Get Adobe Flash player

ບົດ​ຄວາມ​ໃໝ່​ສຸດ

ບຸກຄົນອອນໄລນ໌

ເຮົາມີ 13 ບຸກຄົນທົ່ວໄປ ອອນໄລນ

ເຊື່ອມຕໍ່ພວກເຮົາທີ່:

ຈຳນວນຜູ້ເຂົ້າເບິ່ງເວັບ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້14
mod_vvisit_counterມື້ວານ561
mod_vvisit_counterອາທິດນີ້14
mod_vvisit_counterອາທິດຜ່ານມາ8216
mod_vvisit_counterເດືອນນີ້36175
mod_vvisit_counterເດືອນຜ່ານມາ42398
mod_vvisit_counterທັງໝົດ3250727

ເຮົາມີ: 12 ບຸກຄົນທົ່ວໄປ ອອນໄລນ
Your IP: 54.80.211.135
 , 
ມື້ນີ້: ວັນ​ທີ 22 ຕ. ລ., 2017

ແຜນ​ທີ່​ຜູ່​ເຂົ້າ​ເບິ່ງ​ເວັບ

Locations of visitors to this page

 

ຄໍ​າ​ອະ​ນຸ​ໂມ​ທະ​ນາບຸນ (ໃໝ່)

User Rating: / 0
ບໍ່ດີເລີຍດີທີສູດ 
Share
Font size:

ຄໍ​າ​ອະ​ນຸ​ໂມ​ທະ​ນາບຸນ

iconດາວ​ໂຫຼດ/Download


 

ຄໍ​າ​ອະ​ນຸ​ໂມ​ທະ​ນາ ​ແຜ່​ສ່ວນ​ບຸນ

 

ສາ​ທຸ ສາ​ທຸ ສາ​ທຸ! ຂໍ​ອະ​ນຸ​ໂມ​ທະ​ນາ​ສ່ວນ​ບຸນ​ນີ້ ໃຫ້​ແກ່​ເຈົ້າ​ສັດ​ທາ​ທັງ​ຫຼາຍ ທັງ​ມາ​ແຕ່​ໃກ້​ແຕ່​ໄກ ທັງ​ຜູ່​ເກົ່າ​ຜູ່​ໃໝ່ ທັງ​ໃນ​ວັນ​ນີ້ ພ້ອມ​ດ້ວຍ​ຜູ່​ຢູ່​ແດນ​ແຫ່ງ​ທັມ​ທີ່​ນີ້ ນຳ​ກັນ​ທັງ​ໝົດ​ດ້ວຍ​ເຖີດ​! ຂໍ​ສ່ວນ​ບຸນ​ກຸ​ສົນ​ນີ້ ຈົ່ງ​ໄປ​ຮອດ​ໄປ​ເຖິງ ຕະ​ຫຼອດ​ເຖິງ​ຜູ່​ເປັນ​ພໍ່​ເປັນ​ແມ່ ເປັນ​ຍາ​ຕ​ເປັນ​ມິ​ຕ ນຳ​ກັນ​ທັງ​ໝົດ​ດ້ວຍ​ເຖີດ​! ແລະ​ຜູ່​ກ່ຽວ​ຂ້ອງ​ນຳ​ກັນ ກໍ​ຂໍ​ໃຫ້​ໄດ້​ຮັບ​ສ່ວນ​ບຸນ​ນີ້ ຮັບ​ແລ້ວ ​ຈົ່ງ​ມີ​ແຕ່​ຄວາມ​ສຸ​ຂ ຈົ່ງ​ພົ້ນ​ທຸກ​ຂ໌ ຈົ່ງ​ເຂົ້າ​ເຖິງ​ຄວາມ​ສະ​ຫງົບ​ ແລະ​ຄວາມ​ຮົ່ມ​ເຢັນ ພ້ອມ​ດ້ວຍ​ເຈົ້າ​ໜີ້ ເຈົ້າ​ກັມ ນາຍ​ເວນ ຜູ່​ເປັນ​ກາງ​ຜູ່​ຈ່ອງ​ເວນ ນຳ​ກັນ​ທັງ​ເໝິດ​ດ້ວຍ​ເຖີດ​! ຂໍ​ໃຫ້​ພົ້ນ​ຈາກ​ທຸກ​ຂ໌ ເຖິງ​ສຸ​ຂ​ນຳ​ກັນ ຂໍ​ໃຫ້​ເຂົ້າ​ເຖິງ ເຊິ່ງ​ພຣະ​ນິ​ພ​ພານ ດ້ວຍ​ກັນ​ທັງ​ເໝິດ​ເຖີດ​!

 

 

ຄໍາ​ແຜ່​ສ່ວນ​ບຸນ

 

ສາ​ທຸ ສາ​ທຸ ສາ​ທຸ! ພວກ​ຂ້າ​ນ້ອຍ​ທັງ​ຫຼາຍ ຂໍ​ແຜ່​ສ່ວນ​ບຸນ​ນີ້ ຈົ່ງ​ໄປ​ຮອດ​ໄປ​ເຖິງ ຜູ່​ເປັນ​ພໍ່​ເປັນ​ແມ່ ແລະ​ຜູ່​ເປັນ​ພວກ​ຂອງ​ຂ້າ​ນ້ອຍ​ເອງ ພ້ອມ​ດ້ວຍ​ຜູ່​ເປັນ​ຍາ​ຕ​ເປັນ​ມິ​ຕ ຕະ​ຫຼອດ​ເຖິງ ​ຜູ່​ເປັນ​ຄຣູ​ບາ​ອາ​ຈານ ພັກ​ລັດ ​ແລະ​ຜູ່​ນຳ ຕະ​ຫຼອດ​ເຖິງ​ຜູ່​ມີ​ພຣະ​ຄຸນ​ທັງ​ຫຼາຍ ທັງ​ເໝິດ​ທຸກ​ຕົນ​ທຸກ​ຄົນ ຢູ່​ພາຍ​ໃນ​ປະ​ເທດ​ລາວ​ ແລະ​ຕ່າງ​ປະ​ເທດ ກໍ​ຄື​ເພື່ອນ​ຮ່ວມ​ເກີດ ຮ່ວມ​ແກ່ ຮ່ວມ​ເຈັບ ຮ່ວມ​ຕາຍ ນຳ​ກັນ​ທັງ​ເໝິດ​ທັງ​ສິ້ນ ພ້ອມ​ທັງ​ໝູ່​ສັດ​ທັງ​ຫຼາຍ ທັງ​ເໝິດ​ທຸກໆ​ຈຳ​ພວກ ທຸກ​ເຫຼົ່າ​ທຸກ​ກໍ ຂໍ​ຈົ່ງ​ໄດ້​ຮັບ​ສ່ວນ​ບຸນ​ສ່ວນ​ນີ້ ນຳ​ກັນ​ທັງ​ເໝິດ​ດ້ວຍ​ເຖີດ​! ຮັບ​ແລ້ວ​ ຂໍ​ຈົ່ງ​ພົ້ນ​ຈາກ​ທຸກ​ຂ໌ ເຂົ້າ​ສູ່​ພຣະ​ນິ​ພ​ພານ ທັງ​ເໝິດ​ທຸກ​ຕົນ​ທຸກ​ຄົນ ນຳ​ກັນ​ດ້ວຍ​ເຖີດ​!

 

 

ຄຳ​ອຸ​ທິດ​ບຸນ

 

ສາ​ທຸ ສາ​ທຸ ສາ​ທຸ! ຂໍ​ອຸ​ທິດ​ບຸນ​ສ່ວນ​ນີ້ ຈົ່ງ​ໄປ​ຮອດ​ໄປ​ເຖິງ ຜູ່​ເປັນ​ເຈົ້າ​ໜີ້​ເຈົ້າ​ກັມ ຜູ່​ເປັນ​ນາຍ​ເວນ ຜູ່​ເປັນ​ກາງຜູ່​ຈ່ອງ​ເວນ ຕະ​ຫຼອດ​ເຖິງ​ຜູ່​ເປັນ​ເຜດ ເປັນ​ຜີ ເປັນ​ຍັກ ເປັນ​ມານ ລວມ​ທັງ​ເຈົ້າ​ພູມ​ເຈົ້າ​ທີ່ ເຈົ້າ​ບ້ານ​ເຈົ້າ​ເຮືອນ ເຈົ້າ​ຫໍ​ທັງ​ຫຼາຍ​ທັງ​ປວງ ດ້ວຍ​ກັນ​ທັງ​ເໝິດ​ເຖີດ​! ຕະ​ຫຼອດ​ເຖິງ​ພຣົມ​ມານ ​ແລະ​ເທວະ​ດາ​ທັງ​ຫຼາຍ ຜູ່​ທີ່​ມີ​ລິດ​ພິດ​ສົງ​ອຳ​ນາດ ຕະ​ຫຼອດ​ເຖິງ​ຜູ່​ທີ່​ເອີ້ນ​ວ່າ ຜີ​ຟ້າ​ຜີ​ແຖນ ຜີ​ອິນຜີ​ພຣົມ ຜີ​ຍົມ​ມະ​ຣາດ ຜີ​ມະ​ນຸດ​ມິດ ລວມ​ທັງ​ເຫຼົ່າ​ກໍ​ພວກ​ວິນ​ຍານ​ທັງ​ຫຼາຍ ທັງ​ເໝິດທັງ​ສິ້ນ ນຳ​ກັນ​ດ້ວຍ​ເຖີດ​! ຈະ​ຢູ່​ຫົນ​ໃດ​ແຫ່ງ​ໃດ ກໍ​ຂໍ​ໃຫ້​ບຸນ​ນີ້​ໄປ​ຮອດ​ໄປ​ເຖິງ​! ຮອດ​ເຖິງ​ແລ້ວ ຂໍ​ຈົ່ງ​ລ້າງ​ຈົ່ງ​ຜັດ​ເອົາ​! ຜັດ​ເອົາ​ແລ້ວ​ ຂໍ​ໃຫ້​ໄດ້​ເຂົ້າ​ຊົ້ນ​ສາມ​ຮົ່ມ​ໂພ​ສີ ນຳ​ກັນ​ທັງ​ເໝິດ​ດ້ວຍ​ເຖີດ​! ສາ​ທຸ ສາ​ທຸ ສາ​ທຸ! ຂໍ​ບຸນ​ນີ້​ຈົ່ງ​ສຳ​ເຣັດ ​ດ້ວຍ​ກັນ​ທັງ​ເໝິດ​ດ້ວຍ​ເຖີດ​!


 

Share
comments

ສະແດງຄວາມຄິດເຫັນໃນຂ່າວນີ້


Security code
Refresh