Get Adobe Flash player

ບົດ​ຄວາມ​ໃໝ່​ສຸດ

ບຸກຄົນອອນໄລນ໌

ເຮົາມີ 55 ບຸກຄົນທົ່ວໄປ ອອນໄລນ

ເຊື່ອມຕໍ່ພວກເຮົາທີ່:

ຈຳນວນຜູ້ເຂົ້າເບິ່ງເວັບ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້56
mod_vvisit_counterມື້ວານ561
mod_vvisit_counterອາທິດນີ້56
mod_vvisit_counterອາທິດຜ່ານມາ8216
mod_vvisit_counterເດືອນນີ້36217
mod_vvisit_counterເດືອນຜ່ານມາ42398
mod_vvisit_counterທັງໝົດ3250769

ເຮົາມີ: 53 ບຸກຄົນທົ່ວໄປ ອອນໄລນ
Your IP: 54.80.211.135
 , 
ມື້ນີ້: ວັນ​ທີ 22 ຕ. ລ., 2017

ແຜນ​ທີ່​ຜູ່​ເຂົ້າ​ເບິ່ງ​ເວັບ

Locations of visitors to this page

 

ຄົນ​ເຮົາ​ເກີດ​ມາ​ແລ້ວເພື່ອ​ເຮັດ​ຫຍັງ?

User Rating: / 1
ບໍ່ດີເລີຍດີທີສູດ 
Share
Font size:

ຄຳຖາມ: ຄົນເຮົາເກີດມາແລ້ວເພື່ອເຮັດຫຍັງ?

iconດາວ​ໂຫຼດ/Download


ຄຳຕອບມີ 8 ຂໍ້:

 

1.

ຄົນ​ເຮົ​າ​ເກີດ​ມາ​ເພື່ອ​ທຳ​ບຸນ ເພື່ອ​ທຳ​ກຸ​ສົນ ເພື່ອ​ສ້າງ​ມັ​ຄສ້າງຜົນ ເພື່ອ​ສ້າງ​ມຸງ​ຄຸນ​ໃຫ້​ແກ່​ເຈົ້າ​ຂອງ ເພື່ອ​ສ້າງ​ຊີ​ວິດ​ໃໝ່​ ໃຫ້​ເປັນ​ມະ​ນຸດ, ເປັນ​ມະ​ນຸດ​ແລ້ວ ກໍ​ຕ້ອງ​ໃຫ້​ເປັນ​ມະ​ນຸດ​ປະ​ເສີດ ເປັນ​ມະ​ນຸດ​ປະ​ເສີດ​ໃຫ້​ໄດ້ ຈິ່ງ​ດີ ຈິ່ງ​ຊອບ ຈິ່ງ​ປະ​ກອບ​ຊອບ​ທັມ

 

2.

ຄົນ​ເຮົາ​ມີ​ຊີ​ວິດ​ຢູ່ເພື່ອ​ຄວາມ​ສຸ​ຂ ເພື່ອ​ຄວາມ​ຈະ​ເລີນ ເພື່ອ​ຄວາມ​ກ້າວ​ໜ້າ ເພື່ອ​ສັນ​ຕິ​ສຸ​ຂ ເພື່ອ​ສັນ​ຕິ​ພາບ ເພື່ອ​ວັດ​ທະ​ນາ​ຖາ​ວອນ ແລະກ້າວ​ໜ້າ​ເລື້ອຍໆ ຂຶ້ນ​ໄປ, ຊີ​ວິດ​ເປັນ​ຂອງ​ມີ​ຄ່າ ຖ້າ​ຮູ້​ຈັກ​ຄ່າ​ຊີ​ວິດ ຊີ​ວິດ​ຈະ​ມີ​ຄ່າ​ຢ່າງ​ສູງ​ສຸດ, ຊີ​ວິດ​ມີ​ຄ່າ ​ຍ້ອນ​ການ​ພັດ​ທະ​ນາ ຖ້າ​ພັດ​ທະ​ນາ​ດີ ຊີ​ວິດ​ກໍ​ຈະ​ມີ​ແຕ່​ສິ່ງ​ດີໆ ເກີດ​ຂຶ້ນ

 

3.

ຊີ​ວິດ​ມີ​ທາງ​ເລືອກ ຕ້ອງ​ເລືອກ​ເອົາ​ແບບ​ດີແບບ​ຊອບ ແບບ​ປະ​ກອບ​ຊອບ​ທັມ ຊີ​ວິດ​ມີ​ຄ່າເພາະ​ຮູ້​ຄ່າ ໃນ​ສິ່ງ​ຜ່ານ​ເຂົ້າ​ມາ​ໃນ​ຊີ​ວິດ ຊີ​ວິດ​ມີ​ທາງ​ອອກ ເພາະ​ຮູ້​ຈັກ​ບອກ ເພາະ​ຮູ້​ຈັກ​ສອນ ​ສອນເຈົ້າ​ຂອງ ຊີ​ວິດ​ຢູ່​ໃນ​ກອບ​ໄດ້ ຢູ່​ນຳ​ກັນ​ໄດ້ ຖ້າ​ບອກ​ເຈົ້າ​ຂອງ​ເປັນ ຖ້າ​ສອນ​ເຈົ້າ​ຂອງ​ເປັນ, ຊີ​ວິດ​ຈະ​ເປັນ​ເພັດ​ເມັດ​ອັນ​ລ້ຳ​ຄ່າ

 

4.

ຊີ​ວິດ​ຕ້ອງ​ຮູ້ ຕ້ອງ​ຮູ້​ຈັກ ຮູ້​ຈັກ​ບອກ​ເວົ້າ ຕໍ່​ຕົນຕໍ່​ຜູ້​ອື່ນ ບອກ​ຜູ່​ອື່ນສອນ​ຜູ່​ອື່ນ​ໄດ້ ສອນ​ໃຫ້​ຖືກ ໃຫ້​ດີ ໃຫ້​ຊອບ ໃຫ້​ໄດ້​ທາງ​ອອກ ໃຫ້​ຮູ້​ຈັກ​ເສັຍ​ສະຫຼະ ໃຫ້​ຮູ້​ຈັກ​ຈາ​ຄະ ໃຫ້​ຮູ້​ຈັກ​ບາບບຸນຄຸນໂທດ ໃຫ້​ຮູ້​ທາງ​ເສື່ອມທາງ​ຈະ​ເລີນ

 

5.

ຕ້ອງ​ເຂົ້າ​ໃຈ​ວ່າ ເກີດ​ມາ​ຕ້ອງ​ມີ​ໜ້າ​ທີ່ ຕ້ອງ​ທຳ​ໜ້າ​ທີ່ ຕ້ອງ​ເຮັດ​ໜ້າ​ທີ່ໃຫ້ຫຼ້ອນ ໃຫ້​ດີ ໃຫ້​ຊອບ​ທີ່​ສຸດ ໃຫ້​ຮູ້​ຈັກ​ພະ​ຍາ​ຍາມ ໃຫ້​ຮູ້​ຈັກ​ອົດໃຫ້​ຮູ້​ຈັກ​ທົນ ໃຫ້​ຮູ້​ຈັກ​ຝຶກ​ເຈົ້າ​ຂອງ ຝຶກ​ຕົນ​ເອງ ຊ່ວຍ​ຕົນ​ເອງໃຫ້​ຂ້າມ​ພົບ​ພູມ​ໄດ້ ໃຫ້​ຂ້າມ​ໄປ​ຮອດ​ໄປ​ເຖິງ​ ບ່ອນ​ທີ່​ວ່າ ສຸ​ຂບໍ່​ມີ​ທຸກ​ຂ໌

 

6.

ຂໍ​ໃຫ້​ຄິດ​ວ່າ ເຮົາ​ເກີດ​ມາມີ​ພາ​ລະ ບໍ່​ພຽງ​ແຕ່​ໜ້າ​ທີ່, ໜ້າ​ທີ່​ກໍ​ຄື​ໜ້າ​ທີ່ ແຕ່​ພາ​ລະ​ຍັງ​ມີ​ອີກ, ມີ​ກໍ​ເພາະ​ວ່າ ເຮົາ​ເຄີຍ​ວຽນ​ວາຍ​ຕາຍ​ເກີດ ເຮົາ​ເຄີຍ​ວຽນ​ວາຍ​ຕາຍ​ເກີດ ເກີດ​ຢູ່​ຈັ່ງ​ຊີ້ຕາຍ​ຢູ່​ຈັ່ງ​ຊີ້ ຄື​ທີ່​ເຮົາ​ເຫັນໆ ແບບນີ້​ແລ້ວ.  ການ​ວຽນ​ວາຍ​ຕາຍ​ເກີດ ພາ​ໃຫ້​ເຮົາ​ມີ​ພາ​ລະ ພາ​ລະ​ຂອງ​ເຮົາຈິ່ງ​ເພີ້ມ​ຂຶ້ນ ເພີ້ມ​ຂຶ້ນ ເພີ້ມ​ຂຶ້ນ​ ຈົນ​ບໍ່​ສາ​ມາດ​ແກ້​ໄຂ​ໄດ້​ກໍ​ມີ

 

7.

ຕ້ອງ​ຄິດ​ວ່າ ເຮັດ​ແນວ​ໃດ​ເຮົາ​ຈິ່ງ​ຈະຫຼຸດ​ພົ້ນ​ໄດ້ ເຮົາ​ຕ້ອງ​ເອົາ​ໃຈ​ໃສ່​ໃນການ​ຖາມ ໃນ​ການ​ໄດ້​ຍິນ​ໄດ້​ຟັງ ເພື່ອ​ຄວາມ​ເຂົ້າ​ໃຈ ເພື່ອ​ເຮົາ​ຈະ​ໄດ້​ເອົາ​ໄປ​ເປັນ​ຂໍ້​ຄິດ ເພື່ອ​ເຮົາ​ຈະ​ເອົາ​ໄປ​ເປັນ​ຄູ​ສອນ​ເຮົາ ເພື່ອ​ຊີ​ວິດ​ເຮົາ ເພື່ອ​ຊີ​ວິດ​ຜູ່​ອື່ນ ຊີ​ວິດ​ມີ​ຄ່າ​ເທົ່າໆກັນ ແຕ່​ວ່າ​ຕ້ອງ​ເຂົ້າ​ໃຈ​ເຖິງ ເຂົ້າ​ໃຈ​ເຖິງ​ບ່ອນ​ແກ້​ໄຂ ຈຸດ​ໃດ​ທີ່​ເຮົາ​ຍັງ​ມີ​ຄວາມ​ຂັດ​ຂ້ອງ ຈຸດ​ໃດ​ເປັນ​ຈຸດ​ເສັຍ​ຂອງ​ເຮົາ ຈຸດ​ໃດເປັນ​ຈຸດ​ທີ່​ອ່ອນ​ແອທໍ້​ແທ້ ຈຸດ​ໃດ​ຄວນ​ຫັນ​ຄວນ​ປ່ຽນ ເຮົາ​ຕ້ອງ​ຮູ້ເຮົາ​ຕ້ອງ​ເຂົ້າ​ໃຈ ເຮົາ​ຕ້ອງ​ປ່ຽນ​ໃຫ້​ໄດ້ ເຮົາ​ຕ້ອງ​ເອົາ​ໃຈ​ໃສ່ ເອົາ​ໃຈ​ໃສ່​ແບບ​ສຸດໆ ສຸດ​ທີ່​ຈະ​ພາກ​ພຽນ​ພະ​ຍາ​ຍາມ​ໄດ້ ສຸດ​ທີ່​ຢ່າງ​ແບບ​ເຕັມ​ອົກ​ເຕັມ​ໃຈ ແບບ​ພໍ​ໃຈ ແບບ​ພໍ​ໃຈ​ທີ່​ສຸດ ໃນ​ການ​ປ່ຽນ​ແປງປ່ຽນ​ແປງ​ໃຫ້ເຈົ້າ​ຂອງ​ໃໝ່​ຂຶ້ນ​ເລື້ອຍໆ

 

8.

ຊີ​ວິດ​ທຸກ​ຕົນ​ທຸກ​ຄົນ ເປັນ​ຊີ​ວິດ​ທີ່​ມີ​ຄ່າ ຈົນ​ວ່າ​ລ້ຳ​ຄ່າ ແລ້ວ​ກໍ​ມີ​ຄ່າ​ເໜືອກວ່າ​ສິ່ງ​ອື່ນ​ໃດ ເໜືອກວ່າ​ທຸກ​ສິ່ງ​ທຸກ​ຢ່າງທີ່​ມີ​ຢູ່​ໃນ​ໂລກ​ໜ່ວຍນີ້ ແຕ່​ຖ້າ​ຫາກວ່າບໍ່​ເຂົ້າ​ໃຈ ກໍ​ເປັນ​ໄປ​ຕາມ​ແບບ ແບບບໍ່​ມີ​ຄ່ານັ້ນ​ແລ້ວ.  ຄຳ​ຖາມ ​ຖາມ​ວ່າເກີດ​ມາ​ເພື່ອ​ເຮັດ​ຫຍັງ? ຄຳ​ຕອບ​ກໍ​ຕອບ​ວ່າ ເກີດ​ມາ​ເພື່ອ​ຮັກ​ສາ​ຕົນ​ເອງ ແລະຜູ່​ອື່ນ​ໃຫ້​ດີ​ທີ່​ສຸດ ເພື່ອ​ໃຫ້​ໄດ້​ເປັນ​ບຸນ​ ໄດ້​ເປັນ​ກຸ​ສົນ​ນຳ​ກັນ ເພື່ອ​ເຮັດ​ໃຫ້​ມີ​ຄວາມ​ສຸ​ຂ​ນຳ​ກັນ ແລະເພື່ອ​ຄວາມຫຼຸດ​ພົ້ນຂອງ​ເຮົາ​ນຳ​ກັນ ແລະເພື່​ອຊ່ວຍ​ກັນ​ໃຫ້​ພົ້ນ​ຈາກ​ທຸກ​ຂ໌, ສຸດ​ທ້າຍ​ກໍ​ຄືເພື່ອ​ມາ​ສ້າງ​ຄຸນ​ງາມ​ທຳ​ຄວາມ​ດີ ໃຫ້​ແກ່​ຕົນໃຫ້​ແກ່​ໂລກ​ໜ່ວຍນີ້​ນຳ​ກັນ ເພື່ອ​ຈະ​ຊຳ​ລະ​ໜີ້​ທີ່​ຄ້າງ​ຄາ​ນຳ​ກັນ ໃນ​ທີ່​ຜ່ານ​ມາ​ໃຫ້​ເໝິດ​ໃຫ້​ສິ້ນ ຈົນ​ຈົບ​ໜີ້​ຕໍ່​ກັນ ເພື່ອ​ໃຫ້​ໄດ້​ກັບ​ຂຶ້ນ​ເມືອ ຂຶ້ນ​ເມືອ​ທາງ​ເທິງ ເພາະ​ວ່າ​ຜູ່​ພາ​ເກີດ ຜູ່​ພາ​ເກີດ​ຢູ່​ໃນ ແມ່ນ​ເປັນ​ຝ່າຍພ​ຣະ ຝ່າຍ​ພ​ຣະ​ກໍ​ຕ້ອງ​ຢາກ​ກັບ​ຂຶ້ນ​ເມືອ ຢາກ​ກັບ​ຂຶ້ນ​ເມືອ ຂຶ້ນ​ເມືອ​ຄືນ ບໍ່​ຢາກ​ຢູ່​ໃນ​ໂລກ​ໜ່ວຍນີ້ ແຕ່​ວ່າຄາ​ເຄຼັຍ​ໜີ້ຍັງ​ບໍ່​ທັນ​ໄດ້ ຖ້າ​ເຄຼັຍ​ໜີ້​ໄດ້ ໜີ້​ເໝິດ​ແລ້ວ ກໍ​ຕ້ອງ​ໄດ້​ກັບ ຈິດ​ເປັນ​ຜູ່​ພາ​ເກີດ ແຕ່​ວ່າ​ເກີດ​ເພາະ​ກັມ ກັ​ມເປັນ​ຜູ່​ບົ່ງ​ການ​ໃຫ້​ເກີດ ບໍ່​ແມ່ນ​ຜູ່​ເປັນ​ຈິດ​ຢາກ​ເກີດ ຜູ່​ເປັນ​ຈິດ​ມີ​ແຕ່​ຢາກ​ກັບ​ຂຶ້ນ​ເມືອ​ເທົ່າ​ນັ້ນ​ເອງ, ແຕ່​ວ່າ​ຍັງ​ກັບ​ຂຶ້ນ​ເມືອບໍ່ທັນ​ໄດ້ ຍ້ອນ​ວ່າ​ພາ​ລະ​ຍັງ​ບໍ່​ທັນ​ຈົບ ຖ້າ​ພາ​ລະ​ຈົບ ກໍ​ຕ້ອງ​ໄດ້​ກັບ​ຂຶ້ນ​ເມືອ ກັບ​ຂຶ້ນ​ເມືອ​ນຳ​ກັນ.  ຂໍ​ຂອບ​ບຸນ​ຂອບ​ຄຸນນຳ​ຜູ່​ຖາມ ຂໍ​ຂອບ​ພ​ຣະ​ຄຸນ​ນຳຫຼາຍໆ ວັນ​ນີ້ຈົ່ງ​ພາ​ກັນ​ອ່ານ​ເຖີດ.

 

 

ຈົບ​ຄຳ​ຕອບ​ ຢ່າງ​ບໍ​ລິ​ບູນ

 

Share
comments

ສະແດງຄວາມຄິດເຫັນໃນຂ່າວນີ້


Security code
Refresh