Get Adobe Flash player

ບົດ​ຄວາມ​ໃໝ່​ສຸດ

ບຸກຄົນອອນໄລນ໌

ເຮົາມີ 26 ບຸກຄົນທົ່ວໄປ ອອນໄລນ

ເຊື່ອມຕໍ່ພວກເຮົາທີ່:

ຈຳນວນຜູ້ເຂົ້າເບິ່ງເວັບ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້2973
mod_vvisit_counterມື້ວານ3550
mod_vvisit_counterອາທິດນີ້6523
mod_vvisit_counterອາທິດຜ່ານມາ9376
mod_vvisit_counterເດືອນນີ້24625
mod_vvisit_counterເດືອນຜ່ານມາ44241
mod_vvisit_counterທັງໝົດ3338728

ເຮົາມີ: 16 ບຸກຄົນທົ່ວໄປ, 1 bots ອອນໄລນ
Your IP: 54.90.159.192
 , 
ມື້ນີ້: ວັນ​ທີ 12 ທ. ວ., 2017

ແຜນ​ທີ່​ຜູ່​ເຂົ້າ​ເບິ່ງ​ເວັບ

Locations of visitors to this page

 

​ຂໍ​ໃຫ້​ເຮົາ​ທັງ​ຫຼາຍ​ຈົ່ງ​ພາ​ກັນ​ເອົາ​ໃຈ​ໃສ່​ໃນ​ການ​ຝຶກ ໃນ​ການ​ປະ​ຕິ​ບັດ, ປະ​ຕິ​ບັດ​ຕົນ

User Rating: / 1
ບໍ່ດີເລີຍດີທີສູດ 
Share
Font size:

​ຂໍ​ໃຫ້​ເຮົາ​ທັງ​ຫຼາຍ​ຈົ່ງ​ພາ​ກັນ​ເອົາ​ໃຈ​ໃສ່​ໃນ​ການ​ຝຶກ ໃນ​ການ​ປະ​ຕິ​ບັດ, ປະ​ຕິ​ບັດ​ຕົນ

iconດາວ​ໂຫຼດ/Download


ຂໍ​ໃຫ້​ເຂົ້າ​ໃຈ​ວ່າ ການ​ປະ​ຕິ​ບັດ​ນີ້​ ເປັນ​ການ​ປະ​ຕິ​ບັດເພື່ອ​ໃຫ້​ເຮົາ​​ໃຫ້​ຮູ້ ເພື່ອໃຫ້​ເຮົາ​ເຂົ້າ​ໃຈ, ເພື່ອ​ໃຫ້​ເຮົາ​ເຫັນ​ແຈ້ງເຫັນ​ຈິງ​ເທົ່າ​ນີ້, ບໍ່​ແມ່ນ​ເພື່ອ​ໃຫ້​ເຮົາ​ໄດ້​ລິດ ພິດ​ສົງ ແລະອຳ​ນາດ, ບໍ່​ແມ່ນ​ເຮັດ​ເພື່ອ​ໃຫ້​ໄດ້​ເວດ​ ມົນ ກົນ ​ຄາ​ຖາ ອັນ​ໃດ​ອັນ​ນຶ່ງ​ຂຶ້ນ​ມາ, ແລະບໍ່​ແມ່ນ​ເພື່ອ​ໃຫ້​ເຫາະ ໃຫ້​ບິນ​ໄດ້, ພ້ອມ​ທັງ​ບໍ່​ແມ່ນ​ເພື່ອ​ໃຫ້​ໄດ້ຕາມ​ໃຈ.  ເລື້ອງ​ປະ​ຕິ​ບັດ​ນີ້ ​ແມ່ນເປັນ​ເລື້ອງເພື່ອ​ໃຫ້​ທຳ​ຄວາມ​ເຂົ້າ​ໃຈ​ຖືກ ໃຫ້​ທຳ​ຄວາມ​ເຂົ້າ​ໃຈ​ບໍ່​ຜິດ​ເທົ່າ​ນີ້​ເອງ, ບໍ່​ແມ່ນ​ເພື່ອ​ໄດ້​ນັ້ນໄດ້​ນີ້ ທາງ​ຕາ​ແນມ​ເຫັນ ທັງ​ທາງ​ຕາ​ແນມບໍ່​ເຫັນ, ບໍ່​ໃຫ້​ຫວັງ! ບຸນ​ກໍ​ບໍ່​ຕ້ອງ​ຫວັງ! ບໍ່​ໃຫ້​ຄິດ​ວ່າ​ເຮົາ​ຕ້ອງ​ໄດ້​ບຸນ, ບໍ່​ໃຫ້​ຄິດ​ວ່າ​ເຮົາ​ຕ້ອງ​ໄດ້​ກຸ​ສົນ, ຖ້​າ​ຄິດ​ ເຮົາ​ກໍ​ຕ້ອງ​ເໝິດ​ສິດ​ໄດ້ ເພາະ​ວ່າ​ພວກ​ມານ​ຢູ່​ໃນ ຢູ່​ໃນ​ກາຍຢູ່​ໃນ​ໃຈ​ເຮົາ, ມັນ​ມີ​ຫຼາຍ​ ມັນ​ສວາບ​ເອົາ​ກ່ອນ​ເຮົາ, ເຮົາ​ຕ້ອງ​ວ່າວ່າ​ແບບນີ້ກູບໍ່ເອົາຍັງດອກກູເຮັດກູຫານີ້ແມ່ນເພື່ອພວກມຶງທັງເໝິດ, ເພາະວ່າກູຢືມກາຍມຶງ ກາຍມຶງທັງຫຼາຍ ກູບໍ່ຫຼົງບໍ່ລືມດອກ ໜີ້ບຸນຄຸນມຶງ ກູກະຊິໃຊ້, ຂໍໃຫ້ພວກມຶງທັງຫຼາຍ ຈົ່ງເອົາໄປກ່ອນຕາມທີ່ໄດ້ທີ່ມີ, ກູພາວະນາບຸນນີ້ ກໍເພື່ອມຶງເໝິດນີ້ແລ້ວ, ຂໍໃຫ້ພວກມຶງຢູ່ໃນຄວາມສະຫງົບ ສະຫງັດ ໃຫ້​ວ່າ​ແບບນີ້!, ຖ້າບໍ່​ວ່າ​ແບບນີ້​ ເຮົາຈະ​ບໍ່​ໄຫວມັນ, ບໍ່​ໄຫວ​ມັນ​ແທ້ໆ, ພວກ​ມັນ​ນີ້ເກັ່ງ ເຮົາ​ຕ້ອງວ່າ​ແບບ​ແຂງ​ໃສ່​ແນ່, ເກັ່ງ​ຈົນ​ວ່າ​ເຮົາ​ທັງ​ຫຼາຍ​ ພາ​ກັນ​ນອນກິ້ງ​ເກືອກ​ລີ​ເລືອ ຍ້ອນ​ພວກ​ມັນ​ນີ້​ແລ້ວ, ຂໍ​ໃຫ້​ຄິດ​ວ່າ​ເຮົາ​ໄດ້​ໂອ​ກາດ, ເຮົາ​ມີ​ໂອ​ກາດເພື່ອ​ຊ່ວຍ​ເຂົາ, ເພື່ອ​ຊ່ວຍ​ເຮົາ, ຊ່ວຍ​ເຂົາ ຊ່ວຍ​ເຮົາ​ນຳ​ກັນ​ເທົ່າ​ນີ້​ເອງ, ຖ້າ​ເຮົາ​ຄິດ​ວ່າ ເຮັດ​ຫ​ຍັງ​ເພື່ອ​ໄດ້​ເພື່ອ​ເອົາ, ເພື່ອ​ມີ, ເພື່ອ​ເປັນ ແມ່ນ​ເຮົາ​ຈະ​ຄາຈະ​ຂ້ອງ ຂ້ອງ​ກັບ​ພວກ​ເຂົາ ເພາະ​ພວກ​ເຂົາ​ຢູ່​ໃນ​ກາຍ​ຂອງ​ເຮົາ ພວກ​ເຂົາ ​ກໍ​ຄື​ຜູ່​ທີ່ພວກ​ເຮົາ​ເອົາ​ເຂົ້າ​ມາຮອງ​ຮັບ ເພື່ອ​ໃຫ້​ເຮົາ​ເຕີບ​ໂຕໃຫ​ຍ່​ຂຶ້ນ​ໄດ້, ນີ້​ແລ້ວ​ທາດ​ແທ້​ຂອງ​ເຮົາ, ເຮົາ​ວ່າ​ໂຕ​ເຮົາ​ທັງ​ເໝິດ​ກໍ​ບໍ່​ໄດ້ ເຮົາ​ຕ້ອງ​ເຂົ້າ​ໃຈ​ວ່າ​ໂຕ​ເຂົາ​ນຳ, ຖ້​າ​ເຮົາ​ເຂົ້າ​ໃຈ​ໄດ້​ແບບນີ້ ເຮົາ​ຈະ​ຕ້ອງ​ຜ່ານ​ດ່ານ​ໄດ້, ຜ່ານ​ດ່ານ​ ອອກ​ຈາກ​ພວກ​ເຂົາ​ໄປ​ໄດ້, ສ່ວນ​ບຸນ ສ່ວນ​ກຸ​ສົນ​ທີ່​ເຮົາ​ໄດ້​ສ້າງ​ ໄດ້​ທຳ ແນ່ນອນ​ກໍ​ຕ້ອງ​ຕິດ​ຕາມ​ເຮົາ​ໄປ, ຕິດ​ຕາມ​ເຮົາ​ໄປ​ຕະ​ຫຼອດ, ບໍ່​ມີ​ໃຜ​ດອກຊິ​ອອກ​ໄປ​ຊື່ໆ​ ໄດ້, ມີ​ແຕ່​ບຸນກຸ​ສົນ​ພາ​ອອກ, ອອກ​ຈາກ​ທາດຈາກ​ຂັນ​ອັນນີ້ ອອກ​ຈາກ​ພວກ​ເຂົາ​ ໄປອອ​ກ​ໄປ​ສູ່ໂລກກວ້າງໆ, ໂລກກວ້າງ ກໍ​ຄື​ບ່ອນ​ທີ່​ເຮົາ​ມີ​ອິດ​ສະ​ຫຼະ, ຂໍ​ໃຫ້​ເຂົ້າ​ໃຈ​ວ່າ ພວກ​ເຮົາ​ພາ​ກັນ​ເຂົ້າ​ມາ​ຢູ່​ໃນ​ໂລກ​ໜ່ວຍນີ້ ກໍ​ເພື່ອ​ຊ່ວຍ​ເອົາ​ກັນ, ແຕ່​ວ່າ​ການ​ຊ່ວຍ​ເອົາ​ກັນ​ນີ້ ແມ່ນ​ເປັນ​ເລື້ອງ​ຍາກ, ຍາກ​ຍ້ອນ​ວ່າ ຜູ່​ນຶ່ງ​ມາ​ກ່ອນ​ກໍ​ມາ​ຕິດ​ເອາະ ເອາະ​ນີ້​ແມ່ນ​ເອາະ ແກງ ​ຕົ້ມ​ປົ່ນ​ ນີ້​ແລ້ວ, ຍ້ອນ​ວ່າ​ມີ​ການ​ວຽນ​ວາຍ​ຕາຍ​ເກີດ, ຍ້ອນ​ວ່າ​ເກີດ​ແລ້ວ​ຕາຍ ຕາຍ​ແລ້ວ​ເກີດ, ຊີ​ວິດ​ຜູ່​ມາ​ກ່ອນ​ເປັນ​ແບບນີ້, ຊີ​ວິດ​ຜູ່​ມາ​ນຳ​ຫຼັງ ກໍ​ຕ້ອງ​ທົນ​ທຸກ​ຂ໌​ທໍ​ລະ​ມານໄປ​ຕາມ ຍ້ອນ​ວ່າ​ຊາວ​ຫາ​ກັນ​ບໍ່​ເຫັນ, ຊາວ​ຫາ​ກັນ​ບໍ່​ໄດ້, ຍ້ອນ​ມີ​ກັມ​ບັງ ເວນ​ຫຸ້ມ​ຫໍ່ ບາບ​ຄອບ​ງຳ​ເອົາ, ເລື້ອງນີ້​ເອງ ສາມ​ຢ່າງນີ້​ແຫຼ້ວ ເປັນ​ໂຕ​ສະ​ກາດ​ໃຫ​ຍ່, ເປັນ​ໂຕ​ສະ​ກາດ, ສະ​ກາດກໍ​ຍ້ອນ​ວ່າ ເຂົາ​ເກີດ​ມາ​ຈາກ​ຜູ່​ເປັນ​ຮ່າງ​ກາຍ, ຜູ່​ເປັນ​ຮ່າງ​ກາຍເກີດ​ມາ​ຈາກ​ພວກ​ເຂົາ ກັບ​ກ້ຽວ​ວຽນ​ວົນກັນ​ຢູ່​ແບບນີ້, ເຮັດ​ແນວ​ໃດ​ພວກ​ເຮົາ​ຊິ​ເຂົ້າ​ໃຈ? ຢາກ​ໃຫ້​ພວກ​ເຮົາ​ເຂົ້າ​ໃຈ, ຂໍ​ໃຫ້​ພວກ​ເຮົາ​ຈົ່ງ​ເຂົ້າ​ໃຈ ເຂົ້າ​ໃຈ​ນຳ​ກັນ​ໄວ້​ເຖີດ! ຂໍ​ໃຫ້​ພວກ​ເຮົາ​ເຊື່ອ​ວ່າ ເຊື່ອ​ພ​ຣະ​ແມ່​ແກ້ວ ມີ​ດີ ມີ​ເຢັນ ເປັນ​ສຸ​ຂບໍ່? ຫຼື​ວ່າ​ແນວ​ໃດ? ນີ້​ແມ່ນບໍ່​ຄຳ​ສອນ? ຖ້າ​ວ່າ​ແມ່ນ​ ກໍ​ຂໍ​ໃຫ້​ຍອມ​ຮັບ​ເອົາ ຍອມ​ຮັບ​ເອົາ​ສະໂດຍ​ດີ​ສະ! ເພື່ອ​ເຮົາ​ໃນ​ວັນ​ນີ້ ໃນ​ວັນ​ໜ້າ, ເພື່ອ​ທຸກ​ຄົນ​ນຳ​ກັນ.

 

ທ່ານ​ທັງ​ຫຼາຍ​ເອີຍ! ຂໍ​ໃຫ້​ເຊື່ອ​ສະ! ເຊື່ອ​ວ່າ​ແມ່​ຍິງ​ຄົນ​ນີ້​ ມີ​ພ​ຣະ​ເກີດ​ຂຶ້ນ​ມາ​ຢູ່​ຫົວ​ໃຈ, ມີ​ພ​ຣະ​ຈິງໆ ມີ​ພ​ຣະ​ແທ້ໆ, ພ​ຣະ​ແທ້ພ​ຣະ​ຈິງ ແຕ່​ວ່າເປັນ​ພ​ຣະ​ທັມ​ມະ​ຊາດ, ພຣະ​ທັມ​ມະ​ຊາດ​ຈິງໆ, ພ​ຣະ​ທັມ​ມະ​ຊາດນີ້ ​ນຳ​ໃຜ​ກໍ​ມີ, ບໍ່​ແມ່ນ​ມີ​ແຕ່​ນຳ​ພ​ຣະ​ແມ່​ແກ້ວ, ເຈົ້າ​ກໍ​ມີ ຂ້ອຍ​ກໍ​ມີ ມີ​ນຳ​ກັນ​ນັ້ນ​ແລ້ວ, ແຕ່​ວ່າ​ເຈົ້າ​ຊິ​ເອົາ​ຂຶ້ນ​ມາ​ໄດ້​ຫຼືບໍ່ ເທົ່າ​ນັ້ນ​ເອງ! ຖ້າ​ແມ່ນ​ວ່າເຈົ້າ​ເອົາ​ຂຶ້ນ​ມາ​ໄດ້ ເຈົ້າ​ກໍ​ໄດ້​ຄື​ກັນ! ເຈົ້າ​ໄດ້ ຂ້ອຍ​ໄດ້, ກໍ​ຄົງ​ຈະ​ມີ​ຫຼາຍ, ແຕ່​ວ່າການ​ເອົາ​ພ​ຣະ​ຂຶ້ນ​ມານີ້ ບໍ່​ແມ່ນ​ເລື້ອງ​ງ່າຍ, ບໍ່​ແມ່ນ​ເລື້ອງ​ສະ​ບາຍ, ບໍ່​ແມ່ນ​ເລື້ອງ​ເວົ້າ​ເອົາ​ແລ້ວ​ໄດ້, ບໍ່​ແມ່ນ​ກະ​ຕວງເອົາ​ແລ້ວ​ກໍ​ໄດ້ ແລະບໍ່​ແມ່ນ​ເຊື່ອ​ແລ້ວ​ກໍ​ໄດ້ ແລະບໍ່​ແມ່ນບອກ​ກັນ​ເອົາ​ຂຶ້ນ ແລ້ວ​ກໍ​ເອົາ​ຂຶ້ນ​ມາ​ໄດ້.

 

ຢາກ​ໃຫ້​ຮູ້​ວ່າ ຊີ​ວິດ​ຂອງ​ຜູ່​ທີ່​ເອົາ​ພ​ຣະຂຶ້ນ​ມາ​ໄດ້ ບໍ່​ແມ່ນ​ເລື້ອງ​ງ່າຍ ເປັນ​ເລື້ອງ​ຍາກຍາກ​ທີ່​ສຸດ, ຍາກ​ແບບ​ວ່າ ບໍ່​ຮູ້ບໍ່​ເຫັນ​ກັນ ແຕ່​ວ່າ​ຮູ້​ຈັກ​ກັນ ວ່າ​ມີ​ຢູ່​ຫັ້ນ, ຢູ່​ໃນໆ​ ເລິກໆ, ຢູ່​ບ່ອນ​ໃດ? ຢູ່​ໃນ​ໂຕ​ເຈົ້າ​ຂອງ ແຕ່​ວ່າ​ຮັບ​ຮູ້​ກັນທາງຄວາມ​ຮູ້​ສຶກ ທາງ​ຄວາມ​ຮູ້​ສຶກ​ເປັນ​ຜູ່ບອກ, ຄວາມ​ຮູ້​ສຶກນີ້ ເປັນ​ຄວາມ​ຮູ້​ສຶກ​ແບບ​ພິ​ເສດ ພິ​ເສດ​ຢູ່​ບ່ອນ ​ວ່າເຂົາ​ເປັນ​ຜູູ່​ບົ່ງບອກ​ເຮົາ ເຮົາ​ຜູ່​ເປັນ​ກາຍ​ຮູ້​ຕາມ​ເຂົາ, ເຂົາ​ບອກວ່າ ເຮົາ​ມີ​ພ​ຣະ ເຮົາ​ມີ​ພຣະ​ຢູ່​ໃນ ຢູ່​ໃນ​ໂຕ​ຂອງ​ເຮົາ​ມີ​ພ​ຣະ, ເຂົາ​ວ່າ​ແນວນີ້, ໃຜ​ເປັນ​ຜູ່​ວ່າ? ຄວາມ​ຮູ້​ສຶກ​ຂອງ​ເຮົາ​ນັ້ນ​ແລ້ວ​ວ່າ ແຕ່​ວ່າ​ຄວາມ​ຮູ້​ສຶກ​ອັນ​ນີ້ ມີ​ພ​ຣະເປັນ​ຜູ່ພາ​ວ່າ ຕ່າງ​ກັນ​ກັບ​ຄວາມ​ຮູ້​ສຶກ​ທຳ​ມະ​ດາ ນີ້​ຈິ່ງ​ເອີ້ນ​ວ່າຄວາມ​ຮູ້​ສຶກ​ພິ​ເສດ.

 

ຂໍ​ໃຫ້​ເຂົ້າ​ໃຈ​ວ່າ ເຮົາ​ມີພ​ຣະ​ຢູ່​ໃນໂຕ​ຂອງ​ເຮົາ​ຄື​ກັນ, ແຕ່​ເຮົາ​ຈະ​ເອົາ​ຂຶ້ນ​ມາ​ໄດ້​ຫຼືບໍ່? ຕ່າງ​ກັນ​ຢູ່​ບ່ອນນີ້, ບ່ອນນີ້​ ຄື​ບ່ອນບໍ່​ຄື​ກັນ, ຍ້ອນ​ບ່ອນນີ້ ພ​ຣະ​ແມ່​ແກ້ວ​ທາງນອກ ຈິ່ງ​ເວົ້າ​ອອກ​ມາ​ແບບນີ້​ໄດ້, ເວົ້າ​ອອກ​ມາ​ແບບນີ້​ກໍ​ຍ້ອນ​ວ່າ ​ມີ​ພ​ຣະ, ມີ​ພຣະ​ພຸ​ທ ພ​ຣະ​ທັມ ພ​ຣະ​ສົງ​ຄ໌ ມີ​ແທ້​ມີ​ຈິງ, ຂໍ​ໃຫ້​ເຮົາ​ທັງ​ຫຼາຍ​ຈົ່ງ​ເຊື່ອ​ວ່າ ນີ້​ເປັນ​ຄຳ​ສອນ​ພ​ຣະ, ຂໍ​ໃຫ້​ເຮົາ​ທັງ​ຫຼາຍ​ ຈົ່ງ​ພິ​ຈາ​ລະ​ນາ​ເບິ່ງ, ຖ້າ​ເຊື່ອ ກໍ​ຂໍ​ໃຫ້​ເຊື່ອ​ດ້ວຍ​ສະ​ຕິປັນ​ຍາ, ຖ້າ​ແມ່ນ​ວ່າ​ເຊື່ອ ກໍ​ຕ້ອງ​ເຊື່ອ​ແບບ​ໝັ້ນ​ໃຈ​ທີ່​ສຸດ, ຢ່າ​ເຊື່ອ​ແບບ ເຊື່ອ​ເຄິ່ງ ບໍ່​ເຊື່ອ​ເຄິ່ງ, ຖ້າ​ເຊື່ອ ກໍ​ເຊື່ອ​ແບບ​ຮູ້ເຫັນ​ ແລະເຂົ້າ​ໃຈ ເຂົ້າ​ໃຈ​ວ່າອັນ​ໃດເປັນ​ອັນ​ໃດ, ເຂົ້າ​ໃຈ​ວ່າ ເຮົາ​ເຂົ້າ​ໃຈ​ເພາະ​ອັນ​ໃດ, ເຮົາ​ຕ້ອງ​ເຂົ້າ​ໃຈ​ເຖິງ​ໃນ​ຄຳ​ວ່າ ຄຳສອນຖ້າ​ວ່າ​ເປັນ​ຄຳ​ສອນ ຕ້ອງ​ແມ່ນ​ຄຳ​ສອນຂອງ ​ຜູ່​ຮູ້ ຜູ່​ຕື່ນ ຜູ່​ເບີກ​ບານ, ຕ້ອງ​ແມ່ນ​ແທ້ແມ່ນ​ຈິງ ຈິ່ງ​ສອນ​ໄດ້, ສອນ​ແບບ​ຜູ່​ຮູ້​ສອນ, ສອນ​ແບບນີ້​ ແມ່ນ​ຄຳ​ສອນ​ຂອງ​ຜູ່​ຮູ້, ຜູ່​ຮູ້​ແທ້ ຜູ່​ຮູ້​ຈິງ.


ວັນ​ທີ 26/07/2015, ເວ​ລາ12:00-13:08, ໃຊ້​ເວລາ​ຈົດ​ໄວ້ 01 ຊົ່ວ​ໂມງ 08 ນາ​ທີ

ຜູ່​ຮັບ​ຈົດ​ໄວ້ຈາກ​ແມ່​ພ​ຣະ ທ່ານ ຄຳ​ສອນ ຫຼັກ​ໄມ​ຕ​ຣີ,

ຜູ່​ຕີ​ພິມ​ໄວ້ ນາງ ແສງ​ຄຳ ຫຼັກ​ໄມ​ຕ​ຣີ

​ໂທລະ​ສັບ​:(+856-20) 222 111 40, (856-20) 2223 5123,

E-mail:  klakmaitry@gmail.com; sengkhambl@gmail.com

 

Share
comments

ສະແດງຄວາມຄິດເຫັນໃນຂ່າວນີ້


Security code
Refresh