Get Adobe Flash player

ບົດ​ຄວາມ​ໃໝ່​ສຸດ

ບຸກຄົນອອນໄລນ໌

ເຮົາມີ 18 ບຸກຄົນທົ່ວໄປ ອອນໄລນ

ເຊື່ອມຕໍ່ພວກເຮົາທີ່:

ຈຳນວນຜູ້ເຂົ້າເບິ່ງເວັບ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້258
mod_vvisit_counterມື້ວານ561
mod_vvisit_counterອາທິດນີ້7996
mod_vvisit_counterອາທິດຜ່ານມາ6763
mod_vvisit_counterເດືອນນີ້36419
mod_vvisit_counterເດືອນຜ່ານມາ42398
mod_vvisit_counterທັງໝົດ3250971

ເຮົາມີ: 18 ບຸກຄົນທົ່ວໄປ ອອນໄລນ
Your IP: 54.158.212.93
 , 
ມື້ນີ້: ວັນ​ທີ 22 ຕ. ລ., 2017

ແຜນ​ທີ່​ຜູ່​ເຂົ້າ​ເບິ່ງ​ເວັບ

Locations of visitors to this page

 

ຂັ້ນຕອນ ແລະ ວິທີການປະຕິບັດທັມ

User Rating: / 4
ບໍ່ດີເລີຍດີທີສູດ 
Share
Font size:

ການ​ປະ​ຕິ​ບັດ​ທັມ

ຂັ້ນ​ຕອນ​/​ວິ​ທີ​ການ

ການ​ປະ​ຕິ​ບັດ​ທັມ ແມ່ນ​ດຳ​ເນີນ​ໄປ​ທຸກໆ ວັນ ດ້ວຍ​ການ​ຝຶກ​ປະ​ຕິ​ບັດ ຕາມ​ວິ​ທີແລະ​ອິ​ຣິ​ຍະ​ບົດ​: ຢືນ ຍ່າງ ນັ່ງ ນອນ ແລະ ວິ​ທີ​ນັ່ງ​ສະ​ມາ​ທິ​ຫມູນ ບໍ​ລິ​ຫານ​ກາຍເພື່ອ​ກຳ​ຈັດ​ໂຣ​ຄ ນາໆ ຊະ​ນິດ ຕາມ​ຕາ​ຕະ​ລາງ​ລຸ່ມ​ນີ້​:

 

ຕອນ​ເຊົ້າ​:

05.00-05.45

- ໄຫວ້​ພຣະ​ເຊົ້າ

05.45-06.30

- ນັ່ງ​ສະ​ມາ​ທິ ຟັງ​ທັມ​

06.30-07.00

- ເດີນ​ຈົງ​ກົມ​

07.00-07.30

- ບໍ​ລິ​ຫານ​ກາຍ

07:40

- ຮັບ​ປະ​ທານ ອາ​ຫານ​ເຊົ້າ

 

ພາກ​ສວາຍ​:

09.00-11.00

- ຢືນ​ສະ​ມາ​ທິ ເພື່ອ​ພິ​ຈາ​ຣະ​ນາ​ກາຍ

- ເດີນ​ຈົງ​ກົມ

- ນັ່ງ​ສະ​ມາ​ທິ​ນິ້ງ ແລະ ນັ່ງ​ສະ​ມາ​ທິ​ໝູນ​ກາຍ

 

ພາກ​ບ່າຍ​:

14.00-16.30

- ຢືນ​ສະ​ມາ​ທິ ເພື່ອ​ພິ​ຈາ​ຣະ​ນາ​ກາຍ

- ເດີນ​ຈົງ​ກົມ

- ນັ່ງ​ສະ​ມາ​ທິ​ນິ້ງ ແລະ ນັ່ງ​ສະ​ມາ​ທິ​ໝູນ​ກາຍ

- ນອນ​ສະ​ມາ​ທິ ດ້ວຍ​ການ​ກຳ​ນົດ​ທີ່​ລົມ​ຫາຍ​ໃຈ ເຂົ້າ​-​ອອກ

- ກາບ​ກັມ​ມະ​ຖານ

- ເກັບ​ສະ​ຕິ (ເກັບ​ມື ເຂົ້າ​-​ອອກ ກໍາ​ນົດ​ຮູ້ ການ​ເຄື່ອນ​ໄຫວ​ຂອງ​ມື​)

 

ພາກ​ຄ່ຳ​:

18.30-19.30

 ໄຫວ້​ພຣະແລງ​

19.30-20.30

 ນັ່ງ​ສະ​ມາ​ທິ​ຟັງ​ທັມ​, ສົນ​ທະ​ນາ​ທັມ

 

ເງື່ອນ​ໄຂ ຜູ້​ປະ​ຕິ​ບັດ​:

  • - ບໍ່​ເລືອກ​ເພດ​ໄວ

  • - ບໍ່​ເລືອກ​ຊັ້ນ​ວັນ​ນະ

  • - ບໍ່​ເລືອກ​ຊາດ​ສາ​ສະ​ຫນາ

 


ກົດ​ລະ​ບຽບ​ຂອງ​ສູນ​ປະ​ຕິ​ບັດ​ທັມ​ຫຼັກ 38

 

ສຳ​ລັບ​ຜູ້​ເຂົ້າ​ມາ​ປະ​ຕິ​ບັດ​ທັມ ຕ້ອງ​ປະ​ຕິ​ບັດ​ຕາມ​​ດັ່ງ​ນີ້​:

 

1.

ຕ້ອງ​ຕື່ນ​ນອນ ​ແລະ ​ອາບ​ນ້ຳ​ສຳ​ລະ​ຮ່າງ​ກາຍ​ເຈົ້າ​ຂອງ​ໃຫ້​ຮຽບ​ຮ້ອຍ ມ້ຽນ​ທີ່​ນອນ​​ເປັນ​ລະ​ບຽບ ​​ຂຶ້ນ​ສາ​ລາ​ທັນ​ເວລາ​, ສຳ​ລັບ​ຜູ້​ເຂົ້າ​ເຄັ່ງ​ປິດ​ວາ​ຈາ ຕ້ອງ​ໃຫ້​ແລ້ວ​ກ່ອນ 04:30 ໂມງ​.

2.

ຕ້ອງ​ນຸ່ງ​ເຄື່ອງ​ສຸ​ພາບ​ຮຽບ​ຮ້ອຍ ​ ສໍາ​ລັບ​ຜູ່​ຍິງ ​​ໃຫ້​ນຸ່ງ​ສິ້ນ​ມີ​ຕີນ ບ່ຽງ​ແພ​ພ້ອມ (ບໍ່​ໃຫ້​ນຸ່ງ​ເສື້ອ​ແຂນ​ກິ້ນ ຫຼື​ບາງ​ຈົນ​ເກີນ​ໄປ​), ຜູ້​ຊາຍ​ຫ້າມ​ນຸ່ງ​ໂສ້ງ​ຂາ​ສັ້ນ​ເກີນ​ຫົວ​ເຂົ່າ ​ແລະ ​ເສື້ອ​ກ້າມ​, ທັງ​ຍິງ ທັງ​ຊາຍ ​ເຄື່ອງ​ນຸ່ງ​ຕ້ອງ​ໃຫ້​ສະ​ອາດ ບໍ່​ໃຫ້​ມີ​ກິ່ນ​ເໝັນ​.

3.

ຫ້າມ​ເລີກ​ກ່ອນ​ໂມງ​ ໃນ​ເວລາ​ປະ​ຕິ​ບັດ​ທັມ ຖ້າ​ບໍ່​ຈຳ​ເປັນ​, ຖ້າ​ໄປ​ຫ້ອງ​ນ້ຳ ​ຕ້ອງ​ຟ້າວ​ກັບ​ມາ​.

4.

​ໃນ​ກໍ​ລະ​ນີ​ເຈັບ​ປວດ ​ເປັນ​ໄຂ້ ​ແລະ ​ອາ​ການ​ອື່ນໆ ທີ່​ເກີດ​ຂຶ້ນ​ໃນ​ຊ່ວງ​ໄລ​ຍະ​ປະ​ຕິ​ບັດ​ທັມ ກໍ​ຕ້ອງ​ອົດ​ທົນ ອົດ​ກັ້ນ ຂຶ້ນ​ສາ​ລາ​ປະ​ຕິ​ບັດ ເພື່ອ​ຊ່ວຍ​ຜັດ​ຊ່ວຍ​ລ້າງ​ເອົາ​ເຈົ້າ​ຂອງ​.

5.

ຕ້ອງ​ຢູ່​ປະ​ຕິ​ບັດ​ທັມ​ໃຫ້​ຄົບ​ຕາມ​ກໍາ​ນົດ​ເວລາ​ທີ່​ພຣະ​ຈັດ​ໃຫ້​, ຖ້າ​ປະ​ຕິ​ບັດ​ທັມ​ຄົບ​ກໍາ​ນົດ​ມື້​ແລ້ວ ຫາກ​ມີ​ສັທ​ທາ​ຈະ​ຢູ່​ປະ​ຕິ​ບັດ​ຕໍ່​ໄປ​ອີກ ຕ້ອງ​ຂໍ​ອະ​ນຸ​ຍາດ​ໃໝ່ ບໍ່​ໃຫ້​ຢູ່​ຕາມ​ໃຈ ຕ້ອງ​ເອົາ​ໃຈ​ໃສ່​ຝຶກ​ເຈົ້າ​ຂອງ ເພື່ອ​ຊ່ວຍ​ເອົາ​ເຈົ້າ​ຂອງ​ໃຫ້​ມີ​ສະ​ຕິ​ຖີ່ໆ​ເຂົ້າ​.

6.

ຫ້າມ​ໃຊ້​ສຽງ​ດັງ ຕ້ອງ​ສໍາ​ລວມ​ຫຼາຍໆ ໃຫ້​ຄ່ອຍ​ປາກ​ຄ່ອຍ​ເວົ້າ​, ເວລາ​ຢູ່​ສາ​ລາ ​ຫ້າມ​ເປີດ​ໂທລະ​ສັບ ຖ້າ​ຈຳ​ເປັນ​ໃຫ້ໃຊ້​ການ​ແຈ້ງ​ເຕືອນແບບ​ສັ່ນ​ສະ​ເທືອນ​ເອົາ​, ຫ້າມ​ລົມ​ໂທລະ​ສັບ ຫຼື ຫຼິ້ນ​ໂທລະ​ສັບ​ໃນ​ເວລາ​ປະ​ຕິ​ບັດ​ທັມ​, ຖ້າ​ເຈົ້າ​ໜ້າ​ທີ່​ຂອງ​ສູນ​ພົບ​ເຫັນ​ ຈະ​ໄດ້​ຢຶດ​ໂທລະ​ສັບ​ໄວ້ ຈົນ​ກວ່າ​ປະ​ຕິ​ບັດ​ທັມ​ຈົບ​ແລ້ວ ​ຈຶ່ງ​ຈະ​ສົ່ງ​ຄືນ​!

7.

ຫ້າມ​ນໍາ​ໃຊ້​ຖົງ​ຢາງ “ກ໊ອບ​ແກ໋ບ​” ຢູ່​ສາ​ລາ​ ເພາະ​ຈະ​ສົ່ງ​ສຽງ​ດັງ​ລົບ​ກວນ​ສະ​ມາ​ທິ​ຄົນ​ອື່ນ!

8.

ຫ້າມ​ເອົາ​ອາ​ຫານ​ໄປ​ກິນ​ຢູ່​ທີ່​ພັກ ຍົກ​ເວັ້ນ​ແຕ່​ຜູ່​ທີ່​ເຈັບ​ປ່ວຍ​.

9.

ໃນ​ກໍ​ລະ​ນີ​ທີ່​ເອົາ ຖ້ວຍ​, ບ່ວງ​, ຈອກ ແລະ ພາ​ຊະ​ນະ​ອື່ນໆ​ອອກ​ໄປ​ຈາກ​ຫໍ​ອາ​ຫານ ຕ້ອງ​ເອົາ​ມາ​ມ້ຽນ​ບ່ອນ​ເກົ່າ ຫ້າມ​ເອົາ​ໄວ້​ໃນ​ທີ່​ພັກ​, ກ່ອນ​ຈະ​ເອົາ​ໄປ​ສົ່ງ​ຄືນ​ ຕ້ອງ​ລ້າງ​ພາ​ຊະ​ນະ​ເຫຼົ່າ​ນັ້ນ​ໃຫ້​ສະ​ອາດ​ກ່ອນ​.

10.

ເວລາ 21​:30 ໂມງ (09 ໂມງ 30 ນາ​ທີ​) ຕ້ອງ​ກັບ​ເຂົ້າ​ທີ່​ພັກ​ເຈົ້າ​ຂອງ​, ຫ້າມ​ກິນ​ອາ​ຫານ​ໃນ​ຕອນ​ເດິກ ບໍ່​ເປັນ​ສິ່ງ​ດີ​ໃຫ້​ແກ່​ຕົນ​ເອງ ແລະ ທັງ​ລົບ​ກວນ​ຜູ່​ອື່ນ​ອີກ​!

11.

ກ່ອນ​ນອນ​ຕ້ອງ​ກາບ 05 ຄັ້ງ ຂໍ​ຂະ​ມາ​ໂທດ​ໃນ​ສິ່ງ​ທີ່​ຕົນ​ໄດ້​ກະ​ທໍາ​ຜິດ​ໃນ​ທີ່​ຜ່ານ​ມາ (ຕ້ອງ​ສໍາ​ນຶກ​ຫາ​ຄວາມ​ຜິດ​ດ້ວຍ​ຕົວ​ເອງ ທັງ​ການ​ເຮັດ​ຜິດ ທາງ​ກາຍ ທາງ​ການ​ເວົ້າ ທາງ​ການ​ຄິດ​) ແລະ​ແຜ່​ບຸນ​ກ່ອນ​ຈິ່ງ​ນອນ​.

12.

ຫ້າມ​ນໍາ​ເອົາ​​ເຄື່ອງ​ມຶນ​ເມົາ ​ແລະ​ສິ່ງ​ເສບ​ຕິດ​ທຸກ​ປະ​ເພດ ​ເຂົ້າ​ມາ​ຂາຍ ມາ​ສູບ ມາ​ເສບ ມາ​ກິນ ມາ​ດື່ມ​ຢ່າງ​ເດັດ​ຂາດ​!

13.

ທຸກ​ຄົນ​ທີ່​​ເຂົ້າ​ມາ​ສຶກ​ສາ ມາ​ຝຶກ​ປະ​ຕິ​ບັດ ຕ້ອງ​ເຄົາ​ລົບ​ສະ​ຖານ​ທີ່ ຕ້ອງ​ປະ​ຕິ​ບັດ​ຕາມ​ກົດ​ລະ​ບຽບ ຕ້ອງ​ເຄົາ​ຣົບ ຄູ​ບາ ອາ​ຈານ ​ແລະ ການ​ຈັດ​ຕັ້ງ​ຂອງ​ສູນ​.

14.

​ໃນ​ໄລ​ຍະ​ເວລາ​ຝຶກ​ປະ​ຕິ​ບັດ​​ທີ່​ທາງ​ສູນ​ກໍາ​ນົດ​ໃຫ້ ຫ້າມ​ນັກ​ປະ​ຕິ​ບັດ​ອອກ​ນອກ​ສູນ​,​ ແຕ່​ຖ້າ​ມີ​ຄວາມ​ຈໍາ​ເປັນ ໃຫ້​ຂໍ​ອະ​ນຸ​ຍາດ​ນໍາ​ຄະ​ນະ​ຢູ່​ຫ້ອງ​ການ​ກ່ອນ ​ໂດຍ​ສະ​ເພາະ​ຍາມ​ກາງ​ຄືນ ຫ້າມ​ອອກ​ນອກ​ສູນ​ຢ່າງ​ເດັດ​ຂາດ​!

 

ໝາຍ​ເຫດ​:

ທຸກ​ທ່ານ​ທີ່​ມີ​ຈຸດ​ປະ​ສົງ​ຈະ​ເຂົ້າ​ມາ​ປະ​ຕິ​ບັດ​ທັມ ຂໍ​ໃຫ້​ສຶກ​ສາ​ລະ​ບຽບ​ຂອງ​ສູນ​ເພື່ອ​ທໍາ​ຄວາມ​ເຂົ້າ​ໃຈ​ກ່ອນ​.


ຕາ​ຕະ​ລາງ​ການ​ປະ​ຕິ​ບັດ​ປະ​ຈຳ​ວັນ

 

ພາກ​ເຊົ້າ​: ເລີ້ມ​ແຕ່​ເວລາ 05:00-07:30 ໂມງ (ລວມ 2 ຊົ່ວ​ໂມງ 40 ນາ​ທີ​)

 

05.00

ໄຫວ້​ພຣະເຊົ້າ​, ຈາກ​ນັ້ນ​ມີ​ການ​ນັ່ງ​ສະ​ມາ​ທິ ພິ​ຈາ​ຣະ​ນາ​ລົມ​ຫາຍ​ໃຈ​ ເຂົ້າ​-​ອອກ​, ເຂົ້າ​ຍາວ​ໃຫ້​ຮູ້ ອອກ​ຍາວ​ໃຫ້​ຮູ້​, ເຂົ້າ​ສັ້ນ​ໃຫ້​ຮູ້ ອອກ​ສັ້ນ​ກໍ່​ໃຫ້​ຮູ້ ປະ​ມານ 10 ນາ​ທີ​, ຈາກ​ນັ້ນ ນັ່ງ​ສະ​ມາ​ທິ​ໝູນ​ກາຍ ເຫັນ​ກາຍ​ເຄື່ອນ​ໄຫວໝູນ​ເປັນ​ຮອບ​ວົງ​ກົມ​, ຮອບ​ກວ້າງ​ກໍ​ຮູ້  ຮອບ​ແຄບ​ກໍ​ຮູ້ ແລ້ວ​ລະ​ນຶກ​ຮູ້​ໃສ່​ກາງ​ຫົວ​ໃຈ ພ້ອມ​ທັງ​ຟັງ​ທັມ​ໄປ​ພ້ອມ ຈົນ​ຮອດ​ເວລາ 06.30 ໂມງ

06.30

ອອກ​ເດີນ​ຈົງ​ກົມ​ປະ​ມານ 30 ນາ​ທີ​

07:00

​ບໍລິ​ຫານ​ກາຍ​ແບບ​ກຳ​ນົດ​ສະ​ຕິ​ໄປ​ພ້ອມ ປະ​ມານ 20 ນາ​ທີ​; ຫລັງ​ຈາກ​ແອບ​ກາຍ​ສຳ​ເລັດ ​ກໍ​ແຜ່​ບຸນ​ໃຫ້​ແກ່​ສັພ​ພະ​ສັດ​ທັງ​ປວງ​, ແລ້ວ​ກໍ່​ກຳ​ນົດ​ສະ​ຕິ​ຮູ້​ໃສ່​ບາດ​ກ້າວ​ຂອງ​ຕີນ ເພື່ອ​ເຂົ້າ​ໄປ​ສູ່​ສາ​ລາ ເວລາ​ເມື່ອ​ຮອດ​ທີ່​ນັ່ງ​ຂອງ​ໃຜ​ລາວ ກໍ່​ແມ່ນ​ສະ​ມາ​ທິ​ຢືນ ເພື່ອ​ພິ​ຈາ​ຣະ​ນາ​ກາຍ ໃຫ້​ຮູ້​ກາຍ​ໂຕ​ເອງ​ກຳ​ລັງ​ຢືນ​ຢູ່ ເຫັນ​ກາຍເປັນ​ຂອງ​ບໍ່​ສະ​ອາດ​ບໍ່​ງາມ ປະ​ມານ 05 ນາ​ທີ ແລ້ວ​ຈິ່ງ​ກຳ​ນົດ​ກາຍ​ນັ່ງ​ລົງ 07 ຂັ້ນ​ຕອນ​; ຫລັງ​ຈາກ​ນັ້ນ ແມ່ນ​ແຜ່​ເມດ​ຕາ​ຫຍໍ້ ແລະ​ກາບ 05 ຄັ້ງ

07.40

ຮັບ​ປະ​ທານ​ອາ​ຫານ​ເຊົ້າ

 

ພາກ​ສວາຍ​: ເລີ້ມ​ແຕ່​ເວລາ 09:00-11:00 ໂມງ (ລວມ 2 ຊົ່ວ​ໂມງ​)

09.00

ເລີ້ມ​ຕົ້ນ​ແມ່ນ​ການ​ຢືນ​ສະ​ມາ​ທິ ເພື່ອ​ພິ​ຈາ​ຣະ​ນາ​ກາຍ ໃຫ້​ເຫັນ​ກາຍ​ໂຕ​ເອງ​ກຳ​ລັງ​ຢືນ​ຢູ່ ດ້ວຍ​ຕາ​ໃນ ພິ​ຈາ​ຣະ​ນາ​ກາຍ ເຫັນ​ກາຍ​ເປັນ​ຂອງ​ບໍ່​ສະ​ອາດ​ບໍ່​ງາມ ປະ​ມານ 25 ນາ​ທີ​, ແລ້ວ​ພັກ​ຜ່ອນ 05 ນາ​ທີ​.  ເດີນ​ຈົງ​ກົມ 25 ນາ​ທີ​, ແລ້ວ​ພັກ​ຜ່ອນ 05 ນາ​ທີ​.  ນັ່ງ​ສະ​ມາ​ທິ​ນິ້ງ ແລະ ນັ່ງ​ສະ​ມາ​ທິ​ໝູນ​ກາຍ ປະ​ມານ 01 ຊົ່ວ​ໂມງ

11.00

ແຜ່​ເມດ​ຕາ​ຫຍໍ້​, ກາບ 05 ຄັ້ງ ແລ້ວ​ຈົບ​ພາກ​ສວາຍ ແລະພັກ​ຜ່ອນ ຮັບ​ປະ​ທານ​ອາ​ຫານ​ທ່ຽງ

 

ພາກ​ບ່າຍ​: ເລີ້ມ​ແຕ່​ເວລາ 14:00-16:30 ໂມງ (ລວມ 2.30 ຊົ່ວ​ໂມງ​)

14.00

ເລີ້ມ​ຕົ້ນ​ແມ່ນ​ການ​ຢືນ​ສະ​ມາ​ທິ ເພື່ອ​ພິ​ຈາ​ຣະ​ນາ​ກາຍ ໃຫ້​ເຫັນ​ກາຍ​ໂຕ​ເອງ​ກຳ​ລັງ​ຢືນ​ຢູ່​ເຫັນ​ດ້ວຍ​ຕາ​ໃນ ພິ​ຈາ​ຣະ​ນາ​ກາຍ ເຫັນ​ກາຍ​ເປັນ​ຂອງ​ບໍ່​ສະ​ອາດ​ບໍ່​ງາມ ປະ​ມານ 25 ນາ​ທີ​, ແລ້ວ​ພັກ​ຜ່ອນ 05 ນາ​ທີ​.

14.30

ເດີນ​ຈົງ​ກົມ 25 ນາ​ທີ​, ແລ້ວ​ພັກ​ຜ່ອນ 05 ນາ​ທີ​.

15.00

ນັ່ງ​ສະ​ມາ​ທິ​ນິ້ງ ແລະ ນັ່ງ​ສະ​ມາ​ທິ​ໝູນ​ກາຍ​

15.35

ນອນ​ສະ​ມາ​ທິ ດ້ວຍ​ການ​ກຳ​ນົດ​ທີ່​ລົມ​ຫາຍ​ໃຈ ເຂົ້າ​-​ອອກ ຫາຍ​ໃຈ​ເຂົ້າ ບໍ່​ຫາຍ​ໃຈ​ອອກ ຕາຍ​ໜໍ​, ຫາຍ​ໃຈ​ອອກ ບໍ່​ຫາຍ​ໃຈ​ເຂົ້າ ກໍ​ຕາຍ​ໜໍ ພິ​ຈາ​ຣະ​ນາ​ກາຍ ເຫັນ​ກາຍ​ຕາຍ ຕາຍ​ມື້​ທີ​ນຶ່ງ ສະ​ພາບ​ສົບ​ເປັນ​ແນວ​ໃດ​? ມື້​ທີ​ສອງ ແລະ ມື້​ທີ​ສາມ ສະ​ພາບ​ສົບ​ຈະ​ປ່ຽນ​ແປງ​ເປັນ​ແນວ​ໃດ​?

16.00

ກາບ​ກັມ​ມະ​ຖານ

16.15

ເກັບ​ສະ​ຕິ (ເກັບ​ມື ເຂົ້າ​-​ອອກ ກໍາ​ນົດ​ຮູ້ ການ​ເຄື່ອນ​ໄຫວ​ຂອງ​ມື​)

16.30

ແຜ່​ເມດ​ຕາ​ຫຍໍ້​, ກາບ 05 ຄັ້ງແລ້ວ​ຈົບ​ພາກ​ບ່າຍ ເພື່ອພັກ​ຜ່ອນ ຮັບ​ປະ​ທານ​ອາ​ຫານ​ແລງ

 

 

ພາກ​ຄ່ຳ​: ເລີ້ມ​ແຕ່​ເວລາ 18:30-20:30 ໂມງ (ລວມ 2 ຊົ່ວ​ໂມງ 30 ນາ​ທີ)

18.30

ໄຫວ້​ພຣະ​ແລງ ສັນ​ລະ​ເສີນ ພຸ​ທ​ທະ​ຄຸນ​, ທັມ​ມະ​ຄຸນ​, ສັງ​ຄະ​ຄຸນ ແລະ ບົດ​ສູດ​ພິ​ເສດ​ຫລາຍ​ບົດ ທັງ​ພາ​ສາ​ບາ​ລີ ແລະ ພາ​ສາ​ລາວ ເພື່ອ​ຄວາມ​ເຂົ້າ​ໃຈ​ແຈ່ມ​ແຈ້ງ​ ໃນ​ສັຈ​ຈະ​ທັມ​ຄຳ​ສອນ ຂອງ​ອົງ​ຄ໌​ສົມ​ເດັດ​ພຣະ​ສັມ​ມາ​ສັມ​ພຸ​ທ​ທະ​ເຈົ້າ​, ຫລັງ​ຈາກ​ໄຫວ້​ພຣະ​ແລ້ວ ກໍ​ແຜ່​ບຸນ​ໃຫ້​ເຈົ້າ​ສັທ​ທາ​ທັງ​ຫລາຍ​, ຈາກ​ນັ້ນ ນັ່ງ​ສະ​ມາ​ທິ​ນິ້ງ ປະ​ມານ 10 ນາ​ທີ ແລ້ວ​ກໍ​ນັ່ງ​ສະ​ມາ​ທິ​ໝູນ ພ້ອມ​ທັງ​ຟັງ​ທັມ​ມະ​ໄປ​ນຳ

20.30

ຈົບ​ການ​ປະ​ຕິ​ບັດ​ປະ​ຈຳ​ວັນ ແລ້ວ​ພັກ​ຜ່ອນ​ເຂົ້າ​ນອນ​.

 

Share
comments

ສະແດງຄວາມຄິດເຫັນໃນຂ່າວນີ້


Security code
Refresh