພຸ້ນ​ແລ້ວ ແບບນີ້ ຈິ່ງວ່າ​ຈະ​ເລີນ​ສະ​ຕິ ຈະ​ເລີນ​ເອົາ​ຜູ່​ຮູ້, ຖ້າ​ເອົາ​ຜູ່​ຮູ້​ຂຶ້ນ​ມາ​ໄດ້ ກໍ​ຖື​ວ່າຮູ້​ສຶກ​ຕົວ​ໄດ້​ຢ່າງ​ເຕັມໆ ແລ້ວ​ຕໍ່​ຈາກນີ້ ກໍ​ຕ້ອງ​ຮູ້​ວ່າ ສິນ​ຄື​ຈັ່ງ​ໃດ! ສິນ ກໍ​ຄື​ຄວາມບໍ່​ຜິດ ຄວາມບໍ່​ຜິດ​ພາດ ແລະຄວາມ​ຖືກ​ຕ້ອງ​ທັງ​ເໝິດ, ຄວາມ​ຖືກ​ຕ້ອງ​ຕາມ​ແນວ ຕາມ​ວິ​ທີ ຕາມຫຼັກ ຕາມ​ແນວ​ທາງ ຕາມ​ຫົນ​ທາງ ​ຕາມ​ມັ​ຄ​ຕາມ​ຜົນ​ຄື​ເກົ່າ ແຕ່​ວ່າ​ຕ້ອງ​ຊອບ​ລະ​ບຽບ​ກົດ​ໝາຍ​ບ້ານ​ເມືອງ ຕ້ອງ​ເອົາ​ໃຈ​ໃສ່ ໃນ​ກອບ​ກົດ​ໝາຍ​ຂອງ​ພັກ ລັດວາງ​ໄວ້ ຖ້າ​ຮູ້​ເຖິງ​ຂະ​ໜາດນີ້ ​ແນ່ນອນ ຜົນ​ຕ້ອງ​ເກີດ​ມາ​ໄດ້​ຈິງ ຜົນ​ຄື​ຜູ່​ຕື່ນ, ໃນ​ເມື່ອ​ໄດ້​ຜູ່​ຕື່ນ​ຂຶ້ນ​ມາ​ແລ້ວ ແນ່ນອນ ຕ້ອງ​ໄດ້​ຜູ່​ເບີກ​ບານ ຖື​ວ່າ​ທັງ​ຜູ່​ຮູ້ ທັງ​ຜູ່​ຕື່ນ ຜູ່​ເບີກ​ບານ ຂຶ້ນ​ມາ​ໄດ້​ແລ້ວ ນີ້​ແລ້ວ​ຄື​ຜົນ; ຄຳ​ສອນ​ເອີຍ! ຫຼັກ​ໄມ​ຕ​ຣີ​ເອີຍ! ເຈົ້າ​ກໍ​ຊ່າງ​ຖາມ ຖື​ວ່າ​ຄຳ​ຖາມນີ້ ຖືກຫຼັກ​ຖືກ​ທາງ​ທີ່​ສຸດ ທີ່​ສຸດໆ ພຸ້ນ​ແລ້ວ ພ​ຣະ​ຂໍ​ຂອບ​ພ​ຣະ​ຄຸນ​ນຳ​ເຈົ້າ​ເປັນ​ຢ່າງ​ຍິ່ງ!

 

3.

​ເຈົ້າ​ຄິດ​ວ່າ​ເປັນ​ແນວ​ໃດ? ເປັນ​ຫຍັງ​ເຈົ້າ​ຈິ່ງ​ຖາມ ຫຼືຖາມ​ເພື່ອ​ຜູ່​ອື່ນ​ບໍ? ຫຼື​ວ່າ​ເຈົ້າ​ຮູ້ບໍ່​ທັນ​ເໝິດ ຖ້າ​ຮູ້ບໍ່​ທັນ​ເໝິດ​ກໍ​ດີ ໃຫ້​ຮູ້​ຕື່ມ​ໄວ້​ອີກ ໃຫ້​ຮູ້​ຢ່າງ​ເຕັມໆ​ໄວ້, ແຕ່​ຖ້າ​ຖາມ​ເພື່ອ​ຜູ່​ອື່ນ ກໍ​ເປັນ​ບຸນ​ເປັນ​ກຸ​ສົນ​ຂອງ​ເຈົ້າ, ແຕ່​ວ່າ​ພ​ຣະ​ທັມ​ເຫັນ​ແນ່ນອນ​ໃນ​ສ່ວນ​ໄດ້ ແຕ່​ກໍ​ແນ່ນອນ ໃນ​ສ່ວນບໍ່​ທັນ​ໄດ້​ຂອງ​ເຈົ້າ, ສະຫຼຸບ​ໄດ້​ວ່າ ຄຳ​ຖາມນີ້ ມີ​ປະ​ໂຫຍດ ທັງ​ເພື່ອ​ຕົນ ທັງ​ເພື່ອ​ຜູ່​ອື່ນ ເພາະ​ວ່າ​ການ​ຕອບນີ້ ຕອບ​ເພື່ອ​ຢາກ​ໃຫ້​ເຂົ້າ​ໃຈ​ນຳ​ກັນ ທັງ​ໝົດ​ທັງ​ສິ້ນ​ພຸ້ນ​ແລ້ວ ແຕ່​ໃຜ​ຈະ​ຮູ້ ຫຼືບໍ່​ຮູ້ ກໍ​ເອົາ​ໄວ້​ເປັນ​ເລື້ອງ​ນຶ່ງ ແຕ່​ມີ​ຈຸດ​ປະ​ສົງ​ຕອບ ຕອບ​ໃຫ້​ຜູ່​ຮູ້​ເອົາ​ໄປ​ຄິດ ຕອບ​ໃຫ້​ຜູ່​ເຂົ້າ​ໃຈ ເອົາ​ໄປ​ເຈັຍ​ລະ​ໄນ​ຕື່ມ ໄຈ້​ແຍກ​ຕື່ມ ຕື່ມ​ບ່ອນ​ວ່າ ເຮົາໄ​ດ້​ອັນ​ໃດ? ໄດ້​ອັນ​ໃດ​ກັນ​ແທ້? ເພາະ​ວ່າຫຼາຍ​ຄົນວ່າ ​ເຈົ້າ​ຂອງ​ໄດ້ ແຕ່​ວ່າ​ອາດ​ຈະ​ໄດ້ໄປ​ໃນ​ທາງ ນອກກອບ ນອກ​ກົດກໍ​ມີ ອາດ​ຈະ​ບໍ່​ແມ່ນ​ຢູ່​ໃນ​ກອບ ​ຢູ່​ໃນ​ກົດ​ເປັນ​ສ່ວນ​ໃຫຍ່ ເປັນ​ສ່ວນຫຼວງຫຼາຍ, ເພາະ​ວ່າການ​ໄດ້​ນີ້ ແມ່ນ​ຄື​ລະ​ນຶກ ຮູ້​ສຶກ​ຖີ່ໆ ຄື​ຄວາມ​ເຂົ້າ​ໃຈ ແລະເຂົ້າ​ໃຈຢ່າງ​ດີ ຢ່າງ​ຖີ່​ຖ້ວນ ເຂົ້າ​ໃຈ​ດ້ວຍ​ທັມ​ມະ​ຊາດ​ຂອງ​ເຈົ້າ​ຂອງ​ເອງ ບໍ່​ແມ່ນ​ເຂົ້າ​ໃຈ​ຍ້ອນ​ມີ​ຜູ່ບອກ ມີ​ຜູ່​ແຍກ​ແຍະ ມີ​ຜູ່​ຊີ້​ແຈງອະ​ທິ​ບາຍ! ຕ່າງ​ກັນ ຖ້າ​ເຂົ້າ​ໃຈ​ຈາກ​ພາຍນອກ​ເຂົ້າ​ມາ ຈາກ​ການ​ຈື່ ໃນ​ການ​ໄດ້​ຍິນ​ໄດ້​ຟັງ ກໍ​ເປັນ​ອີກ​ແບບ​ນຶ່ງ, ແຕ່​ຖ້າ​ເຂົ້າ​ໃຈ​ຍ້ອນ​ໄດ້​ຝຶກ ຍ້ອນ​ໄດ້​ປະ​ຕິ​ບັດ ແລະຍ້ອນ​ໄດ້​ສຶກ​ສາ​ກັບ​ທັມ​ມະ​ຊາດ ທີ່​ເປັນ​ພາ​ວະ​ຮ່າງ​ກາຍ ທາດ​ຂັນ​ທ໌​ເຈົ້າ​ຂອງ ແມ່ນ​ໄດ້​ແບບ​ຕ່າງ​ກັນ ບໍ່​ຄື​ກັນ! ມີ​ຄວາມ​ຮອບ​ຄອບ​ຕ່າງ​ກັນ ແລະຮູ້​ວ່າ ຕື້ນ ເລິກ ໜາ ບາງ ເຖິງ​ຂະ​ໜາດນີ້ ຕ້ອງ​ຮູ້ ຕ້ອງ​ເຂົ້າ​ໃຈ​ເຖິງຫຼັກ​ແທ້ໆ ຫຼັກ​ຈິງໆ ສິ່ງ​ທີ່​ເອີ້ນ​ວ່າຫຼັກ ກໍ​ຄືຫຼັກ​ການ ຕ້ອງ​ເອົາ​ໃຈ​ໃສ່ ໃນ​ການບໍ່​ທຳ​ບາບ, ທາງ​ກາຍ​ກໍ​ດີ ທາງວາ​ຈາ​ກໍ​ດີ ທາງ​ໃຈ​ກໍ​ດີ ແລະ ທາງ​ຄວາມ​ຮູ້​ສຶກ​ນຶກ​ຄິດ ຕະຫຼອດ​ເຖິງ ຕ້ອງ​ເປັນ​ຜູ່​ສະຫຼຽວ​ສະຫຼາດ ພ້ອມ​ດ້ວຍ​ຮູ້​ຈັກ​ຊຳ​ລະ​ເອົາ​ຈິດ​ເຈົ້າ​ຂອງ ເພື່ອ​ໃຫ້​ຂຶ້ນ​ມາ​ຢູ່ຫົວ​ໃຈ ໃຫ້​ຂຶ້ນ​ມາ​ຢູ່​ຫົວ​ໃຈ​ໃຫ້​ໄດ້! ລ້າງ ຜັດ ຈັດ​ສັນ​ເອົາ ຈັດ​ຈ້ອນ​ເອົາ! ເລື້ອງນີ້​ແມ່ນ​ເປັນຫຼັກ ແມ່ນ​ເປັນຫຼັກ​ແທ້ໆ, ຕໍ່​ໄປ ກໍ​ຕ້ອງ​ເຂົ້າ​ໃຈ​ເຖິງ ເຖິງ​ທຸກ​ສິ່ງ​ທຸກ​ຢ່າງ ທີ່​ເປັນ​ພາ​ວະ​ຮ່າງ​ກາຍ​ເຈົ້າ​ຂອງ ຕ້ອງ​ຮູ້​ວ່າ ມີ​ອັນ​ໃດ​ຢູ່​ໃນ​ຮ່າງ​ກາຍ ມີ​ຈັກ​ຊິ້ນ ມີ​ຈັກ​ສ່ວນ ມີ​ຈັກ​ພາກ​ສ່ວນ ແລະມີ​ພາກ​ສ່ວນ​ໃດ​ແນ່ ຕ້ອງ​ຮູ້​ເຖິງ​ຂະ​ໜາດນີ້ ຈິ່ງ​ເອີ້ນ​ວ່າ​ກຸ​ສົນ ຄື​ຄວາມ​ສະຫຼາດ ແລະຈິ່ງ​ຈະ​ສາ​ມາດຊຳ​ລະ​ເອົາ​ຈິດ​ເຈົ້າ​ຂອງ ໃຫ້​ສະ​ອາດ​ໄດ້ ນີ້​ຄື​ຜົນ ຜົນ​ພິ​ເສດ, ຈິດ ຍານ ທັມ ທິ​ພນີ້ 4 ຢ່າງນີ້ ເປັນ​ຝ່າຍ​ພ​ຣະ ນີ້​ຄື​ຜົນ​ທາງ​ຝ່າຍ​ດີ ທາງ​ຝ່າຍ​ຊອບ ທາງ​ຝ່າຍ​ປະ​ກອບ​ຊອບ​ທັມ ທີ່​ຍັງ​ຝັງ​ຢູ່ ຍັງ​ຈົມ​ຢູ່ໃນ ຢູ່​ໃນ​ໂຕ​ຂອງ​ທ່ານ​ເອງ

 

4.

​ການ​ສ້າງ​ມັ​ຄ​ສ້າງ​ຜົນ ທຸກ​ຄົນ​ຕ້ອງ​ເຂົ້າ​ໃຈ​ເຖິງ​ຈຸດນີ້ ຈຸດນີ້ເປັນ​ຈຸດ​ສູງ​ສຸດ ແຕ່​ຢູ່​ໃນ​ຊີ​ວິດ​ເຈົ້າ​ຂອງ ເຮັດ​ແນວ​ໃດ ຈຸດນີ້​ຈິ່ງ​ຈະ​ຂຶ້ນ​ມາ​ໄດ້? ຈຸດນີ້ເປັນ​ຈຸດ​ສຳ​ຄັນ ຈຸດ…., ສີ່​ຈຸດນີ້ ມີ​ຄວາມ​ໝາຍ​ສູງ​ສຸດ​ແທ້ໆ ເພື່ອ​ໃຫ້​ເຂົ້າ​ໃຈ​ເຖິງ ຈຸດ​ໃດ​ທີ່​ເຮົາ​ຕ້ອງ​ການ ໃນ​ການ​ຝຶກໃນ​ການ​ປະ​ຕິ​ບັດ ກໍ​ຄື​ຈຸດ ມັ​ຄ 4 ຜົນ 4 ນີ້​ແລ້ວ ລວມ​ກັນ​ເຂົ້າເອີ້ນ​ວ່າ ມັ​ຄ 4 ຜົນ 4, ມັ​ຄ ກໍ​ຄື​ຢ່າງນີ້​ແລ້ວ ຜົນກໍ​ຄື​ຢ່າງນີ້​ແລ້ວ ແຕ່​ໃນ​ໜັງ​ສື​ວ່າ “ທຸກ​ຂ໌ ສະ​ມຸ​ທັຍ, ນິ​ໂຣ​ຊ, ມັ​ຄ” ແຕ່​ວ່າ​ໃນ​ທີ່ນີ້ເອີ້ນ​ວ່າ ຜູ່​ເຫັນ​ທຸກ​ຂ໌ ແລ້ວ​ກໍ​ຢາກ​ອອກ​ຈາກ​ທຸກ​ຂ໌, ເຫັນ​ເຫດ ກໍ​ພະ​ຍາ​ຍາມ​ດັບ​ເຫດ, ເຫດ​ທີ່​ພາ​ໃຫ້​ທຸກ​ຂ໌ ເຫດ​ໃຫ້​ເກີດ​ທຸກ​ຂ໌ ເຫດ​ໃນ​ທາງ​ຝ່າຍບໍ່​ດີບໍ່​ຊອບ ບໍ່​ປະ​ກອບ​ຊອບ​ທັມ ແລ້ວ​ກໍ​ຫາ​ວິ​ທີ​ດັບ​ເຫດ, ມັກ​ດັບ​ເຫດ ມັກ​ດັບ​ທຸກ​ຂ໌ ມັກ​ຫາ​ຫົນ​ທາງ​ອອກ​ຈາກ​ທຸກ​ຂ໌, ເຫັນ​ຫົນ​ທາງ​ແລ້ວ ກໍ​ພໍ​ໃຈ​ປະ​ຕິ​ບັດ ເອີ້ນ​ວ່າເປັນ​ຜູ່​ມັກ​ປະ​ຕິ​ບັດ ແລ້ວ​ກໍ​ເຕັມ​ໃຈ​ປະ​ຕິ​ບັດ ປະ​ຕິ​ບັດ​ຈົນ​ໃຫ້​ເກີດ​ຜົນ, ໃນ​ເມື່ອ​ເກີດ​ຜົນ​ຂຶ້ນ​ມາ​ແລ້ວ ຈິ່ງ​ເອີ້ນ​ວ່າ ໄດ້​ມັ​ຄ​ໄດ້​ຜົນ ໄດ້​ຜົນ​ຍ້ອນ​ມັ​ຄ ເຫັນ​ທຸກ​ຂ໌ ພໍ​ໃຈ​ດັບ​ທຸກ​ຂ໌, ເຫັນ​ເຫດ ພໍ​ໃຈ​ດັບ​ເຫດ, ເຫັນ​ຫົນ​ທາງ ມັກ​ຫົນ​ທາງ, ຈົນ​ພໍ​ໃຈ​ປະ​ຕິ​ບັດ ເຕັມ​ໃຈ​ປະ​ຕິ​ບັດ ຈົນ​ສ້າງ​ໃຫ້​ເປັນ​ຜົນ​ໄດ້, ທັງ​ມັ​ຄ​ທັງ​ຜົນ ແມ່ນ​ຢູ່​ທີ່​ໂຕ​ຄົນສ້າງ​ເອົາ​ເອງ, ຖ້າ​ສ້າງ​ໄດ້ ຈະ​ໄດ້​ເປັນ​ລຳ​ດັບຂຶ້ນ​ມາ​ເອງ ຈະ​ເປັນ​ຂັ້ນ​ເປັນ​ຂັ້ນຂຶ້ນ​ມາ​ເອງ ຂັ້ນ​ຢູ່​ພາຍ​ໃນ ໃນ​ໂຕ​ຜູ່​ປະ​ຕິ​ບັດ, ການ​ຮູ້ການ​ເຂົ້າ​ໃຈ​ເປັນ​ເລື້ອງ​ຍາກ ບໍ່​ແມ່ນ​ຈະ​ຮູ້​ໄດ້​ແບບ​ອ່ານ​ໜັງ​ສື​ທົ່​ວ​ໄປ ເລື້ອງ​ມັ​ຄ​ເລື້ອງ​ຜົນ​ນີ້ ຕ້ອງ​ແມ່ນ​ຜູ່​ປະ​ຕິ​ບັດ​ເອົາ​ແທ້​ເອົາ​ຈິງ ຈິ່ງ​ສາ​ມາດ​ພໍ​ຮູ້​ໄດ້ ແລະພໍ​ເຂົ້າ​ໃຈ​ເຖິງ​ໄດ້ ແຕ່ບໍ່​ໝາຍ​ວ່າ ຈະ​ໄດ້​ຄື​ກັນ ກ່ອນ​ທີ່​ຈະ​ເຂົ້າ​ໃຈ ຕ້ອງ​ຮູ້​ອີກວ່າ ຈິດ​ເຈົ້າ​ຂອງ​ມີ ຍານ​ເຈົ້າ​ຂອງ​ມີ ທັມ​ໃນ​ໂຕ​ເຈົ້າ​ຂອງ​ມີ ທິ​ພ​ໃນ​ໂຕ​ເຈົ້າ​ຂອງ​ມີແລະ ຮູ້​ອີກວ່າ ສິ່ງ​ທີ່​ເກີດ​ຈາກ​ທາດ ຄື​ພວກວິນ​ຍານ ແມ່ນ​ມີ​ອີກ​ຝ່າຍ​ນຶ່ງ ຝ່າຍ​ທາດ ເອີ້ນ​ວ່າ​ຝ່າຍ​ພວກ​ທາດ ພວກ​ທາດ​ພວກ​ຂັນທ໌ ພວກ​ຂັນ​ທ໌ 5, ພວກ​ຂັນ​ທ໌ລວມ (ຂັນ​ທ໌ 6) ເປັນ​ຫຍັງ​ຈິ່ງ​ເອີ້ນ​ວ່າ ຂັນ​ລວມ? ອາດ​ຈະ​ບໍ່​ເຂົ້າ​ໃຈ​ເຖິງ​ຈຸດນີ້ ຂັນ​ລວມ​ກໍ​ຄືຂັນ​ທ໌​ທີ່​ເອີ້ນ​ວ່າ ຂັນ​ໝູນ​ວຽນຢູ່​ແຫ່ງ​ພາຍ​ໃນ ເອີ້ນ​ວ່າ​ຂັນ​ທ໌​ໂດຍ​ລວມ ແ​ຕ່​ເປັນ​ຂັນ​ທ໌​ທີ່ບໍ່​ສາ​ມາດ​ແຍກ​ອອກ​ມາ​ໄດ້ ຢ່າງ​ລະ​ອຽດຢ່າງ​ຈະ​ແຈ້ງ ເພາະ​ວ່າ​ເປັນ​ຮູບ​ນາມ​ຊະ​ນິດ​ນຶ່ງ ແບບ​ລະ​ອຽດ​ທີ່​ສຸດ ເໝືອນ​ກັບ​ທິ​ພ ແຕ່ບໍ່​ແມ່ນ​ທິ​ພ ເອີ້ນ​ວ່າ​ພວກຫຼອກ​ລວງ​ເກັ່ງ​ທີ່​ສຸດ ຄື​ຂັນ​ທ໌ ອະ​ວິ​ຊ​ຊາ ພວກນີ້ ເປັນ​ພວກ​ທີ່ບໍ່​ຮູ້ ບໍ່​ຮູ້​ຈິງໆ ແຕ່​ວ່າ​ເປັນ​ຜູ່​ຮູ້​ຜິດ​ຕ່າງ​ຫາກ ແຕ່​ພວກ​ເຂົາ​ກໍ​ສາ​ມາດ​ໝູນ​ວຽນຕາມ​ເລື້ອງ​ຂອງ​ພວກ​ເຂົາ ໄດ້​ຢ່າງວ່ອງ​ໄວ​ທີ່​ສຸດ ແລ້ວ​ກໍຫຼອກ​ລວງ​ແນວນັ້ນ​ແນວນີ້ ຕາມ​ເລື້ອງ​ຂອງ​ພວກ​ເຂົາ, ແຕ່​ວ່າ​ເອີ້ນ​ວ່າ​ຂັນທ໌ ກໍ​ເປັນ​ຕາ​ຫົວ ເອີ້ນ​ວ່າ​ພວກ​ກໍ​ພໍ​ໄຄ ແຕ່​ວ່າ​ເຂົາ​ເປັນ​ຂັນ​ທ໌​ຈິງໆ ຂັນ​ແບບ​ຂັນ​ໃສ່​ຄົນ ໃສ່​ຄົນ​ໄວ້ ໃສ່​ແລ້ວ​ກໍ​ງຳ​ໄວ້ ຂັນ​ແບບ​ຕ່າງໆ ແລ້ວ​ກໍ​ບໍ່​ໃຫ້​ອອກ​ຈາກ​ໂລກ​ໜ່ວຍນີ້​ໄປ​ໄດ້ ໃຫ້​ຢູ່​ກັບ​ພວກ​ເຂົາ​ຕະຫຼອດ ເອີ້ນ​ວ່າ​ພວກນີ້ພາ​ໃຫ້​ລືມ​ໄຂ​ກຸນ​ແຈ ໄຂ​ບໍ່​ໄດ້! ເພາະ​ ອະ​ວິ​ຊ​ຊາ​ ພາຫຼົງ ຂັນ​ທ໌​ໂຕນີ້ ເປັນ​ຂັນ​ທ໌​ໂດຍ​ລວມ ຂັນ​ທ໌​ໃຫຍ່​ອີກສະ​ດ້ວຍ ແຕ່​ວ່າ​ຜູ່​ທີ່​ຈະ​ເຂົ້າ​ໃຈ​ໃນ​ເລື້ອງນີ້​ໄດ້ ກໍ​ຕ້ອງ​ແມ່ນ​ຜູ່​ຮູ້​ແທ້​ຮູ້​ຈິງ ຈັກ​ແທ້​ຈັກ​ຈິງ ເຫັນ​ແທ້​ເຫັນ​ຈິງ ແຈ້ງ​ແທ້​ແຈ້ງ​ຈິງ ແຈ້ງ​ຈິງໆ ໃນ​ເລື້ອງ​ທາງ​ຂ້າງ​ໃນ ແຈ້ງ​ແທ້ໆ​ນີ້​ແລ້ວ ຈິ່ງ​ຈັກ ຈັກ​ແບບ​ຜູ່​ຮູ້​ພາ​ຈັກ ຜູ່​ຮູ້​ເອງ​ພາ​ຈັກ ຜູ່​ຮູ້​ເອງ​ພາ​ເຂົ້າ​ໃຈ ຈິ່ງ​ຈັກ ຈັກ​ວ່າ​ພວກ​ຢູ່​ໃນ​ຄື​ກັນ ແຕ່​ຄົນ​ລະ​ຝ່າຍ ຕ້ອງ​ຮູ້​ຕ້ອງ​ເຂົ້າ​ໃຈ​ເຖິງ​ເລື້ອງນີ້​ໃຫ້​ໄດ້ ​ຖ້າ​ຮູ້​ໄດ້ ກໍ​ຈະ​ໝົດ​ບັນ​ຫາ​ໄປ ຮັບ​ປະ​ກັນ​ວ່າ ບັນ​ຫາ​ຈະ​ໝົດ​ສິ້ນ​ເຊິງ​ໄປ ແລະພາ​ວະ​ຂອງ​ຄົນ ກໍ​ຈະ​ໝົດ​ສ້ຽງໄປ ບໍ່​ມີ​ອັນ​ໃດ​ຕັນ​ທາງ​ອີກ​ແລ້ວ ບໍ່​ມີ​ອັນ​ໃດ​ທັບ​ເຕັງ​ອີກ​ແລ້ວ ມີ​ແຕ່​ດີ​ ຊອບ ປະ​ກອບ​ຊອບ​ທັມ​ຢ່າງ​ດຽວ ມີ​ແຕ່ ດີ ເຢັນ ເປັ​ນ​ສຸ​ຂ​ເທົ່າ​ນັ້ນ, ສຸ​ຂ​ເຫຼືອ ທຸກ​ຂ໌​ຫາຍ, ສຸ​ຂ​ເກີດ ທຸກ​ຂ໌​ໝົດ, ສຸ​ຂ​ຍັງ ທຸກ​ຂ໌​ໝົດ​ສິ້ນ, ສິ້ນ​ເຊື້ອທຸກ​ຂ໌ ສິ້ນ​ເຫດ​ພ້ອມ ເພາະ​ດັບ​ໄດ້ ຍ້ອນ​ມັກ​ໃນ​ທາງ​ປະ​ຕິ​ບັດ ຍ້ອນ​ພໍ​ໃຈ​ໃນ​ທາງ​ອອກ​ຈາກ​ທຸກ​ຂ໌ ຄື​ຫົນ​ທາງ​ອັນ​ປະ​ເສີດ ພ​ຣະ​ອົງ​ຄ໌​ໄດ້​ຜຸດ​ຂຶ້ນ​ມາ​ໄດ້ ກໍ​ຕ້ອງ​ຕັດ​ແນວນີ້ ຕັດ​ຕ່າງນີ້ບໍ່​ເປັນ ອາດ​ຈະ​ຄື​ກັນ ແຕ່ບໍ່​ແມ່ນ​ຮຽນ​ແບບ​ລອກ​ແບບ ແຕ່​ແນ່ນອນ ຕ້ອງ​ຄື​ກັນ​ທີ່​ສຸດ ແຕ່​ແນ່ນອນ​ອີກ ຕ້ອງ​ໄດ້​ເອົາ​ຕາມຫຼັກ​ເດີມ ຫຼັກ​ເກົ່າ​ຂອງ​ພ​ຣະ​ອົງ​ຄ໌​ທີ່​ຊົງ​ຕັດ​ໄວ້, ແນ່ນອນ ຕ້ອງ​ເອົາ​ຕາມ ຕ້ອງ​ເອົາ​ຕາມຫຼັກ ຕ້ອງ​ເອົາ​ຕາມ​ທາງ ຕ້ອງ​ເອົາ​ຕາມ​ແນວ​ທາງ ຕ້ອງ​ເອົາ​ຕາມ​ວິ​ທີ ແລະຫຼັກ​ການ, ຫຼັກ​ການ​ກໍ​ເອົາ ຫຼັກ​ປະ​ຕິ​ບັດ​ກໍ​ເອົາ ຕ້ອງ​ເອົາ! ຖ້າບໍ່​ເອົາ ກໍ​ບໍ່​ຖືກ! ຖ້າ​ເອົາ ຈິ່ງ​ຖືກ! ຖ້າ​ຫາກວ່າ ພ​ຣະ​ອົງ​ຄ໌​ໃດ​ຂຶ້ນ​ມາ​ໄດ້ ກໍ​ຕ້ອງ​ເອົາ​ແບບ​ເກົ່າ​ທັງ​ໝົດທັງ​ສິ້ນ​ນຳ​ກັນ! ເທົ່າ​ນີ້​ເອງ​ເລື້ອງ​ມັ​ຄ​ຜົນ.  ຈົບ​ຄຳ​ຕອບ.

 

ເວ​ລາ 20:02-21:23ມ, ວັນ​ທີ 17/06/2014

ໃຊ້​ເວລາ​ສົ່ງ​ສັຈ​ຈະ​ທັມ​ ຄຳ​ຕອບອອກ ແລະ​ຈົດ​ໄວ້ 01:21 ຊົ່ວ​ໂມງ​;

ຜູ່​ຈົດ ແລະ​ຕີ​ພິມ​ໄວ້​ ທ່ານ ຄຳ​ສອນ ຫຼັກ​ໄມ​ຕ​ຣີ, ໂທລະ​ສັບ​: (+856-20) 222 111 40,

E-mail: klakmaitry@gmail.com; https://www.facebook.com/klakmaitry

 

Share
comments

ສະແດງຄວາມຄິດເຫັນໃນຂ່າວນີ້


Security code
Refresh