Get Adobe Flash player

ບົດ​ຄວາມ​ໃໝ່​ສຸດ

ບຸກຄົນອອນໄລນ໌

ເຮົາມີ 25 ບຸກຄົນທົ່ວໄປ ອອນໄລນ

ເຊື່ອມຕໍ່ພວກເຮົາທີ່:

ຈຳນວນຜູ້ເຂົ້າເບິ່ງເວັບ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້257
mod_vvisit_counterມື້ວານ1689
mod_vvisit_counterອາທິດນີ້3172
mod_vvisit_counterອາທິດຜ່ານມາ4341
mod_vvisit_counterເດືອນນີ້10468
mod_vvisit_counterເດືອນຜ່ານມາ33063
mod_vvisit_counterທັງໝົດ3160487

ເຮົາມີ: 22 ບຸກຄົນທົ່ວໄປ, 1 bots ອອນໄລນ
Your IP: 54.161.82.122
 , 
ມື້ນີ້: ວັນ​ທີ 17 ສ. ຫ., 2017

ແຜນ​ທີ່​ຜູ່​ເຂົ້າ​ເບິ່ງ​ເວັບ

Locations of visitors to this page

 

ຊີວິດເປັນຂອງບໍ່ທ່ຽງ

User Rating: / 1
ບໍ່ດີເລີຍດີທີສູດ 
Share
Font size:

ຊີວິດເປັນຂອງບໍ່ທ່ຽງ

iconດາວໂຫຼດ/Download


ໃນເມື່ອມີຄວາມບໍ່ທ່ຽງ  ຈິ່ງຕ້ອງໃຫ້ຟ້າວປະຕິບັດ ການປະຕິບັດນີ້ ເປັນການຊ່ວຍເຈົ້າຂອງ ຊ່ວຍເຈົ້າຂອງໄດ້ແທ້ໆ ຊ່ວຍ ເຈົ້າຂອງໄດ້ເຕັມໆ ຖ້າວ່າປະຕິບັດໄດ້ຢ່າງພຽງພໍ; ຂໍໃຫ້ທຸກຄົນຈົ່ງເຂົ້າໃຈ ເຂົ້າໃຈບ່ອນວ່າ ຜູ່ເຮັດຕ້ອງໄດ້ ຜູ່ທຳຕ້ອງແຈ້ງ ແຈ້ງດ້ວຍ ປັນຍາເຈົ້າຂອງ ຍ້ອນວ່າຂອງຢູ່ໃນກາຍເຈົ້າຂອງ ຈະຫຼຸດໜ້ອຍຖອຍລົງ, ສຳລັບທາງຝ່າຍລົບ ສຳລັບທາງທີ່ເຈົ້າຂອງບໍ່ປາຖນາ, ຊີວິດຂອງເຮົາ ເຮົາຕ້ອງໄດ້ເອົາໃຈໃສ່ ໃຫ້ໄດ້ຢ່າງເປັນພິເສດ ຍ້ອນວ່າເຮົານີ້ ເຮົາທຸກຄົນນີ້ ມີຄວາມເກີດ ແລ້ວກໍແກ່ ແລ້ວກໍເຈັບ ແລ້ວກໍຕາຍ, ບໍ່ແມ່ນເຮົາຊິບໍ່ແກ່ ຊິບໍ່ເຈັບ ຊິບໍ່ຕາຍ, ຍ້ອນເປັນແນວນີ້ ພຣະທັມຈິ່ງຍິນດີໃຫ້ປະຕິບັດ ໃຫ້ໝັ່ນຈັດສັນເຈົ້າຂອງ ໃຫ້ໝັ່ນຜັດໝັ່ນລ້າງ ໝັ່ນຊຳລະສະສາງ. 

 

ຊີວິດເປັນຂອງບໍ່ທ່ຽງ ກໍຂໍໃຫ້ຮູ້ວ່າພຽງແຕ່ຄວາມບໍ່ທ່ຽງນີ້ ກໍຍັງໄຄ, ແຕ່ວ່າອັນນີ້ ມັນໜັກໜາສາຫັດເຫຼືອເກີນ ທັງບໍ່ທ່ຽງ ທັງເປັນ ທຸກຂ໌, ທຸກຂ໌ແລ້ວກໍບໍ່ທ່ຽງ, ບໍ່ທ່ຽງແລ້ວ ກໍຍັງເປັນຕົນເປັນໂຕໃຜບໍ່ໄດ້ ເປັນພຽງແຕ່ຮູບນາມປະກົດຂຶ້ນເທົ່ານັ້ນເອງ ຊີວິດເປັນແບບນີ້ ເພາະທຸກຄົນເປັນແບບນີ້ ເຮົາທຸກໆ ຄົນ ນຳກັນເປັນແບບນີ້ ເຮົາມີອັນໃດ ບໍ່ມີ, ເຮົາມີອັນໃດເຫຼືອກໍຕ້ອງໄດ້ຄຳຕອບວ່າ ບໍ່ມີອັນໃດ ເຫຼືອ, ເພາະວ່າຊິ້ນສ່ວນຂອງເຮົາແຕ່ລະຊິ້ນແຕ່ລະສ່ວນ ເຮົາຕ້ອງເອົາໄປເຜົາ ໃນເມື່ອເຮົາໃຈຂາດແລ້ວ ເຂົາເຜົາເຂົາຈູດເຮົາ ເຮົາເຜົາເຮົາຈູດຜູ່ອື່ນຄືກັນ, ເລື້ອງນີ້ອາດຈະເຫັນກັນຢ່າງພໍໆ ນຳກັນ ຂໍໃຫ້ເຂົ້າໃຈຖືກ ພໍໃຈປະຕິບັດ ປະຕິບັດທັມ ເພື່ອເອົາພຣະພຸທ ພຣະທັມ ພຣະສົງຄ໌ ຂຶ້ນມາໄວ້ຢູ່ໃນຫົວໃຈ ຫົວໃຈຂອງເຮົາ ຈິ່ງຊິມີພຣະຄຸ້ມຄອງຮັກສາ ຫົວໃຈຂອງເຮົາຈິ່ງຊິເປັນບຸນ ຈິ່ງຊິເປັນກຸສົນ ຈິ່ງຊິເປັນໝາກເປັນຜົນໄດ້ ໝາກຜົນ ທຸກຄົນມີ ມີຢູ່ກັບທຸກໆ ຄົນນີ້ເອງ, ຂໍໃຫ້ເຂົ້າໃຈວ່າ ເຮົາທັງຫຼາຍຕ້ອງພາກັນເຮັດເອົາ ທຳເອົາ ປູກຝັງເອົາ ປູກເອົາສິ່ງດີງາມເຂົ້າ ຝັງຄຸນງາມຄວາມດີລົງໃສ່ໂຕເຈົ້າຂອງ ຝັງໃສ່ຫົວໃຈ! ຊີວິດຂອງເຮົາ ຈິ່ງຊິລາບລື້ນດີ ຊີວິດ ຈະບໍ່ຜິດຫວັງ ຊີວິດຂ້ອນຂ້າງຈະວ່າພຽງພໍ.  ຂໍໃຫ້ທຸກຕົນທຸກຄົນ ຈົ່ງພໍໃຈເອົາເອງ ຮັກສາເອົາເອງ ປະຕິບັດເອົາເອງ ປະຕິບັດບູຊາ ຕາມຮອຍອົງຄ໌ສົມເດັດພຣະສັມມາ ສັທພຸທທະເຈົ້າຜູ້ສຳເລັດຜົນ, ຂໍໃຫ້ເຮົາທັງຫຼາຍທຸກຕົນທຸກຄົນ ຍິນດີໃນການຝຶກ ຍິນດີໃນການ ປະຕິບັດ ຍິນດີໃນການຈັດສັນເຈົ້າຂອງ ເອົາຂອງຮ້າຍອອກ ເອົາຂອງດີໄວ້ ເພີ້ມພູນຂຶ້ນໃສ່ຕໍ່ ຕໍ່ໄວ້! ຕໍ່ໃຫ້ໄດ້ຄວາມໝັ້ນຄົງ ແຂງແກ່ນທົນທານ ເພາະວ່າຂອງຮ້າຍໃນໂຕຄົນເຮົານີ້ຫຼາຍ ຕ້ອງໄດ້ຂະຫຍາຍຂອງດີອອກໄປຫຼາຍໆ ຂອງຮ້າຍຈິ່ງຊິເໝິດ ຈິ່ງຊິກ້ຽງ, ຂໍໃຫ້ຄິດວ່າ ເວລາຂອງເຮົາຍັງເຫຼືອໜ້ອຍ ຍັງເຫຼືອໜ້ອຍນຳກັນທັງເໝິດທຸກໆ ຄົນ ເຮັດແນວໃດເຮົາຈິ່ງຊິໄດ້ ຂະຫຍາຍ ຄຸນງາມຄວາມດີອອກໄປ ໃຫ້ໄດ້ຫຼາຍທີ່ສຸດ, ຂໍໃຫ້ຄິດວ່າ ມີແຕ່ການຝຶກ ການປະຕິບັດນີ້ແລ້ວ ຈະຊ່ວຍຕົ້ນຕໍໃຫ້ງອກງາມຂຶ້ນ ແລະ ໃຫ້ກວ້າງໄກອອກໄປ ພ້ອມທັງເພື່ອໃຫ້ຂະຫຍາຍຜົນ ຢ່າງລວດເລວທັນໃຈ ຊີວິດຂອງເຮົາກໍຈະມີສິ່ງແວດລ້ອມດີ ຖືວ່າເຮົາເອງ ສ້າງສິ່ງຮອງຮັບ ໃຫ້ກັບຕົວເຮົາເອງໄດ້ ແລະໃຫ້ຜູ່ອື່ນ ພ້ອມດ້ວຍມວນມະນຸດ ແລະໝູ່ສັດທັງຫຼາຍນຳກັນ ຊີວິດຂອງເຮົາກໍຖືວ່າ ຢູ່ໃນສິ່ງແວດລ້ອມອ້ອມຂ້າງດີ, ຕໍ່ໄປ ເຮົາກໍຈະມີໝາກຜົນເກັບກິນ ເພາະວ່າເຮົາໄດ້ສ້າງໄວ້ແລ້ວ ເຮົາໄປປູກໄວ້ຫຼາຍແລ້ວ ເຮົາປູກ ຂຶ້ນດີ ຕ້ອງມີແຕ່ສິ່ງດີໆ ສະໜອງຕອບເຮົາຄືນ. 

 

ຂໍໃຫ້ຄິດວ່າ ເຮົາທຳອັນໃດ ກໍຕ້ອງໄດ້ອັນນັ້ນ, ສິ່ງໃດທີ່ເຮົາທຳໄປແລ້ວ ບໍ່ໄດ້ໃນ ວັນນີ້ ກໍຕ້ອງໄດ້ໃນວັນໜ້າ, ຢ່າງໃດກໍຄືກັນ ຄວາມຄິດກໍດີ ຄວາມເວົ້າກໍດີ ການກະທຳກໍດີ ທັງສາມທາງ ຕ້ອງສະໜອງຕອບກັບ ບໍ່ມີໄປໃສ ຕ້ອງກັບມາຫາເຮົາເອງ.  ຂໍໃຫ້ຕັ້ງໃຈຝຶກ ຂໍໃຫ້ຕັ້ງໃຈປະຕິບັດ ເພື່ອເຮົາຈະຮູ້ຈັກ ຈັດສັນເອົາຂອງບໍ່ດີອອກ ເອົາຂອງ ບໍ່ດີຖິ້ມ ຈະເຫຼືອແຕ່ຂອງດີ ພະລັງນີ້ ເປັນສິ່ງສຳຄັນ ການຝຶກ ກໍຄືການສ້າງພະລັງ ເພາະວ່າມີແບບສະຫຼັບສັບຊ້ອນ ທັງສ້າງພະລັງ ທັງສ້າງສະຕິ ສ້າງເອົາສະຕິ, ສະຕິ ກໍຄືຄວາມລະນຶກໄດ້ ລະນຶກໄດ້ຖີ່ ກໍຈະໄດ້ປະໂຫຍດຫຼາຍ ນີ້ຄືການປະຕິບັດຖືກທາງ ລະນຶກໄດ້ຖີ່ໆ ຍິ່ງດີ ຢ່າງມາກມາຍຫຼວງຫຼາຍ, ຢ່າງບໍ່ມີອັນປຽບອັນປະມານ ຢາກໃຫ້ທຸກຄົນຮູ້ ແລະ ເຂົ້າໃຈໃນເລື້ອງຊື່ວ່າສະຕິ, ຜູ້ເປັນສະຕິເປັນແນວໃດ? ກໍຄືເປັນແນວແບບວ່າ ຮູ້ແລະເຂົ້າໃຈ ຮູ້ຈັກ ຮູ້ເຫັນ ຮູ້ເປັນຜູ່ບອກຜູ່ສອນໄດ້ ຮູ້ຈັກບອກ ຮູ້ຈັກສອນຄົນ ນີ້ຄືຜູ້ເປັນສະຕິ ສະຕິ ກໍຄືຜູ່ທີ່ຜ່າຕັດ ຕັດກະແສ, ກະແສທາງແນວຄິດ ແຕ່ວ່າຕ້ອງແມ່ນສະຕິບວກ ບວກກັນເຂົ້າທັງສອງຢ່າງ ກໍຄືລະນຶກ ແລ້ວຮູ້ສຶກ ຕອບຮັບກັນເຂົ້າພ້ອມກັນ ທັງສອງນີ້ ເປັນຂອງດີ ສຳລັບຊີວິດທຸກໆ ຊີວິດ, ຊີວິດໃດກໍຕາມ ຖ້າຫາກວ່າ ມີສະຕິພໍ ຊີວິດນັ້ນຈະສົມຫວັງ ເພາະວ່າຈະໄດ້ພຣະພຸທ ພຣະທັມ ພຣະສົງຄ໌ ຂຶ້ນມາຊ່ວຍ ຂຶ້ນມາຄຸ້ມຄອງຮັກສາ ຮັກສາຜູ່ເປັນພາວະ ຮ່າງກາຍ ທາດຂັນທ໌, ລະນຶກ ຮູ້ສຶກເປັນຂອງດີ ແມ່ນຂອງດີ, ພ້ອມທັງໃຈຕັ້ງໝັ້ນ ແມ່ນເປັນຂອງແທ້.  ຂໍໃຫ້ທຸກຄົນຈົ່ງຝຶກເອົາ ພາກັນຝຶກເອົາ ຝຶກເອົາເອງ ຈິ່ງຈະໄດ້ເອງ ເຮັດຕາງກັນບໍ່ໄດ້ ທຳຕາງກັນບໍ່ໄດ້ ເພາະວ່າຂອງສິ່ງນີ້ ເປັນຂອງດີຢູ່ໃນ ເປັນຂອງມີຄ່າ ແລ້ວກໍມີຄຳວ່າ ລໍ້າຄ່າ, ຂໍໃຫ້ຝຶກຕໍ່ໄປ ເພື່ອໃຫ້ໄດ້, ໄດ້ໜ້ອຍ ກໍຈະໄດ້ອາສັຍໜ້ອຍ ໄດ້ຫຼາຍ ກໍຈະໄດ້ອາສັຍຫຼາຍ ທັງສະຕິ ທັງຄວາມລະນຶກຮູ້ສຶກ ທັງຄວາມຕັ້ງໃຈໝັ້ນ ທັງຄວາມບໍ່ຜິດພາດ, 4 ຢ່າງນີ້ ພາໃຫ້ເກີດຜົນໄດ້ພາໃຫ້ໃຈດີ ເຢັນເປັນສຸຂຂຶ້ນມາໄດ້ ພາໃຫ້ໄດ້ທາງອອກ ພາໃຫ້ແຈ້ງ ພາໃຫ້ ສະຫວ່າງ ພາໃຫ້ອອກຈາກຂ້ອງຈາກຄາໄດ້ ຊີວິດຂອງເຮົາ ເຮົາຕ້ອງເຂົ້າໃຈ ໃນການ ຕັດສິນໃຈ ເຮົາຕ້ອງເຂົ້າໃຈໃນການເລືອກ, ອັນໃດຄວນເລືອກ ອັນໃດຄວນເອົາ ອັນໃດຄວນອັນໃດບໍ່ຄວນ ຕ້ອງພາກັນພິນິດ ພິຈາລະນາເອົາຫຼາຍໆ ຕ້ອງເອົາໃຈໃສ່ແບບພິເສດ ໃນການພິນິດພິຈາລະນາ, ແລ້ວກໍໄຈ້ແຍກເບິ່ງ ເບິ່ງບ່ອນວ່າ ຖ້າຄິດບໍ່ຜິດ ຖ້າ ເວົ້າບໍ່ຜິດ ຖ້າທຳບໍ່ຜິດ ຊິມີອັນໃດເກີດພິດເກີດພັຍ ຂຶ້ນມາໄດ້, ເພາະຄວາມຜິດນັ້ນແລ້ວ ໂລກໜ່ວຍນີ້ ຈິ່ງມີພິດມີພັຍ ຄວາມຜິດ ທັງຫຼາຍທັງປວງນັ້ນແລ້ວ ພາໃຫ້ໂລກນີ້ບໍ່ເປັນຕາໜ້າຢູ່ ຂໍໃຫ້ເຂົ້າໃຈນຳກັນໄວ້ຫຼາຍໆ ຂໍໃຫ້ພໍໃຈວ່າ ສາທຸ ສາທຸ ສາທຸ ນຳກັນ, ຂໍໃຫ້ພຣະທັມຜູ່ລົງມາໂປຣດເມຕຕາ ພວກຂ້ານ້ອຍ ຈົ່ງໂປຣດເມຕຕາ ພວກຂ້ານ້ອຍຕໍ່ໄປເຖີດ ພວກຂ້ານ້ອຍຍັງບໍ່ທັນຮູ້ດຽງສາ ສຳລັບທາງພຣະພຸທທະສາສນາ ຍັງອ່ອນດຽງສາຢູ່ ຂໍໃຫ້ພວກຂ້ານ້ອຍຈົ່ງແກ່ ແກ່ກ້າດ້ວຍບຸນ ດ້ວຍກຸສົນ ດ້ວຍໝາກດ້ວຍຜົນ ດ້ວຍບຸກຄົນທີ່ໃຫ້ໂອກາດ ທີ່ໃຫ້ພຣະພຸທ ພຣະທັມ ພຣະສົງຄ໌ເກີດຂຶ້ນມາໄດ້ ຂໍໃຫ້ພວກຂ້ານ້ອຍຜູ່ຝັກໄຝ່ໃນທັມ ຂອງພຣະສາສດາ ພຣະສັມມາ ສັມພຸທທະເຈົ້າ ກໍຄືຜູ່ເປັນພຣະອົງຄ໌ ເອງ ຈົ່ງໂປຣດເມຕຕາພວກຂ້ານ້ອຍ ໄດ້ດ້ວຍກັນທັງເໝິດເຖີດ.


ວັນທີ 4/10/2015, ເວລາ 06:30-07-27 ໂມງ, ໃຊ້ເວລາຈົດຂຽນໄວ້ 57 ນາທີ

ຜູ່​ຮັບ​ຈົດ​ຂຽນໄວ້ຈາກ​ແມ່​ພ​ຣະ: ທ່ານ ບຸນລື ສີລາເພັດ, ຜູ່​ຕີ​ພິມ​ໄວ້ ທ່ານ ຄຳສອນ ຫຼັກໄມຕຣີ

​ໂທລະ​ສັບ​: (+856-20) 2222 8006, (856-20) 222 111 40,

E-mail: bounlue8006@gmail.com;  klakmaitry@gmail.com;

 

Share
comments

ສະແດງຄວາມຄິດເຫັນໃນຂ່າວນີ້


Security code
Refresh