Get Adobe Flash player

ບົດ​ຄວາມ​ໃໝ່​ສຸດ

ບຸກຄົນອອນໄລນ໌

ເຮົາມີ 23 ບຸກຄົນທົ່ວໄປ ອອນໄລນ

ເຊື່ອມຕໍ່ພວກເຮົາທີ່:

ຈຳນວນຜູ້ເຂົ້າເບິ່ງເວັບ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້2969
mod_vvisit_counterມື້ວານ3550
mod_vvisit_counterອາທິດນີ້6519
mod_vvisit_counterອາທິດຜ່ານມາ9376
mod_vvisit_counterເດືອນນີ້24621
mod_vvisit_counterເດືອນຜ່ານມາ44241
mod_vvisit_counterທັງໝົດ3338724

ເຮົາມີ: 13 ບຸກຄົນທົ່ວໄປ, 1 bots ອອນໄລນ
Your IP: 54.90.159.192
 , 
ມື້ນີ້: ວັນ​ທີ 12 ທ. ວ., 2017

ແຜນ​ທີ່​ຜູ່​ເຂົ້າ​ເບິ່ງ​ເວັບ

Locations of visitors to this page

 

​ຂໍ​ໃຫ້​ເຮົາ​ທັງ​ຫລາຍ​ ຈົ່ງ​ເອົາ​ໃຈ​ໃສ່​ໃນ​ການ​ຝຶກ ໃນ​ການ​ປະ​ຕິ​ບັດ

User Rating: / 2
ບໍ່ດີເລີຍດີທີສູດ 
Share
Font size:

​ຂໍ​ໃຫ້​ເຮົາ​ທັງ​ຫລາຍ​ ຈົ່ງ​ເອົາ​ໃຈ​ໃສ່​ໃນ​ການ​ຝຶກ ໃນ​ການ​ປະ​ຕິ​ບັດ

iconດາວ​ໂຫຼດ/Download


ຊີ​ວິດ​ຂອງ​ເຮົາ ຖ້າ​ເຮົາ​ບໍ່​ເຂົ້າ​ໃຈ​ໃນ​ການ​ຝຶກ ຖ້າ​ເຮົາ​ບໍ່​ເຂົ້າ​ໃຈ​ໃນ​ການ​ປະ​ຕິ​ບັດ ເຮົາ​ຈະ​ພາ​ກັນ​ທຸກ​ຂ໌​ທົນ​ທໍ​ລະ​ມານ, ທຸກ​ຂ໌​ເພາະ​ຢາກ ທຸກ​ຂ໌​ເພາະ​ເສັຍ ທຸກ​ຂ໌​ເພາະ​ເຈັບ ທຸກ​ຂ໌​ເພາະ​ແກ່ ທຸກ​ຂ໌​ເພາະ​ຕາຍ, ຊີ​ວິດ​ຂອງ​ເຮົາ​ຈະ​ສູນ​ເສັຍ​ສິ່ງ​ດີ​ງາມ​ໄປ​ ຈົນ​ບໍ່​ມີ​ຫ​ຍັງ​ເຫລືອຖ້າ​ເຮົາ​ບໍ່​ເຂົ້​າ​ໃຈ​, ຖ້າ​ເຮົາ​ເຂົ້າ​ໃຈ​ວ່​າ ສິ່ງ​ທີ່​ວ່າ​ມາ​ນີ້ເປັນ​ເລື້ອງທີ່​ເຮົາ​ຕ້ອງ​ຢາກ ແມ່ນ​ເຮົາ​ຈະ​ສູນ​ເ​ສັຍ​ທັງ​ເໝິດ​, ເພາະ​ວ່າ​ສິ່ງ​ເຫລົ່າ​ນີ້​ ມັນ​ຕ້ອງ​ມີ ມີ​ຢູ່​ໃນ​ໂລກ​ໜ່ວຍ​ນີ້ ຊີ​ວິດ​ຂອງ​ເຮົາ​ຫລີກ​ລ້ຽງ​ບໍ່​ໄດ້​ແລ້ວ​, ຈຳ​ເປັນ​ຕ້ອງ​ໄດ້​ຮັບ ຈຳ​ເປັນ​ຕ້ອງ​ໄດ້​ຍິນ ​ໄດ້​ຟັງ​ໃນ​ຄຳ​ນີ້ ໃນ​ຄຳ​ວ່າ​ເສັຍ ເພາະ​ວ່າ​ນາ​ທີ​ສຸດ​ທ້າຍ ຊີ​ວິດ​ເຮົາ​ກໍ​ຕ້ອງ​ເສັຍ​ໄປ ເສັຍ​ໄປ​ຈົນ​ເໝິດ​ຈົນ​ສິ້ນ ເສັຍ​ນຳ​ກັນ​, ບໍ່​ແມ່ນ​ເສັຍ​ແຕ່​ເຮົາ; ຂໍ​ໃຫ້ເຮົາ​ເຂົ້າ​ໃຈ​ວ່​າ ພ​ຣະ​ຢູ່​ໃນ​ກາຍ​ຂອງ​ເຮົາ​ຍັງ​ມີ​, ພ​ຣະ​ທັມ ພ​ຣະ​ທັມ​ມະ​ຊາດ​, ຂໍ​ໃຫ້​ເຮົາ​ເຂົ້າ​ໃຈ​ວ່​າ ທັມ​ມະ​ຊາດ​ນີ້​ແລ້ວ​ ຈະ​​ຊ່ວຍ​ເຮົາ​ໄດ້​, ທັມ​ມະ​ຊາດ​ນີ້​ຈິງໆ ທັມ​ມະ​ຊາດ​ໂດຍ​ທັມ​ມະ​ຊາດ​, ທັມ​ມະ​ຊາດ ​ແບບ​ທັມ​ມະ​ຊາດ​ຈັດ​ສັນ​, ບໍ່​ແມ່ນ​ໃຜ​ຜູ່​ໜຶ່ງ​ຈັດ​ສັນ, ເຮົາ​ເອງ​ກໍ​ບໍ່​ໄດ້​ຈັດ​ສັນ​ເອົາ​ເອງ ເຮົາ​ພຽງ​ແຕ່​ຮັບ​ຮູ້ ແລະເຂົ້າ​ໃຈ​! ຂໍ​ໃຫ້​ເຮົາ​ທັງ​ຫລາຍ​ຈົ່ງ​ເຂົ້າ​ໃຈ​ວ່​າ ພ​ຣະ​ມາ​ໂປ​ຣດ​ເຮົາ​ແລ້ວ ພ​ຣະ​ຂອງ​ເຮົາ​ເອງ ພ​ຣະ​ເຈົ້າ​ຂອງ ຂໍ​ໃຫ້​ເຊື່ອ​ວ່າ ຢູ່​ໃນ​ເຮົາ​ມີ​ພ​ຣະ​, ພ​ຣະ​ຈິງໆ ​ສິ່ງ​ທີ່​ວ່າ​ໃຫ້​ຟັງ​ນີ້ ກໍ​ແມ່ນ​ພ​ຣະ​ວ່າ​ໃຫ້​ຟັງ ​ບໍ່​ແມ່ນ​ອື່ນ​ໄກ ບໍ່​ແມ່ນ​ຄົນ​ທາງ​ນອກ ​ຄົນ​ທາງ​ນອກ​ພຽງ​ແຕ່​ວ່າ​ໃຫ້​ຟັງ ວ່າ​ໃຫ້​ຟັງ​ຕາມ​ເລື້ອງ ຂອງ​ພ​ຣະ​ທັມ​ຈັດ​ສັນ​ໃຫ້​, ວ່າ​ໃຫ້​ຟັງ​ຕາມ​ແບບ​ພ​ຣະ​ທັມ​ຈັດ​ສັນ​.  ຊີ​ວິດ​ຂອງ​ເຮົາ ເຮົາ​ມີ​ພ​ຣະ​ຢູ່​ໃນ ເຮົາ​ຄວນ​ເຂົ້າ​ໃຈ ເຮົາ​ຄວນ​ຮັກ​ສາ​ໄວ້​, ຮັກ​ສາ​ໃຫ້​ໄດ້​ດີ​ທີ່​ສຸດ​, ເພາະ​ວ່າ​ຖ້າ​ເຮົາ​ຮັກ​ສາ​ບໍ່​ໄດ້ ເຮົາ​ຈະ​ບໍ່​ໄດ້​ອາ​ສັຍ​​ພັຍເພິ່ງ ເຮົາ​ຈະ​ບໍ່​ໄດ້​ທີ່​ເພິ່ງ​ອັນ​ແທ້​ຈິງ ອັນ​ສູງ​ສຸດ, ແລະເຮົາ​ກໍ​ຈະ​ບໍ່​ໄດ້ ​ແກ້ວ​ມະ​ນີ ​ຢູ່​ໃນ​ໂຕ​ຂອງ​ເຮົາ ຂຶ້ນ​ມາ​ຄຸ້ມ​ຄອງ​ເຮົາ​, ເຮົາ​ຈະ​ມີ​ແຕ່​ພວກ​ຜີ​ມານ​ທັງ​ຫລາຍ ພວກ​ເຜດ ພວກ​ຜີ​, ພວກ​ຍັກ ພວກ​ມານ ທັງ​ຫລາຍ​ທັງ​ປວງ ຈະ​ເຂົ້າ​ມາ​ຢູ່​ໃນ​ຫົວ​ໃຈ​ຂອງ​ເຮົາ​, ຫົວ​ໃຈ​ຂອງ​ເຮົາ​ ກໍ​ຈະ​ມີ​ແຕ່​ພວກ​ເຂົາ​ບັນ​ຊາ ບັນ​ຊາ​ເອົາ​ທຸກ​ຢ່າງ ເຮົາ​ຕ້ອງ​ເຂົ້າ​ໃຈ​ວ່​າ ຖ້າ​ເມື່ອ​ໃດຊີ​ວິດ​ຂອງ​ເຮົາ​ຂາດ​ພ​ຣະ ເມື່ອ​ນັ້ນ​ແຫລະ​ ຊີ​ວິດ​ຂອງ​ເຮົາ​ຈະ​ຖືກ​ພວກ​ເຂົາ​ລຸມ​ເອົາ ຈະ​ຖືກ​ພວກ​ເຂົາ​ລຸມ​ແບບ​ບໍ່​ມີ​ທາງ​ສູ້ ຊີ​ວິດ​ພໍ່​ພ​ຣະແມ່​ພ​ຣະ​ຜູ່​ຢູ່​ໃນ​ ກໍ​ຈະ​ເໝິດ​ຫວັງ​ຕະ​ຫລອດ​ໄປ, ນີ້​ຄື​ຂໍ້​ສຳ​ຄັນ ຂໍ້​ສຳ​ຄັນ​ໃນ​ຊີ​ວິດ ເພາະ​ວ່າ​ພໍ່​ແມ່ແບ່ງ​ເອົາ​ສິ່ງ​ດີ​ມາ​ໃຫ້​ພວກ​ເຮົາ​ແລ້ວ ພວກ​ເຮົາ​ຄວນ​ຕ້ອງ​ຮັກ​ສາ ຄວນ​ຕ້ອງ​ເອົາ​ໃຈ​ໃສ່ ຄວນ​ເອົາ​ໃຈ​ໃສ່​ແບບ​ພິ​ເສດ​, ພິ​ເສດ​ທີ່​ສຸດໆ ຈົນ​ໃຫ້​ໄດ້​ເຖິງ​ຂະ​ໜາດ​ນີ້ ​ຈິ່ງ​ຈະ​ພໍ, ຖ້າ​ເຮົາ​ຮັກ​ສາ​ໄດ້​ດີ​ພໍ ພໍ່​ພ​ຣະ ແມ່ພ​ຣະ​ຜູ່​ຢູ່​ໃນ ພ​ຣະ​ພຸ​ທ ພ​ຣະ​ທັມ ພ​ຣະ​ສົງຄ໌ ຜູ່​ຢູ່​ໃນ​ໂຕ​ຂອງ​ເຮົາ ​ກໍ​ຈະ​ມີ​ໂອ​ກາດ ໂອ​ກາດ​ນຳ​ກັນ​,ໂອ​ກາດ​ໃໝ່ ໂອ​ກາດ​ສຳ​ລັບ​ວັນ​ຫຼຸດ​ພົ້ນ​, ວັນ​ຫຼຸດ​ພົ້ນ​ຂອງ​ຜູ່​ເປັນ​ພຣະ ຜູ່​ເປັນ​ພ​ຣະ​ໃນ​ໂຕ​ເຈົ້າ​ຂອງ ຜູ່ເປັນ​ເຈົ້າ​ຂອງ ເຈົ້າ​ຂອງຜູ່​ທີ່​ເຈົ້າ​ຂອງ​ແນມ​ບໍ່​ເຫັນ, ສິ່ງ​ທີ່​ຕາ​ແນມ​ບໍ່​ເຫັນ​ນີ້​ແລ້ວ​ ຄື​ເມັດ​ແກ້ວ​ມະ​ນີ ເມັດ​ແກ້ວ​ມະ​ນີ​ທີ່​ເກີດ​ຢູ່​ໃນ​ໂຕ​ເຈົ້າ​ຂອງ ຊີ​ວິດ​ເຈົ້າ​ຂອງ​ມີ​ສິ່ງ​ນີ້​, ສິ່ງ​ນີ້​ພາ​ໃຫ້​ຊີ​ວິດ​ເກີດ​, ເພາະ​ວ່າ​ສິ່ງ​ນີ້​ພາ​ກັນ​ເຂົ້າ​ມາ​ຢືມ ເຂົ້າ​ມາ​ຢືມ​ເອົາ​ຜູ່​ເປັນພາ​ວະ​, ຢືມ​ໄດ້​ແລ້ວ ​ຈິ່ງ​ມີ​ຮ່າງ​ກາຍ​ແບບ​ນີ້​, ຮ່າງ​ກາຍ​ແບບ​ນີ້ ທີ່​ເອີ້ນ​ວ່າ​ຄົນ ທີ່​ເອີ້ນ​ວ່າ​ມະ​ນຸດ, ມີ​ຜູ່​ຢືມ​ຈິ່ງ​ໄດ້​ມາ​ເກີດ ເກີດ​ຍ້ອນ​ວ່​າ​ມີ​ຜູ່​ຢືມ​, ຊີ​ວິດ​ຂອງ​ຜູ່​ຢືມ​ ກໍ​ຄື​ພ​ຣະ ພ​ຣະ​ເປັນ​ຜູ່​ຢືມ ຢືມ​ເອົາ​ຮ່າງ​ກາຍ ຮ່າງ​ກາຍ​ຂອງ​ໂລກ​ໜ່ວຍ​ນີ້ ຢືມ​ທາດ​ດິນ ທາດ​ນ້ຳ ທາດ​ລົມ ທາດ​ໄຟ ທາດ​ອາ​ກາດ, 5 ທາດ​ນີ້​ມາ​ລວມ​ກັນ​ເຂົ້າ ຈິ່ງ​ມີ​ອາຍ​ທາດ​ເກີດ​ຂຶ້ນ, ພໍ​ມີ​ອາຍ​ທາດ​ເກີດ​ຂຶ້ນ​ມາ​ແລ້ວ ກໍ​ຕ້ອງ​ມີ​ອີກ​ສິ່ງ​ໜຶ່ງເກີດ​ຈາກ​ທາດ​ຊຸມ​ນີ້​ນັ້ນ​ເອງ, ກໍ​ຄື​ທີ່​ເອີ້ນ​ວ່າ ​ວິນ​ຍານ​ທາດ​, ວິນ​ຍານ​ນີ້​ແລ້ວ ເປັນ​ສິ່ງ​ທີ່​ເຮົາ​ບໍ່​ຮູ້ ບໍ່​ເຂົ້າ​ໃຈ ບໍ່​ຈັກ ບໍ່​ເຫັນ, ບໍ່​ເຫັນ​ຍ້ອນ​ວ່າຕົວ​ຕົນ​ຂອງ​ວິນ​ຍານ ເປັນ​ພຽງ​ແຕ່ກະ​ແສ​ຊະ​ນິດ​ໜຶ່ງ​ເທົ່າ​ນັ້ນ, ແຕ່​ວ່າກະ​ແສ​ອັນ​ນີ້ ເປັນ​ກະ​ແສ​ແບບ​ມີ​ຕົວ​ຕົນ​, ມີ​ຮູບ​ພາບ​ເກີດ​ຂຶ້ນ​ມາ​ໄດ້​, ຮູບ​ພາບ​ອັນ​ນີ້ ເປັນ​ຮູບ​ພາບ​ຊະ​ນິດ​ແບບ ພາບ​ຫຼອກ​ຫຼອນ​, ເໝືອນ​ໆ ກັນ​ກັບ​ທີ່​ເອີ້ນ​ວ່າ​ ພາບ​ຫຼອກ​ລວງ​ນັ້ນ​ແລ້ວ​, ແຕ່​ວ່າ​ມີ​ຈິງ ຈິງ​ຕາມ​ສິ່ງ​ນີ້ ສິ່ງ​ທີ່​ເອີ້ນ​ວ່າ​ທາດ​, ທາດ​ຂອງ​ໂລກ​ໜ່ວຍ​ນີ້, ຊີ​ວິດ​ຂອງ​ຜູ່​ເປັນ​ພ​ຣະ ​ໄດ້​ເຂົ້າ​ມາ​ຢູ່​ໃນ​ທາດ ທາດ​ໂລກ​ໜ່ວຍ​ນີ້ ໂລກ​ໜ່ວຍ​ນີ້​ມີ​ເລື້ອງ​ຊອບ​ມາ​ພາ​ກົນ ມີ​ເລື້ອງ​ຜູກ ຜູກ​ເອົາ​ໄວ້ ມັດ​ເອົາ​ໄວ້​, ມັດ​ເອົາ​ຝ່າຍ​ຜູ່​ເປັນ​ພ​ຣະ ຜູ່​ເປັນ​ພ​ຣະ​ທີ່​ວ່າ​ນີ້ ກໍ​ຖືກ​ມັດ ຖືກ​ມັດ​ຄື​ກັນ ເພາະ​ຖືກ​ມັດ​ນີ້​ແລ້ວ ຈິ່ງ​ພາ​ກັນ​ກັບ​ກ້ຽວ​ວຽນ​ວົນ ກັບ​ໄປກັບ​ມາ ຍ້ອນ​ມີ​ຍາກ ມີ​ຂ້ອງ ມີ​ຄາ ຈິ່ງ​ພາ​ກັນ​ຂຶ້ນ​ແລ້ວ​ລົງ ລົງ​ແລ້ວ​ຂຶ້ນ ທຽວ​ຂຶ້​ນທຽວ​ລົງ​, ທາງ​ເບື້ອງ​ເທິງ​ກໍ​ຕ້ອງ​ເປັນ​ທຸກ​ຂ໌ ທຸກ​ຂ໌​ນຳ​ຜູ່​ຢູ່​ລຸ່ມ ທຸກ​ຂ໌​ຍ້ອນ​ມີ​ການ​ຫ່ວງ​ຫາ​ກັນ ຫ່ວງ​ຫາ​ຜູ່​ມາ​ຕົກ​ຄ້າງ​ຢູ່​ລຸ່ມ​, ອັນ​ນີ້​ຄື​ໂລກ​ລຸ່ມ ໂລກ​ລຸ່ມ​ກວ່າ ບໍ່​ແມ່ນ​ຢູ່​ຝ່າຍ​ເບື້ອງ​ສູງ​, ເບື້ອງ​ສູງ​ອີກ​ຢ່າງ​ໜຶ່ງ​, ບໍ່​ຄື​ເບື້ອງ​ຕ່ຳ​, ເບື້ອງ​ຕ່ຳ​ກັບ​ເບື້ອງ​ສູງ​ ບໍ່​ຄື​ກັນ​, ແຕ່​ວ່າ​ໄດ້​ມາ​ທົນ​ທຸກ​ຂ໌​ ທໍ​ລະ​ມານ ກິ້ງ​ເກືອກ​ລີ​ເລືອ​ນຳ​ກັນ​, ຍ້ອນ​ບຸນ​ເກົ່າ​, ຍາກ​ເຫລືອ​ເກີນ ລຳ​ບາກ​ເຫລືອ​ເກີນ​, ທົນ​ທຸກ​ຂ໌ ​ກໍ​ທົນ​ທຸກ​ຂ໌​ເຫລືອ​ເກີນ ທໍ​ລະ​ມານ​ກໍ​ທໍ​ລະ​ມານ​ເຫລືອ​ເກີນ​, ຊີ​ວິດຜູ່​ເປັນ​ພ​ຣະ​ຢູ່​ເບື້ອງ​ເທິງ ມີ​ແຕ່​ຄວາມ​ອັດ​ອັ້ນ ມີ​ແຕ່​ຄວາມ​ຕັນ​ໃຈ​, ຍ້ອນ​ວ່າ​ຢືມ​ຮ່າງ​ກາຍ​ໄດ້​ແລ້ວ​ກໍ​ທຸກ​ຂ໌ ຢືມ​ໄດ້​ກໍ​ຍິ່ງ​ທຸກ​ຂ໌ ຢືມ​ບໍ່​ໄດ້​ກໍ​ຍິ່ງ​ທຸກ​ຂ໌​ພໍໆ ​ກັນ ເພາະ​ວ່າ​ຊີ​ວິດ​ຜູ່​ຢູ່​ລຸ່ມ ກໍ​ເຫັນ​ຜູ່​ຢູ່​ໃນ​ເປັນ​ທຸກ​ຂ໌, ຊີ​ວິດ​ຜູ່​ຢູ່​ໃນ​ທຸກ​ຂ໌ ຜູ່​ຢູ່​ນອກ​ກໍ​ຕ້ອງ​ທຸກ​ຂ໌​ນຳ​ກັນ ທັງ​ນອກທັງ​ໃນທຸກ​ຂ໌​ພໍໆ​ ກັນ, ແຕ່​ຜູ່​ເປັນ​ກາຍ​ບໍ່​ຈັກ ຜູ່​ເປັນ​ກາຍບໍ່​ຮູ້ ບໍ່​ຈັກ, ບໍ່​ຈັກ​ຍ້ອນ​ວ່າ ພາ​ວະ​ຮ່າງ​ກາຍທາດຂັນ​ເຈົ້າ​ຂອງ ເປັນ​ຂອງ​ລວມ​ກັນ​ເຂົ້າ​,​ ຈັກ​ອັນ​ໃດ​ຕໍ່​ອັນ​ໃດອັນ​ໃດ​ແນ່ ຫລາຍ​ສິ່ງ​ຫລາຍ​ຢ່າງ​ມາ​ລວມ​ກັນ​ເຂົ້າ​, ໃນ​ເມື່ອ​ມີ​ແບບ​ນີ້ ເປັນ​ແບບ​ນີ້ ກໍ​ຈິ່ງ​ຍາກ​ທີ່​ຈະ​ເຂົ້າ​ໃຈ​ເລື້ອງ​ເຈົ້າ​ຂອງ​, ຜູ່​ເປັນ​ຮ່າງ​ກາຍ ຍາກ​ທີ່​ຈະ​ເຂົ້າ​ໃຈ​, ຍາກ​ເຫລືອ​ເກີນ​ທີ່​ຈະ​ເຂົ້າ​ໃຈ ເພາະ​ວ່າ​ມີ​ສິ່ງ​ປິດ​ກັ້ນ ມີ​ສິ່ງ​ກັ້ນ​ກາງ ລະ​ຫວ່າງ​ເຈົ້າ​ຂອງ​ກັບ​ຜູ່​ອື່ນ, ໝາຍ​ເຖິງ​:

 

1.

ກໍ​ຄື​ ໂຕ​ເຈົ້າ​ຂອງ

2.

ກໍ​ຄື ​ວິນ​ຍານ​ເຈົ້າ​ຂອງ

3.

ກໍ​ຄື ​ຜູ່​ທີ່​ເຈົ້າ​ຂອງ​ໄດ້​ຢືມ​ເຂົ້າ​ມາ

4.

ກໍ​ຄື ສິ່ງ​ທີ່​ເຈົ້າ​ຂອງ​ໄດ້​ກິນ ໄດ້​ດື່ມ​ເຂົ້າ​ໄປ

5.

ກໍ​ຄື ສິ່ງ​ທີ່​ເອີ້ນ​ວ່າ ວິນ​ຍານ​ທັງ​ຫລາຍ​ນຳ​ກັນ

6.

ກໍ​ຄື ເອີ້ນ​ວ່າ​ບຸນ​ ກັມ​ເກົ່າ ​ມີ​ນຳ​ກັນ

7.

ກໍ​ຄື ສິ່ງ​ທີ່​ເອີ້ນ​ວ່າ​ເປັນ​ກາງໆ ເອີ້ນ​ໄດ້​ແຕ່​ວ່າ​ຜູ່​ເປັນ​ກາງໆ​.

 

ທັງ​ເຈັດ​ຂໍ້​ນີ້ ເປັນ​ຂອງ​ບອກ​ຜິດ​ກໍ​ໄດ້ ບອກ​ຖືກ​ກໍ​ໄດ້​, ບອກ​ຜິດ ​ກໍ​ຄືຍ້ອນ​ຄວາມ​ບໍ່​ຮູ້ບໍ່​ແຈ້ງ​, ບອກ​ຖືກ​ກໍຄືຝ່າຍ​ບຸນ ​ເປັນ​ຜູ່​ບອກ​, ແຕ່​ວ່າ​ຝ່າຍ​ບຸນ ແລະບາບ ມາ​ເກືອກ​ກົ້ວ​ນຳ​ກັນ ກໍ​ຄື​ຍາກ​ທັງ​ເໝິດ ຍາກ​ຍ້ອນ​ວ່າ ເຂົ້າ​ໃຈ​ກັນ​ແນ່ ບໍ່​ເຂົ້າ​ໃຈ​ກັນ​ແນ່, ​ຊີ​ວິດ​ຢູ່​ນຳ​ກັນ ແຕ່​ບໍ່​ເຂົ້າ​ໃຈ​ກັນ ຍ້ອນ​ວ່າ​ພິດ​ພັຍ​ປິດ​ກັ້ນ​ອີກ​ຊັ້ນ​ໜຶ່ງ​, ຊັ້ນ​ສອງ​ ກໍ​ຄືລິດ​ ພິດ​ສົງ ອຳ​ນາດ​, ຊັ້ນ​ສາມ ​ກໍ​ຄື​ ສ້ຽນ​ໜາມ ຄວາມ​ຫລົງ​ໄຫລ ແລະເລື້ອງ​ຕ່າງໆ ​ນາໆ ໃນ​ເລື້ອງ​ສູດ​ໃນ​ເລື້ອງ​ເສບ​, ໃນ​ເລື້ອງ​ຕໍ່ໆ ​ກັນ​ອອກ​ໄປ ກໍ​ຄື​ເລື້ອງ​ງົມ​ງວຍງົມ​ງວາຍ​, ຊັ້ນ​ສີ່ ກໍ​ຄື​ສິ່ງ​ທີ່​ເຈົ້າ​ຂອງ​ຄິດ​ຜິດ​, ເວົ້າ​ຜິດ​, ທຳ​ຜິດ​, ການ​ຄິດ ການ​ເວົ້າ ການ​ທຳ ເປັນ​ເລື້ອງ​ປິດ​ກັ້ນ​ທີ່​ສຸດ​, ເປັນ​ເລື້ອງ​ຫຸ້​ມ​ຫໍ່ ຫຸ້ມ​ຫໍ່​ເຈົ້າ​ຂອງ​, ຖ້າ​ຫາກ​ວ່າ​ເຈົ້າ​ຂອງ​ຄິດ​ ໃນ​ທາງ​ບໍ່​ຖືກ ເວົ້າ​ໃນ​ທາງ​ບໍ່​ຖືກ​, ທຳ​ໃນ​ທາງ​ບໍ່​ຖືກ, ທັງ​ສາມ​ນີ້ ຖື​ວ່າ​ເປີດ​ປະ​ຕູເອົາ​ໝູ່​ມານ​ເຂົ້າ​ມາ ເຂົ້າ​ທາງ​ກາຍ​, ເຂົ້າ​ທາງ​ວາ​ຈາ​, ເຂົ້າ​ທາງ​ໃຈ ເພາະ​ຫລາຍ​ສິ່ງ​ຫລາຍ​ຢ່າງ ທັບ​ເຕັງ​ເອົາ​, ທັບ​ແລ້ວ​ກໍ​ເຕັງ ເຕັງ​ເອົາ​ຫົວ​ໃຈ ຫົວ​ໃຈ​ຖືກ​ເຂົາ​ບັນ​ຊາ​ການ​, ໃນ​ເມື່ອ​ເຂົາ​ບັນ​ຊາ​ການ​ໄດ້​ແລ້ວ ເຮົາ​ຜູ່​ເປັນ​ຜູ່​ທີ່​ຄວນ​ຈະ​ຮັບ​ຮູ້ ກໍ​ເລີຍ​ຜິດ​ຫວັງ​, ບໍ່​ສົມ​ຫວັງ ຍ້ອນ​ວ່າ​ຊີ​ວິດ​ຂອງ​ເຮົາ​ເອງ ກະ​ເດັນ​ເລື້ອງ​ນັ້ນເລື້ອງ​ນີ້​ອອກ​ໄປແລ້ວ​ ກໍ​ໄປ​ຫຸບ​ເອົາ​ເລື້ອງ​ນັ້ນເລື້ອງ​ນີ້​ເຂົ້າ​ມາ​,​ ໄປ​ຫຸບ​ເອົາໄປ​ຫອບ​ເອົາ​, ເອົາ​ເພື່ອ​ເອົາ​ເຂົ້າ​ມາ​ທັບ ເອົາ​ເພື່ອ​ເອົາ​ເຂົ້າ​ມາ​ເຕັງ ​ເຕັງ​ເອົາ​ເຈົ້າ​ຂອງ, ຊີ​ວິດ​ເຈົ້າ​ຂອງຜູ່​ເປັນ​ເຈົ້າ​ຂອງ ​ກໍ​ບໍ່​ຈັກ​, ກໍ​ເລີຍ​ມີ​ແຕ່​ບອກ​ໂຕ​ເອງ​ໄດ້​ວ່າ ​ໜັກ​, ທຸກ​ຂ໌, ແຕ່​ບໍ່​ຮູ້​ວ່າອັນ​ໃດ​ພາ​ໜັກ ອັນ​ໃດ​ພາ​ທຸກ​ຂ໌, ບໍ່​ຮູ້​ອີກ​ວ່າ​ພວກ​ວິນ​ຍານພາ​ໜັກ ​ພາ​ທຸກ​ຂ໌ ແລະ​ພວກ​ຄວາມ​ຄິດ​ທັງ​ຫລາຍ ພາ​ໜັກ​ພາ​ທຸກ​ຂ໌, ພວກ​ຂະ​ບວນ​ການ​ຊຸມ​ນີ້ ພວກ​ຂະ​ບວນ​ການ​ ການ​ຕໍ່​ສູ້ ​ກັບ​ຜູ່​ເປັນ​ພ​ຣະ ຜູ່​ເປັນ​ພ​ຣະ​ພຸ​ທ ພ​ຣະ​ທັມ ພ​ຣະ​ສົງ​ຄ໌, ຜູ່​ເປັນ​ພ​ຣະ​ພຸ​ທ ພ​ຣະ​ທັມ ພ​ຣະ​ສົງ​ຄ໌ອີກ ​ກໍ​ເລີຍ​ແພ້​ຢູ່​ຕະ​ຫລອດ​, ແພ້​ຍ້ອນ​ວ່າ​ບໍ່​ທັນ​ມີ​ໂອ​ກາດ ບໍ່​ທັນ​ມີ​ແຮງ​, ບໍ່​ທັນ​ມີ​ພະ​ລັງ​, ຍັງ​ສະ​ຫລົບ​ຢູ່ ສະ​ຫລົບ​ຍ້ອນ​ວ່າ ​ຖືກ​ຂອງ​ເບື່ອຂອງ​ເມົາ​, ຖືກ​ຂອງ​ເບື່ອ​ຂອງ​ເມົາ​ຍ້ອນ​ວ່າ ຄົນ​ຂົນ​ເອົາ​ເຂົ້າ​ມາ ຜູ່​ເປັນ​ຄົນ​ຂົນ​ເອົາ​ເຂົ້າ​ມາ ຜູ່​ເປັນ​ຄົນ​ບໍ່​ເຂົ້າ​ໃຈ ຈັກ​ອັນ​ໃດອັນ​ໃດກໍ​ພາ​ກັນ​ຂົນ​ເຂົ້າ​ມາ​, ຂົນ​ເຂົ້າ​ມາ​ທັບ​ມາ​ເຕັງ​, ເຕັງ​ເອົາ​ຜູ່​ເປັນ​ພ​ຣະ​ເຈົ້າ​ຂອງ​ໄວ້, ພ​ຣະ​ເຈົ້າ​ຂອງ​ ກໍ​ເລີຍ​ຕາຍ​ແລ້ວ​ ຕາຍ​ອີກ​, ຕາຍ​ທັງ​ເປັນ; ຊີ​ວິດຂອງ​ຜູ່​ເປັນ​ພ​ຣະ ຢາກ​ເລົ່າ​ໃຫ້​ຟັງ ຢາກ​ບອກ​ໃຫ້​ຮູ້ ຢາກ​ໃຫ້​ເຂົ້າ​ໃຈ​, ຂໍ​ໃຫ້​ພະ​ຍາ​ຍາມ​ອ່ານ ພະ​ຍາ​ຍາມ​ຟັງ ພະ​ຍາ​ຍາມ​ພິ​ນິດ ​ພະ​ຍາ​ຍາມ​ພິ​ຈາ​ລະ​ນາ​, ພິ​ຈາ​ລະ​ນາ​ແລ້ວ ຈົ່ງ​ພິ​ຈາ​ລະ​ນາ​ອີກ​, ພິ​ຈາ​ລະ​ນາ​ຈົນ​ໃຫ້​ຮູ້​ວ່າ ຈົນ​ໃຫ້​ເຫັນ​ວ່າ​ ເປັນ​ແນວ​ໃດ​! ຈິງ​ຫລື​ວ່າ​ບໍ່​ຈິງ​, ສິ່ງ​ທີ່​ວ່າ​ມາ​ໃຫ້​ຟັງ​ນີ້? ຖ້າ​ເຫັນ​ວ່າ​ຈິງ ກໍ​ຂໍ​ໃຫ້​ເອົາ​ໃຈ​ໃສ່ ພາກ​ພຽນ​ພະ​ຍາ​ຍາມ​, ຖ້າ​ເຫັນ​ວ່າ​ບໍ່​ຈິງ ບໍ່​ທັນ​ໝັ້ນ​ໃຈ​ວ່​າ​ຈິງ ກໍ​ຂໍ​ໃຫ້​ເອົາ​ໃຈ​ໃສ່​ຄົ້ນ​ຄວ້າ ພິ​ນິດ​​ພິ​ຈາ​ລະ​ນາ​ຕໍ່​, ເພາະ​ວ່າ ພາ​ສາ ແລະ ສັບ ​ຄຳ​ເວົ້າ ອາດ​ຈະ​ໃຊ້​ຕ່າງ​ກັນ​, ມີ​ບາງ​ຄຳ​, ບາງ​ປະ​ໂຫຍກ ອາດ​ຈະ​ເໝືອນໆ ແຕ່​ບໍ່​ເຖິງ​ວ່າ​ຄື​ກັນ​, ແຕ່​ກໍ​ເປັນ​ເນື້ອ​ຫາສາ​ລະ ໃຈ​ຄວາມ​ໝາຍ​ເຊັ່ນ​ດຽວ​ກັນ​, ພ​ຣະ​ອົງຄ໌​ໃດ​ຜຸດ​ຂຶ້ນ​ມາ​ໄດ້ ກໍ​ຕ້ອງ​ບອກ ແລະສັ່ງ​ສອນ​, ທັງ​ບອກທັງ​ສັ່ງ​ສອນ ເພື່ອ​ຢາກ​ໃຫ້​ຮູ້ ເພື່ອ​ຢາກ​ໃຫ້​ເຂົ້າ​ໃຈ​ໃນ​ເລື້ອງ​ນີ້​, ໃນ​ເລື້ອງ​ນີ້​ແບບ​ພິ​ເສດ​, ຜູ່​ຮູ້​ຢູ່​ໃນ ມີ​ແຕ່​ຕ້ອງ​ການ​ຢາກ​ໃຫ້​ຜູ່​ເປັນ​ຄົນ ຢາກ​ໃຫ້​ຜູ່​ເປັນ​ຮ່າງ​ກາຍ​ ເຂົ້າ​ໃຈ​ເຖິງ​ເລື້ອງ​ຊີ​ວິດ ຜູ່​ຢູ່​ຂ້າງ​ໃນ​ເທົ່າ​ນີ້​ເອງ ແລະຢາກ​ໃຫ້ບຳ​ເພັນ​ບຸນ ບຳ​ເພັນ​ກຸ​ສົນ, ບຸນ ຄື​ຄວາມ​ດີ​, ກຸ​ສົນ​ ຄື​ຄວາມ​ສະ​ຫລາດ​, ຢາກ​ໃຫ້​ໄດ້​ສອງ​ຢ່າງ​ນີ້ ​ຮັບ​ຮອງ​ກ່ອນ ແຕ່​ວ່າ​ໃຫ້​ພໍ ບໍ່​ພໍ, ຕໍ່​ໄປ ຕ້ອງ​ໄດ້​ເອົາ​ໃຈ​ໃສ່​ຕື່ມ​ອີກ ຄື​ການ​ສ້າງ​ຄຸນ​ງາມ ທຳ​ຄວາມ​ດີ​ຕໍ່ໆ ​ອອກ​ໄປ​, ແລ້ວ​ກໍ​ຕ້ອງ​ໄດ້​ສ້າງ​ສິນ​, ສະ​ມາ​ທິ​, ປັນ​ຍາ​, ສ້າງ​ແລ້ວ ຕ້ອງ​ໄດ້​ສ້າງ​ຕື່ມ​ອີກ​, ຄື​ສ້າງ​ຄວາ​ມລະ​ນຶກ​, ສ້າງ​ຄວາມ​ຮູ້​ສຶກ ສ້າງ​ຄວາມ​ຕັ້ງ​ໃຈ​ໝັ້ນ, ​ແລ້ວ​ຈິ່ງ​ຄ່ອຍ​ຕິດ​ຕາມ​ການ​ເຄື່ອນ​ໄຫວ​ ໃຫ້​ໄດ້​ຕໍ່​ເນື່ອງ ໃຫ້​ໄດ້​ທຸກໆ ​ເມື່ອ ທຸກໆ ​ເວ​ລາ​, ກໍ​ຄື​ຄວາມ​ລະ​ນຶກ ຄວາມ​ຮູ້​ສຶກ​, ສອງ​ຢ່າງ​ນີ້​ປະ​ກອບ​ກັນ​ເຂົ້າ ຈິ່ງ​ຕິດ​ຕໍ່​ໄດ້ ຈິ່ງ​ຕໍ່​ເນື່ອງ​ໄດ້​, ຈຶ່ງ​ເປັນ​ສາຍ​ໃຫ້​ໄດ້​, ສາຍ​ທາງ​ໃນ ບໍ່​ແມ່ນ​ສາຍ​ທາງ​ນອກ​, ສາຍ​ທາງ​ຄວາ​ມ​ຮູ້​ສຶກ​ນຶກ​ຄິດ​, ສາຍ​ຮັບ​ນີ້ ແມ່ນ​ເກີດ​ຈາກ​ສິນ​, ສະ​ມາ​ທິ​, ປັນ​ຍາ ແລະເກີດ​ຈາກອະ​ວິ​ຊ​ຊາ​ດັບ​ລົງ​, ພ້ອມ​ດ້ວຍ​ໂມ​ຫະໂທ​ສະດັບ​ລົງ​, ພ້ອມ​ດ້ວຍ​ຊົ່ວ​ຊ້າລາ​ມົກ ໃນ​ຊີ​ວິດ​ດັບ​ລົງ​, ພ້ອມ​ດ້ວຍໂລບໂກດ​ ຫລົງ​ ໃນ​ຊີ​ວິດ​ດັບ​ລົງ​, ພ້ອມ​ດ້ວຍ​ເຫັນ​ແກ່​ຕົວ​, ເຫັນ​ແກ່​ໃຈ ສູນ​ສ້ຽງ​ກ້ຽງ​ໄປ  ພ້ອມ​ດ້ວຍເສັຍ​ອົກ​ເສັຍ​ໃຈ ​ໃຫ້​ຄົນ​ນັ້ນໃຫ້​ຄົນ​ນີ້ ​ໝົດ​ກ້ຽງ​ໄປ​, ພ້ອມ​ດ້ວຍຄວາມ​ທະ​ເຍີທະ​ຍານ ​ສູນ​ສ້ຽງ​ກ້ຽງ​ໄປ​, ພ້ອມ​ດ້ວຍ​ຄວາມ​ພະ​ຍາ​ບາດ ອາ​ຄາດຈອງ​ເວນ ໝົດ​ກ້ຽງ​ໄປ​, ພ້ອມ​ດ້ວຍ​ຄວາມ​ອິດ​ສາ​ພະ​ຍາ​ບາດ ອາ​ຄາດ​ຈອງ​ເວນ ບໍ່​ໃຫ້​ມີ ໃຫ້​ເໝິດ​ກ້ຽງ​ໄປ​, ພ້ອມ​ດ້ວຍ​ຄວາມ​ເຟີ້​ຫລາຍ ໃຊ້​ເກີນ ບໍ່​ໃຫ້​ຄ້າງ​ໃຫ້​ເຫລືອໃນ​ຊີ​ວິດ, ພ້ອມ​ດ້ວຍ​ຄວາມ​ຫຼົງ​ໄຫຼ​ຕ່າງໆ​ ນາໆ​, ພ້ອມ​ດ້ວຍ​ຄວາມ​ເຮັດ​ໃສ່​ຄົນ​ນັ້ນຄົນ​ນີ້ ບໍ່​ໃຫ້​ຄ້າງບໍ່​ໃຫ້​ເຫລືອ​, ບໍ່​ໃຫ້​ມີ​ໃນ​ຊີ​ວິດ​, ພ້ອມ​ດ້ວຍ​ ສິ່ງ​ກີດ​ກັ້ນ​ຂັດ​ຂວາງ ກໍ​ຄື​ເສບ ​ສູບ​ ສິ່ງ​ດອງ ​ຂອງ​ເມົາ ພ້ອມ​ດ້ວຍ​ສິ່ງ​ທີ່​ເປັນ​ເສບ​ຕິດ​ຕ່າງໆ ທີ່​ເອີ້ນ​ວ່າເປັນ​ພິດ​ເປັນ​ພັຍ ກໍ​ໃຫ້​ເໝິດໃຫ້​ກ້ຽງ​ ອອກ​ຈາກ​ຊີ​ວິດ ຊີ​ວິດ​ຈິ່ງ​ຊິ​ປອດພັຍ​! ເອົາ​ສິ່ງ​ເຫລົ່າ​ນີ້​ອອກ​ໄດ້​ແລ້ວ ຊີ​ວິດ​ຕ້ອງ​ມີ​ແຕ່​ສຸ​ຂ ​ຊີ​ວິດ​ຕ້ອງ​ມີ​ແຕ່​ຄວາມ​ຈະ​ເລີນ ງອກ​ງາມ​ໄພ​ບູນ​ຂຶ້ນຍິ່ງໆ ​ຂຶ້ນ​ໄປ​, ຊີ​ວິດ​ຕ້ອງ​ການ​ແບບ​ນີ້​! ຊີວິດ​ບໍ່​ຕ້ອງ​ການ​ສິ່ງ​ບໍ່​ດີ ບໍ່​ຊອບ ສິ່ງ​ບໍ່​ປະ​ກອບ ສິ່ງ​ບໍ່​ຊອບ​ທັມ ຊີ​ວິດ​ບໍ່​ຕ້ອງ​ການ, ຊີ​ວິດ​ຕ້ອງ​ການ​ແຕ່​ສິ່ງ​ດີ​ງາມ ແຕ່​ສິ່ງ​ທີ່​ມີ​ຄວາມ​ສະ​ອາດ, ທາດ​ຂັນທ໌​ຂອງ​ໃຜ ​ໄດ້​ຄວາມ​ສະ​ອາດ​ແບບ​ນີ້ ​ຖື​ວ່າໄດ້​ຄວາມ​ບໍ​ລິ​ສຸດ​ ໃຫ້​ແກ່​ເຈົ້າ​ຂອງ, ໄດ້​ຫົດໄດ້​ສົງ​ເອົາ​ເຈົ້າ​ຂອງ ໄດ້​ປອກ​ໄດ້ລອກເອົາ​ຂອງ​ບໍ່​ດີ​ອອກ ເອົາ​ຂອງ​ສະ​ຫລອກ​ກອ​ກສະ​ແຫລກ​ແກກ​ອອກ ກໍ​ຄືສິ່ງ​ທີ່​ເອີ້ນ​ວ່າ ພາບ​ມານ​ຍາ​ທັງ​ຫລາຍ, ສິ່ງ​ຫລອກ​ລວງ​ທັງ​ຫລາຍ ລວມ​ທັງ​ວິນ​ຍານ​ເຈົ້າ​ຂອງ ລວມ​ທັງ​ວິນ​ຍານ​ຜູ່​ອື່ນ, ສອງ​ຝ່າຍ​ນີ້​ແລ້ວ ພາ​ໃຫ້​ເຈົ້າ​ຫລອກ​ຂ້ອຍ ຂ້ອຍ​ຫລອກ​ເຈົ້າ, ຫລອກ​ກັນ​ໄປຫລອກ​ກັນ​ມາ, ຫລອກ​ແລ້ວຫລອກ​ອີກ ພ​ຣະ​ຢູ່​ໃນ​ຈຶ່ງ​ທົນ​ທຸກ​ຂ໌ທໍ​ລະ​ມານ, ພ​ຣະ​ຢູ່​ໃນ​ຈິ່ງ​ຝາກ​ບອກ ຝາກ​ບອກ​ວ່າ ພາ​ກັນ​ພາ​ວະ​ນາ​ສະ! ຖ້າ​ອັນ​ໃດເກີດ​ຂຶ້ນ​ມາ​ໃນ​ຫົວ​ໃຈ​ເຈົ້າ​ຂອງ ໃນ​ທາງ​ບໍ່​ດີ ບໍ່​ຊອບ ບໍ່​ປະ​ກອບ​ຊອບ​ທັມ ກໍ​ຕ້ອງ​ໃຫ້​ວ່າ​:ພຸ​ທ​ເຂົ້າ​, ໂທ​ອອກ​ເອົາ​ພ​ຣະ​ໄລ່​ມານ​ອອກ ເອົາ​ພ​ຣະ​ກຳ​ຈັດ​ອອກ ກຳ​ຈັດ​ອອກ​ຈາກ​ຫົວ​ໃຈ ແຕ່​ຕ້ອງ​ໄດ້​ໃຊ້​ວິ​ທີ​ການ ຫາຍ​ໃຈ​ເຂົ້າ ​ຮູ້​ສຶກ​ ເຂົ້າ​ສັ້ນເຂົ້າ​ຍາວ ​ກໍ​ໃຫ້​ຮູ້, ອອກ​ສັ້ນອອກ​ຍາວ​ ກໍ​ໃຫ້​ຮູ້, ແລ້ວ​ກໍ​ຕ້ອງ​ວ່າ ຕິດ​ຕາມ​ຄວາມ​ຮູ້​ສຶກເຂົ້າ​ລົງ​ໄປ​ເລິກໆ ໂທ​ ອອກ​ໄປ​ຍາວໆ, ສອງ​ຢ່າງ​ນີ້​ ຈະ​ພາ​ໃຫ້​ຊີ​ວິດ​ຢູ່​ລອດ​ປອດ​ພັຍ ແລະເປັນ​ວິ​ທີ​ດຽວ​ ທີ່ຈະ​ຊ່ວຍ​ເອົາ​ພ​ຣະ​ຂຶ້ນ​ມາ​ໄດ້, ​ຂຶ້ນມາ​ຢູ່​ໃນ​ຫົວ​ໃຈ ຂຶ້ນ​ມາ​ບັນ​ຊາ​ການ ຂຶ້ນ​ມາ​ຄຸ້ມ​ຄອງ​ຊີ​ວິດ ຂຶ້ນ​ມາ​ເປັນ​ເຈົ້າ​ຂອງ​ຊີ​ວິດ, ພ​ຣະ​ຄຸ້ມ​ຄອງ​ໄດ້​ແລ້ວ ພ​ຣະ​ກໍ​ຈະ​ຊ່ວຍ ພ​ຣະ​ຢູ່​ໃນ​ເຮົາ​ເອງຈະ​ຊ່ວຍ​ເຮົາ ຊ່ວຍ​ເຮົາ​ໄດ້ ຊ່ວຍ​ເຮົາ​ໄດ້​ແທ້ໆ ເຮົາ​ທັງ​ຫລາຍ​ຈົ່ງ​ເຂົ້າ​ໃຈ​ຕາມ​ນີ້​! ເຂົ້າ​ໃຈ​ຕາມ​ນີ້​ດ້ວຍ​ເຖີດ​.

 

ວັນ​ທີ 18/07/2015,ເວ​ລາ 09:16-11:54,ໃຊ້​ເວລາ​ຈົດ​ໄວ້ 02 ຊົ່ວ​ໂມງ 22 ນາ​ທີ

​ຜູ່​ຮັບ​ຈົດ​ໄວ້​ຈາກ​ແມ່​ພ​ຣະ: ທ່ານ ຄຳ​ສອນ ຫຼັກ​ໄມ​ຕ​ຣີ​,

​ຜູ່​ຕີ​ພິມ​ໄວ້: ນາງ ແສງ​ຄຳ ຫຼັກ​ໄມ​ຕ​ຣີ​

​ໂທລະ​ສັບ​:(+856-20) 222 111 40, (856-20) 2223 5123,

E-mail: klakmaitry@gmail.com; sengkhambl@gmail.com

 

Share
comments

ສະແດງຄວາມຄິດເຫັນໃນຂ່າວນີ້


Security code
Refresh