Get Adobe Flash player

ບົດ​ຄວາມ​ໃໝ່​ສຸດ

ບຸກຄົນອອນໄລນ໌

ເຮົາມີ 19 ບຸກຄົນທົ່ວໄປ ອອນໄລນ

ເຊື່ອມຕໍ່ພວກເຮົາທີ່:

ຈຳນວນຜູ້ເຂົ້າເບິ່ງເວັບ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້250
mod_vvisit_counterມື້ວານ1689
mod_vvisit_counterອາທິດນີ້3165
mod_vvisit_counterອາທິດຜ່ານມາ4341
mod_vvisit_counterເດືອນນີ້10461
mod_vvisit_counterເດືອນຜ່ານມາ33063
mod_vvisit_counterທັງໝົດ3160480

ເຮົາມີ: 16 ບຸກຄົນທົ່ວໄປ, 1 bots ອອນໄລນ
Your IP: 54.161.82.122
 , 
ມື້ນີ້: ວັນ​ທີ 17 ສ. ຫ., 2017

ແຜນ​ທີ່​ຜູ່​ເຂົ້າ​ເບິ່ງ​ເວັບ

Locations of visitors to this page

 

ບຸນ​ມີ​ຈິງ ຂໍ​ໃຫ້​ທຸກ​ຄົນ​ຕັ້ງ​ໃຈ​ຮັກ​ສາ ຮັກ​ສາ​ໄວ້​ເອງ

User Rating: / 1
ບໍ່ດີເລີຍດີທີສູດ 
Share
Font size:

ບຸນ​ມີ​ຈິງ ຂໍ​ໃຫ້​ທຸກ​ຄົນ​ຕັ້ງ​ໃຈ​ຮັກ​ສາ ຮັກ​ສາ​ໄວ້​ເອງ

icon ດາວ​ໂຫຼດ/Download


1.

ຊີ​ວິດ​ທຸກ​ຄົນ ມີ​ບຸນ​ມີ​ກຸ​ສົນ​ຮອງ​ຮັບ ແຕ່​ວ່າ​ຈະ​ໜ້ອຍ ຫຼື​ຈະ​ຫຼາຍ​ເທົ່າ​ນັ້ນ

 

2.

ຊີ​ວິດ​ທຸກ​ຕົນ​ທຸກ​ຄົນ ​ຢູ່​ໃນ​ໂລກ​ໜ່ວຍ​ນີ້ ລ້ວນ​ແລ້ວ​ແຕ່​ມີ​ປົມ​ດ້ອຍ ເພາະ​ວ່າ​ຖືກ​ອຳ​ນາດ​ບີບ​ຄັ້ນ ບີບ​ຄັ້ນ​ເອົາ​. ຊີ​ວິດ​ເປັນ​ຂອງ​ບໍ່​ທ່ຽງ ນີ້​ກໍ​ທຸກ​ຂ໌​ຢູ່​ແລ້ວ ແຕ່​ວ່າ​ຍັງ​ບໍ່​ທຸກ​ຂ໌​ທໍ່​ບັນ​ຫາ​ບີບ​ຄັ້ນ​, ເລື້ອງ​ຕ່າງໆ​ນາໆ​ ເຂົ້າ​ມາ​ບີບ​ຄັ້ນ ບີບ​ຄັ້ນ​ເອົາ

 

3.

ຄວາມ​ສຸ​ຂ​ມີ​ໜ້ອຍ ຄວາມ​ທຸກ​ຂ໌​ມີ​ຫຼາຍ ຍ້ອນ​ລິດ​ພິດ​ພັຍ ຍ້ອນ​ພິດ​ສົງ​ອຳ​ນາດ​ຕ່າງໆ ຊີ​ວິດ​ທາງ​ນອກ ຈິ່ງ​ເປັນ​ທຸກ​ຂ໌​ຫຼາຍ ຊີ​ວິດ​ທາງ​ໃນ​ທຸກ​ຂ໌​ພໍໆ​ກັນ ທຸກ​ຂ໌​ແບບ​ໜັກ​ໜາ​ສາ​ຫັດ ຍ້ອນ​ວ່າ​ຊີ​ວິດ​ຕົກ​ເປັນ​ທາດ ທາດສິ່ງ​ນັ້ນ ທາດ​ສິ່ງ​ນີ້ ບຸນ​ກໍ​ເລີຍ​ຫາຍ ບາບ​ກໍ​ເລີຍ​ເກີດ ເກີດ​ແລ້ວ​ເກີດ​ອີກ ເກີດ​ເປັນ​ກົກ​ເຄົ້າ​ເຫງົ້າ​ກໍ​ບາບ ຊີ​ວິດ​ກໍ​ເລີຍ​ທຸກ​ຂ໌

 

4.

ຊີ​ວິດ​ຂອງ​ຄົນ​ເຮົາ​ ເປັນ​ຊີ​ວິດທີ່​ມີ​ການ​ປຸງ​ແຕ່ງ ປຸງ​ແຕ່ງ​ໄປ​ເລື້ອຍໆ ປຸງ​ແຕ່ງ​ຕໍ່ໆ​ໄປ ປຸງ​ແຕ່ງ​ແລ້ວ​ກໍ​ປຸງແຕ່ງ​ອີກ ປຸງ​ແຕ່ງ​ດ້ວຍ​ອາ​ລົມ​ຕ່າງໆ ປຸງ​ແຕ່ງ​ດ້ວຍ​ຄວາມ​ຮູ້​ສຶກ​ນຶກ​ຄິດ ປຸງ​ແຕ່ງ​ດ້ວຍ​ເຂົ້າ​ປາ​ອາ​ຫານ​, ປຸງ​ແຕ່ງ​ແບບ​ສັບ​ສົນ​ປົນ​ເປີ

 

5.

ຊີ​ວິດ​ຂອງ​ຄົນ​ເຮົາ ມີ​ຫຼາຍ​ສິ່ງ​ຫຼາຍ​ຢ່າງ​ລຸມ​ເອົາ​. ສິ່ງ​ຢູ່​ໃນ​ຮ່າງ​ກາຍ​ລຸມ​ເຈົ້າ​ຂອງ​ເອງ ລຸມ​ແບບ​ເຈົ້າ​ຂອງຮູ້​ສຶກ​ຕົວ​ກໍ​ມີ​, ບໍ່​ຮູ້​ສຶກ​ຕົວ​ກໍ​ມີ ເພາະ​ວ່າ​ສິ່ງ​ທີ່​ເຂົ້າ​ມາ​ລຸມ​ນີ້ ມີ​ທັງ​ຕາ​ແນມ​ເຫັນ ມີ​ທັງ​ຕາ​ແນມ​ບໍ່​ເຫັນ​, ມີ​ທັງໄດ້​ຍິນ​ສຽງ ມີ​ທັງ​ບໍ່​ໄດ້​ຍິນ​ສຽງ​, ຮູ້​ສຶກ​ນຶກ​ຄິດ​ເອົາ​ກໍ​ມີ ບໍ່​ໄດ້​ຮູ້​ສຶກ​ນຶກ​ຄິດ​ເອົາ​ກໍ​ມີ ຍ້ອນ​ວ່າ​ສິ່ງ​ນີ້​ມີ​ການ​ເຂົ້າມາ​ໄດ້​ເອງ ຍ້ອນ​ການ​ເຊື່ອມ​ຕໍ່​ຂອງ​ທາດ​, ບໍ່​ຕ່າງ​ກັນ​ຫຍັງ​ກັບ​ເຊື້ອ​ວັນ​ນະ​ໂລກ ຜູ່​ໄປ​ໃກ້​ຕ້ອງ​ໄດ້​ຮັບ​ເຊື້ອ ເພາະ​ມີ​ການ​ຕິດ​ຕໍ່​ເຂົ້າ​ມາ​ເອງ​. ປຽບ​ທຽບ​ໃຫ້​ເຫັນ ພໍ​ໃຫ້​ເຂົ້າ​ໃຈວ່​າ ເຮົາ​ທຸກ​ຂ໌​ເພາະ​ອັນ​ໃດ​? ຄວາມ​ຈິງ ທຸກ​ຂ໌​ເພາະ​ສິ່ງ​ນີ້​ແລ້ວ ຍ້ອນ​ວ່າ​ເຮົາ​ເຂົ້າ​ໃຈ​ບໍ່​ເຖິງ​, ຖ້າ​ເຮົາ​ເຂົ້າ​ໃຈ​ເຖິງ ເຮົາ​ກໍ​ຕ້ອງ​ຢັບ​ຢັ້ງ​ໄດ້​.

 

6.

ທຸກ​ຄົນ​ຕ້ອງ​ເຂົ້າ​ໃຈວ່​າ ເຮົາ​ຕ້ອງ​ຮັກ​ສາ​ເຮົາ​ເອງ ຕ້ອງ​ເຫັນ​ຕົນ​ເອງ​ຢູ່​ທຸກ​ເມື່ອ ຢູ່​ທຸກ​ເວລາ ຈິ່ງ​ຈະ​ດີ ຈິ່ງ​ຈະຊອບ ຈິ່ງ​ຈະ​ປະ​ກອບ​ຊອບ​ທັມ ຢູ່​ຕະ​ຫຼອດ​ເວລາ​ສະ​ເໝີ​.

 

7.

ຫົວ​ໃຈ​ຂອງ​ຄົນ​ເຮົາ ເປັນ​ຫົວ​ໃຈ ທີ່​ປະ​ກອບ​ດ້ວຍ​ເລືອດ​ເນື້ອ ຖ້າ​ແມ່ນ​ວ່າ​ບໍ່​ຮູ້​ຈັກ​ຮັກ​ສາ ກໍ​ຖື​ວ່າ​ສິ່ງ​ຕ່າງໆ ນາໆ ກໍ​ເຂົ້າ​ມາ​ເຕັງ ເພາະ​ວ່າ​ຕາ ຫູ ດັງ ລີ້ນ ກາຍ ໃຈ ເປັນ​ຜູ່​ເອົາ​ເຂົ້າ​ມາ ເອົາ​ເຂົ້າ​ມາ​ໃສ່​ຫົວ​ໃຈ​ເຈົ້າຂອງ​ໄວ້​, ຊີ​ວິດ​ທຸກ​ຄົນ​ ຈິ່ງ​ມີ​ແຕ່​ຄວາມ​ວຸ້ນ​ວາຍ​ສັບ​ສົນ ຈິ່ງ​ຂ້ອນ​ຂ້າງ​ວ່າ​ມີ​ແຕ່​ຄວາມ​ທຸກ​ຂ໌ ກໍ​ເລີຍ​ເອີ້ນ​ວ່າ ເປັນ​ຜູ່​ຖືກ​ຄວາມ​ທຸກ​ຂ໌​ຢັ່ງ​ເອົາ​ແລ້ວ

 

8.

ຊີ​ວິດ​ມີ​ສິ່ງ​ກີດ​ກັ້ນ ແລະ​ມີ​ສິ່ງ​ບອກ​ໃຫ້​ທຸກ​ຂ໌ ກໍ​ຄື​ບັນ​ຫາ​ທັງ​ຫຼາຍ​ທັງ​ປວງ​ນີ້​ແລ້ວ​! ບັນ​ຫາ​ນີ້​ແລ້ວ ພາ​ໃຫ້​ເກີດເປັນ​ນັ້ນ​ເປັນ​ນີ້ ເກີດ​ໄປ​ຕາມ​ອາ​ການ​ພາ​ໃຫ້​ເກີດ ເກີດ​ແບບ​ເຈົ້າ​ຂອງ​ບໍ່​ຮູ້​ສຶກ​ຕົວ ເຈົ້າ​ຂອງ​ບໍ່​ຮູ້​ຈັກ​ວ່າ ເຈົ້າຂອງ​ເກີດ​ເປັນ​ອັນ​ໃດ​ແນ່ ນີ້​ຄື​ເລື້ອງ​ຫຼຸບ​ທຶນ​ທີ່​ສຸດ​.

 

9. ຊີ​ວິດ​ຜູ່​ຢູ່​ໃນ​ມີ​ແຕ່​ຄິດ ມີ​ແຕ່​ຄອງ ຄອງ​ຄອຍ​ຜູ່​ເປັນ​ກາຍ​ທາງ​ນອກ ຈະ​ຫັນ​ຈະ​ປ່ຽນ​! ແຕ່​ໃນ​ທີ່​ສຸດ ກໍ​ໄດ້​ແຕ່ຄອງ ຄອງ​ແລ້ວ​ຄອງ​ອີກ ຄອງ​ແຕ່​ຕອນ​ຍັງ​ນ້ອຍ ຈົນ​ຮອດ​ເຖົ້າ​ຮອດ​ແກ່ ກໍ​ຍັງ​ບໍ່​ທັນ​ໄດ້​ມັຄ​ໄດ້​ຜົນ​. ແຕ່​ລະຄົນ​ບໍ່​ຄື​ກັນ ບາງ​ກາຍ​ກໍ​ໄດ້​ມັຄ​ໄດ້​ຜົນ​ໃຫ້ ບາງ​ຄົນ​ບາງ​ກາຍ​ຈົນ​ເຖົ້າ​ຈົນ​ແກ່ ກໍ​ບໍ່​ໄດ້​ຜົນ​ຫຍັງ​ເລີຍ ຜູ່​ເປັນພຣະ​ກໍ​ຜິດ​ຫວັງ​, ໃນ​ເມື່ອ​ຜິດ​ ຫວັງ​ແລ້ວ ກໍ​ຊ່ວຍ​ຜູ່​ເປັນ​ກາຍ​ບໍ່​ໄດ້ ຜູ່​ເປັນ​ກາຍ​ກໍ​ເລີຍ​ວ່າ​ບຸນ​ບໍ່​ມີ​! ທີ່​ຈິງ ບຸນ​ມີ​! ບຸນ​ມີ​ຢູ່​ໃນ​ໂຕ​ເຈົ້າ​ຂອງ​ແລ້ວ ຖ້າ​ບຸນ​ບໍ່​ມີ​ບໍ່​ໄດ້​ເກີດ​ມາ​ເປັນ​ຄົນ​ດອກ​! ອັນ​ນີ້ ຍ້ອນ​ມີ​ບຸນ​ຈິ່ງ​ໄດ້​ເກີດມາ​ເປັນ​ຄົນ ແຕ່​ຄົນ​ບໍ່​ຈັກ​ບຸນ​ເອງ​. ນັ້ນ​ແລ້ວ​ຈິ່ງ​ວ່າ​ ເກີດ​ມາ​ແລ້ວ ເກີດ​ມາ​ແລ້ວ ຢ່າ​ໃຫ້​ເສັຍ​ຊາດ​ເກີດ​! ຍ້ອນວ່າ ຢ້ານ​ບໍ່​ຮູ້​ເຖິງ​ຜູ່​ຮູ້​ຢູ່​ໃນ ຜູ່​ຢູ່​ໃນ​ກາຍ​ເຈົ້າ​ຂອງ​. ພໍ່​ພຣະ​ແມ່​ພຣະ​ກໍ​ມີ ຢູ່​ໃນ​ກາຍ​ເຈົ້າ​ຂອງ​! ຮູ້​ຈັກ​ໄວ້​ແນ່​! ພຣະ​ຜູ່​ລົງ​ມາ​ເກີດ​ຢູ່​ໃນ​ກາຍ​ເຈົ້າ​ຂອງ​ນັ້ນ​ແລ້ວ ບຸນ​! ເພາະ​ວ່າ​ເອົາ​ບຸນ​ລົງ​ມາ​ສູ່ ເອົາ​ບຸນ​ລົງ​ມາ​ໃຫ້ ໃຫ້​ແລ້ວຈິ່ງ​ໄດ້​ເກີດ​ນຳ ຈິ່ງ​ໄດ້​ເກີດ​ພ້ອມ ພ້ອມ​ນຳ​ກັນ​! ຊີ​ວິດ​ຜູ່​ເປັນ​ພຣະ​ກັບ​ຜູ່​ເປັນ​ຄົນ ເກີດ​ວັນ​ດຽວ​ກັນ ຂໍ​ໃຫ້​ເຂົ້າໃຈ​ໄວ້​ແນ່ ຄົນ​ເອີຍ​! ທຸກ​ຄົນ​ເອີຍ​!

ວັນ​ທີ 8/06/2015, ເວ​ລາ 20:53ມ-22:03ມ, ໃຊ້​ເວລາ​ຈົດ​ໄວ້ 01 ຊົ່ວ​ໂມງ 10 ນາ​ທີ

ຜູ່​ຮັບ​ຈົດ​ໄວ້ຈາກ​ແມ່​ພ​ຣະ:  ທ່ານພໍ່​ພ​ຣະ ສິນ​ລະ​ສອນ ຊຸມ​ພົນ​ພັກ​ດີ,

ຜູ່​ຕີ​ພິມ​ໄວ້ ດ​ຣ. ມະ​ນີ​ສົດ ແກ້ວ​ດາ​ລາ

 

Share
comments

ສະແດງຄວາມຄິດເຫັນໃນຂ່າວນີ້


Security code
Refresh