Get Adobe Flash player

ບົດ​ຄວາມ​ໃໝ່​ສຸດ

ບຸກຄົນອອນໄລນ໌

ເຮົາມີ 83 ບຸກຄົນທົ່ວໄປ ອອນໄລນ

ເຊື່ອມຕໍ່ພວກເຮົາທີ່:

ຈຳນວນຜູ້ເຂົ້າເບິ່ງເວັບ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້347
mod_vvisit_counterມື້ວານ2376
mod_vvisit_counterອາທິດນີ້347
mod_vvisit_counterອາທິດຜ່ານມາ11141
mod_vvisit_counterເດືອນນີ້31513
mod_vvisit_counterເດືອນຜ່ານມາ22135
mod_vvisit_counterທັງໝົດ3203667

ເຮົາມີ: 66 ບຸກຄົນທົ່ວໄປ ອອນໄລນ
Your IP: 54.198.52.8
 , 
ມື້ນີ້: ວັນ​ທີ 25 ກ. ຍ., 2017

ແຜນ​ທີ່​ຜູ່​ເຂົ້າ​ເບິ່ງ​ເວັບ

Locations of visitors to this page

 

ມີ​ລູກ​ ກໍ​ຕ້ອງ​ທຸກ​ຂ໌​ນຳ​ລູກ

User Rating: / 3
ບໍ່ດີເລີຍດີທີສູດ 
Share
Font size:

ມີ​ລູກ​ ກໍ​ຕ້ອງ​ທຸກ​ຂ໌​ນຳ​ລູກ

iconດາວໂຫຼດ/Download


 

ລູກ​ທັງ​ຫຼາຍ​ເອີຍ​! ຈົ່ງ​ເຂົ້າ​ໃຈ​ເລື້ອງ​ພໍ່​ກັບ​ແມ່​ແນ່​! ພໍ່​ກັບ​ແມ່​ມີ​ແຕ່​ຢາກ​ໃຫ້​ລູກ​ດີ ລູກ​ຊອບ ລູກ​ປະ​ກອບ​ຊອບ​ທັມ ພໍ່​ກັບ​ແມ່​ມີ​ແຕ່​ວິ້ງ​ວອນ ​ຂໍ​ພອນ​ຈາກ​ພຣະ​ຊ່ວຍ​ລູກ ທັງ​ທີ່​ວ່າ​ລູກ​ເກີດ​ມາ​ນຳ​ພໍ່​ນຳ​ແມ່​ແທ້ໆ ແຕ່​ພໍ່​ແມ່​ບໍ່​ສາ​ມາດ​ສັ່ງ​ສອນ​ລູກ​ໄດ້​.  ລູກ​ເອີຍ​! ຊີ​ວິດ​ພໍ່​ກັບ​ແມ່​ເໝືອນ​ຕາຍ​ທັງ​ເປັນ ລູກ​ຄິດ​ບໍ່​ວ່າ​ພໍ່​ແມ່​ຮັກ​ລູກ​ພຽງ​ໃດ ເອົາ​ໃຈ​ໃສ່​ນຳ​ລູກ ລ້ຽງ​ລູກ​ມາ​ຈົນ​ໃຫຍ່ ແຕ່​ວ່າ​ລູກ​ກັບ​ບໍ່​ເຂົ້າ​ໃຈ ພໍ່​ກັບ​ແມ່​ມີ​ແຕ່​ຄິດ ຄິດ​ແລ້ວ​ຄິດ​ອີກ ຄິດ​ແສນ​ຄິດ ທັງ​ຄິດທັງ​ທໍ​ລະ​ມານ ຢ້ານ​ລູກ​ບໍ່​ດີຢ້ານ​ລູກ​ບໍ່​ຊອບ ຢ້ານ​ລູກ​ບໍ່​ປະ​ກອບ​ຊອບ​ທັມ ຢ້ານ​ປ່ຽນ​ນິ​ສັຍ​ບໍ່​ໄດ້​

 

ລູກ​ເອີຍ​! ລູກ​ທຸກ​ຕົນ​ທຸກ​ຄົນ​ເອີຍ​! ຂໍ​ຈົ່ງ​ໄດ້​ຍິນ​ສຽງ​ພໍ່​ກັບ​ແມ່​ແນ່​! ພໍ່​ກັບ​ແມ່​ທັງ​ສອງ ຂໍ​ຮ້ອງ​ທຸກ​ວັນ​ທຸກ​ວັນ ຢາກ​ໃຫ້​ລູກ​ດີ​, ຖ້າ​ລູກ​ດີ ພໍ່​ກັບ​ແມ່​ຄື​ຊິ​ມີ​ແຕ່​ຄວາມ​ສຸ​ຂ ສຸ​ຂອັນ​ໃດ​ກໍ​ຄື​ຈະ​ບໍ່​ເໝືອນ​ປຽບ​ປານ​ລູກ​ດີ​ໄດ້ ແຕ່​ວ່າ​ພໍ່​ກັບ​ແມ່​ກໍ​ໄດ້​ແຕ່​ຄອງ​ຄອຍ ຄອງ​ຄອຍ​ລູກ ຄອງ​ຄອຍ​ວັນ​ປ່ຽນ​ນິ​ສັຍ​ຂອງ​ລູກ​.​  ລູກ​ເອີຍ​! ຫົວ​ອົກ​ຫົວ​ໃຈ​ຂອງ​ພໍ່​ແມ່ ຮູ້​ຢູ່​ບໍວ່າ​ພໍ່​ກັບ​ແມ່​ຄິດ​? ວ່າ​ພໍ່​ກັບ​ແມ່​ຫ່ວງ​ຫາ​ລູກ​? ໄຫວ້​ພຣະ​ພາ​ວະ​ນາ​ກໍ​ຄິດ​ເຫັນ​ແຕ່​ໜ້າ​ລູກທັງ​ສອງ​ ພໍ່​ກັບ​ແມ່​ກໍ​ຄື​ໆ​ກັນ​. ລູກ​ເອີຍ​! ວັນ​ນີ້​ເຈົ້າ​ສຳ​ນຶກ​ຍັງ​ບໍ່​ທັນ​ໄດ້ ວັນ​ໜ້າ​ຂໍ​ໃຫ້​ເຈົ້າ​ຈົ່ງ​ສຳ​ນຶກ​ໄດ້ ວັນ​ຕໍ່​ໄປ ຂໍ​ໃຫ້​ເຈົ້າ​ຈົ່ງ​ມີ​ແຕ່​ນິ​ສັຍ​ໃໝ່ ແລະ​ເປັນ​ຄົນ​ໃໝ່​! ໃໝ່​ສະ​ຫງົບ​ທາງ​ໃນ ໃໝ່​ແບບ​ວ່າ​ຮູ້​ເຂົ້າ​ເຖິງ ເຖິງ​ຄຸນ​ພຣະ​ພໍ່​ພຣະ​ແມ່ ວ່າ​ຫົວ​ອົກ​ຫົວ​ໃຈ​ຂອງ​ພໍ່​ກັບ​ແມ່​ເປັນ​ແນວ​ໃດ​? ກ່ອນ​ພໍ່​ກັບ​ແມ່​ຈະ​ຈາກ​ເຈົ້າ​ໄປ ຂໍ​ໃຫ້​ເຈົ້າ​ຈົ່ງ​ເຂົ້າ​ໃຈ ​ພໍ່​ກັບ​ແມ່​ຫຼາຍໆ ພໍ່​ກັບ​ແມ່ ​ຄື​ຊິ​ມີ​ແຕ່​ຄວາມ​ສຸ​ຂ.

 

ລູກ​ຍິງ​ເອີຍ​! ລູກ​ຊາຍ​ເອີຍ​! ຜູ່​ເລັກ​ຜູ່​ນ້ອຍ​ກໍ​ດີ ຜູ່​ໃຫຍ່​ກໍ​ດີ ຂໍ​ຈົ່ງ​ພາ​ກັນ​ຫັນ​ເຖີດ​! ຫັນ​ປ່ຽນ​ແນວ​ຄິດ ຫັນ​ອວ່າຍ​ອອກ ອວ່າຍ​ຊ່ວຍ​ເຈົ້າ​ຂອງ ອວ່າຍ​ຊ່ວຍ​ຜູ່​ອື່ນ ເອົາ​ຄວາມ​ດີ​ຝາກ​ຕ້ອນ​ໃຫ້​ກັນ ເອົາ​ຄວາມ​ດີ​ຝາກ​ໃຫ້​ພໍ່​ໃຫ້​ແມ່ ເອົາ​ຄວາມ​ດີ​ຝາກ​ໄວ້​ໃຫ້​ເຈົ້າ​ຂອງ ຝາກ​ນຳ​ກັນ​ທັງ​ເໝິດ​ທຸກ​ຝ່າຍ ຝ່າຍ​ໃດ​ກໍ​ຝາກ​ແຕ່​ຄວາມ​ດີ​ໃຫ້ ຢາກ​ໃຫ້​ລູກ​ຄິດ​ໄດ້​ແນວ​ນີ້ ລູກ​ຄື​ຊິ​ມີ​ແຕ່​ຄວາມ​ສຸ​ຂ ລູກ​ຄື​ຊິ​ບໍ່​ທຸກ​ຂ໌​ ເພາະ​ວ່າ​ລູກ​ທຳ​ຄວາມ​ດີ​ໄວ້ ຄວາມ​ດີ​ກໍ​ຍ່ອມ​ເປັນ​ຜົນ​ຕອບ​ແທນ​.​ ລູກ​ເອີຍ​! ເຄີຍ​ຮູ້​ຈັກ​ບໍ່ຄຸນ​ຂອງ​ຄວາມ​ດີ​? ຖ້າ​ມີ ຈະ​ໄດ້​ອາ​ສັຍ​ພັຍ​ເພິ່ງ ຈະ​ໄດ້​ອອກໄດ້​ເຂົ້າ​ງ່າຍ ໄດ້​ເຂົ້າ​ໄປ​ຫາ​ສິ່ງ​ທີ່​ເຮົາ​ພໍ​ໃຈ ໄດ້​ອອກ​ມາ​ຫາ​ສິ່ງ​ທີ່​ລູກ​ມັກ​! ລູກ​ມັກ​ອັນ​ໃດ ກໍ​ຈະ​ໄດ້​ພົບ​ໄດ້​ພໍ້​! ສິ່ງ​ດີ​ນັ້ນແລ້ວ ເປັນ​ຜົນ​ຕອບ​ແທນ​

 

ລູກ​ເອີຍ​! ຂໍ​ໃຫ້​ລູກ​ທັງ​ເໝິດ​ທຸກ​ຕົນ​ທຸກ​ຄົນ ຈົ່ງ​ສຳ​ນຶກ​! ຈົ່ງ​ຄິດ​ໄດ້​! ເຮົາ​ທຳ​ອັນ​ໃດ​ໄວ້ ຜົນ​ອັນ​ນັ້ນ​ແລ້ວ​ຈະ​ສະ​ໜອງ​ກັບ ບໍ່​ແມ່ນ​ວ່າ​ຈະ​ບໍ່​ເຫຼືອມາ​ຈາກ​ເຮົາ​ເອງ ເຮົາ​ສ້າງ​ໄວ້ ເຮົາ​ຮັກ​ສາ​ໄວ້ ຜົນ​ອັນ​ນັ້ນ​ແລ້ວຈະ​ສະໜອງ​ກັບ​ເຂົ້າ​ມາ​ຄືນ ແລະ​ພາ​ເຮົາ​ອອກ​ໄປ ເຮົາ​ຈະ​ອອກ​ກໍ​ໄດ້ ອອກ​ຈາກ​ໂລກ​ໜ່ວຍ​ນີ້ ກໍ​ຄື​ອອກ​ຈາກ​ທຸກ​ຂ໌​ ທັງ​ຫຼາຍ​ທັງ​ປວງ​ໄດ້​.  ​ລູກ​ເອີຍ​! ລູກ​ທັງ​ເໝິດ​ທຸກ​ຕົນ​ທຸກ​ຄົນ ຂໍ​ຈົ່ງ​ໃຫ້​ສຳ​ນຶກ​ໃໝ່ ສຳ​ນຶກ​ຫາ​! ບຸນ ແລະ​ບາບ​ມີ​ຈິງ ອັນ​ໃດ​ເຈົ້າ​ຂອງ​ທຳ​ໄວ້ ຕ້ອງ​ໄດ້​ເຄຼັຍ​ອອກ ໜັກ​ກໍ​ໃຫ້​ເຄຼັຍ ເບົາ​ກໍ​ໃຫ້​ເຄຼັຍ ຖ້າ​ບໍ່​ເຄຼັຍຈະ​ມີ​ແຕ່​ສູນ​ເສັຍ ເສັຍ​ໄປ​ເທື່ອ​ລະ​ເລັກ ເສັຍ​ໄປ​ເທື່ອ​ລະ​ໜ້ອຍ ຍ້ອນ​ວ່າ​ ຝ່າຍບາບ ​ຝ່າຍ​ກັມ ເປັນ​ຝ່າຍ​ພາ​ໃຫ້​ແຫ້ງ​ແລ້ງ ເປັນ​ຝ່າຍ​ພາ​ໃຫ້​ອັບ​ເສົາ ເປັນ​ຝ່າຍ​ພາ​ໃຫ້​ມີ​ແຕ່​ຄິດ ຄິດ​ແລ້ວ​ຄິດ​ອີກ ຄິດ​ຈົນ​ບໍ່​ສາ​ມາດ​ຢັບ​ຢັ້ງ​ໂຕ​ເອງ​ໄດ້​, ຊີ​ວິດ​ຂອງ​ລູກ​ແຕ່​ລະ​ຄົນ​ ຖ້າ​ມີ​ຄວາມ​ຄິດ​ແບບ​ນີ້ ຈະ​ມີ​ແຕ່​ສິ່ງ​ກີດ​ກັ້ນ ແລະ​ສິ່ງ​ບຽດ​ບຽນ ​ຫຼາຍຊີ​ວິດ​ຈະ​ບໍ່​ລາບ​ລື້ນ ຈະ​ບໍ່​ສົມ​ຫວັງ ຊີ​ວິດ​ຖືກ​ປິດ​ຍ້ອນ​ກະ​ແສ​ແນວ​ຄິດ ຍ້ອນ​ແນວ​ຄິດ​ເຈົ້າ​ຂອງ ຍ້ອນ​ຄິດ​ບໍ່​ເຖິງ ຍ້ອນ​ຄິດ​ວ່າ​ເປັນ​ເລື້ອງ​ທຳ​ມະ​ດາ​, ລູກຫຼື​ໃຜ​ກໍ​ໃຜ ກໍ​ຕ້ອງ​ຄິດ​ແນວ​ນີ້ ເພາະ​ວ່າ​ຄວາມ​ຄິດ​ມີ​ສິດ​ປຸງ​ແຕ່ງ ເຂົາ​ປຸງ​ແຕ່ງ​ໄດ້ ເຂົາ​ປຸງ​ແຕ່ງ​ເຮົາ​ໃຫ້​ຄິດ ຊີ​ວິດ​ລູກ​ຈະ​ທຸກ​ຂ໌ ເພາະ​ຄວາມ​ຄິດ​ຕະ​ຫຼອດ​ໄປ ຄວາມ​ຄິດ​ທີ່​ລູກ​ຮູ້​ບໍ່​ຖືກ ຈະ​ພາ​ໃຫ້​ລູກ​ເສື່ອມ​ເສັຍ ແລະ​ເສັຍ​ຫາຍພັງ​ທະ​ລາຍ ຈົນ​ບໍ່​ສາ​ມາດ​ແກ້​ໄຂ​ໄດ້ ຊີ​ວິດ​ຂອງ​ລູກ​ກໍ​ຈະ​ຕົກ​ເປັນ​ທາດ​ຂອງ​ຄວາມ​ຄິດ​ຕະ​ຫຼອດ​ໄປ ເພາະ​ວ່າ​ເຂົາ​ໃຫຍ່​ໂຕ ເພາະ​ເຮົາ​ຄິດ​ອອກ​ໃນ​ທາງ​ຜິດ ເຂົາ​ມີ​ສິດ​ໃຫຍ່ ​ແລ້ວກໍ​ຄອບ​ງຳ​ເອົາ​ລູກ ພໍ່​ກັບ​ແມ່​ເຫັນ​ລູກ​ໃນ​ຕໍ່​ໜ້າ ຢ້ານ​ລູກ​ບໍ່​ພົ້ນ​ບໍ່​ຫວິດ​ຈາກ​ສິ່ງ​ເຫຼົ່າ​ນີ້ ຈາກ​ນິ​ສັຍ ຈາກ​ຄວາມ​ຄິດ​ເດີມໆ​ ຂອງ​ລູກ​

 

ລູກ​ເອີຍ​! ຈົ່ງ​ຄິດ​ຈົ່ງ​ທົບ​ທວນ​ໄດ້ ທົບ​ທວນ​ໄດ້​ສ໋າ​ລູກ​! ເພື່ອ​ວັນ​ນີ້ ແລະ​ວັນ​ໜ້າ ເພື່ອ​ວັນ​ຕໍ່​ໄປ ກໍ​ຄື​ວັນ​ສິ້ນ​ໃຈ​ໄປ​ແລ້ວ ຕອນ​ນັ້ນ​ ລູກ​ຈະ​ຮູ້​ວ່າ​ອັນ​ໃດ​ເປັນ​ອັນ​ໃດ​? ທຸກ​ຂ໌​ເຖິງ​ຂະ​ໜາດ​ໃດ ເພາະ​ວ່າ​ບໍ່​ມີ​ບຸນ​ຄ້ຳ​ຊູ​ຍູ້​ໜູນ​ຂຶ້ນ ຊີ​ວິດ​ລູກ​ກໍ​ບໍ່​ຕ່າງ​ກັນ​ຫຍັງກັບ​ຕອນ​ທີ່​ຍັງ​ເປັນ​ຄົນ ຕ້ອງ​ຂັດ​ຂ້ອງ ຕ້ອງ​ຍາກຕ້ອງ​ລຳ​ບາກ ຍາກ​ຈິງໆລູກ​ເອີຍ​! ຍາກ​ແທ້ໆ ຖ້າ​ຫາກ​ວ່າ​ລູກ​ແກ້​ໄຂ​ບໍ່​ໄດ້​! ຂໍ​ຈົ່ງ​ໃຫ້​ລູກ​ທຸກ​ຄົນ​ຫັນ​ປ່ຽນ ຊ່ວຍ​ຕົນ​ເອງ​ໃຫ້​ໄດ້​ເຖິງ​ທີ່​ສຸດ​ເຖີດ​! ຢ່າ​ຄິດ​ວ່າ ຢູ່​ໄປຈະ​ດີ​ເອງ​! ຕ້ອງ​ເຂົ້າ​ໃຈວ່​າ ຢູ່​ສ້າງ​ສາ​ພັດ​ທະ​ນາ​ດີ ຈິ່ງ​ດີ​ຂຶ້ນຈິ່ງ​ດີ​ຂຶ້ນ ເພາະ​ວ່າ​ ດີ​ຢູ່​ທີ່​ຜົນງານ​

 

ວັນທີ 10/04/2016, ເວລາ 07:00-07:47 ໂມງ, ໃຊ້ເວລາຈົດຂຽນໄວ້ 47 ນາທີ

ຜູ່​ຮັບ​ຈົດ​ຂຽນແລະຕີພິມໄວ້ຈາກ​ແມ່​ພ​ຣະ ດ​ຣ. ມະ​ນີ​ສົດ ແກ້ວ​ດາ​ລາ

​ໂທລະ​ສັບ​: (+856-20) 2222 8489, E-mail: manisothk@gmail.com;

 

Share
comments

ສະແດງຄວາມຄິດເຫັນໃນຂ່າວນີ້


Security code
Refresh