Get Adobe Flash player

ບົດ​ຄວາມ​ໃໝ່​ສຸດ

ບຸກຄົນອອນໄລນ໌

ເຮົາມີ 41 ບຸກຄົນທົ່ວໄປ ອອນໄລນ

ເຊື່ອມຕໍ່ພວກເຮົາທີ່:

ຈຳນວນຜູ້ເຂົ້າເບິ່ງເວັບ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້281
mod_vvisit_counterມື້ວານ561
mod_vvisit_counterອາທິດນີ້8019
mod_vvisit_counterອາທິດຜ່ານມາ6763
mod_vvisit_counterເດືອນນີ້36442
mod_vvisit_counterເດືອນຜ່ານມາ42398
mod_vvisit_counterທັງໝົດ3250994

ເຮົາມີ: 41 ບຸກຄົນທົ່ວໄປ ອອນໄລນ
Your IP: 54.158.212.93
 , 
ມື້ນີ້: ວັນ​ທີ 22 ຕ. ລ., 2017

ແຜນ​ທີ່​ຜູ່​ເຂົ້າ​ເບິ່ງ​ເວັບ

Locations of visitors to this page

 

ຈະຂໍແຍກແຍະໃຫ້ຟັງ

User Rating: / 0
ບໍ່ດີເລີຍດີທີສູດ 
Share
Font size:

ຈະຂໍແຍກແຍະໃຫ້ຟັງ

 

ຂ້າ​ພະ​ເຈົ້າ ຈະ​ຂໍ​ແຍກ​ແຍະ​ໃຫ້​ຟັງ ຕາມ​ສະ​ຕິ​ປັນ​ຍາ ຕາມ​ຄວາມ​ຮັບ​ຮູ້​ໄດ້ ໃນ​ດ້ານ​ພຣະ​ພຸ​ທ​ທະ​ສາດ​ສະ​ໜາ ແລະ ແນວ​ທາງ​ປະ​ຕິ​ບັດ​ຫຍໍ້ໆ ເພື່ອ​ໃຫ້​ເຂົ້າ​ໃຈ​ພໍ​ປະ​ມານ​ກ່ອນ ແລະ ເພື່ອ​ຊ່ວຍ​ຊີ້​ທາງ​ກ່ອນ ເພື່ອ​ໃຫ້​ຮູ້​ຫົນ​ທາງ​ກ່ອນ ໃຫ້​ເຂົ້າ​ໃຈ​ໃນ​ເບື້ອງ​ຕົ້ນ ພໍ​ໃຫ້​ເກີດ​ສັທ​ທາເກີດ​ຄວາມ​ເຫຼື້ອມ​ໃສ ຕໍ່​ພຣະ​ສາດ​ສະ​ໜາຂອງ​ພຣະ​ສາດ​ສະ​ດາ​.  ທ່ານ​ທັງ​ຫຼາຍ​! ຜູ່​ທີ່​ຖື​ສາດ​ສະ​ໜາ​ພຸດ​ເຊັ່ນ​ດຽວ​ກັນ ຂ້າ​ພະ​ເຈົ້າ​ຂໍ​ເຄົາ​ຣົບ ທັງ​ເໝິດ​ທຸກໆ​ທ່ານ ພ້ອມ​ທັງ​ເຄົາ​ຣົບ​ຜູ່​ທີ່​ພໍ​ໃຈ ນຳ​ພຣະ​ທັມ​ມະ​ຊາດ​ເບື້ອງ​ສູງ ຈະ​ເປັນ​ສາດ​ສະ​ໜາ​ໃດ ຂ້າ​ພະ​ເຈົ້າ​ກໍ​ຂໍ​ອາ​ນຸ​ໂມ​ທະ​ນາ ຂໍ​ເຄົາ​ຣົບ​ທັງເໝິດ ເຄົາ​ຣົບ​ຜູ່​ຮູ້​ວ່າ ພຣະ​ຢູ່​ເບື້ອງ​ເທິງ​ມີ​ຈິງ ຂ້າ​ພະ​ເຈົ້າ​ຮູ້​ວ່າ​ມີ​ຈິງ ແລະ ເຄົາ​ຣົບ​ຢູ່​ສະ​ເໝີ ເຄົາ​ຣົບ​ແບບ​ພໍ​ໃຈ​ທີ່​ສຸດ ແຕ່​ຂ້າ​ພະ​ເຈົ້າ ບໍ່​ໄດ້​ເຄົາ​ຣົບ​ແຕ່​ເບື້ອງ​ເທິງ ຂ້າ​ພະ​ເຈົ້າ​ເຄົາ​ຣົບ​ໂຕ​ຂອງ​ຂ້າ​ພະ​ເຈົ້າ ຢ່າງ​ສູງ​ສຸດ​ພ້ອມ​ອີກ​ດ້ວຍ​, ເພາະ​ວ່າ ຕົນ ຕ້ອງ​ເປັນ​ຄົນ​ສ້າງ​ຕົນ​, ຕົນ ຕ້ອງ​ສ້າງ​ຕົນ​ໃຫ້​ໄດ້ ໃຫ້​ໄດ້​ຕາມ​ພຣະ​ສາດ​ສະ​ດາ ຂອງ​ພຣະ​ສາດ​ສະ​ໜາ​, ໃຫ້​ໄດ້​ຕາມ​ພຣະ​ອົງ​ປະ​ສົງ ແລະ ໃຫ້​ເກີດ​ໃຫ້​ມີ ມີ​ສິ່ງ​ທີ່​ພາ​ໃຫ້​ພົ້ນ​ຈາກ​ທຸກ​ຂ໌ ມີ​ສິ່ງ​ທີ່​ເໜືອ​ທຸກ​ຂ໌​ໄດ້​. 

 

ທ່ານ​ທັງ​ຫຼາຍ​! ຂ້າ​ພະ​ເຈົ້າ​ເປັນ​ຜູ່​ຍິງ ສຳ​ລັບ​ທາງ​ຮ່າງ​ກາຍ​ເປັນ​ຜູ່​ຍິງ ແຕ່​ຂ້າ​ພະ​ເຈົ້າ​ມີ​ຫຼາຍ​ຄວາມ​ສາ​ມາດ ກ່ຽວ​ກັບ​ຮັບ​ເອົາ​ສັຈ​ຈະ​ທັມ​ຄຳ​ສອນ ອອກ​ມາ​ໃຫ້​ທ່ານ​ອ່ານ​ໄດ້ ແລະ ມີ​ຄຳ​ຕອບ ຕອບ​ທ່ານ​ໄດ້ ຈົນ​ໃຫ້​ທ່ານ​ເໝິດ​ຄວາມ​ສົງ​ສັຍ ຈົນ​ໃຫ້​ທ່ານ​ເກີດ​ຄວາມ​ພໍ​ໃຈ ເພາະ​ວ່າ​ຜູ່​ທີ່​ຕອບ ຄື​ຈິດ​ຂອງ​ຂ້າ​ພະ​ເຈົ້າ ຜູ່​ທີ່​ເວົ້າ​ອອກ ຄື​ໂຕ​ຂອງ​ຂ້າ​ພະ​ເຈົ້າ ພຣະ​ພຸ​ທ​ທະ​ສາດ​ສະ​ໜາ ແມ່ນ​ເປັນ​ເລື້ອງ​ຈິດ ແມ່ນ​ເປັນ​ເລື້ອງ​ຍານ ແມ່ນ​ເປັນ​ເລື້ອງ​ທັມ ແມ່ນ​ເປັນ​ເລື້ອງ​ທິ​ພ​ເທົ່າ​ນັ້ນ​ເອງ ແລະ ເປັນ​ເລື້ອງ​ໂຕ​ເຈົ້າ​ຂອງ ຄຳ​ວ່າ “ສາດ​ສະ​ໜາ​” ກໍ​ຄື​ເປັນ​ສາ​ຕ ທີ່​ສາ​ມາດ​ຊ່ວຍ​ໃຫ້​ດັບ​ທຸກ​ຂ໌​ໄດ້ ຊ່ວຍ​ໃຫ້​ເໝິດ​ທຸກ​ຂ໌ ແລະ ໃຫ້​ພົ້ນ​ທຸກ​ຂ໌ ເປັນ​ສາ​ຕ​ທີ່​ຍອດ​ຢ້ຽມ​ໃນ​ທາງ​ດັບ​ທຸກ​ຂ໌ ແຕ່​ວ່າ​ສາ​ຕອັນ​ນີ້ ເປັນ​ສາ​ຕ​ແຫ່ງ​ປັນ​ຍາ ບໍ່​ແມ່ນ​ໂງ່​ເຂົາ ບໍ່​ແມ່ນ​ເບົາ​ປັນ​ຍາ ບໍ່​ແມ່ນ​ໂຄ​ສະ​ນາ​ຊວນ​ເຊື່ອ​ຊື່ໆ​.  ທ່ານ​ທັງ​ຫຼາຍ​! ຫຼັກ​ການ​ໃນ​ພຣະ​ພຸ​ທ​ທະ​ສາດ​ສະ​ໜາ ສາ​ມາດ​ພິ​ສູດ​ໄດ້ ປະ​ຕິ​ບັດ​ໄດ້ ເຫັນ​ໄດ້ ດ້ວຍ​ຕົນ​ເອງ​ຈິງໆ ແລະ ໄດ້​ຜົນ​ແທ້​ໄດ້​ຜົນ​ຈິງ ແຕ່​ວ່າ​ຕ້ອງ​ໄດ້​ເອົາ​ໃຈ​ໃສ່ ຊ່ວຍ​ຕົນ​ເອງ ຊ່ວຍ​ຕົນ​ເອງ​ຝຶກ ຊ່ວຍ​ຕົນ​ເອງ​ປະ​ຕິ​ບັດ ແລະ ໃຫ້​ຖືກ ໃຫ້​ດີ ໃຫ້​ຕົງ ໃຫ້​ເຂົ້າ​ໃຈ​ໃຫ້​ສົມ​ຄວນ ຈິ່ງ​ເອີ້ນ​ວ່າ ຜູ່​ປະ​ຕິ​ບັດ​ສົມ​ຄວນ​, ຖ້າ​ປະ​ຕິ​ບັດ​ສົມ​ຄວນ ຜົນ​ກໍ​ຕ້ອງ​ໄດ້​ສົມ​ຄວນ ເພາະ​ຜົນ​ເກີດ​ຈາກ​ເຫດ​, ເຫດ​ດີ ຜົນ​ຕ້ອງ​ດີ​. 

 

ທ່ານ​ທັງ​ຫຼາຍ​! ຈົ່ງ​ມາ​ປະ​ຕິ​ບັດ​ດ້ວຍ​ຕົນ​ເອງ​ເຖີດ​! ຈົ່ງ​ມາ​ພິ​ສູດ​ດ້ວຍ​ຕົນ​ເອງ​ເຖີດ​! ຈົ່ງ​ມາ​ຊ່ວຍ​ສະ​ສາງ​ລ້າງ​ສວ່າຍ​ເອົາ​ເຈົ້າ​ຂອງ ເພື່ອ​ໃຫ້​ຮູ້ ເພື່ອ​ໃຫ້​ແຈ້ງ ເພື່ອ​ໃຫ້​ໄດ້​ວິ​ຊາ ວິ​ຊາ​ຕາມ​ຫຼັກ​ພຣະ​ພຸ​ທ​ທະ​ສາດ​ສະ​ໜາ​.  ທ່ານ​ທັງ​ຫຼາຍ​ລອງ​ມາ​ພິ​ສູດ​ເບິ່ງ​ເຖີດ​! ພິ​ສູດ​ຕາມ​ແບບ ຕາມ​ແບບ​ຜູ່​ໄດ້​ຕາມ​ຫຼັງ ໄດ້​ຕາມ​ຫຼັງ​ພຣະ​ສາດ​ສະ​ດາ​ອົງ​ຄ໌​ກ່ອນ​, ໄດ້​ຕາມ ແຈ້ງ​ຕາມ ເຂົ້າ​ເຖິງ​ຕາມ ຈົນ​ວ່າ​ຖາມ​ກັນ​ໄດ້ ໂອ້​ລົມ​ກັນ​ໄດ້ ລະ​ຫວ່າງ​ຂ້າ​ພະ​ເຈົ້າ​ຜູ່​ເປັນ​ຄົນ ກັບ​ຜູ່​ເປັນ​ຈິດ​, ລະ​ຫວ່າງຂ້າ​ພະ​ເຈົ້າ ກັບ​ພຣະ​ອົງ​ຄ໌.  ຫລັກ​ປະ​ຕິ​ບັດ ແມ່ນ​ເອົາ​ຕາມ​ຫຼັກ​ເກົ່າ ເອົາ​ສາມ​ຫຼັກ ມາ​ໃສ່​ຫົວ​ໃຈ​:  

 

ຫຼັກ​ທີ 1: ບໍ່​ທຳ​ບາບ​ທັງ​ປວງ ແລະ ລະ​ອອກ​ພ້ອມ ລະ​ອອກ​ໃຫ້​ເໝິດ ຊຳ​ລະ​ສະ​ສາງ​ອອກ​ໃຫ້​ເໝິດ ບໍ່​ໃຫ້​ຄ້າງ​ຄາ​ໃຈ

 

ຫຼັກ​ທີ 2: ທຳກຸ​ສົນ​ໃຫ້​ເຖິງ​ພ້ອມ ຄື​ທຳຄວາມ​ດີ​ໃຫ້​ເຖິງ​ທີ່​ສຸດ​ໃນ​ແຕ່​ລະ​ດ້ານ ທຳດ້ວຍ​ຄວາມ​ສະ​ຫຼາດ​ພ້ອມ ທຳດ້ວຍ​ຄວາມ​ເອົາ​ໃຈ​ໃສ່​ຢ່າງ​ເຕັມໆ

 

ຫຼັກ​ທີ 3: ຊຳລະ​ຈິດ​ຂອງ​ຕົນ​ໃຫ້​ຂາວ​ສະ​ອາດ ໃຫ້​ບໍ​ລິ​ສຸດ ໃຫ້​ໃສ​ພ້ອມ ຈົນ​ເອີ້ນ​ວ່າ​ສະ​ອາດ​, ສາມ​ຫຼັກ​ນີ້ ເປັນ​ຄຳສັ່ງ​ສອນ​ຂອງ​ພຣະ​ພຸ​ທ​ທະ​ເຈົ້າ​ທັງ​ຫຼາຍ​, ຖ້າ​ເຮັດ​ໄດ້ ຈະ​ເກີດ​ເປັນ​ວິ​ຊາ ວິ​ຊາ​ຊ່ວຍ​ຊີ​ວິດ​ເຈົ້າ​ຂອງ ແລະ ຊ່ວຍ​ຜູ່​ອື່ນ ວິ​ຊາ​ເໜືອ​ໂລກ​ໜ່ວຍ​ນີ້​.  ທ່ານ​ທັງ​ຫຼາຍ​! ຂໍ​ໃຫ້​ພໍ​ໃຈ​ໃນ​ເລື້ອງ​ວິ​ຊາ​ນີ້​! ເພາະ​ວ່າ ວິ​ຊາ​ນີ້ ເປັນ​ວິ​ຊາ​ດັບ​ທຸກ​ຂ໌ ວິ​ຊາ​ໃຫ້​ພົ້ນ​ຈາກ​ໂລກ​ທຸກ​ຂ໌​ໜ່ວຍ​ນີ້​.

Share
comments